Month: January 2021

Нийслэлийн Өмчийн ашиглалт, удирдлагын газраас 2021 оны нэгдүгээр сарын 5-6-ны өдрүүдэд нийслэл, дүүргийн өмчит, төсөвт байгууллагуудын удирдлагуудтай цахим зөвлөгөөн зохион байгууллаа. Зөвлөгөөнөөр нийслэлийн өмчийн хөрөнгийн хөдөлгөөнийг зохицуулах журам, тогтоол шийдвэрийн хэрэгжилт, төрийн байгууллагуудын өмчийн харилцаа, ашиглалт, хамгаалалтыг сайжруулах, мөн өдөр тутамд тулгарч буй асуудлуудыг шийдвэрлэх талаар хэлэлцэж, холбогдох зөвлөмж, чиглэл өгчээ.

Зөвлөгөөний үеэр Нийслэлийн өмчийн ашиглалт, удирдлагын газрын дарга М.Баяраа бүх нийтийн бэлэн байдал тогтоосон энэ цаг үед үйл ажиллагаагаа түр зогсоогоод буй боловсролын байгууллагууд хөрөнгийн аюулгүй байдлыг хангаж, өмч ашиглалтын зардлыг хамгийн бага түвшинд байлгах, хэмнэлтийн горимыг мөрдөн ажиллахыг чиглэл болгов. Мөн өндөржүүлсэн бэлэн байдалд ажиллаж буй эрүүл мэндийн байгууллага, онцгой байдлын болон цагдаагийн байгууллага, төрийн захиргааны байгууллагууд өмч ашиглалтын талаарх шийдвэрүүдийг тухай бүрт нь цаг алдалгүй гаргуулж, худалдан авалтыг оновчтой, хурдан зохион байгуулж ажиллахыг даалгасан байна.

Цахим уулзалтад Нийслэл, дүүргийн орон нутгийн захиргааны байгууллага, Эрүүл мэндийн байгууллага, Цагдаагийн газар хэлтэс, Онцгой байдлын хэлтэс, Ерөнхий боловсролын сургууль, Сургуулийн өмнөх боловсролын байгууллага, нийслэл болон орон нутгийн өмчит нийт 756 байгууллагын удирдлага өмч хариуцсан албан тушаалтан болох 1003 хүний төлөөлөл хамрагдсан өргөн хүрээний уулзалт боллоо.

Бүх шатлалын эмнэлэгийн эмч мэргэжилтнүүд өнгөрсөн хугацаанд
нийт 357,244 цахим жор бичсэний дийлэнхийг буюу 48 хувийг даралт бууруулах эм
эзэлж байна.

Улсын нэгдүгээр төв эмнэлэг хувьчлагдсан гэх мэдээлэл иргэдийн дунд гарсан. Энэ талаар УНТЭ-ийн Ерөнхий захирал Н.Лхажийгаас зарим зүйлийг тодрууллаа.

-УНТЭ хувьчлагдсан гэсэн мэдээлэл гараад байгаа, энэ талаар тодруулбал?

-УНТЭ хувьчлагдсан гэсэн мэдээлэл олны дунд тархсан. Энэ бол худал ташаа мэдээлэл гэдгийг албан ёсоор хэлье. УНТЭ нь 100 хувь төрийн өмчит эмнэлэг хэвээрээ байгаа. Цаашид ч үйл ажиллагаа нь хэвийн явагдах болно. Манай эмнэлгээр үйлчлүүлсэн иргэний хувьд тодорхой өвчлөлийн шалтгаантай, төрөөс даах зохицуулалттай биш өөрөө төлбөрөө төлөх зохицуулалттай байсан юм.

-Иргэд ямар үед эмнэлгийн тусламж үйлчилгээ авахад төлбөрийг төрөөс даах зохицуулалттай байдаг вэ?

