Month: November 2020

Categories
мэдээ цаг-үе

УОК: Сэлэнгэ аймагт 74 настай эмэгтэйн шинжилгээний хариу эерэг гарлаа

Төрийн ордонд УОК-ын хурлаас гарсан шийдвэрийг танилцууллаа.

Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг “Өнөөдрийн хуралдаанаар долоон асуудлыг хэлэлцсэн. Маргаашнаас эхлэн Улсын онцгой комисс, Засгийн газраас гаргасан захирамжаас бусад тохиолдолд буюу өөр зорилгоор сэлгүүцэх иргэдэд хатуу хөл хорио тогтоох, хүнсний хангамжийн шуурхай штаб байгуулах, Цэргийн төв эмнэлэгт 520 ор нэмж гаргасан зэрэг асуудлыг хэлэлцлээ.

Шуурхай бүлэг Дархан, Сэлэнгийн бүсэд ажиллахаар яг одоо хотоос хөдөлж байна” гэв.

Эрүүл мэнд ийн сайд Т.Мөнхсайхан “Жолоочоос хойш таван хүнд коронавирусийн халдвар илэрлээ. Тодруулбал, түүний эхнэр хадам ээж дүү, дүүгийн ойрын хавьтлын хоёр хүн гээд нийт 6 тохиолдол илэрсэн. Өнөөдөр мөн Сэлэнгэ аймагт нэг сэжигтэй тохиолдол илэрлээ. 74 настай эмэгтэйн хоёр удаагийн шинжилгээгээр эерэг гарсан. Тухайн иргэнийг ХӨСҮТ рүү авчирч, шинжилгээг дахин бататгана” гэв.

ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, Цагдаагийн хурандаа Ж.Амгалан “Дам хавьтагчдын ихэнх нь тогтоогдсон. Өөрсдөө хаана байгаагаа ихэнх нь хэлж байна. Танадалтын судалгаа ойрын хоёр хоногтоо дуусна. Тиймээс ойрын хугацаанд намжина хэмээн бүгд найдан, дор бүрнээ дэглэмээ сайн сахина уу. Маргаашаас эхлэн дэглэмийн хяналтыг улам чангатгана” гэлээ.

Categories
мэдээ

ХӨЛ ХОРИО: Өмнө ба Одоо

Categories
мэдээ нийгэм

ЭМЯ: Гэртээ байгаа иргэдэд өгөх зөвлөмж

• Гэр орондоо таатай уур амьсгал бүрдүүлж, чин сэтгэлийн яриа өрнүүлэх

• Хүүхэддээ теле хичээл хийхэд нь туслах
• Ардын уран зохиол, үлгэр тууль хүүхэддээ уншиж өгөх, ярилцах
• Гэр бүлийн гишүүдийн авьяасыг хөгжүүлэх (хоол, гар урлал, зураг зурах)
• Хүүхдийг цагийн зөв менежмент, төлөвлөлтөд сургах
• Оньсого таавар тааж, уламжлалт тоглоом тоглох
• Шинэ дуу, бүжиг, хөгжим тоглож сурах
• Ариун цэвэр, эрүүл ахуйн энгийн аргуудыг гэр бүлдээ хэвшүүлэх
• Найз нөхөдтэйгээ онлайнаар дасгал, бүжиг, дуу зэргээр уралдах
• Иог, бясалгал хийх, 108 удаа сунаж мөргөх
• Гадаад хэлний болон бусад сургалтад онлайнаар хамрагдах
• Өдрийн тэмдэглэл хөтлөх
• Ардын уламжлалт тоглоом наадгай тоглох, сурах
• Гэр бүлийн хүрээнд уралдаан тэмцээн зохиох
• Ургийн бичиг хөтлөх
• Гэр орноо цэвэрлэж, тавилгаа байршлыг өөрчлөх
• Өөртөө шинэ дүр төрх бүрдүүлэх
• Жингийн илүүдлээс сэргийлэх
• Архи, тамхинаас татгалзах
Categories
мэдээ цаг-үе энтертаймент-ертөнц

Карантиныг сонирхолтой болгох 5 кино

Улс орон даяараа хөл хорионы дэглэмд шилжиж хүн бүр гэртээ байгаа энэ үед үзсэндээ хэзээ ч харамсахгүй, таны гэртээ байгаа өдрүүдийг сонирхолтой болгох 5 киног танилцуулж байна.


