Month: January 2021

БНХАУ 2020 онд сэргээгдэх эрчим хүчний станцуудынхаа тоо, хүчин чадлыг эрс нэмсэн байна. Ялангуяа салхины цахилгаан станцуудынхаа хүчин чадлыг 72 гигаваттаар нэмэгдүүлсэн нь өмнөх дээд амжилтаа хоёр дахин нэмэгдүүлсэн дүн болж байгаа юм.

Түүнчлэн нарны цахилгаан станцуудынхаа хүчин чадлыг 48 гигаваттаар тэлжээ. Өөрөөр хэлбэл 2017 оноос хойш хамгийн их хэмжээгээр нэмээд байгааг тус улсын Үндэсний эрчим хүчний газраас мэдээллээ. Тэр дундаа 2020 оны сүүлийн хэдэн долоо хоногт сэргээгдэх эрчим хүчний хүчин чадал нь эрс тэлсэн байна.

Энэхүү мэдээллийн дараа тус салбарт үйл ажиллагаа явуулдаг БНХАУ-ын “Longyuan Power” группийн хувьцааны ханш 19 хувиар, “China Datang Corporation Renewable Power”-ийнх 12 хувиар өслөө.

Үүнээс гадна сэргээгдэх эрчим хүчний станцуудын хүчин чадлыг хэт ихээр нэмэгдүүлээд байгаад шинжээчид мөн гайхаж, зөв тооцсон эсэх талаар асуултыг БНХА-ын Засгийн газарт хандаад байна.

Эх сурвалж Bloomberg TV

• Бүх төрлийн барааны худалдаа,
• Үсчин, гоо сайхан, хумс заслын үйлчилгээг хязгаарлалтаас гаргаж, хэвийн горимд шилжүүлэх Нийслэлийн Засаг даргын захирамж гарлаа.

Иргэн та хөнгөлөлттэй эмийн цахим жор бичүүлсэн бол эрүүл мэндийн даатгалын цахим системээс таны ebarimt аппликейшнд жорын мэдээллийг шууд илгээдэг боллоо. Ингэснээр та жорын мэдээллээ гар утаснаас шууд харах, хянах боломжтой.

Та цахимаар мэдэгдэл хүлээж аваад өөрийн регистерийн дугаарыг ebarimt аппликэйшны хэрэглэгчийн бүртгэлтэй нийцэж байгаа эсэхийг шалгаарай.

Гамшгаас хамгаалах өндөржүүлсэн бэлэн байдлын зэрэгт шилжиж, тусгай горимоор ажиллаж байгаа энэ үед хилийн Баянхошуу автозамын шалган нэвтрүүлэх боомтоор улсын хилээр нэвтрүүлэхийг хязгаарласан 37 нэр төрлийн эд зүйлийг газрын тосны автомашинд нуун хууль бусаар хил нэвтрүүлэхийг завджээ. Уг үйлдлийг хилчид албаны ур чадвар гарган илрүүлж холбогдох байгууллагад шалгуулахаар шилжүүллээ.

Баянзүрх дүүргийн Нийтлэг үйлчилгээний газрын ажилтнаас коронавирусний халдвартай нь батлагдсан учраас дүүргийн Нийтлэг үйлчилгээний газар бүрэн бүрэлдэхүүнээрээ ажиллах нөхцөл бүрдэх боломжгүй байгаа.

Иймээс Нийслэлийн Засаг дарга, Хотын менежерийн өгсөн чиг үүргийн дагуу Баянзүрх дүүргийн нутаг дэвсгэрт бөөгнөрсөн хур хогийг 3 хоногийн дотор ачиж дуусгахаар боллоо. Мөн Нийслэлийн Засаг дарга, Хотын менежерийн зүгээс шаардлагатай тоног төхөөрөмж, хүн хүчээр хангахаар боллоо.

Эхний ээлжинд Баянзүрх дүүргийн 12 дугаар хорооны нутаг дэвсгэрт бөөгнөрсөн хур хогийг ачиж дуусгасан бөгөөд цаашид 3 хоногийн дотор бусад бүх хороодын нутаг дэвсгэрт бөөгнөрсөн хур хогийг ачиж дуусгахаар төлөвлөжээ. Баянзүрх дүүргийн Засаг даргын тамгын газраас хогийн асуудал дээр онцгой ач холбогдол өгч ажиллах бөгөөд ирэх 3 жилийн хугацаанд Баянзүрх дүүргийг хоггүй дүүрэг болгоно гэж Баянзүрх дүүргийн Засаг даргын тамгын газрын хэвлэл мэдээллийн албанаас мэдээллээ.

Өнөөдөр болсон УИХ-ын чуулганы нэгдсэн хуралдаанаар Онцгой албан татварын тухай хуульд нэмэлт өөрчлөлт оруулах тухай хуулийн төслийг хэлэлцэх хүрээнд хуурамч шатахуун үйлдвэрлэдэг түүхий эдэд онцгой албан татвар ноогдуулдаг болох асуудлыг хөндлөө. Энэ үеэр УИХ-ын гишүүн Ц.Анандбазар “Африк манайх хоёр л хуурамч шатахуун хэрэглэж байгаа. Энэ чигээрээ төсвийн байгууллага, уул уурхайн машин механизм бүгд энэ төрлийн хуурамч шатахуун хэрэглээд байвал улс их мөнгө алдана, бүх автомашинууд эвдэрнэ. Энэ бол маш том гэмт хэргийн шинжтэй асуудал юм” гэжээ.

Нийслэлийн зургаан дүүргийн хэмжээнд өнгөрсөн 24 цагийн хугацаанд сайжруулсан шахмал түлш борлуулах 405 цэгт 2950 тонн, хангамж дундын баазад 1389 тонн түлш тээвэрлэсэн байна. Баруун, Зүүн бүсийн үйлдвэр хоногт 4614 тонн сайжруулсан түлш үйлдвэрлэжээ. Сайжруулсан шахмал түлшний түгээлтэд нийт 35 тээврийн компанийн 300 автомашин 543 удаагийн рейсээр тээвэрлэлтэд гарсан байна. Мөн сайжруулсан шахмал түлшний нөөц 32313 тонн байгаа талаар мэдээллээ.

Анхан болон давж заалдах шатны шүүхээс Н.Номтойбаярыг нийтийн албанд томилогдох эрхийг таван жилийн хугацаатай хасаж, таван жил таван сар хорих ял оноосон. Улсын Дээд шүүхэд өнөөдөр 14:00 цагт эхэлсэн. УИХ-ын гишүүн асан Н.Номтойбаяр нарт холбогдох эрүүгийн хэргийн эцсийн шатны шүүх бүрэлдэхүүн зөвлөлдөж байгааг албаны эх сурвалж мэдээллэв.

Н.Номтойбаярыг ХНХ-ын сайд, Хөдөлмөр эрхлэлтийн үндэсний зөвлөлийн даргаар ажиллаж байхдаа эрх мэдлээ урвуулан ашиглаж, орон нутаг, нийслэлийн онцлог, хэрэгцээнд нийцүүлсэн нэгж төслийн төсөв өртгийг 200 сая төгрөгт багтаан, нээлттэй зарлах удирдамж баталсан зэрэг гэм буруутайд тооцсон байдаг.