Month: November 2020

Цаг үеийн нөхцөл байдалтай холбогдуулан Монгол Улсын Ерөнхий сайдын нэрэмжит тэтгэлгийн материалыг 2020 оны 11 дүгээр сарын 20-ны өдрийг дуустал хүлээн авахаар боллоо.

Мэдлэг боловсрол, бүтээлч чанар, шинэ санаа, сайн үйлс, авьяас, ур чадвараараа онцгой амжилт гаргасан бакалаврын хөтөлбөрийн өдрийн ангийн оюутнууд болон коллеж, мэргэжлийн сургалт, үйлдвэрлэлийн төвд суралцагчдаас шалгаруулан “Монгол Улсын Ерөнхий сайдын нэрэмжит тэтгэлэг” олгоно.

Тэтгэлэгт нэр дэвшигчийн материалыг Засгийн газрын 2014 оны 111 дүгээр тогтоолоор баталсан “Шилдэг оюутанд Монгол Улсын Ерөнхийлөгчийн болон Ерөнхий сайдын нэрэмжит тэтгэлэг олгох журам”-ын дагуу Засгийн газрын Хэрэг эрхлэх газарт буюу Төрийн ордны шуудангаар хүлээн авна. /Ерөнхий сайдын нэрэмжит тэтгэлгийн шалгуур үзүүлэлт болон материал хүлээн авах байгууллага нь Монгол Улсын Ерөнхийлөгчийн нэрэмжит тэтгэлгээс ялгаатай болохыг анхаарна уу/

Бүрдүүлэх материал:

· Сургуулийн үндсэн захиргаа болон тухайн сургуулийн оюутны төв байгууллагаас Ерөнхий сайдын нэрэмжит тэтгэлэгт нэр дэвшүүлэхэд дэмжсэн тухай албан тоот /салбар сургуулийн захиргаа, эсхүл салбар сургуулийн оюутны байгууллагын албан тоотыг хүлээн авахгүй/;

· Тэтгэлэгт нэр дэвшигчийн мэдүүлэг /Засгийн газрын 2014 оны 111 дүгээр тогтоолын 2 дугаар хавсралтын дагуу үнэн зөв, бүрэн гүйцэд, тодорхой бичих/;

· Баталгаажуулсан дүнгийн тодорхойлолт;

· Тэтгэлгийн болзол хангасныг нотлох баримт материалууд /журмын 2.2-т заасны дагуу холбогдох баримт материалыг бүрдүүлж, төрөл, огноогоор нь эрэмбэлж дараалуулсан байх/;

· “Ард иргэдийг соён гэгээрүүлэх үйл ажиллагаа ба залуус бидний оролцоо”, эсхүл “Уламжлалт ёс заншил, хүмүүжил, соёлоо дээдэлсэн Монгол залуус” сэдвүүдийн аль нэгээр 500 үгэнд багтаасан эссэ.

Материал хүлээн авах сүүлийн хугацаа: 2020 оны 11 дүгээр сарын 20-ны өдрийн Баасан гарагийн 17:00 цаг

Тэтгэлэг олгох журам болон Мэдүүлгийн загварыг дараах холбоосоор харна уу.

Тэтгэлэг олгох журам: https://www.legalinfo.mn/annex/details/6295?lawid=…

Мэдүүлгийн загвар: https://www.legalinfo.mn/annex/details/6653?lawid=…

Дэлгэрэнгүй мэдээллийг Засгийн газрын Хэрэг эрхлэх газрын 51-262454 утсаар холбогдон тодруулах боломжтой.

Дэлхийн 216 улс орон бүс нутагт коронавирусийн халдвар бүртгэгдлээ. Өнөөдрийн байдлаар 51 сая 251 мянган хүн өвчилж, 1,2 сая хүн нас барсан байна. Европ, Азийн зарим орнуудад коронавирусийн халдвар дахин дэгдэж байна. Манай улс гадаад дотоодын өндөр эрсдэлтэй орны тоонд багтаж байгаа. Иймд анхаарал сонор сэрэмжтэй байх хэрэгтэй. 24 цагийн хугацаанд 119 дугаарын утсанд 3 мянга гаруй дуудлага иржээ.