1.BE WITH YOU

Жинхэнээсээ уйлуулдаг кино хайж байгаа бол та энэхүү киног заавал үзээрэй. Хатуу сэтгэлтэй хэний ч хатан нурууг хугалдаг уг киноны гол дүрүүдэд бидний дуртай “Crash landing on you” сериалын гол дүр Сон Еэ Жин болон Өмнөд Солонгосын алдарт жүжигчин Со Жи Саб нар тоглосон байдаг.

Үйл явдал: Бүсгүй нас барахаасаа өмнө нөхөртөө нэг жилийн дараа борооны улирал эхлэхэд буцаж ирнэ гэж итгэмээргүй амлалт өгдөг. Хүү ээжийгээ ирнэ хэмээн бороо орох бүрт хүлээнэ. Гайхамшигтай байдлаар тэрээр амлалтаа биелүүлж, нөхөр, хүүгийнхээ өмнө дахин гарч ирнэ. Харамсалтай нь Су Ах борооны улирал дуусахад гэр бүлээ орхих хэрэгтэй болно.


2. 500 HUNDRED DAYS OF SUMMER

Энэ киног та одоо болтол үзээгүй яваа юм биш биз? Уг кинонд эрэгтэй, эмэгтэй хүмүүсийн харилцааны талаар маш сонирхолтойгоор өгүүлдэг.

Үйл явдал: Том бол офиссын ажил эрхэлдэг жирийн нэгэн залуу. Гэвч түүний амьдралд Summer хэмээх дэггүй бүсгүй гарч ирснээр Томын амьдралын 500 хоног зөвхөн түүний төлөө гэмээр өнгөрнө. Тэд яг л хосууд шиг аз жаргалтай цаг хугацааг хамтдаа өнгөрүүлнэ. Гэвч эцсийн мөчид Summer энэ бүхнийг ердөө л найзуудын харилцаа гэж боддогоо илэрхийлнэ. Ойлголтын зөрүүтэй энэ харилцаа цаашид яаж төгсөх бол?


3. CRAZY RICH ASIANS

Та өөрийгөө гэнэт үнсгэлжин болсноо мэдвэл яах вэ? Гол дүрийн бүсгүйд товчоор хэлвэл яг л ийм үйл явдал тохионо.

Үйл явдал: Их сургуулийн профессор Рэйчил болзоот залуугийнхаа гэр бүлийнхэнтэй танилцахаар болно. Олон сар болзсон залуу нь улсынхаа толгой баян гэр бүлээс гаралтай гэдгийг гэнэт л мэдэж, бүсгүй галзуу баян Азиудын амьдралын хэв маягийг хараад шоконд орно. Никийн ээж тэдний харилцааг тас хорьдог ч Рейчил өөрийгөө хүлээн зөвшөөрүүлж чадна.


4. YOU GET ME

Дээр санал болгосон кинонуудаас “You get me” нь триллер төрлийн кино гэдгээрээ ялгаатай. Гэвч үзсний дараа та хэзээ ч харамсахгүй шүү.

Үйл явдал: Тайлор нэгэн үдэшлэгийн үеэр найз охиноосоо салж, уурандаа нэгэн танихгүй охинтой хамт 3 хоногийг өнгөрүүлж орхино. Буцаж ирээд найз охинтойгоо эвлэрсэн боловч танихгүй охин түүний амьдралд дахин гарч ирснээр түгшүүрт үйл явдлууд ар араасаа тохиолдоно.


5. TO ALL BOYS I HAVE LOVED BEFORE

Хэн нэгнийг нууцаар хайрлаж байсан үе хүн бүрт байдаг. Гэвч тэр нууц нэг л өдөр задарвал яах вэ? Хөнгөн, хайр дурлалын сэдэвтэй энэхүү кино таныг огтхон ч уйдахгүй гэдэгт итгэлтэй байна.

Үйл явдал: Лара Жин өмнө нь шохоорхож явсан 5 залуудаа хайрын захиа бичиж хадгалсныг, дүү нь олоод эзэд рүү нь илгээчихдэг. Ингээд Лара Жиний амьдард шинэ, хуучин 5 краш нь гэнэт гарч ирнэ. Тэдний дотор эгчийнх нь найз залуу, сургуулийн хамгийн царайлаг залуу Петер нар бий. Петер найз охиндоо хаягдсанаар Лара Жинд хуурамчаар үерхэх санал тавина. Гэвч тэдний хуурамч үерхэл жинхэнэ хайр болох болно.