-Иргэн эмнэлгийн тусламж үйлчилгээ авсныхаа төлбөрийг өөрөө төлөхгүй байх дараах үндсэн хоёр зохицуулалтай. Нэгдүгээрт иргэн ЭМД-ын шимтгэл төлдөг байх. Хоёрдугаарт эмнэлгийн тусламж, үйлчилгээний үнэ төлбөрийг төр даахад иргэнээс шалтгаалах нөхцөлүүд байна. Үүнд насанд хүрээгүй хүн, хүүхэд, өндөр настан,хөгжлийн бэрхшээлтэй иргэн, эсвэл эх барихын тусламж үйлчилгээ болон халдвар судлал, хавдар судлалын тусламж үйлчилгээний үед тухайн хүний эмчилгээний зардлыг төр даахаар заасан байдаг.

-Тэгвэл ямар нөхцөлд иргэн эрүүл мэндийн тусламж үйлчилгээ аваад өөрөө төлбөрөө даах зохицуулалттай бол?

-Хэрэв дээрх нөхцөлд хамаарахгүй, мөн ЭМД-ын шимтгэлээ төлөөгүй тохиолдолд иргэн эмнэлгийн тусламж, үйлчилгээнийхээ зардлыг өөрөө даах ёстой. Гэхдээ иргэн өөрөө ЭМД-ын шимтгэлээ төлдөг ч гэсэн зарим тал дээр төлбөрөө төлөх зохицуулалт бас байдаг. Энэ нь өөрийн бие махбоддоо санаатайгаар хохирол учруулсан тохиолдолд ЭМД болон төрөөс төлбөрийг даадаггүй. Өөрөөр хэлбэл иргэн архины хордлого, сэтгэц нөлөөт мансууруулах бодисын хордолт, донтолттой үед өөрийн биедээ хохирол учруулсан тохиолдолд эмчилгээний төлбөрөө иргэн өөрөө гаргана гэсэн үг юм.

2020 онд УНТЭ-т мянга орчим иргэн үйлчлүүлж архины хордлогын эсрэг эмнэлгийн тусламж үйлчилгээ авсан байдаг. Эдгээр бүх тохиолдлуудад иргэн өөрөө төлбөрөө даадаг. Хамгийн сүүлийн жишээ гэхэд иргэн хар тамхи, мансууруулах бодисын хордлогын улмаас зүрхний шигдээс болж ирсэн. Энэ тохиолдолд иргэн тусламж үйлчилгээ авахдаа зардлаа өөрөө гаргасан. Энэ бол олон улсын туршлага.

2021 оны нэгдүгээр сарын 06-ны өдрийн 08:00 цаг хүртэлх өнгөрсөн 24 цагийн хугацаанд нийслэлийн авто тээврийн шалган нэвтрүүлэх есөн товчоонд эрүүл мэнд, онцгой, цагдаа, мал эмнэлэг, мэргэжлийн хяналтын 89 ажилтан албан хаагч үүрэг гүйцэтгэж ажиллалаа.

Эдгээр товчоодод эрүүл мэндийн байгууллагын 30 албан хаагч ажиллаж байгаа юм.

Дээрх хугацаанд авто тээврийн товчоодоор орсон 932, гарсан 899 буюу нийт 1831 автомашин нэвтэрсэн байна. Үүнээс товчоодоор нэвтэрч орсон 1914, гарсан 1788 буюу нийт 3702 зорчигчдод эрүүл мэндийн хяналт хийсэн бөгөөд сэжигтэй тохиолдол бүртгэгдээгүй байна.

Засгийн газрын ээлжит хуралдаан 2021 оны нэгдүгээр сарын 06-ны өдөр боллоо.

“Ковид-19” цар тахлын нөхцөл байдал, хийж байгаа ажлын талаар Монгол Улсын Шадар сайд, Улсын онцгой комиссын дарга Я.Содбаатар танилцуулав.

– 2021 оны нэгдүгээр сарын 11-нийг хүртэл хөл хорио сунгаснаар халдварын тохиолдол болон хэвтэн эмчлүүлэгчдийн тоо тус бүр 100, халдвар нууц үедээ байх хүний тоо 100-200 орчмоор буурах магадлалтай гэж үзсэн байна.

-Бүх нийтийн бэлэн байдлыг зэргийг бууруулсан бол хоёрдугаар сарын 11 буюу сар шинийн баярын үеэр халдвар 3500 гаруй, хэвтэн эмчлүүлэгчдийн тоо 1200 гаруй, халдварын нууц үедээ байх хүний тоо 1,000 хүрэх төлөвтэй байсан гэсэн тооцоолол гарчээ.

