Арлын Япон улс бол уламжлалт болон орчин үеийн соёл хосолсон дэлхийн хамгийн сонирхолтой улсуудын нэг. Тэд амьдралын хэв маяг, хоол хүнс, ёс зүй, хандлага, урлаг, соёл зэргээрээ бусад үндэстнүүдээс ихээхэн ялгардаг. Япон соёлын талаар заавал мэдэх ёстой зүйлсийг энд хүргэж байна. Эдгээр баримтууд танд Японы ард түмний соёлын талаар илүү гүнзгий ойлгоход туслах болно.

1. Бөхийж мэндлэх

Энэ нь Японы уламжлалт мэндчилгээний хэлбэр юм. Талархал илэрхийлэх, баяр хүргэх эсвэл уучлалт гуйх зорилгоор бөхийж болно. Хэрэв та зүгээр л зочилж байгаа бол заавал бөхийх шаардлагагүй гар барин мэндэлсэн ч болно.

2. Гутлаа тайлах

Япон айлуудад үүдэнд гутлаа тайлж, гэрийн шаахай өмсөх хэсэг байдаг. Ариун цэврийн өрөөнд ороод гарахдаа мөн шаахайгаа шинээр солих ёстой гэж үздэг. Нүүхдээ угаалгын өрөөний шаахайгаа үлдээх нь бүдүүлэг явдал гэж үздэг.

3. Анимэ

Японы хамгийн алдартай соёлын экспортын нэг анимэ нь дэлхийд алдартай. Анимэ гэдэг нь гараар зурсан эсвэл дижитал хэлбэрээр бүтээсэн Японы хөдөлгөөнт бүтээлийг хэлдэг.

4. Сүши

Сүшиг идэх өөрсдийн арга барил бий. Маки, нигири сүшиг гараараа иддэг бол сашимиг савхаар иднэ. Шар буурцагны соустай сүшиг дүрэхдээ зөвхөн загас нь л хүрэх ёстой гэдгийг санах нь зүйтэй.

5. Халуун рашаанд нүцгэн орох

Японд онссенс буюу халуун рашаанд орохдоо усны хувцас өмсөхийг зөвшөөрдөггүй тул зочид нүцгэн биеэрээ усанд орох шаардлагатай болдог. Мөн ус руу орохоосоо өмнө хүн бүр шүршүүрт орох ёстой.

7. Өглөөний дасгал

Тэдний эрүүл, урт наслалтын нууц нь өглөөний дасгал юм. Эзэн хаан Хирохито 1928 онд 10 минутын дасгалын хөтөлбөрийг санаачилснаас хойш хүүхдүүд, өндөр настнууд өглөө бүр тогтмол дасгал, хөдөлгөөн хийдэг.

8. Өвчин тусаагүй ч амны хаалт зүүх

Японд заавал ханиад хүрсэн үед гэлтгүй энгийн үед ч бүгд маск зүүдэг. Энэ нь өөрийгөө болон бусдыг хамгаалж буй хэрэг гэж үздэг.

9. Алхангаа юм идэх хориотой

Хоол идэж байхдаа гудамжаар алхах нь Японд хүлээн зөвшөөрөгддөггүй. Тиймээс зогсож юм идэх хүмүүстэй таарах болно. Олон нийтийн газар алхаж байхдаа тамхи татах нь мөн хориотой.

10. Савхны байрлал ч утгатай

Японд хооллож байгаад савхаа тавихдаа хоолон дээрээ хүргэж тавихыг цээрлэдэг. Зөвхөн оршуулгын ёслол дээр хийгддэг учир муугийн тэмдэг гэж үздэг. Түүнчлэн савхаа дамжуулж, бусадтай хуваалцахыг цээрлэдэг. Хэрэв та хуваалцахыг хүсвэл савхаараа хоолоо нөгөө хүний тавган дээр тавиарай.

11. Анхны Гейша эрэгтэй хүн байжээ

Гейша гэдэг нь үнэндээ “урлагийн хүн” гэсэн утгатай бөгөөд анхны гейша нар нь эрчүүд байсан бөгөөд тэд олон янзын урлагийн тоглолтоор зочдыг зугаацуулдаг байжээ. Эмэгтэй гейша нар 18-р зууны сүүлчээр гарч ирснээр эрчүүдээсээ илүү их алдартай болсон.

Ч.Биндэръяа