Монгол улсад дотооддоо анх батлагдсан тохиолдол гарснаас хойш УОК тав хоногийн хөл хорио тогтоосон. Гэвч батлагдсан тохиолдлууд нэмэгдсээр байгаа тул хөл хориог сунгах шаардлага гарч болзошгүй байгааг албаныхан ийн хэлж буй.
ДЭМБ-аас 14 хоногоор сунгах зөвлөмжийг өгсөн. Тэгвэл зөвлөмжийн дагуу ХӨСҮТ-ийн Тандалт судалгааны албаны дарга А.Амбасэлмаа хөл хорио тогтоосон хугацааг 14 хоногоор сунгах санал оруулж байгааг Эрүүл мэнд сайдын зөвлөлийн хуралд онцоллоо.
ЭМЯ-наас мэдээлж байна.
А.Амбасэлмаа “2020 оны 11 дүгээр сарын 14-нд 814 хүнд шинжилгээ хийхэд хоёр хүний шинжилгээнд коронавирус илэрлээ. ХӨСҮТ-ийн хүлээн авах тасгаар ирсэн 28, тандалтын зорилгоор хийсэн 28 хүний шинжилгээнд коронавирус илрээгүй.
Тээврийн жолоочийн ойрын хавьтлын хоёр хүний шинжилгээнд коронавирус илэрлээ. Тухайн голомтод батлагдсан тохиолдол ес боллоо. Манай улсад коронавирусийн батлагдсан тохиолдол 428 байна” гэв.
Эрүүл мэндийн яамны хэлтсийн дарга Д.Нарангэрэл “COVID-19-ийн батлагдсан тохиолдол 428 боллоо. 11 цэгт 909 хүний шинжилгээ авахад 750 хүний сорьцод коронавирус илрээгүй” гэлээ..
Коронавирусийн халдвар илрүүлэх шинжилгээнд сайн дураар хамрагдах хүмүүс маргаашаас эхлэн дараах цэгүүдэд очиж шинжилгээ өгч болно.
ЭМ-ийн сайд Т.Мөнхсайхан “Улаанбаатарт байгуулсан 11 цэгт өнөөдрийн байдлаар 400 гаруй хүнээс шинжилгээ авсан. Шинжилгээ үнэ төлбөргүй. Сайн дураар хамрагдах хүмүүс Даваа гарагаас шинжилгээ өгч болно. Одоохондоо зөвхөн хавьтал болсон хүмүүс өгөх юм” гэж өчигдөр /2020.11.14/ мэдээлсэн билээ.
Цагдаагийн ерөнхий газраас өчигдөр бүртгэгдсэн гэмт хэрэг, зөрчлийн мэдээг хүргэлээ.
Өчигдөр /2020.11.14/ нийт 637 гомдол мэдээлэл цагдаагийн 102 дугаарт иржээ. Үүнээс зөрчил гаргасан 249, гэмт хэрэг 36, гэр бүлийн хүчирхийлэл 39 бүртгэгдсэн байна.
Үүнээс гадна согтуугаар тээврийн хэрэгсэл жолоодсон 14, гэмтсэн 11, хулгай 10, хүний биед халдах 13, олон нийтийн газар зүй бус биеэ авч яваагүй, танхайрсан 23, оршин суугчдийн аюулгүй байдал алдагдуулсан 35 дуудлага иржээ.
Арваннэгдүгээр сарын 16-нд нутгийн өмнөд хэсгээр, 17, 18-нд нутгийн зүүн өмнөд хэсгээр ахиухан хэмжээний цас орохыг анхааруулж байна.
Баруун аймгуудын нутгаар үүлшинэ. Бусад нутгаар багавтар үүлтэй. Баруун аймгуудын нутгийн баруун хэсэг, төвийн аймгуудын нутгийн баруун хойд хэсгээр цас орно. Салхи нутгийн баруун хагаст баруун өмнөөс, бусад нутгаар баруун хойноос секундэд 6-11 метр.
Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эх, Идэр, Тэс, Туул, Тэрэлж, Орхон, Сэлэнгэ, Хараа, Ерөө, Хэрлэн, Онон, Улз голын хөндийгөөр 4 градус хүйтнээс 1 градус дулаан, говийн бүс нутгийн өмнөд хэсгээр 8-13 градус, бусад нутгаар 2-7 градус дулаан байна.
УЛААНБААТАР ХОТ ОРЧМООР: Үүлшинэ. Цас орохгүй. Салхи зүүн өмнөөс секундэд 6-11 метр. 3-5 градус дулаан байна гэж ЦУОШГ-аас мэдээллээ.
Монгол Улсын Шадар сайдын тушаалаар Хүн амын хүнсний хангамжийг сайжруулах шуурхай штабыг байгуулж, ХХААХҮ-ийн сайд ахлаж байна.
