Month: January 2021

Categories
мэдээ улс-төр

Т.Доржханд: Хөгжлийн бодлогыг хатуу цементэлж болохгүй

Чуулганы хуралдаанаар “Хөгжлийн бодлого, төлөвлөлт, түүний удирдлагын тухай хуулийн хэрэгжилтийг хангуулах талаар Монгол Улсын Засгийн газарт чиглэл өгөх тухай” УИХ-ын тогтоолын төслийг хэлэлцэж байна.

УИХ-ын гишүүн Т.Доржханд “Хөгжлийн бодлогын асуудлыг 2050 гээд цэг хатгах нь зүйтэй. Хөгжлийн бодлогыг хатуу цементэлж болохгүй. 2007 он орчим Монгол Улсын хөгжлийн урт хугацааны бодлогыг гаргаж, Н.Энхбаяр гэдэг хүнээр санаачлуулаад 10 хуудаст багтаагаад намууд, иргэд юу хийх ёстойг заасан байлаа.Гэтэл үүнийг 100 хуудас болгочихсон нам байхгүй” гэлээ.

Categories
гадаад мэдээ

Дэлхийн хэмжээнд нийт 40 сая хүн коронавирусийн эсрэг вакцинд хамрагджээ

Дэлхийн хэмжээнд нийт 40 сая гаруй хүн Ковид19 ийн эсрэг вакцинд хамрагдаад байгаа юм байна. Энэ тухай дэлхийн хэмжээнд коронавирусний эсрэг вакцинжуулалтад хамруулах хөтөлбөртэй холбоотой мэдээллийг цуглуулж нэгтгэж байгаа судлаачид мэдээлснийг хэвлэлүүд мэдээллээ.

Оксфордын их сургуулийн судалгааны хөтөлбөрийнхний удирддаг Our World in Data вебсайтад тэмдэглэснээр нийт 38 сая орчим хүн коронавирусийн эсрэг вакцины эхний тунгаа хийлгээд байгаа юм байна. Энд мэдээлснээр АНУ-д хамгийн олон хүнээ буюу 10,6 сая хүнээ дархлаажуулалтад хамруулаад байна.

Харин хоёрдугаарт 10 сая иргэнээ вакцинд хамруулсан БНХАУ орж байна. Үүний дараа 4 сая хүндээ вакцин хийгээд байгаа Их Британи, 2,1 сая хүнээ энэ дархлаажуулалтад хамруулсан Израиль улс бичигдэж байна. Гэхдээ Израиль нийт хүн амынхаа 24,9 хувийг вакцинд хамруулснаараа хамгийн тэргүүнд бичигдэж байна.

Удаах нь хүн амынхаа 17,4 хувийг хамруулсан Арабын Нэгдсэн Эмирт улс оржээ. Бахрейн 8,3 хувь, Их британи 5,8 хувь, АНУ 3,3 хувьтай удаалж байгааг Our World in Data веб сайтаас харж болохоор байна.

Categories
мэдээ нийгэм

13 хүн эдгэрч эмнэлгээс гарлаа

ХӨСҮТ-ийн Тандалт, судалгааны албаны дарга А.Амбасэлмаа “Монгол Улсын нийт батлагдсан тохиолдол 1,584 болсноос дотоодын халдварын тоо 1082 боллоо. Үүнээс 995 нь эдгэрч, ХӨСҮТ, Цэргийн төв эмнэлэг, Яармагийн эмнэлэг, Сэлэнгэ аймгийн эмнэлэгт нийтдээ 526 хүн эмчлэгдэж байна. Биеийн байдлыг үнэлбэл маш хүнд 2, хүнд 7 , хүндэвтэр 55, хөнгөн 462 хүн байна. Сүүлийн 24 цагийн дотор 13 хүн эдгэрч дараагийн ачлалт тандалтын шат руу шилжлээ.

Categories
мэдээ цаг-үе

​Ерөнхий сайд У.Хүрэлсүх танхимаараа огцрох санал гаргажээ

Засгийн газар өнөө өглөө ээлжит бусаар хуралдсан. Тус хуралдаанаар Ерөнхий сайд У.Хүрэлсүх танхимаараа огцрох санал гаргасан байна. Учир нь тэрээр галын шугаман дээр ажиллаж байгаа хоёр сайдаа явуулснаас танхимаараа огцорсон нь дээр, нөхдөө явуулчихаад сугарч үлдэхгүй гэжээ.