ХӨСҮТ-ийн Тандалт судалгааны албаны дарга А.Амбасэлмаа:

-ХӨСҮТ-ийн хоёр лаборатори, ЗӨСҮТ-ийн лаборатори, Сэлэнгэ аймгийн лабораторид нийт 644 хүнд шинжилгээ хийлээ. Үүнээс 24 хүний шинжилгээнд коронавирус илэрлээ. Тодруулбал, аравдугаар сарын 22-нд Алтанбулагийн боомтоор орж ирсэн нэг хүний давтан шинжилгээ, энэ сарын 10-нд Алтанбулагийн боомтоор орж ирсэн ачаа тээврийн машины жолооч, аравдугаар сарын 19-нд Сөүл-Улаанбаатар чиглэлийн нислэгээр ирсэн таван хүний давтан шинжилгээ, аравдугаар сарын 20-нд Сөүл-Улаанбаатар чиглэлийн нислэгээр ирсэн найман хүний давтан шинжилгээ, аравдугаар сарын 21-нд БНЭУ-Улаанбаатар чиглэлийн нислэгээр ирсэн гурван хүний давтан, гурван хүний хяналтын шинжилгээнд коронавирус илэрлээ.

Манай улсын нийт батлагдсан тохиолдол 406 байна. Үүнээс эдгэрсэн тохиолдол 317 байгаа. Нийт эдгэрээд гарсан 317 хүний 5 нь сувиллын ажиглалт, тандалтад байгаа бол 4 хүн гэрийн ажиглалт тандалтад байна. Ажиглалт тандалтын хугацаа дууссан 308 хүн байгаа. Өнөөдрийн байдлаар 84хүн эмчилгээнд байгаа. Биеийн байдлыг үнэлбэл, 72 хүн хөнгөн, хүндэвтэр 10, хүнд 2 хүн байна. Нутаг буцаасан таван хүн бий.

Батлагдсан тохиолдлын ойрын хавьтал 73 хүн байгаа. Үүнээс 48 хүний шинжилгээ хийгдэж дууссан. Ойрын хавьтлын нэг хүний шинжилгээнд коронавирус илэрсэн. Коронавирусийн батлагдсан тохиолдлын голомтын ойрын хавьтал, хоёрдогч хавьтлын 171 шинжилгээ сөрөг гарсан. Д-ийн голомтод батлагдсан тохиолдол 5 болж байна. Замын-Үүд, Өмнөговь, Сэлэнгэ аймагт явсан таван хүний шинжилгээнд коронавирус илрээгүй. Бусад тандалт үргэлжлэн хийгдэж байна.

Бүх нийтийн бэлэн байдлын зэрэгт шилжсэнтэй холбогдуулан хөл хорионы дэглэмийг сахиулахаар мэргэжлийн хяналт, цагдаа, онцгой байдлын албан хаагчдын хамтарсан эргүүл хяналтын баг нийслэлийн 6 дүүргийн нутаг дэвсгэрт үүрэг гүйцэтгэж эхэллээ.

Иймд иргэн та хөл хорионы дэглэмээ баримталж, шаардлагагүй тохиолдолд гэрээсээ гарахгүй байх, амны хаалтаа байнга зүүж, халдвар хамгааллын дэглэмээ сайтар сахиж, төрийн байгууллагуудын албан хаагчдын тавьсан шаардлагыг биелүүлэхийг анхааруулъя. Тус ажилд НМХГ-ын 400 гаруй албан хаагчид дайчлагдан ажиллаж байна.

Засгийн газрын шийдвэрээр өнөөдрөөс эхлэн бүх нийтийн бэлэн байдалд шилжсэн. Үүнтэй холбогдуулан зарим байгууллага онлайнаар үйл ажиллагаагаа явуулж, албан хаагчид гэрээсээ ажиллаж байна. ШЕЗ мэдэгдэл гаргаж анхан болон давж заалдах шатны шүүхүүдийн хуралдааныг хойшлуулсан байна.