Энэ талаар ХХААХҮЯ-ны Хүнсний бодлого, зохицуулалтын газрын дарга Л.Чой-Иш, Улаанбаатар хотын ерөнхий менежер бөгөөд Захирагчийн албаны дарга Т.Гантөмөр, Нийслэлийн Хүнс, ХАА-н газрын дарга Д.Буянбат нар мэдээллээ. Улмаар гамшгийн бэлэн байдлын нөхцөлд хүн амыг хүнсээр тогтвортой хангах, нийлүүлэлтийг тогтворжуулж хүнсний бэлэн байдлыг хангах үүднээс маргааш, 11 дүгээр сарын 15-наас нийслэлд махны өргөтгөсөн худалдааг эхлүүлж байна гэв.
Эхний ээлжинд 200 тонн махыг гулуузаар болон жижиглэнгээр борлуулах аж. Энэ худалдааг нийслэлийн Баянзүрх болон Баянгол дүүргээс эхлэхийг дуулгалаа. Улмаар нийслэлийн 6 дүүргийн 12 байршилд худалдах аж. Хонины махыг кг-ыг нь 6700 төгрөгөөр, үхрийн махыг 7700 төгрөгөөр худалдаах аж.
Хүнсний хангамжийг сайжруулах штабаас мэдээлснээр энэ сарын 12-13-ны 24 цагийн байдлаар нийслэлийн 3731 дэлгүүр, 68 хүнсний төв захаар 134 тонн мах борлуулжээ. Мөн гурил 1132 тонн, гурилан бүтээгдэхүүн 584.5 тонн, төрөл бүрийн будаа 176.8 тонн, хуурай сүү 189.7 тонн, өндөг 409.9 тонн, ургамлын тонн 58.9 тонн, төмс 244 тонн, хүнсний ногоо 240 тонн, элсэн чихэр 36.4 тонн, савласан ус 504.5 тонныг худалдан борлуулаад байна. Махны өргөтгөсөн худалдаа явуулах газрууд:
Эрүүл мэндийн яамнаас 17:00 ээлжит мэдээллээ хийлээ.
Өдөр 11:00 цагт мэдээлэл хийснээс хойш халдварын тохиолдол 8-аар нэмэгдэж, нийт батлагдсан тохиолдол 424 боллоо. Тодруулбал,
Чихрийн шижин өвчинтэй тэмцэх дэлхийн өдөр өнөөдөр тохиож байна.
НҮБ-ын Ерөнхий чуулганы тогтоолоор “Чихрийн шижинтэй тэмцэх” өдрийг жил бүрийн 11 дүгээр сарын 14-нд дэлхийн нийтээрээ тэмдэглэн өнгөрүүлэх шийдвэр гаргаж байв. Диабетийн олон улсын холбоо, түүний гишүүн улс орнууд анх 1991 оноос чихрийн шижний эсрэг авах үйл ажиллагааг сайжруулах зорилгоор энэ өдрийг тэмдэглэж эхэлжээ. Монгол Улсад Чихрийн шижинтэй тэмцэх дэлхийн өдрийг 2003 оноос эхлэн тэмдэглэж байгаа юм.
Өнөөдрийн байдлаар дэлхийд чихрийн шижинтэй 415 сая хүн амьдарч байна. 2040 он гэхэд энэ тоо 642 саяд хүрч, дэлхийн 10 хүн тутмын нэг нь энэ өвчнөөр өвчлөх төлөв байгааг Чихрийн шижинтэй тэмцэх олон улсын нийгэмлэгээс мэдээлж байна.
Зүгээр л буйдан дээрээ тухлаад, юу ч бодмооргүй, бодит амьдралаас түрхэн зуур холдмоормэдрэмж хүн бүрт төрдөг. Яг энэ үедээюу хийхээ мэдэхгүй байгаа бол сонирхолтой кино үзэхийг зөвлөе. Тиймээс бодит амьдралыг мартуулж,хөнгөн романтик мэдрэмжийг төрүүлэх кинонуудыг өнөөдрийн энтертаймент буландаа онцлохоор бэлдлээ.
Бүх охид багадаа онгоцны үйлчлэгч болохыг мөрөөддөг. Жижиг суурингийн охин Донна олон улсыннислэгийн онгоцны үйлчлэгч болохыг хүсч, найз Кристианы хамтаар агаарын хөлгийн үйлчлэгч бэлтгэх сургалтанд суун, хамгийн шилдэг нь гэдгээ батална. Гэвч эцсийн шалгалтандДонна унаж, хамгийн муу байсан найз нь хүсэж байсан олон улсын нислэгт ажиллахаар хувиарлагдана.Орон нутгийн нислэгт ажиллахаар болсон ч Донна тэндээс хайраа олно. Гэвч шалгалтын материалыг нь найз нь өөрийнхтэйгээ сольсныг бүсгүй олж мэднэ. Энэхүү киноноос мөрөөдлөө биелүүлж буй залуу бүсгүйг болон онгоцны үйлчлэгчийн ажил мэргэжлийн талаар үзэх боломжтой.
