Month: January 2021

Сонгинохайрхан дүүргийн 22 дугаар хорооны нутаг дэвсгэр 0151 дүгээр цэргийн ангийн хойд замд 2021 оны нэгдүгээр сарын 12-ны 01:00 цагийн орчимд Toyota prius маркийн автомашин Hino Ranger маркийн автомашинтай мөргөлдсөн ноцтой осол гарчээ. Ослын улмаас Toyota prius маркийн автомашины жолооч, зорчигч нарын 2 хүний амь нас хохирсон байна.

Иймд иргэд жолооч та бүхэн Замын хөдөлгөөний дүрмээ чанд мөрдөн, аюулгүй байдлаа ханган хөдөлгөөнд оролцохыг анхааруулъя хэмээн Тээврийн цагдаагийн албанаас мэдээллээ.

Монгол Улсын Үндсэн хуулийн цэцийн дунд суудлын хуралдаан 2021 оны нэгдүгээр сарын 20-ны өдөр болох бөгөөд Эх, олон хүүхэдтэй өрх толгойлсон эх, эцэгт тэтгэмж олгох тухай хуулийн 1 дүгээр зүйлийн 1.1 дэх хэсэг, 3 дугаар зүйлийн 3.1.3 дахь заалт, 6 дугаар зүйлийн 6.2 дахь хэсэг Үндсэн хуулийн холбогдох заалтыг зөрчсөн эсэх тухай маргааныг хянан хэлэлцэхээр товлосон байна.

УИХ-ын гишүүн С.Одонтуяа БНСУ-д гацсан иргэддээ яаралтай туслахыг шаардаж, Шадар сайд, УОК-ын дарга Я.Содбаатарт шаардлага хүргүүлжээ.

Тус мэдэгдлийн хариуд Шадар сайд Я.Содбаатар энэ сарын 15-нд Улаанбаатар-Сөүл-Улаанбаатар чиглэлд тусгай үүргийн нислэг үйлдэж, иргэдээ татан авахаар ажиллаж байна гэж мэдэгджээ.

Мөн Гадаад харилцааны яам, Монгол Улсаас Бүгд Найрамдах Солонгос Улсад суугаа Элчин сайдын яаманд тухайн улсад байгаа иргэддээ тусалж, шаардлагатай хүмүүст санхүүгийн дэмжлэг үзүүлэх талаар чиглэл өгчээ.

Өнөөдөр 05:32 Хөвсгөл аймгийн Ханх сумаас баруун урагш 26 км-т төвтэй 6,5 магнитудын газар хөдлөлт цагт болсон талаар мэдээлсэн билээ. Хөвсгөл аймгийн Одон орон геофизикийн станцийн мэдээллээр газар хөдлөлтийн чичиргээ Хөвсгөл, Булган, Эрдэнэт, Төв, Завхан аймгуудад болон ОХУ-ын хил залгаа хотуудад мэдрэгджээ. Энэ талаар Хөвсгөл аймгийн Засаг дарга Ш.Идэрбаясгалан мэдээлэхдээ, “Ханх суманд 30 орчим удаагийн чичирхийлэл нэг цагийн турш мэдрэгдсэн. Сумын Засаг даргын мэдээллээр хүний амь нас хохироогүй. Байшин барилгын шавар нурсан, цуурсан гэсэн. Иргэдийн хувьд айдаст автсан учир сумын Засаг даргатай хэлэлцэн Ханх сумын иргэдийг тайван байлгахаар өнөөдөр ажиллуулахгүй байхаар шийдвэрлэсэн” гэлээ.

“Нэгдүгээр сарын 11-ний өдөр 15849 хүнд PCR шинжилгээ хийхэд Улаанбаатарт 14 хүнд коронавирус илэрлээ.

Баянзүрх дүүргийн Нэгдсэн эмнэлэг, Баянгол дүүргийн 6-р хорооны зургаан иргэн, ИНЕГ-ын ажилтны хавьтал болсон нэг хүнээс коронавирус илэрлээ.

Сэлэнгэ аймгийн нэгдсэн эмнэлэгт эмчлүүлж байсан долоон хүнд эдгэрч, эмнэлгээс гарлаа. Сэлэнгэ аймагт одоо халдвартай хүн байхгүй. Тус аймагт өдөр бүр 100-150 хүнд шинжилгээ хийж байгаа бөгөөд халдвар илрээгүй. Сэлэнгэ аймгийн голомт үндсэндээ хяналтад орлоо” хэмээн ХӨСҮТ-ийн Тандалт судалгааны албаны дарга А.Амбасэлмаа мэдээлэв.

Монгол Улсын хэмжээнд 1456 хүн халдвар авснаас 909 хүн эдгэрлээ.

Улаанбаатар хотын агаарын чанарын үзүүлэлтээр өглөөний 08:00 цагийн байдлаар Монгол газар буюу Баянгол дүүргийн 20 дугаар хороо, цахилгаан станц орчимд “Маш их бохирдолтой” буюу 433 хэмээх үзүүлэлт зааж байна.

Агаарын чанарын индекс 401-500 байх үед “Зүрх, уушгины архаг өвчтэй болон өндөр настай хүмүүс, хүүхдүүд гадаа биеийн хүчний ямар ч төрлийн ажил хийхээс зайлсхийх хэрэгтэй. Цэвэр агаарт салхинд гарах, àрхаг хууч өвчтэй хүмүүс даралтаа тогтмол хянах, эмчийн хяналтад байх, эмийг хугацаанд нь уух шаардлагатай” хэмээн зөвлөдөг. Мөн Баянхошуу орчимд агаарын чанарын индекс 273 буюу “Бохирдолтой” гэх утгыг зааж байна.

Улаанбаатар хотод өнөөдөр үүлэрхэг, цас орж, цасан шуурга шуурна. Салхи баруун хойноос 6-11 м/с, зарим үед 14-16 м/с хүрч ширүүсэж 13-15 градус хүйтэн байна.

Үндэсний их баяр наадмын тухай хуулийн 8 дугаар зүйлийн 8.3, 8.6 дэх зүйлд заасны дагуу Монгол Улсын алдарт, манлай, тод манлай уяач цолны болзол хангасан уяачдын материалыг өчигдрөөс авч эхэлжээ.

Тус материалыг энэ сарын 25 хүртэл ММСУХ-ны ажлын албанд хүлээн авч байгаа аж. Иймд цолны материал ирүүлэх иргэдийг улсын цол хүртэх, одон медалиар шагнуулах анкет, улсын баяр наадмын болон Засгийн газрын шийдвэрээр хийж байгаа шигшмэл, бүсийн уралдааны хурдан морины уралдаанд хурдан морь нь ямар амжилт гаргасан болохыг он цагийн дарааллаар жагсаан бичих шаардлагатай юм байна.

Мөн түрүүлж, айрагдсан морьдынхоо өргөмжлөлийг нотариатаар батлуулж ирүүлэх аж