-Улсын хэмжээнд түргэвчилсэн оношлуураар 509,170, PCR аппаратаар 661,200, нийт 1.170,370 хүнд шинжилгээ хийгээд байна. 415,397 хүн нийслэл хотод шинжилгээнд хамрагджээ.

-Улсын хэмжээнд 31 тусгаарлах байранд 1,525 хүн байгаагийн 1,489 нь ойрын хавьтлын, 36 нь тусгай үүргийн онгоцоор ирсэн байна.

-2020 оны арванхоёрдугаар сарын 24-ний өдрөөс өнөөг хүртэл эрүүл мэндийн 4,200, онцгой байдлын 1,500, мэргэжлийн хяналтын 2,135, цагдаагийн 2,804, хил хамгаалахын 840, нийт 11,479 ажилтан, албан хаагч үүрэг гүйцэтгэж байна.

Засгийн газрын ээлжит хуралдаан 2021 оны нэгдүгээр сарын 06-ны өдөр боллоо.

“Ковид-19” цар тахлын нөхцөл байдал, хийж байгаа ажлын талаар Монгол Улсын Шадар сайд, Улсын онцгой комиссын дарга Я.Содбаатар танилцуулав. Мэдээллээс үзвэл:

Энэ дагуу жил бүр:

– Улсын аварга тариаланч хамт олноор 12 аж ахуйн нэгжийг, улсын аварга тариаланчаар 21 хүнийг

-Улсын аварга малчин өрх 149 хүртэлх гэснийг 60 хүртэлх, хошой аварга малчин өрх 13 хүртэлх гэснийг 8 хүртэлх гэж өөрчлөн шалгаруулж байх болов.

Аваргуудын шагналыг уламжлал ёсоор Билгийн тооллын хаврын тэргүүн сарын шиний нэгний өдрөөс өмнө гардуулна. Малынхаа тоог бэлчээрийн даацад тохируулсан, чанарыг нь сайжруулж нэг малаас авах ашиг шимийг нэмсэн, мал эмнэлгийн үзлэгт малаа бүрэн хамруулсан, орлогоосоо бэлчээрийн доройтлыг сайжруулахад зарцуулсан, худаг гаргаж, булаг, шандны эхийг хамгаалсан, өвс, тэжээлээ нөөцөлсөн, эрүүл, чанартай бүтээгдэхүүн үйлдвэрлэдэг, ажлын байр бий болгож ядуурлыг бууруулахад хувь нэмэр оруулсан зэргийг харгалзан шалгаруулна. Манай улсын бэлчээрийн даац цаг агаар хэвийн жилд 84,6 сая хонин толгой мал багтаах боломжтой бөгөөд гандуу, гантай жил даац 30 хүртэл хувиар багасдаг байна. Өнгөрсөн онд 70,9 сая толгой мал буюу хонин толгойд шилжүүлэхэд 118 сая малтай болсон. Энэ нь нийт бэлчээрийн даац 33 сая толгой малаар, ихэнх аймагт даац 2-7 дахин хэтэрсэн гэсэн үг юм.

Говь-Алтай, Өмнөговь аймгийн зарим сум, Баянхонгор, Өвөрхангай, Дундговь аймгуудын болон отроор явж буй малчин өрхөд 300,000 төгрөгийн хүчит тэжээлийн тусламж үзүүлэхээр болсон.

Энэхүү дэмжлэгийг Дэлхийн банкны санхүүжилтээр Хүнс, хөдөө аж ахуй, хөнгөн үйлдвэрийн яамны хэрэгжүүлж буй “Мал аж ахуйн эдийн засгийн эргэлтийг нэмэгдүүлэх” төслийн 5 сая ам.долларын эх үүсвэрээр санхүүжүүлж байгаа юм.

Говь-Алтай, Баянхонгор, Өвөрхангай, Дундговь аймгийн малчдад очих хүчит тэжээлийн анхны цуваа орон нутгийг зорьж байна.Энэхүү арга хэмжээнд Ерөнхий сайд У.Хүрэлсүх, Хүнс, хөдөө аж ахуй, хөнгөн үйлдвэрийн сайд З.Мэндсайхан болон холбогдох бусад албаныхан оролцлоо.