Эрэгтэй, эмэгтэй сайн найзууд гэж байдаг уу? Эсвэл найз гэдэг халхавчин дор бие биендээ хайраа илчлэхээс айдаг эрэгтэй, эмэгтэй хүмүүс гэж байдаг уу? Энэхүү кинонд сайн найзууд болох Алекс, Росе хоёрын харилцааны талаар өгүүлдэг. Багын найзууд хамтдаа коллежид сурахаар төлөвлөсөн ч Алекс АНУ-г зорьж, Росе ахлах сургуулиа төгсөөдсанаандгүй ганц бие ээж болоних сургуульдэлсэж чадалгүй төрөлх хотдоо үлддэг.Тэд өөр хүмүүстэй гэрлэх боловч эцсийн мөчидтэдний нөхөрлөл хайр байсныг ухаарах болно.
Хөгширлөө гээд ажил, амьдрал, карьерын зам тэр чигтээ дуусдаг уу? 70 настай ганц бие эр Бэний хувьд гавьяаныхаа амралтад гарах нь эсрэгээрээ амьдралаа шинээр эхлүүлэх боломж юм. Тэрээр карьераа дахин шинээр эхлэхээрамжилттай өсөж буйзагварын сайтад дадлагчаар ажиллахаар ярилцлага өгч тэнцэнэ.
Ребекка бол дэлгүүр хэсэх улаан хоббитой нэгэн. Тэрээр цаг үргэлж л шүүгээндээ шинэ хувцас худалдан авахталаар бодох тул санхүүгийн байдал ч сайнгүй байх нь мэдээж.Хамгийн хачирхалтай нь Ребэкка эдийн засгийн сэтгүүлд санхүүгийн сахилга бат, зохист худалдан авалтынталаарнийтлэл бичдэг сэтгүүлч юм. Үг,үйлдлийн зөрүүтэй түүний сонголт ямар адал явдалд хөтлөх бол?
Хэтэрхий төгс амьдралаас ч хүн уйдах нь бий. Жеймс Рийз болтөгс гэмээр амьдралтай залуу. Тэрээр Парис дахь АНУ-ын Элчин сайдын туслах бөгөөд түүнд үзэсгэлэнтэй найз бүсгүй, загварлаг хувцас, машин гээд бүгд бий. Гэхдээ түүний үнэхээр хүсч байгаа зүйл бол гагцхүү адал явдал юм. Нэг л өдөр түүнд муу зүйлтэй тэмцэх үүрэг оногдоно. Түүнийг юу, юу хүлээж буйг уг киноноос олж үзээрэй.
Ч.БИНДЭРЪЯА
Гараа хэзээ угаах вэ
• Гаднаас орж ирээд
• Хоол хийхийн өмнө
• Хоол идэхийн өмнө
• Хүүхдээ хооллох, хөхүүлэхийн өмнө
• Хүүхдээ хуурайлсны дараа
• Бие зассаны дараа
• Амьтанд хүрсний дараа
• Нусаа нийсний дараа
• Амны хаалт зүүхийн өмнө, тайлсны дараа
• Бохирдох бүрт
ГАР УГААХ ДАРААЛАЛ
1.Гарын алга, бугуйг усаар сайтар норгоно
2. Гарын бүх хэсгийг хамрах саванг хүрэлцэхүйц авна. Хоёр гарын алгаараа саванг сайтар хөөсрүүлнэ
3. Нэг гарын алгаар нөгөө гарын ар тал, алга, хуруунуудыг үрж угаах
4. Гарыг салаавчлан хуруунуудын завсрыг үрж угаана
5. Гарын хуруунуудыг алган дотроо эргэлдүүлэх хөдөлгөөнөөр сайн үрнэ
6. Гарын хуруунуудыг алган дотроо эргэлдүүлэх хөдөлгөөнөөр сайн үрнэ
7. Эрхий хурууг гарын алган дотроо эргүүлэн үрнэ
8. Гарын бугуйг нөгөө гарын атгах хөдөлгөөнөөр сайтар угаана
9. Гараа сайтар угаасны дараа саванг гүйцэд арилгах
10. Гараа нэг удаагийн алчуураар арчина
11. Гоожуурыг алчуураар жийрэглэн хааж крантаа хаах