Эрүүл мэндийн яамнаас коронавируст халдварын нөхцөл байдлын талаар мэдээлэл хийлээ.

ЭМЯ-ны хэлтсийн дарга Д.Нарангэрэл: “Дэлхийн 216 бүс нутагт коронавирусийн халдвар гарсан. Дэлхийн дахинд коронавирусийн цар тахал эрчтэй тарж байна. Мөн ОХУ болон түүнтэй муж улсууд, манай улстай хил залгай газруудад халдвар эрчтэй нэмэгдэж байна.

Манай орон гадаад, дотоодын өндөр эрсдэлтэй ангид багтаж, хүн болгон эрсдэлтэй байдалд орлоо.

Иймд хүн бүр сонор сэрэмжтэй байх хэрэгтэй.

Өнгөрсөн 24 цагийн хугацаанд 3,000 гаруй иргэн утсаар зөвлөгөө мэдээлэл авлаа” гэв.

Улсын онцгой комиссын хуралдааны дараа Засгийн газар хуралдаж, коронавируст цар тахлын шинэ нөхцөл байдалтай холбогдуулан зарим шийдвэрийг гаргасан. Улмаар Гамшгаас хамгаалах хуулийн 11.3-т заасны дагуу Монгол Улсын хэмжээнд нутгийн болон төрийн захиргааны байгууллагыг 2020.11.12-ны өдрөөс 2020.11.22-ныг хүртэл бүх нийтийн бэлэн байдлын зэрэгт шилжүүлсэн.

Мөн өглөөний 06.00 цагаас 2020.11.17-ны өдрийн 06.00 цаг хүртэл тав хоногийн хугацаанд улсын хэмжээнд хатуу хөл хорио тогтоосныг УОК-ын дарга мэдэгдсэн юм. Засгийн газар шийдвэрээ танилцуулсны дараа Нийслэлийн Онцгой комисс хуралдав. Монголд анх удаа авч буй бүх нийтийн бэлэн байдлын зэргийн үеэр хүнсний дэлгүүр, супермаркет, хүнсний зах , хүнсний үйлдвэр, эмийн сан, эмнэлэг, хэвлэл мэдээлэл харилцаа холбооны байгууллага, буяны үйл ажиллагаа, шатахуун түгээх станц, нефть хангамжийн байгууллагууд, худаг-усан хангамж, эрчим хүч, дулааны цахилгаан станцууд, түлш, дулаан хангамжийн үйлдвэрлэл, түгээлтийн байгууллагууд, хот хоорондох хүнсний тээвэрлэлт хэвийн горимоор ажиллах болсныг Нийслэлийн онцгой комиссын дарга Д.Сумъяабазар хэллээ.

Нийслэлийн Онцгой комиссын дарга Д.Сумъяабазар “Болзошгүй эрсдэлээс ард иргэдээ хамгаалахын тулд улсын хэмжээнд бүх нийтийн бэлэн байдлын зэрэгт шилжүүллээ. Нөхцөл байдал амаргүй байна. Тиймээс Улаанбаатар хотын хэмжээнд ЗДТГ, Захирагчийн ажлын алба, газар хэлтэс, дүүргүүд нарийн зохион байгуулалтад орж ажиллаж байна. Улсын хэмжээнд бэлэн байдлын зэрэг тогтоон, коронавируст цар тахлын халдварын хүрээг богино хугацаанд хянаж, хяналтдаа авахаар зорьж байгаа. Иргэдийнхээ амь насыг хамгаалах нь төрийн үүрэг. Бид иргэдтэйгээ хамтран ажиллаж байж өнөөдрийн нөхцөл байдлыг давж гарна. Ард иргэдийнхээ сайн сайхан, эрүүл мэндийн төлөө энэхүү арга хэмжээг авч байгаа юм гэдгийг иргэдэд ойлгуулж, хүсэж, бүр гуйж ажиллана шүү. Тийм учраас шаардлагагүй тохиолдолд иргэдийг гэрээсээ гарахгүй байхыг сануулж, урьдчилан сэрэмжлүүлж, учирлаж ойлгуулахад дүүрэг орон нутгийн удирдлагууд анхаарч ажиллах нь зүйтэй юм. Тэр тусмаа Нийслэлийн онцгой комиссоос гаргасан нийтийн тээврийн цагийн горимыг сайн таниулж, иргэдийг сандарч, бухимдахгүй, тайван байлгах үүднээс үнэн зөв мэдээллээр шуурхай ханган, аль ч түвшиндээ зөв зохион байгуулалт, эмх цэгц, сахилга баттай ажиллаарай” хэмээв.

