Month: December 2020

Нийслэл, дүүргүүдийн Засаг даргын Тамгын газрын Цэргийн штаб 2020 онд дэвшүүлсэн “Хууль тогтоомж-иргэн цэргийн харилцааны жил”-ийн зорилгын хэрэгжилтийг ханган ажиллаж, жилийн эцсийн тайлангийн хурлаа өчигдөр хийлээ.

Хуралдааны үеэр Нийслэлийн ЗДТГ-ын цэргийн штабын хамт олон “2020 оны тэргүүний Цэргийн штаб”-аар шалгарч, хүндэт өргөмжлөлийг гардан авлаа. Нийслэлийн ЗДТГ-ын Цэргийн штабын 2020 оныг “Хууль тогтоомж-иргэн цэргийн харилцааны жил”-ийн зорилгыг хэрэгжүүлэхэд идэвх санаачилга, үр бүтээлтэй ажилласан “Бүрэн хангалттай” үнэлэгдсэн, дэд хурандаа Т.Амартогтох даргатай Баянзүрх, хурандаа Ц.Бямбасүрэн даргатай Сүхбаатар, хурандаа Ж.Даваарагчаа даргатай Чингэлтэй, хурандаа Г.Ялалт даргатай Сонгинохайрхан, хурандаа Н.Энхбат даргатай Налайх, дэд хурандаа Л.Цэрэгбаяр даргатай Баянгол дүүргийн ЗДТГ-ын Цэргийн штабууд тус тус шалгарсан.

Мөн нийслэлийн ЗДТГ-ын Цэргийн штабын 2020 оны “Ажил мэргэжлийн аварга”-аар Баянзүрх дүүргийн ЗДТГ-ын Цэргийн штабын дарга, дэд хурандаа Т.Амартогтох,Сүхбаатар дүүргийн ЗДТГ-ын Цэргийн штабын Төлөвлөлт, сургалтын офицер, хошууч И.Нямсүрэн, Хан-Уул дүүргийн ЗДТГ-ын Цэргийн штабын Мэдээллийн аюулгүй байдлын офицер, хошууч Н.Цэцэгбал, Багахангай дүүргийн ЗДТГ-ын Цэргийн штабын тоо бүртгэл, нөхөн хангалтын офицер, хошууч Б.Отгонжаргал, Чингэлтэй дүүргийн ЗДТГ-ын Цэргийн штабын Шуурхай байдлын ахлагч, сургагч ахлагч С.Цэндзэсэм нар тус тус шалгарч аваргын тууз, өргөмжлөл, дурсгалын зүйлээр шагнагдав.

Тайлангийн хуралд БХЯ-ны СБТГ-ын дарга хурандаа С.Ганбямба, Нийслэлийн ЗДТГ-ын Цэргийн штабын дарга хурандаа Ц.Анхбаяр, Нийслэл, дүүргийн ЗДТГ-ын Цэргийн штабын дарга, офицер, ахлагч нар цахимаар оролцлоо.

Сүүлийн 24 цагийн дотор 6 хүн эдгэрч эмнэлгээс гарсан байна. 2020 оны арванхоёрдугаар сарын 27-ны өдрийн 11:00 цагийн байдлаар манай улсад бүртгэгдсэн коронавирусийн халдварын тоо 1215 болоод байгаа бөгөөд үүнээс 830 нь эдгэрчээ.

Харин өнөөдрийн байдлаар 375 хүн эмчлэгдэж байна. Эмчлэгдэж байгаа хүмүүсээс хоёр хүний биеийн байдал маш хүнд байгаа бол 7 хүний биеийн байдал хүнд, 99 хүний биеийн байдал хүндэвтэр, 267 хүний биеийн байдал хөнгөн хэлбэрийн байгааг ХӨСҮТ-ийн Тандалт судалгааны албаны дарга А.Амбасэлмаа хэллээ.

Блүүмбэрг агентлаг дэлхийн улс орнуудын коронавирусийн эсрэг вакцины захиалгын талаар тоо баримтыг нэгтгэж мэдээлжээ.

Уг мэдээлэлд өгүүлснээр дэлхий даяар нийтдээ 8.25 тэрбум тун вакцины захиалга хийгдээд байгаа аж. Хэрвээ тэгш хуваарилбал энэ нь дэлхийн хүн амын талаас илүү хэсгийг дархлаажуулах хэмжээний вакцин юм байна. Гэхдээ баян чинээлэг орнуудын зарим нь хүн амаа хэд дахин дархлаажуулах вакцин захиалаад байгаа бол ядуу буурай орнууд хүн амынхаа багахан хэсгийг хамруулах тооцоотой байгаа юм. Тухайлбал 38 сая хүн амтай Канад улс 112 сая хүнийг хамруулах хэмжээний вакцин захиалж, дэлхийн улс орнуудыг тэргүүлжээ. Үүнд ДЭМБ-ын Covax хөтөлбөрөөс хуваарилах вакцин ороогүй гэнэ.

