Month: January 2021

Улсын гуравдугаар төв эмнэлэгийн Мэдрэлийн мэс заслын тасгийн эмч Д.Энхболд, Чих хамар хоолойн мэс заслын тасгийн эрхлэгч С.Бямбасүрэн нараар удирдуулсан баг 2021 оны нэгдүгээр сарын 15-ны өдөр Монгол Улсад анх удаа “Амны хөндийн хүрцээр Гавлын кливус орчмын хордома хавдар авах мэс засал эмчилгээ”-г амжилттай хийжээ.

Энэхүү эмчилгээг хийснээр Монгол Улсад гавлын суурийн мэс засал эмчилгээний эхлэл болж, “Амны хөндийн хүрцээр” гавлын кливус орчмын хавдрууд түүнчлэн хүзүүний I, II нугаламын зарим хавдар, үрэвсэлт өвчин, хүн амын дунд тархмал тохиолддог хэрх өвчний үеийн хүзүүний шүдлэг сэртэнгийн эмгэгүүдэд эмчилгээ хийх шинэ арга нэвтрүүлж, нутагшуулахыг зорьж байна.

Өнөөдөр 102 настай эмээ эдгэрч, дараагийн ажиглалт, тусгаарлалтанд шилжжээ. Өнгөрсөн өдөрт 24 хүн эдгэрч эмнэлгээс гарсан байна. Ингэснээр улсын хэмжээнд нийт батлагдсан тохиолдол 1,627. Үүнээс эдгэрсэн 1,149 буюу 70.6 хувь нь эдгэрлээ. Одоо нийт 465 тохиолдол эмчлэгдэж байна. Эдгээрээс биеийн байдал маш хүнд, 1, хүнд 6, хүндэвтэр 43, хөнгөн 415 хүн байна. гэж ХӨСҮТ-ийн тандалт судалгааны албаны дарга А.Амбасэлмаа мэдээллээ.

2021 он гарснаас хойш нийт долоон удаагийн тусгай үүргийн нислэгээр 590 иргэнээ татан авчээ. Улсын Онцгой комиссын шийдвэрийн дагуу нэгдүгээр сарын 23-ны өдрийг хүртэл нийт 119 удаагийн тусгай үүргийн нислэгээр 21.716, газраар ОХУ, БНХАУ-аас хилийн боомтоор 6,643 буюу нийт 28,359 иргэнээ гадаадын улс орнуудаас татан авах ажиллагааг зохион байгууллаа.

Тусгай үүргийн нислэгээр ирсэн иргэдийн 29 нь бага насны хүүхэдтэй гэр бүл, 32 нь эрүүл мэндийн шалтгаантай, 6 нь өндөр настан, 8 нь жирэмсэн, 59 нь сааатуулах байранд байсан, 232 нь энхийг сахиулагч, 224 нь бусад шалтгаантай иргэн байгаа хэмээн УОК-ын Шуурхай штабаас мэдээллээ.

Улаанбаатар хотод энэ сарын 20-нд олон хүнийг хамарсан жагсаал цуглаан болсон нь коронавирусний халдвар тархах эсрдлийг улам бүр нэмснийг ХӨСҮТ-ийн ерөнхий захирлын үүргийг түр орлон гүйцэтгэгч Д.Наранзул ЭМЯ-ны өнөөдрийн ээлжит мэдээллийн үеэр онцлов. Тэрбээр, “Олон хүнийг хамарсан жагсаал цуглаан боллоо. Түүнчлэн бүх төрлийн барааны дэлгүүр, үсчин ажиллаж эхэлсэн нь халдвар тархах эрсдлийг нэмж байна. Тиймээс иргэд хэд хэдэн зүйлд анхаарах шаардлагатай. Ялангуяа 1.5 метрээс дотогш зайд 15 минутаас удаан байх нь халдвар авах эрсдлийг нэмдэг.” гэв. Жагсаалд оролцогчдийн дунд Коронавирусийн халдвартай иргэн байсан байж болзошгүй тул цаашид гарч болох эрсдэлээс сэргийлж, өөрийнхөө болон гэр бүлийнхээ төлөө хариуцлагаа ухамсарлан, сайн дураараа Коронавирусын шинжилгээнд хамрагдахыг анхааруулж байна.

2021 оны нэгдүгээр сарын 24-ний өдрийн байдлаар тохиолдлууд болон түүний хавьтлын маршрутад доорх цэгүүд хамаарч буй бөгөөд иргэн та эдгээр цэгүүдээр зорчсон бол өөрийгөө тусгаарлаж, биеийн байдлаа хянаж, 119 дугаарт яаралтай холбогдон мэдээлэл, зөвлөгөө авна уу.
– Баянгол дүүргийн 12-р хороо, 3, 4-р хорооллын 19-р байрны “Витфарм” эмийн сан
– Баянгол дүүргийн 12-р хороо, 3, 4-р хорооллын Ачлал дэлгүүрийн замын урд байрлах “CU” сүлжээ
– Чингэлтэй дүүргийн 6-р хороо, 50-р сургуулийн ард байрлах “CU” сүлжээ
– Сүхбаатар дүүргийн 3-р хороо 45 байрны доод талын дэлгүүрүүд
– Сүхбаатар дүүргийн 3-р хорооны нутаг дэвсгэрт байрлах Номин худалдааны төв
– Сүхбаатар дүүргийн 2-р хороо, Чонон бөртэ төвийн цахилгаан бараа засварын газар
– Хан-Уул дүүргийн 2-р хороо, Нэхмэлийн шарын 5-р байрны “Тавин ус” эмийн сан
– Баянзүрх дүүргийн 2 дугаар хороо, 3-р байрны хажууд байрлах “Хас” мини маркет, Шинэ хүнсний дэлгүүр
– Сүхбаатар дүүргийн 6-р хороо, Спортын төв ордоны эсрэг талын “Интерном” номын дэлгүүр

Дээрх байршлуудад холбогдох мэргэжлийн байгууллагууд ажиллаж, халдваргүйтгэлийн ажлыг тодорхой горимын дагуу хийж байна. Тодорхой хугацаанд ариутгал, хадваргүйтгэл бүрэн хийснээр үйл ажиллагааг нь эргэн хэвийн горимд шилжүүлэх юм.
Коронавируст /Covid-19/-ийн ерөнхий шинж тэмдгүүд илэрсэн нөхцөлд иргэн та өөрийгөө яаралтай тусгаарлаж, холбогдох байгууллагуудад мэдэгдэх үүрэгтэй.