Мөн нийслэлийн газар хэлтсийн удирдлагууд, дүүргийн Засаг дарга нар гэнэтийн байдалд бэлэн байж, доод шатны албан хаагчдаа шууд удирдлага, мэдээлэл, арга зүйгээр яаралтай хангаж ажиллахыг тэрбээр үүрэг болголоо.

Түүнчлэн хүнсний бүтээгдэхүүн, түүний түүхий эд, эм, эмийн хангамж, эмнэлгийн аюултай хог хаягдал, түлш, шатахууны тээвэрлэлтийн хөдөлгөөнийг саадгүй нэвтэрч байх боломжоор хангаж ажиллахыг холбогдох албан тушаалтнуудад үүрэг болголоо.

Монгол Улсад өнөөдрийн байдлаар коронавирусийн халдвар 384-д хүрээд байна.

Хэрэв халдварын шинж тэмдэг илэрсэн бол яаралтай дараах дугаар руу холбогдохыг анхаарууллаа.

ШУУРХАЙ ДУГААР – 119

ДҮҮРГҮҮДИЙН ЭРҮҮЛ МЭНДИЙН ТӨВИЙН УТАСНЫ ДУГААР

1. Баянгол дүүргийн эрүүл мэндийн төв 11-366370 24 цаг
2. Баянзүрх дүүргийн эрүүл мэндийн төв 70150049, 99017664 08:30-17:00, 90648452 24 цаг
3. Сүхбаатар дүүргийн эрүүл мэндийн төв 11-350793 08:30-17:00
4. Багануур дүүргийн эрүүл мэндийн төв 88377080, 7021103 24 цаг
5. Багахангай дүүргийн эрүүл мэндийн төв 99831606 08:30-17:00, 7049103 24 цаг
6. Налайх дүүргийн эрүүл мэндийн төв 70232427, 70232611 24 цаг
7. Сонгинохайрхан дүүргийн эрүүл мэндийн төв 98188851 24 цаг, 70180117 08:30-17:00
8. Хан-Уул дүүргийн эрүүл мэндийн төв 11-345903, 08:30-17:00, 99201202 24 цаг
9. Чингэлтэй дүүргийн эрүүл мэндийн төв 70110278, 70110279 24 цаг
10. Жаргалант тосгоны эрүүл мэндийн төв 85865240 24 цаг
11. Гачуурт тосгоны эрүүл мэндийн төв 98668541, 70490003 24 цаг
12. Хонхор тосгоны эрүүл мэндийн төв 88106681, 95103104 08:30-21:00 24 цаг
13. Туул тосгоны эрүүл мэндийн төв 70497103 24 цаг
14. “Бяцхан тэмүүлэл” хүүхдийн сэргээн засах төв 96658569, 24 цаг
15. “Эрүүл үрс” хүүхдийн сэргээн засах төв 88028381, 08:30-17:00
16. “Хан Туул” хүүхдийн сэргээн засах төв 11-341598, 08:30-17:00

Халдвар авсан хүмүүст илэрсэн нийтлэг шинж тэмдэг:

• халуурах
• хуурай ханиалгах
• цэр гарах
• амьсгал давчдах