Ч.БИНДЭРЪЯА

Categories
мэдээ цаг-үе

Хот хоорондын зорчигч тээврийн үйлчилгээ өнөөдрийн 13:50 цагт зогссон байна

“Бүх нийтийн бэлэн байдлын зэрэгт шилжүүлэх тухай” тогтоолоор Хот хоорондын нийтийн зорчигч тээврийн хөдөлгөөнийг 2020.11.17-ны өдрийн 06:00 цаг хүртэл хязгаарлаад байгаа.

УОК-ын тогтоол гарах үед буюу 2020.11.11-ний өдөр 03:00 цагийн байдлаар УБ-Орон нутаг чиглэлд 21 тээврийн хэрэгслээр 735 зорчигч, Орон нутгаас -УБ чиглэлд 22 тээврийн хэрэгслээр 770 зорчигч явж байсныг Улсын онцгой комиссын хэвлэлийн төлөөлөгч Ц.Ганзориг фэйсбүүк худсаараа дамжуулан мэдээллээ.

Мөн “2020.11.11-ний УОК-ын 12 дугаар тогтоол, Зам, тээврийн хөгжлийн сайдын А/214 дугаар тушаалыг тус тус үндэслэн Улаанбаатар хотоос гарах хот хоорондын нийтийн зорчигч тээврийн хөдөлгөөнийг хязгаарласан бөгөөд тасалбарын үнийг шимтгэлгүйгээр буцаан олгох, хойшлуулах ажлыг зохион байгуулсан.

2020.11.12-ны өдөр орон нутгаас – Улаанбаатар хотын чиглэлд 24 чиглэлийн 58 тээврийн хэрэгслээр 1,464 зорчигч тээвэрлэлтэд гарсан.

Улиастай-Улаанбаатар чиглэлд 2020.11.11-ний өдрийн 18:00 цагт 13 зорчигчтой тээвэрлэлтэд гарсан тээврийн хэрэгсэл 13:50 цагт Улаанбаатар хотод ирсэн. Үүгээр хот хоорондын тээвэр дуусаж зогссон байна” гэжээ.

Categories
мэдээ нийгэм

А.Амбасэлмаа: Тээврийн жолоочийн ойрын хавьтал 73 хүнээс нэг хүнд коронавирус илэрлээ

Тээврийн жолоочийн ойрын хавьтал 73 хүний 48-аас нь шинжилгээ авахад нэг хүнд коронавирус илэрснийг 11.00 цагийн хурлаар мэдээлсэн. Үлдсэн хүмүүсийн шинжилгээний хариу үдээс хойш гарлаа. Коронавирус илрээгүй.

Халдвар илэрсэн нэг иргэний ойрын хавьтлуудыг тогтоох ажил үргэлжилж байна. Одоогоор ойрын хавьтал 36 хүнийг илрүүлэн шинжилгээнд хамрууллаа.
Тээврийн жолооч болон түүнээс халдвар дөрвөн хүний ойрын болон хоёрдогч хавьтал нийт 317 хүнд шинжилгээ хийлээ. Одоогоор нэг хүнээс коронавирус илэрсэн байна.

Categories
мэдээ нийгэм

Цахилгаан эрчим хүчтэй холбоотой үйлчилгээ, зөвлөгөөг гэрээсээ авах боломжтой

Улаанбаатар цахилгаан түгээх сүлжээ ТӨХК нь улс орон даяар бүх нийтийн бэлэн байдлын зэрэгт шилжүүлсэн энэ цаг үед хэрэглэгчдэдээ цахилгаан эрчим хүчийг тасралтгүй, найдвартай хүргэх ажлыг 24 цагийн турш гүйцэтгэн ажиллаж байна.

Хэрэглэгчдэд үйлчлэх төвүүд энгийн цагийн хуваарийн дагуу ажиллаж байгаа хэдий ч хэрэглэгч та өөрийгөө болон бусдыг эрсдэлд оруулалгүй цахим үйлчилгээ https://my.tog.mn/login, лавлах утас 70047004, UBEDN фэйсбүүк хуудасны ЧАТБОТ үйлчилгээ болон бүх банкны онлайн үйлчилгээ ашиглаж, цахилгаан эрчим хүчтэй холбоотой үйлчилгээг гэрээсээ авахыг зөвлөж байна.

