Month: January 2021

Эрүүл мэндийн сайд Т.Мөнхсайхан мэдээлэл хийж байна.

Тэрбээр, Монгол Улс дотоодод халдвар гарснаас хойш хоёр сарын хугацаанд 1.2 сая хүнийг шинжилгээнд хамруулж, 1300 гаруй хүнийг эмнэлэгт хэвтүүлэн эмчиллээ.
Халдвар гарсан аймгууд бүгд халдваргүй бүс болоход ойрхон байна. Сэлэнгэ аймаг, Замын-Үүд суманд халдвар гараагүй 18 хонож байна.
Улаанбаатар хотод нөхцөл байдал арай өөр байна. Маргаашнаас эхлэн хөл хорионы дэглэм суларч байгаа учир амны хаалтаа зүүж, гараа ариутгаж, зай барих зэрэг халдвар хамгааллын дэглэмийг сайн мөрдөхийг хүсэж байна.

Өдөрт илрэх тохиолдлын тоо нэмэгдэж байхад дэглэмийг сулруулж байгаад зарим иргэд шүүмжлэлтэй хандаж буй тал бий. Халдварын шинэ тохиолдлууд дөрвөн голомтоос ихэвчлэн илэрч байгаа. Энэ нь:

• 1-рт. Баянзүрх эмнэлгийн голомт. Улаанбаатарт өнөөдрийн байдлаар нийт 603 тохиолдол бүртгэгдсэнээс 54 хувь нь зөвхөн Баянзүрх эмнэлэгтэй холбоотой байсан.
• 2-рт. Ачтан эмнэлгийн голомт. Тус эмнэлгийн эмч, эмнэлгийн ажилтнууд, тэдний гэр бүлийнхнээс халдвар илэрч байна. Эмнэлгээр үйлчлүүлэгчдээс халдвар илрээгүй.
• 3-рт. Тэнүүн-Огоо компанийн голомт. Хавьтлуудыг тусгаарлаж, шинжилгээг хийлээ.
• 4-рт. Мөнххада компанийн голомт. Хавьтлуудын тусгаарлаж шинжилгээнд хамруулсан. Сүүлийн өдрүүдэд энэ голомтоос илрэх халдварын тоо маш цөөн болсон. Цаашид иргэд ковидтой үеийн амьдралын шинэ хэв маягт дасан зохицох хэрэгтэй болж байна.

Шоколадны гадар цайсан байвал идэж шууд хаях хэрэгтэй юм. Хүнс хоол хөгзрөөд мууддаг шиг шоколад ч муудаж гадраа өөрчилдөг. Цагаарсан шоколад хорт хавдар үүсгэдэг байна. Шоколадны бүтцэд найрлагаасаа шалтгаалан ялгаагүй муудах бүтээгдэхүүн ордог. Жишээ нь сүү, масло гэх мэт юм.

Шоколадны найрлагад сүү, масло гэх мэт муудах бүтээгдэхүүн ордог. Мөн хайлах, хөлдөх гэх мэт хадгалах горимоос шалтгаалан муудаж цайдаг байна.

Маргааш уулархаг нутгаар, 12-нд баруун аймгийн нутгийн зүүн хэсэг, төв, зүүн аймгийн нутгийн зарим газраар, 13-нд нутгийн хойд хэсгээр, 14-нд баруун болон төвийн аймгийн нутгийн зарим газраар цас орж, цасан шуурга шуурна.

Салхи маргааш нутгийн баруун хагаст, 12, 13-нд зарим газраар, 14-нд говийн бүс нутгаар секундэд 14-16 метр хүрч ширүүсэхийг Ус цаг уур, орчны шинжилгээний газраас мэдээлжээ.

Хүйтний эрч суларч, Увс нуур, Дархадын хотгор, Завхан голын эх, Хүрэнбэлчир орчим, Тэс голын хөндийгөөр шөнө 34-39, өдөртөө 24-29 хэм, Алтай, Хангай, Хөвсгөл, Хэнтэйн уулархаг нутаг, Идэр, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн голын хөндий, Дарьгангын тал нутгаар шөнө 28-33, өдөртөө 16-21 хэм, говийн бүс нутгийн цас багатай энгэр ээвэр газраар шөнө 13-18, өдөртөө 3-8 хэм, бусад нутгаар шөнө 21-26, өдөртөө 11-16 хэм хүйтэн байх аж.

