Month: January 2021

Мэргэжлийн хяналтын байгууллагын нийт 2135 албан хаагч МХЕГ, НМХГ, 21 аймгийн Мэргэжлийн хяналтын газар, Хилийн боомтуудад Шуурхай штаб болон эргүүл хяналт, тандалт хийн ажиллаж байна.

ХАЛДВАРГҮЙТГЭЛ: Өнгөрсөн 24 цагийн (2021.01.12-ны 06:00 цагаас 2021.01.13-ны 06:00 цаг хүртэл) хугацаанд улсын хэмжээнд 32,800 м2 талбайд хийгдсэн урьдчилан сэргийлэх халдваргүйжүүлэлт, 24 объектын 7633 м2 талбайд хийгдсэн голомтын эцсийн ариутгал халдваргүйтгэлийн үйл ажиллагаанд хяналт тавьж, мэргэжил арга зүйгээр хангаж ажиллав.

ТУСГААРЛАН АЖИГЛАХ БАЙР: Улсын хэмжээнд 42 байранд 1283 хүн тусгаарлан ажиглаглалтад байна. 2021 оны нэгдүгээр сарын 12-ны өдөр 533 иргэний гэрийн ажиглалтын хугацаа дуусчээ.

ЭРҮҮЛ МЭНДИЙН БАЙГУУЛЛАГЫН БЭЛЭН БАЙДАЛ: Эрүүл мэндийн байгууллагуудын бэлэн байдлын хяналт шалгалтыг 4 эмнэлэгт хийж, эмнэлгийн тусламж үйлчилгээтэй холбоотой зохион байгуулалтын болон хувийн хамгаалах хэрэгсэл, халдваргүйтгэлийн бодис, эм, эмнэлгийн хэрэгслийн тоног төхөөрөмжийн хангамж дутагдалтай, тусгаарлах өрөөгүй зэрэг зөрчлийг илрүүлэн албан шаардлага, зөвлөмж өгч зөрчлийг арилгуулах арга хэмжээ авав. /Хэнтий, Өвөрхангай, Дундговь, Архангай/

АХУЙН БОЛОН АЮУЛТАЙ ХОГ ХАЯГДАЛ: 100 объектын ахуйн хог хаягдлын цуглуулалт, тээвэрлэлт, устгалын байдал, 1022 байгууллага, аж ахуйн нэгж гадна орчны 50 м хүртэлх газрын цэвэрлэгээ хийсэн эсэхэд хяналт шалгалт хийж зөвлөмж өглөө.

Улаанбаатар хотын эрүүл мэндийн байгууллагын аюултай хог хаягдал устгалын төвлөрсөн байгууламжууд болох Элемент ХХК, Элемент медикал ХХК-иудад 2021 оны 01 дүгээр сарын 12-ны өдрийн байдлаар 172 эмнэлэг, эм хангамжийн байгууллага, 8 тусгаарлан ажиглах байр, 30 түргэвчилсэн оношилгооны цэг, Буянт-Ухаа боомт дахь ХМХА-наас 6390,6 кг хог хаягдал тээвэрлэж, цуглуулсан байна. Цуглуулсан 6390,6 кг хогийг устгасанаас 3945 кг хогийг халдваргүйжүүлсний дараа булж, 2445,6 кг хог хаягдлыг шатаах зууханд шатааж устгасан байна.

ХЯЗГААРЛАЛТ, ХАЛДВАР ХАМГААЛЛЫН ДЭГЛЭМИЙН ХЭРЭГЖИЛТ: УОК, НОК, АОК-ийн шийдвэрийн дагуу үйл ажиллагааг нь хориглож, хязгаарласан 63 байгууллагад хяналт хийж, илэрсэн зөрчлийг арилгуулах арга хэмжээ авсан.