Categories
мэдээ цаг-үе

Бүх нийтийн бэлэн байдлын зэрэгт шилжсэн үеийн хяналт, шалгалтыг чангатгахаар боллоо

Монгол Улсын Шадар сайд, Улсын онцгой комиссын дарга Я.Содбаатар хяналт шалгалтаа улам чангатгахыг эрүүл мэнд, онцгой байдал, тагнуул, цагдаа, мэргэжлийн хяналт зэрэг байгууллагын дарга нарт даалгав.

Бэлэн байдлын зэрэгт шилжсэн энэ үед шийдвэр зөрчин үйл ажиллагаа явуулж байгаа байгууллага, аж ахуйн нэгжид холбогдох хууль тогтоомжийн дагуу тухай бүр нь арга хэмжээ авч байхыг үүрэг болголоо.

Монгол Улсын Засгийн газрын 178 дугаар тогтоолын дагуу 2020 оны 11 дүгээр сарын 12-ны өдрийн 06.00 цагаас 2020 оны 11 дүгээр сарын 17-ны өдрийн 06.00 цаг хүртэлх хугацаанд гамшгаас хамгаалах бүх нийтийн бэлэн байдлын зэрэгт шилжсэн. Үүнтэй холбогдуулан Нийслэлийн Засаг дарга 2020 оны 11 дүгээр сарын 12-ны өдөр захирамж гаргасан байна.

Энэ дагуу:

  1. Хэвлэл мэдээлэл, харилцаа холбоо, шуудан
  2. Цахилгаан, дулаан, усан хангамж, ариутга татуурга
  3. Газрын тосны бүтээгдэхүүн, түлшний хангамж
  4. Хүнсний үйлдвэрлэл, худалдаа, тээвэрлэлт, түгээлт, ханган нийлүүлэлт /хайпермаркет, супермаркет, минимаркет, хүнсний дэлгүүр, бөөний төв, агуулах, хүнсний зах, мал, амьтны тэжээл/
  5. Эрүүл мэндийн байгууллага, эмийн сан, эм, эмнэлгийн хэрэгсэл ханган нийлүүлэх байгууллага
  6. Хог хаягдлын цэвэрлэгээ, ачилт, цуглуулалт, тээвэрлэлт, устгал, золбин нохой, муурын устгал
  7. Ариутгал, халдваргүйжүүлэлт, нийтийн бие засах газар
  8. Банк
  9. Оршуулга
  10. Өвс, тэжээлийн нөөц бүрдүүлэлт, сайжруулсан болон баяжуулсан түлшний үйлдвэрлэл, нийлүүлэлт, түгээлт, тусгай зөвшөөрөл бүхий байгууллагын түлшний тээвэрлэлт
  11. Шүүх, прокурор
  12. Тусгайлсан чиг үүрэг бүхий байгууллага /гамшгаас хамгаалах, мэргэжлийн хяналт, цагдаа, зэвсэгт хүчин, гааль, татвар, байгаль орчныг хамгаалах, улсын бүртгэл, гадаадын иргэн, харьяатын асуудал эрхлэх, дипломат болон тусгай алба/
  13. Улсын онц чухал болон стратегийн ач холбогдол бүхий обьект, байгууллага /Гадаадын дипломат төлөөлөгчийн газар
  14. НҮБ-ын суурин төлөөлөгчийн газар
  15. Нийслэлийн замын хөдөлгөөний удирдлагын төв
  16. “Улаанбаатар төмөр зам” ХНН
  17. “Чингис хаан” олон улсын нисэх буудал
  18. “Биокомбинат” төрийн өмчит үйлдвэрийн газар
  19. Стандарт, хэмжил зүйн газар болон Үнэт металлын сорьцын хяналтын газрын байр
  20. Үндэсний дата төвийн нөөц төв/-ууд хэвийн горимоор ажиллах юм.

Дээрх байгууллагуудын ажилтан, албан хаагчид ажлын үнэмлэх, иргэний үнэмлэхээ заавал авч явах бөгөөд жагсаалтад багтаагүй байгууллага, аж ахуйн нэгж, хуулийн этгээд үйл ажиллагаа явуулахгүй гэдгийг Улсын онцгой комисс анхаарууллаа.

Төрийн болон хувийн хэвшлийн аж ахуйн нэгжүүд ажилтнуудаа гэрээсээ цахимаар ажиллах боломжийг бүрдүүлэхийг Нийслэлийн Засаг дарга зөвлөж, зайлшгүй шаардлагатай биш бол гэрээсээ гарахгүй байхыг иргэдэд уриалжээ.