Тус асуудлыг яг одоо МАН-ын Удирдах зөвлөл хэлэлцэн шийдвэрлэх юм. Өчигдөр Шадар сайд Я.Содбаатар, Эрүүл мэндийн сайд Т.Мөнхсайхан нар хариуцлага хүлээж ажлаа өгөх хүсэлтээ Ерөнхий сайдад хүргүүлэхээ олон нийтэд мэдэгдсэн. Тиймээс дээрх хоёр сайдын оронд шинэ томилгоо хийгээд Засгийн газрын үйл ажиллагаа хэвийн явна гэж таамаглаж байсан ч Ерөнхий сайд ийнхүү өөрөө танхимаараа огцрох саналыг Засгийн газрын хуралдаанд танилцуулж, сайд нар нь дэмжсэн байна. Одоо эцсийн шийдвэрийг МАН-ын Удирдах зөвлөл гаргана.

Categories
мэдээ цаг-үе

“Монос” эмийн сангийн голомтоос 2 тохиолдол нэмж бүртгэгдлээ

ХӨСҮТ-ийн Тандалт, судалгааны албаны дарга А.Амбасэлмаа “Өнгөрсөн хоногт нийт 12940 хүнд шинжилгээ хийлээ. Үүнээс 16 хүний шинжилгээнээс халдвар илэрлээ. Тэдний 15 нь гэр бүлийн, орцны ойрын хавьтал байна. Баянгол дүүргийн 12 дугаар хорооны 19 дүгээр байрны орцны есөн хүн байна. “Монос” эмийн сангаас улбаатай голомтын гэр бүлийн хоёр хүн байна. Бусад нь батлагдсан тохиолдлын хавьтлаас илэрлээ. Бусад аймагт өвчлөл бүртгэгдээгүй. Сүүлийн 24 цагийн хугацаанд 13 хүн эдгэрч, эмнэлгээс гарлаа. Улсын хэмжээнд 1584 тохиолдол бүртгэгдээд байна. Биеийн байдал нь маш хүнд хоёр, хүнд долоон хүн байна” гэх мэдээллийг өглөө.

Categories
мэдээ энтертаймент-ертөнц

Монголбанк “The Hu” хамтлагийн зурагтай дурсгалын зоос худалдаанд гаргана


Монголын үндэсний урлагийг олон улсад амжилттай сурталчилж буй “Чингис хаан” одонт “The Hu” хамтлагийн зурагтай шинэ дурсгалын зоосыг Монголбанкнаас худалдаанд гаргахаар болжээ.

“Чингис хаан” одонт тус хамтлагийн цоо шинэ дурсгалын зоос ирэх хоёрдугаар сараас худалдаанд гарах гэнэ.

Монгол банк Ардын хувьсгалын 50 жилийн ойд зориулан, нэг төгрөгийн нэрлэсэн үнэ бүхий алт, мөнгө, гууль, никель дурсгалын зоосыг 1971 онд анх гаргажээ. Үүнээс хойш, 1976-2020 оны онцгой үйл явдалд зориулан нийт 46 нэрийн алтан гулдмай, алтан зоос, алтаар бүрсэн мөнгөн зоос, мөнгөн зоос, мөнгөөр бүрсэн зэс зоосыг цутгуулан гаргаж байжээ.

Categories
мэдээ улс-төр

МАН-ын Удирдах зөвлөл хуралдана

Засгийн газрын ээлжит бус хуралдаан өнөөдөр /2020.01.21/ өглөө 08:00 цагт хуралдаад дууслаа. Хуралдаанаар Шадар сайд Я.Содбаатар, Эрүүл мэндийн сайд Т.Мөнхсайхан нар өнөөдөр үүрэгт ажлаасаа чөлөөлөгдөх хүсэлтийг нь хэлэлцсэн байна. Үргэлжлүүлэн 11:00 цагаас МАН-ын Удирдах зөвлөлийн хуралдааныг Төрийн ордонд зарлажээ. Уг хуралдаанаар шинээр томилох хоёр сайдыг хэлэлцэх юм байна.