Үйл ажиллагааг нь хориглоогүй худалдаа үйлчилгээний 1823 аж ахуйн нэгжийн үйл ажиллагаанд хяналт тавьж илэрч буй зөрчлийг арилгуулах, халдвараас урьдчилан сэргийлэх талаар зөвлөмж өглөө. Хяналт шалгалтад хамрагдсан байгууллагын 278 нь үйлчлүүлэгч, ажиллагсдын бие засах, гар угаах нөхцлийг бүрдүүлсэн, 474 нь хүн хоорондын зай барих шаардлагын хэрэгжилтийг хангуулсан байна.

ХИЛИЙН БООМТ, ГҮНИЙ ХЯНАЛТ: Улсын хилээр нэвтрэн орсон 960 тээврийн хэрэгсэл, 874 жолооч, хилээр гарсан 970 тээврийн хэрэгсэл, 872 жолооч, зорчигчид хяналт шалгалт хийж, тээврийн хэрэгслийг халдваргүйжүүлэлтэд хамруулан халдвараас сэргийлж ажиллалаа. Жолооч нарт халдварын шинж тэмдэг илрээгүй байна.

Улаанбаатар хот дахь гүний хяналтын бүсэд 46 аж ахуйн нэгжийн 3759.06 тн бодис, бараа бүтээгдэхүүнийг хяналт шалгалтад хамруулан хилээс чөлөөлөв.

ШАЛГАН НЭВТРҮҮЛЭХ ТОВЧОО, АГААРЫН ЧАНАРЫН ХЯНАЛТ: Улсын хэмжээнд дотоодын авто тээврийн шалган нэвтрүүлэх хяналтын цэгээр 4436 тээврийн хэрэгсэл нэвтрэх үеийн халдваргүйтгэлийн үйл ажиллагаанд 291 улсын байцаагч хяналт тавьж 9306 (шинжилгээ өгсөн 3389) иргэнд зөвлөгөө өгсөн.

Тавантолгой түлш ХХК 3792.92 тн түлш үйлдвэрлэж, 3381 тн түлш борлуулалтад гаргажээ. Нийслэлд сайжруулсан түлш борлуулж буй цэгийн 66 цэгт хяналт хийхэд 363.7 тн түлшний нөөцтэй байна.

УНДНЫ УС ХАНГАМЖ, УРЬДЧИЛАН ЦЭВЭРЛЭХ БАЙГУУЛАМЖ: 1 объектын ундны усны аюулгүй байдал, ахуйн болон урьдчилан цэвэрлэх 1 байгууламжид хяналт шалгалт хийсэн.

ЛАБОРАТОРИЙН ШИНЖИЛГЭЭ: Улсын хэмжээнд Мэргэжлийн хяналтын байгууллагын харъяа 25 лабораторид 359 дээж шинжилгээнд ирж, 219 дээжийн шинжилгээний хариу гарчээ. Шинжилгээгээр хүнсний түүхий эд, бүтээгдэхүүний 27 дээж шаардлага хангаагүй байна.

ХСҮТ-д ходоодны хавдрын мэс засалд орох байсан иргэн Т.Батбаярыг төлбөрийн хариуцагч эмч нь 25 хувь буюу 3 сая төгрөг төлөхийг шаардсанаас болж хагалгаа хийлгэж чадаагүй асуудал олон нийтийн анхаарлыг татсан билээ. Ард олны дунд өндрөө авсан энэ асуудлаас болж ХСҮТ өндөр өртөгтэй хагалгааны зардлын 25 хувийг иргэдээс гаргадаг журмаа цуцалж, үнэ төлбөргүй болгож байгаагаа өчигдөр зарласан юм.Түүгээр зогсохгүй өвчтөн Т.Батбаярт хагалгаа хийх боломжтой болсон сайхан мэдээг дуулгажээ. Тодруулбал, Хөвсгөл аймгийн Ринченлхүмбэ сумын иргэн Т.Батбаяр гуай руу УИХ-ын гишүүн, ХСҮТ-ийн Ерөнхий захирал асан Ж.Чинбүрэн “Сонгдо” эмнэлэгт арванхоёрдугаар сарын 31-ний өдөр үзүүлсэн шинжилгээний хариунаас дүгнэлт хийж үзэхэд “Ходоод тайрах хагалгаанд оруулах боломжтой” байна гэсэн дүгнэлт гарсан. Яаралтай ирж шинжилгээнд хамрагдаад хагалгаанд ор” хэмээн холбогджээ.