ХХААХҮ-ийн сайд З.Мэндсайхан “Өвөлжилт хүндэрсэн аймгуудын малчдад тэжээлийн тусламж бага боловч дэм, тус болно гэдэгт итгэлтэй байна. Гол нь орон нутгийн удирдлагууд тэжээлийн хуваарилалт, зохион байгуулалтын ажлуудыг малчдад чирэгдэл, төвөг учруулахгүйгээр сайтар зохион байгуулах нь чухал” гэв.

Малчин өрхийн бүртгэлтэй гар утасны дугаарт давтагдахгүй 4 оронтой код илгээж энэ тоог хүлээлгэн өгсөн сумын онцгой комиссын түгээгчид бүртгүүлснээр давхцал үүсэхгүй зорилтот малчин өрхөд тэжээлийн дэмжлэг үзүүлэх юм.

Засгийн газрын ээлжит хуралдаан 2021 оны нэгдүгээр сарын 06-ны өдөр боллоо.

“Ковид-19” цар тахлын нөхцөл байдал, хийж байгаа ажлын талаар Монгол Улсын Шадар сайд, Улсын онцгой комиссын дарга Я.Содбаатар танилцуулав.

-Цахим тоглоомын үйлчилгээ үзүүлэх иргэн, аж ахуйн нэгж, байгууллага Харилцаа холбооны зохицуулах хороонд бүртгүүлж гэрчилгээ авдаг, харин интернэт кафе ажиллуулахад ямар нэг зөвшөөрөл авдаггүй байсан. Шинэчлэн баталсан Гэмт хэрэг, зөрчлөөс урьдчилан сэргийлэх тухай хуулиар дээрх газрууд болон барьцаалан зээлдүүлэх үйлчилгээ эрхлэгчдэд тавих шаардлага, хяналт, ажиллах цагийн хуваарийг баталж мөрдүүлэх зэргийг нутгийн захиргааны бүх шатны байгууллага хариуцах болсон юм. Иймээс Засгийн газрын 2013 оны 410 дугаар тогтоолын дагуу мөрдөж байсан “Цахим тоглоомын газрын үйл ажиллагааг зохицуулах журам”-ыг хүчингүй болголоо. 2020 оны эхний улирлын байдлаар улсын хэмжээнд цахим тоглоомын 590, үүнээс орон нутагт 300, нийслэлд 290 газар ажиллаж байна.

Товч мэдээ

-“Чадварлаг багш” хөтөлбөрийн хүрээнд мэргэжлийн стандарт нэвтрүүлэх, үнэлэмжийг хөдөлмөрийн бүтээмж, гүйцэтгэлд суурилсан тогтолцоонд шилжүүлэх, шаардагдах зардлыг жил бүрийн төсөвт тусгаж байхыг сайд Л.Цэдэвсүрэнд даалгав. Хөтөлбөрийг Багш бэлтгэх, Багшийн мэргэжлийн тасралтгүй хөгжил, Ажлын нөхцөл, цалин хөлс гэсэн гурван чиглэлээр хэрэгжүүлнэ.

ЭМЯ-аас харьяа төрөлжсөн мэргэшлийн эмнэлгүүд болон тусгай мэргэжлийн төвүүдийн тусламж, үйлчилгээ үзүүлсэн талаарх хоногийн мэдээ /2020.12.06-ны өглөөний 09.00 цаг хүртэл нэгтгэсэн/-г хүргэж байна.

Тодруулбал, яаралтай түргэн тусламжийн 103 дугаарт 1361 дуудлага ирснээс 546 нь яаралтай тусламж, 783 нь зөвлөгөө мэдээлэл авчээ. Харин 1800-0119 зөвлөгөө мэдээллийн дугаараас 1940 хүн мэдээлэл авчээ. Хатуу хөл хорионы үед төрөлжсөн төв эмнэлгүүдийн амбулаториор 1968 хүн үйлчлүүлсэн бол
ЭХЭМҮТ-д 34 хүүхэд шинээр мэндэлжээ. Нийт 96 мэс засал хийж, ГССҮТ-д 136 үйлчлүүлэгч осол гэмтлийн шалтгаанаар үйлчлүүлжээ.