“Улаанбаатар төмөр зам” ХНН, БНХАУ-ын Хөх хотын төмөр зам, Эрээн өртөөтэй хурал хийж, Замын-Үүд, Эрээн өртөөний галт тэрэг солилцоог нэмэхэд анхаарч, зүтгүүрийн кабиныг лацдан, хил дээрх галт тэрэгний зогсолт 3 цаг байсныг 1 цаг 5 минут хүртэл богиносгожээ.

Ачаа илгээгч, хүлээн авагч нартай шуурхай ажилласнаар Эрээн өртөөнд хуримтлагдсан хөлдүү төмрийн хүдэртэй галт тэргүүдийг богино хугацаанд сулласныг ЗТХЯ-д өчигдөр болсон цахим хурлын үеэр мэдээлсэн. Импортын ачааг Эрээн өртөөнд авто машинаас шилжүүлэн ачиж эхэлсэн бөгөөд Эрээн өртөөнд өргөн, нарийн царигаар 231 галт тэргэнд ачаа тээвэрлэв. Түүнчлэн, Бор-Өндөрийн уурхайгаас экспортод 2307 галт тэрэг бүтээгдэхүүн тээвэрлэжээ. Замын-Үүдийн ложистикийн талбайн сондгой чиглэлийн транзит чингэлгийн хуримтлалыг тодорхой хэмжээнд бууруулжээ.

Улсын онцгой комиссын даргын 38 дугаар тушаалаар томилогдсон “Халдварт өвчин судлалын үндэсний төвд ажилласан шуурхай бүлэг” –ийн болон Эрүүл мэндийн сайдын тушаалаар ХӨСҮТ-д хийсэн “Коронавируст халдварын үеийн тусламж үйлчилгээний эрсдэлийн үнэлгээ”-ний санал, дүгнэлтийг хэрэгжүүлэх зорилгоор тус төвд Эрүүл мэндийн сайдын тушаалаар Менежментийг баг томилон 2021 оны нэгдүгээр сарын 5-ны өдрөөс ажиллуулж эхэлжээ.

ХӨСҮТ-ийн эмч, ажилтны дундах эмнэлгээс шалтгаалах халдварт өртөлтийг бууруулах, тандалт судалгааны менежмент, лабораториудын уялдаа, мэдээлэлийн урсгалыг тодорхой болгох, эмнэлэгийн орчин, түүний аюулгүй байдлыг бүрдүүлэх зэрэг үндэсний төвийн чиг үүрэг бүхий үйл ажиллагааг эрс сайжруулах чухал байна.

Эрүүл мэндийн сайд Т.Мөнхсайхан менежментийг баг нь гурван үндсэн чиглэлийг анхааран шуурхай, үр дүнтэй ажиллахыг анхааруулжээ. Үүнд: 1) халдварын хяналт, тандалтын чиглэлээр хэрэгжүүлж буй үйл ажиллагааны уялдаа, менежментийг эрс өөрчлөн сайжруулах 2) эмч, эмнэлэгийн ажилтаныг эмнэлгээс шалтгаалах халдвараас сэргийлэх, аюулгүй ажлын орчин бүрдүүлэх 3) тоног төхөөрөмж, техник хэрэгслийн ашиглалт, засвар үйлчилгээ, хүний нөөцийн менежмент, ажлын ачаалал, хөдөлмөр хамгаалал, урамшуулалын тогтолцоог сайжруулах чиглэлээр тус төвийн хамт олны хэрэгцээ, оролцоог ханган хамтын шийдвэрт тулгуурлан ажиллах чиг үүрэгтэй.

Менежментийн баг нь Эрүүл мэндийн сайд, удирдлагын багийг долоо хоног бүр мэдээллээр ханган тулгамдсан асуудал, түүний шийдлийн талаарх саналыг хэлэлцүүлэн удирдамжинд тусгагдсан чиг үүргийн дагуу шийдвэр гаргуулах, хөрөнгө оруулалт хийх, санүүжилтийг шийдвэрлүүлэн газар дээр нь хэрэгжүүлэн ажиллана.