Т.Батбаяр гуай ирэх ням гаригт эмнэлэгтээ хэвтэхээр болсон байна. Хагалгаа нь амжилттай болж, урт удаан наслах болтугай.

Нийслэлд энэ ням гарагт өдөртөө -12 градус, даваа гарагт -8 градус болж дулаарна гэж Цаг уур орчны шинжилгээний газраас мэдээлэв. Энэ сарын 17, 18-нд ихэнх нутгаар хүйтний эрч сулрах юм байна.

Энэ сарын 19-нийг хүртэлх цаг агаарын урьдчилсан төлөв:

• 14-нд ихэнх нутгаар үүлэрхэг. Шөнөдөө баруун аймгуудын ихэнх нутаг, төвийн аймгуудын нутгийн зарим газар, говийн аймгуудын нутгийн хойд хэсгээр, өдөртөө баруун аймгуудын нутгийн зарим газар, говийн аймгуудын ихэнх нутгаар, төв болон зүүн аймгуудын нутгийн өмнөд хэсгээр цас орж, цасан шуурга шуурна.
• 15-нд говийн аймгуудын нутгийн өмнөд хэсгээр,
• 17, 18-нд зүүн аймгуудын нутгийн зарим газраар цас орж, явган шуурга шуурна.

Салхи 16, 17, 18-нд нутгийн зүүн хэсгээр секундэд 14-16 метр хүрч ширүүснэ.

15,16-нд ихэнх нутгаар хүйтний эрч чангарч, Увс нуур болон Дархадын хотгор, Завхан голын эх, Хүрэнбэлчир орчим, Тэс голын хөндийгөөр шөнөдөө 38-43 градус, өдөртөө 26-31 градус, Алтай, Хангай, Хөвсгөл, Хэнтэйн уулархаг нутаг, Идэр, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн голын хөндий, Дарьгангын тал нутгаар шөнөдөө 31-36 градус, өдөртөө 21-26 градус, цас багатай энгэр ээвэр газраар шөнөдөө 18-23 градус, өдөртөө 8-13 градус, бусад нутгаар шөнөдөө 24-29 градус, өдөртөө 15-20 градус хүйтэн байна.

Картын үлдэгдэл буцаах үйлчилгээ гэдэг нь таны хэвийн ажиллагаатай “U-money” картанд байгаа мөнгөн үлдэгдлээ гаргуулан авах боломж юм.

Картын үлдэгдэл буцаах үйлчилгээг хаанаас авч болох вэ?

УБСК ХХК-ийн хэрэглэгчийн төвүүдээс тус үйлчилгээг авч болно.

Шаардагдах бичиг баримт:

Буцаалт хийлгэх карт болон бичиг баримттайгаа ирэх.
Үйлчилгээний шимтгэл: Хэвийн ажиллагаатай “U-money” картын мөнгийг буцаан олгох үйлчилгээний шимтгэл 100 төгрөг байна.
Буцаалт хийлгэх боломжтой картын төрлүүд:

Дараах картуудад та мөнгөн хэлбэрээр картаа цэнэглэсэн бол үлдэгдэл мөнгөө буцаалтын үйлчилгээгээр гаргуулан авах боломжтой.