Монгол улсын хувьд одоогоор 165,000 хүнийг дархлаажуулах хэмжээний вакцин захиалаад байгааг Блүүмбэрг мэдээлжээ. Энэ нь Монгол улсын хүн амын 5 хувь болж байна. Вакцин үйлдвэрлэгчдээс AstraZeneca/Oxford нийт 1.46 тэрбум хүнийг дархлаажуулах хэмжээний захиалга авч тэргүүлжээ.

Дэлгэрэнгүй мэдээлэлтэй энэ холбоосоор танилцах боломжтой.

Коронавируст “Ковид-19” цар тахлын үед иргэдэд үзүүлэх тусламж, үйлчилгээг чанар хүртээмжтэй хүргэхийн төлөө тасралтгүй ажиллаж байгаа эмч, ажилчдынхаа дархлааг дэмжих, нийгмийн асуудлыг шийдвэрлэх чиглэлээр Нийслэлийн “Энэрэл эмнэлгээс томоохон ажлуудыг өрнүүлж байна.

Энэ хүрээнд нийт ажилчдын нийгмийн асуудлын судалгааг нарийвчлан хийж, ажлын үзүүлэлт, харилцаа хандлагаар хамт олноо манлайлан ажиллаж буй хоёр ажилтандаа өнөөдөр давхар туургатай, таван ханатай өргөө цагаан гэрийг гардуулан өглөө.Нийслэлийн Энэрэл эмнэлгийн хувьд, 2020 оны ажлын үзүүлэлтээр “Нийслэлийн шилдэг эрүүл мэндийн байгууллага”-ын хоёрдугаар байрт шалгарсан юм. Нийслэлийн Засаг даргын захирамжийн дагуу Нийслэлийн Эрүүл мэндийн газраас зохион байгуулдаг тус шалгаруулалтаар авсан мөнгөн дүнгийн урамшууллаа эмч, ажилчдынхаа нийгмийн асуудлыг шийдвэрлэхэд зарцуулж, нийт ажилтнууддаа тодорхой хэмжээний мөнгөн урамшуулал олгожээ.

Эрүүл мэндийн салбарын хамт олон ШИНЭ ОНЫ МЭНДЧИЛГЭЭ дэвшүүлж байна.
ХАМТДАА ДАВНА

Өнөө маргаашдаа өдөртөө хүйтний эрч бага зэрэг суларна гэж ЦУОШГ-аас мэдээллээ.

УЛААНБААТАР ХОТ ОРЧМООР: Үүлшинэ. Цас орохгүй. Салхи баруун хойноос секундэд 4-9 метр. 18-20 градус хүйтэн байна.

БАГАНУУР ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. 21-23 градус хүйтэн байна.

ТЭРЭЛЖ ОРЧМООР: Үүлшинэ. Салхи баруун хойноос секундэд 5-10 метр. 21-23 градус хүйтэн байна.

Хур тунадас: Нутгийн баруун хэсгээр үүлшинэ. Бусад нутгаар багавтар үүлтэй. Увс нуурын хотгор, Хангай, Хөвсгөлийн уулархаг нутгаар ялимгүй цас орно.

Салхи: Нутгийн зүүн хэсгээр баруун хойноос, бусад нутгаар баруунаас секундэд 5-10 метр, Алтайн салбар уулс болон говь, талын нутгаар секундэд 12-14 метр хүрч ширүүснэ.

Агаарын температур: Завхан голын эх, Хүрэнбэлчир орчим, Идэр, Тэс голын хөндий, Дархадын хотгороор 30-35 градус, Увс нуурын хотгор болон Хангай, Хөвсгөл, Хэнтэйн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн голын хөндийгөөр 20-25 градус, Хангайн нурууны өвөр бэл, говийн бүс нутгийн цас багатай газраар 9-14 градус, бусад нутгаар өдөртөө 15-20 градус хүйтэн байна.

ЭМЯ-наас коронавируст халдварын талаар ээлжит мэдээллээр БЗД-ийн эмнэлгээс голомтлон гарсан халдвар -аар нэмэгдэж болсныг хэллээ.

ХӨСҮТ-ийн Тандалт судалгааны албаны дарга А.Амбасэлмаа “Өнгөрсөн 24 цагийн хугацаанд Монгол Улсад шинээр 20халдвар илэрлээ. Үүнээс нь 16 нь тус дүүргийн эмнэлгээс голомтлон гарсан халдвар байна” гэлээ.