Менежментийн багийг ЭМЯ-ны лавлагаа шатлалын хэлтсийн ахлах шинжээч А.Өнөржаргал ахлах, хүний нөөц, мэдээлэл технологи, хяналт шинжилгээ үнэлгээ, эрсдлийн менежмент ба эмнэлгийн эпидемиологи, лабораторийн чанарын хяналтын мэргэжлийн чиглэлийн бүрэлдэхүүнтэй баг ажиллаж байна. Энэхүү арга хэмжээний үр дүнд ХӨСҮТ-ийн үйл ажиллагааг сайжруулах төлөвлөгөөний биелэлт, хэрэгжилт, байгууллагын менежмент сайжирч, үйлчлүүлэгч, эмч, эмнэлэгийн мэргэжилтэн, ажилтнуудын сэтгэл ханамж дээшлэн, ажлын орчин, халдвар хамгаалалын нөхцөл, тусламж үйлчилгээний чанар, аюулгүй байдал сайжирч, эмнэлэгийн тусламж үйлчилгээтэй холбоотой эрсдэл буурах юм хэмээн ЭМЯ-наас мэдээллээ.

Дээрх зорилтыг биелүүлэх хүрээнд Байгаль орчин, аялал жуулчлалын яам шат дараатай үйл ажиллагаануудыг хэрэгжүүлэн ажиллахаас гадна иргэн таны оролцоо чухал. Бид шинээр мэндэлсэн бяцхан үрс, хурим, нөхөрлөлийн ой, тэнгэрт дэвшсэн ойр дотны хүндээ гэх мэт аливаа дурсгалт мөчүүддээ зориулан мод тарьж хэвшвэл зөвхөн ой модоо нэмээд зогсохгүй агаарын бохирдол, уур амьсгалын өөрчлөлт, цөлжилтийн эсрэг өөрийн хувь нэмрээ оруулж чадна” гэв.

Эрүүл мэндийн яамнаас хоногийн мэдээ ирүүллээ. ЭМЯ-ны харьяа төрөлжсөн мэргэшлийн эмнэлгүүд болон тусгай мэргэжлийн төвүүдийн тусламж, үйлчилгээ үзүүлсэн хоногийн мэдээг хүргэж байна.

Яаралтай түргэн тусламжийн 103 дугаарт 1753 дуудлага ирснээс 691 нь яаралтай тусламж, 1062 нь зөвлөгөө мэдээлэл авчээ. Харин 1800-0119 зөвлөгөө мэдээллийн дугаараас 1798 хүн мэдээлэл авчээ.
Хатуу хөл хорионы үед төрөлжсөн төв эмнэлгүүдийн амбулаториор 2095 хүн үйлчлүүлжээ.

ЭХЭМҮТ-д 25 хүүхэд шинээр мэндэлжээ. Нийт 33 мэс засал хийгдлээ. ГССҮТ-д 138 үйлчлүүлэгч осол гэмтлийн шалтгаанаар үйлчлүүлжээ.
Коронавируст халдвар, цар тахлын үед олон нийтийн газраар явалгүй, халдвар хамгааллаа сахиж, гараа ариутган амны хаалтаа тогтмол зүүж, ГЭРТЭЭ БАЙЖ урьдчилан сэргийлээрэй!

Энэ сарын 10-ны өдрийн 08:00 цаг хүртэлх өнгөрсөн 24 цагийн хугацаанд нийслэлийн авто тээврийн шалган нэвтрүүлэх товчоодоор албан ажил, эмнэлэг, эрүүл мэнд, ахуйн гачигдал, оршин суух гэрийн хаягаар, хүнс, шатахуун тээвэрлэлт хийх зорилгоор нийт 1157 тээврийн хэрэгслээр 1878 зорчигч хот руу нэвтэрч, 1041 тээврийн хэрэгслээр 1737 зорчигч хотоос гарсан байна.

Авто тээврийн шалган нэвтрүүлэх есөн товчоонд эрүүл мэнд, онцгой байдал, цагдаа, мал эмнэлэг, мэргэжлийн хяналтын 85 ажилтан үүрэг гүйцэтгэлээ. Үүнээс эрүүл мэндийн байгууллагын 30 албан хаагч ажиллажээ. Хяналт шалгалтын үед сэжигтэй тохиолдол бүртгэгдээгүй байна.