Энгийн /том хүний болон хүүхдийн карт/
Хөнгөлөлттэй зорчих /оюутан, ахмад настан, хөгжлийн бэрхшээлтэй иргэний зорчих карт, донор/

NFC сим /“U-money” картын чип агуулсан үүрэн телефон утасны сим карт/

Монгол Улсын 2020 оны Мал тооллогын урьдчилсан дүнгээр 67.1 сая толгой мал тоологдлоо. Үүнээс 4.1 сая адуу, 4.7 сая үхэр, 472.9 мянган тэмээ, 30.0 сая хонь, 27.7 сая ямаа байна.

Мал тооллогын урьдчилсан дүнгээр малын нийт тоо өмнөх оноос 3.9 сая (5.5%), үүнээс хонь 2.2 сая (6.9%), ямаа 1.5 сая (5.3%), адуу 122.1 мянган толгой (2.9%), үхэр 21.8 мянга (0.5%)-аар тус тус буурч, тэмээ 521 толгойгоор (0.1%) өссөн байна.

Ховд, Дорноговь, Сэлэнгэ, Увс, Дорнод, Сүхбаатар, Баян-Өлгий, Дархан-Уул, Орхон аймаг, Улаанбаатар хотод малын тоо өмнөх оноос 10.0-208.2 мянган толгойгоор өслөө.

Малын тооны бууралтад Өвөрхангай аймгийн малын тоо 1146.4 мянга (20.4%), Баянхонгор аймгийнх 805.0 мянга (17.3%), Архангай аймгийнх 768.3 мянга (12.5%), Хөвсгөл аймгийнх 539.9 мянга (8.9%), Дундговь аймгийнх 352.0 мянга (8.6%), Говь-Алтай аймгийнх 286.9 мянга (8.0%)-аар тус тус буурсан нь голлон нөлөөлжээ.

Ихэнх нутагт 2020 онд зуншлага оройтсон бөгөөд зудын эрсдэл өндөртэй, өвс, тэжээлийн эрэлт хэрэгцээ ихэссэн, бэлчээрийн даац хэтэрсэн зэрэг нь малыг зах зээлд нийлүүлэх, мах бэлтгэл нэмэгдүүлсэн нь малын тоог бууруулах гол шалтгаан болсон байна.

Түүнчлэн өмнөх оноос төллөсөн хээлтэгч 206.9 мянга, бойжсон төл 809.9 мянган толгойгоор буурч, зүй бусаар хорогдсон том мал 944.5 мянган толгойгоор нэмэгдсэн нь мөн нөлөөлсөн байна.

Цар тахлын улмаас Засгийн газраас тодорхой байгууллага, үйлчилгээний газруудын үйл ажиллагааг нээгээгүй байгаа билээ. Өнөөдөр 11 цагийн орчимд 200-300 жижиглэн худалдаа эрхлэгчдийн төлөөлөл Төрийн ордны гадна цуглан Ерөнхий сайд болон Шадар сайдад шаардлага хүргүүллээ.

БГД-ийн худалдаа эрхлэгчдийн төлөөлөл “Бид албан ёсоор үйл ажиллагаагаа зогсоогоод хоёр сар боллоо. Орлогогүйн улмаас үнэхээр хөргөгч маань хоосорч байна, бүр чирээд энд авч ирлээ. Бид дараах зүйлсийг төр засгаасаа хүсэж шаардлага хүргүүлж байна.

Нэгд, банк, банк бус санхүүгийн байгууллагаас зээл, зээлийн хүүгээ нэхэн дарамт учруулж байна. Иймд Ерөнхий сайд У.Хүрэлсүх гаргасан шийдвэрийнхээ дагуу тодорхой хугацаанд эдгээр зээлийг царцаах буюу зогсоох дорвитой арга хэмжээ авч өгнө үү.

Хоёрт, 2020 оны арваннэгдүгээр сарын 11-ээс өнөөг хүртэл үйл ажиллагаа нь албан ёсоор зогссон аж ахуй нэгж, бичил бизнес эрхлэгчдэдээ төрөөс нэг удаагийн дэмжлэг туслалцаа үзүүлээч ээ. Төр ард иргэддээ санхүү бүх юмаар нь туслах ёстой шүү дээ. Төр засгаас бид нарыг ойлгож дэмжиж буй дорвитой бодлого ерөөсөө алга. Бид өнөөдөр үзэл бодлоо хэлж, илэрхийлснийхээ төлөө цагдаа нарт зөрчлийн хуулиар торгуулна гээд дарамтлуулаад үнэхээр Монголд амьдрахад хэцүү байгаа биз дээ”гэлээ.