Нийтийн тээвэр өглөө 06:00-10:00, орой 17:00-22:00 цагийн хооронд нийтэд үйлчилнэ.

Согтууруулах ундаа худалдах тусгай зөвшөөрөлтэй хүнсний дэлгүүр /хайпермаркет, супермаркет, минимаркет, хүнсний дэлгүүр/ 07:00-21:00, хүнсний бөөний төв, агуулах, хүнсний зах 06.00-19.00 цаг хүртэл ажиллана, гэхдээ согтууруулах ундаа худалдахгүй юм.

Хот руу орох авто тээврийн хэрэгслийн хөдөлгөөн нээлттэй, харин гарахыг хориглосон шийдвэр хэвээр байна.

2020 оны 11 дүгээр сарын 12-ны өдөр орон нутгаас Улаанбаатар хотын чиглэлд 58 тээврийн хэрэгслээр 1,464 зорчигч явж байсан бөгөөд Улиастай-Улаанбаатар чиглэлийн 13 зорчигчтой тээврийн хэрэгсэл 13:50 цагт Улаанбаатар хотод ирснээр хот хоорондын зорчигч тээврийн үйлчилгээг зогсоожээ.


Categories
мэдээ нийгэм

“Чингис хааны одон” гардуулах ёслолыг тодорхойгүй хугацаагаар хойшлууллаа

Чингис хааны мэндэлсний ой, “Монгол бахархлын өдөр”-ийг жил бүрийн өвлийн тэргүүн сарын шинийн 1-ны тэмдэглэн өнгөрүүлж, Үндэстнийхээ өмнө онцгой гавьяа байгуулсан нэг иргэнийг тус одонгоор шагнадаг уламжлал 2005 оноос тогтоод буй.

Энэ жилийн хувьд тус өдөр 11 дүгээр сарын 16 ны өдөр буюу ирэх даваа гарагт тохиож байгаа юм.

Харин энэ өдрүүдэд Монгол улс гамшгаас хамгаалах бүх нийтийн бэлэн байдлын зэрэгт шилжиж, чанга хатуу хөл хорио тогтоогоод байгаа тул “Чингис хааны одон” гардуулах ёслолыг тодорхойгүй хугацаагаар хойшлуулах шийдвэрийг зохих төрийн байгууллагаас гаргасан байна.

Categories
мэдээ цаг-үе

БНХАУ-ын 33 иргэнийг албадан гаргалаа

Гадаадын иргэн, харьяатын газраас Гадаадын иргэний, эрх зүйн байдлын тухай хууль, Төрийн хяналт шалгалтын тухай хуулийн дагуу төлөвлөгөөт болон төлөвлөгөөт бус хяналт шалгалтыг тогтмол зохион байгуулж байгаа бөгөөд энэ оны эхний арван сарын байдлаар Монгол Улсын хууль тогтоомж зөрчсөн 17 улсын 145 иргэнийг албадан гаргасан.

Энэ удаад цаг үеийн нөхцөл байдалтай холбогдуулан 2 улс дипломат шугамаар хэлэлцэж, тохиролцсоны дагуу БНХАУ-ын 33 иргэнийг Зам-Үүдийн авто замын боомтоор албадан гаргаж, БНХАУ-ын талд хүлээлгэн өгөх ажиллагааг өнөөдөр (2020.11.12) зохион байгууллаа. Эдгээр иргэд нь шүүхээр ял шийтгүүлж, ялаа эдэлж дууссан (5), визийн хугацаа хэтрүүлсэн (3), оршин суух зөвшөөрлийн хугацаа хэтрүүлсэн (7), эрх бүхий байгууллагын зөвшөөрөлгүй хөдөлмөр эрхэлсэн (6), ирсэн зорилгоосоо өөр үйл ажиллагаа явуулсан (12) зэрэг зөрчил гаргасны улмаас албадан гаргагдаж байна. Тухайлбал, Визийн хугацаа хэтрүүлэн Монгол Улсад 15-16 жил хууль бусаар амьдарсан 2 иргэн байсан бөгөөд тухайн иргэдийг хяналт шалгалтаар илрүүлж, ийнхүү албадан гаргаж байна.

Дээрх иргэдэд Зөрчлийн тухай хуулийн 16.2 дугаар зүйлд заасны дагуу 12 сая 440 мянган төгрөгийн торгох шийтгэл ногдуулж, зөрчлөөс хамааран 1-3 жилийн хугацаанд Монгол Улсад дахин оруулахгүй байхаар хугацаа тогтоолоо.