Монгол Улсын Засгийн газрын тухай хуулийн 23.1.2-т “Засгийн газрын гишүүнийг Монгол Улсын Их Хурлын чуулганы хуралдааны дэгийн тухай хуулийн 101 дүгээр зүйл, Монгол Улсын Ерөнхийлөгчийн тухай хуулийн 12 дугаар зүйлийн 4 дэх хэсэгт тус тус заасны дагуу Улсын Их Хурал, Ерөнхийлөгчид танилцуулсны үндсэн дээр томилж, чөлөөлж, огцруулна.” гэж заасан байдаг.

Categories
мэдээ цаг-үе

ХӨСҮТ: Улаанбаатарт 16 тохиолдол бүртгэгдэж, нийт халдварын тоо 1584 боллоо

Коронавируст халдварын нөхцөл байдлын талаар Эрүүл мэндийн яам ээлжит мэдээллээ хүргэж байна.

ХӨСҮТ-ийн Тандалт, судалгааны албаны дарга А.Амбасэлмаа “Улсын хэмжээнд өчигдөр 12,940 хүний сорьцод шинжилгээ хийхэд 16 хүнээс коронавирус илэрлээ.

Шинээр илэрсэн тохиолдлуудын 15 нь өмнө нь батлагдсан тохиолдлуудын гэр бүлийн болон орцны ойрын хавьтлаар тусгаарлагдсан байсан хүмүүс юм. Харин нэг тохиолдол нь ХӨСҮТ-ийн нэг ажилтан байна.

Өнөөдрийн байдлаар Монгол Улсад бүртгэгдсэн коронавируст халдварын нийт тохиолдол 1,584 боллоо. Үүнээс одоогоор 1,046 хүн эдгэрээд байгаа бол 526 хүн эмчлэгдэж байна.

Эмчилгээнд байгаа хүмүүсийн биеийн байдлыг үнэлбэл:

  • Хөнгөн-462
  • Хүндэвтэр-66
  • Хүнд-7
  • Маш хүнд- 2 хүн байгаа” гэлээ.
Categories
гадаад мэдээ

Мадрид хотод дэлбэрэлт болж 4 хүн амиа алджээ

Мадрид хотын төвийн байрнуудын нэгэнд лхагва гарагт хүчтэй дэлбэрэлт болжээ.

“Diario” сонины мэдээлснээр, дэлбэрэлт Толедо гудамжинд орон нутгийн цагаар 15:00 цаг орчимд болжээ. Дэлбэрэлтийн улмаас байшингийн дээвэр сүйдсэн байна.

Түүнчлэн ослын улмаас 6 хүн шархдаж, 4 хүн нас баржээ. “La Sexta” телевизийн мэдээлснээр, хий алдагдсаны улмаас дэлбэрэлт болсон байж магадгүй байна.

Categories
мэдээ улс-төр

УИХ-ын чуулганы хуралдаан эхэллээ

УИХ-ын чуулганы өнөөдрийн хуралдаан эхэллээ. Хуралдааны эхэнд Хөгжлийн бодлого, төлөвлөлт, түүний удирдлагын тухай хуулийн хэрэгжилтийг хангуулах талаар Засгийн газарт чиглэл өгөх тухай УИХ-ын тогтоолын төслийг хэлэлцэж байна. Түүний араас дараах хууль, тогтоолын төслүүдийг хэлэлцэхээр төлөвлөжээ.

  1. Монгол Улсын хууль тогтоомжийг 2024 он хүртэл боловсронгуй болгох үндсэн чиглэл батлах тухай УИХ-ын тогтоолын төсөл /Засгийн газар 2020.12.01-нд өргөн мэдүүлсэн, эцсийн хэлэлцүүлэг/;
  2. Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хуульд өөрчлөлт оруулах тухай хуулийн төслийн анхны хэлэлцүүлэг
  3. Онцгой албан татварын тухай хуульд нэмэлт, өөрчлөлт оруулах тухай хуулийн төсөл /УИХ-ын гишүүн Б.Пүрэвдорж 2020.04.17-нд өргөн мэдүүлсэн, хэлэлцэх эсэх/;
  4. УИХ-ын тухай хуульд өөрчлөлт оруулах тухай хуулийн төсөл /УИХ-ын гишүүн Д.Ганбат 2020.12.07-нд өргөн мэдүүлсэн, хэлэлцэх эсэх/;
  5. Газрын тос боловсруулах үйлдвэрийг дэмжих тухай хуулийн төслийн анхны хэлэлцүүлэг
  6. Зэвсэгт хүчний тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2020.12.01-нд өргөн мэдүүлсэн, анхны хэлэлцүүлэг/;