БГД-ийн Энхбаатар төвийн түрээслэгч “Өнөөдөр Монголын амьдрал үнэхээр хэцүү байна. Бид тэснэ, тэвчинэ гэхэд хэчнээн удаан хугацаагаар тэвчих вэ. Гэр бүлээ бид тэжээх хэрэгтэй, гэтэл орлого тасалдаж, хүнд байдалд байна. Айлуудын хөргөгчийг очоод үз. Би 20 гаруй жил бараа зарж үр хүүхдээ тэжээн амьдралаа залгуулж ирсэн. Цар тахал дэгдээгүй байхад ямар байдалтай байлаа, гэтэл одоо дэгдсэн үед арга хэмжээ авлаа гээд бид бүхний ажил амьдралыг бүгдийг зогсоож байна. Жижиглэн худалдаа эрхлэгчдийн дунд ядуу зүдүү, тэтгэврийн амьдралтай олон хүн байна. Бүтэн хоёр сар хорьчхоод төр засгаас олигтой арга хэмжээ авсангүй. Иймээс бид аргагүйн эрхэнд шаардлага хүргүүлж байна” гэлээ

Эрүүл мэндийн яамнаас коронавируст халдвартай холбоотойгоор мэдээлэл зөвөлгөө өгч байна.

ХӨСҮТ-ийн халдвар судлаач Д.Оюунгэрэл “Хавьтлын илрүүлэг тандалт гэдэг нь халдвар хүн амын дунд дамжин тархахаас урьдчилан сэргийлж, халдварт өртсөн байж болзошгүй хүмүүсийг тодорхойлох үнэлэх үйл ажиллагааг хэлдэг.

Ойрын хавьтал болон хоёр дахь хавьтлыг тухайн вирусийн онцлог, шинж чанартай уялдуулж гаргаж ирдэг. Коронавирусийн халдвар авсан хүн эмнэл зүйн шинж тэмдэг эхлэхээс өмнөх 24-48 цагийн хугацаанд вирусийг гадаад болон дотоод орчинд маш идэвхтэй ялгаруулж байдаг.

Энэхүү онцлогтой уялдуулж, шинж тэмдэг илэрхээс өмнөх хоёр хоног болон илэрснээс хойших 14 хоногийн хугацаанд батлагдсан тохиолдолтой 1.5 метрээс дотогш зайд 15 минутаас дээш хугацаанд уулзсан хүмүүсийг ойрын хавьтал гэж үзээд байгаа юм” гэв.

Монголд болсон газар хөдлөлт ОХУ-ын Буриад, Хакас, Тува улсууд, мөн Красноярскийн хязгаар, Эрхүү мужийн нийт 36 дүүрэгт, мөн Томск хотод мэдрэгдсэн тухай онцгой байдлын албадаас нь мэдээлжээ.

Москвагийн цагаар мягмар гаргийн шөнө Монголд 6.7 магнитудын хүчтэй газар хөдөлсөн билээ. Газар хөдлөлтийн голомт нь Орос-Монголын хилээс 56 км-ийн зайтай газарт 10 км-ийн гүнд байжээ. Газар хөдлөлт Буриадын 7, Хакасын 3, Тува улсын 6, Красноярскийн хязгаарын 12, Эрхүү мужийн 8 хот болон Томск хотод мэдрэгдсэн байна. Чичирхийллийн хүч нь 2-5 балл байсан бөгөөд хамгийн хүчтэй чичирхийлэл Буриад, Эрхүү мужид бүртгэгджээ.