2021 оны эцэс гэхэд БНХАУ дахь экспорт болон импортын бараа бүтээгдэхүүний хэмжээ зургаан их наяд ам.долларт хүрнэ гэж тус улсын Худалдааны Яам пүрэв гараг /2021.12.30/-т мэдэгдэв.
Энэ нь 2020 оны үзүүлэлтээс 20 гаруй хувиар их байгаа аж.
БНХАУ болон хөгжиж буй улс орнуудын худалдааны харилцаа улам нягт болж байна гэж Худалдааны дэд сайд Жэнь Хунбинь хэвлэлийн бага хурлын үеэр мэдэгдэв. Түүний хэлснээр, 2021 оны I-XI сард тэдгээр улс руу экспортолсон бараа бүтээгдэхүүний хэмжээ гадаад нийлүүлэлтийн нийт хэмжээний 49.5 хувийг эзэлж байна гэж “Шиньхуа” /Xinhua/ агентлаг мэдээлэв.
Олон улсын цахим худалдааг өргөжүүлэн нэмэгдүүлэх хүрээнд БНХАУ хилийн чанадад хоёр мянга гаруй агуулахыг шинээр бий болгосон хэмээн дэд сайд мөн онцлов. Тэдгээр агуулахын талбай 16 сая хавтгай дөрвөлжин метрээс давж байгаа аж.
(Эх сурвалж: Xinhua)