Month: November 2020

ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл дараахь мэдээлэл, зөвлөлөөг хүргэлээ.

• Хаалга болон цонхны бариулаа ариутгагчтай даавуу, самбайгаар ороох нь буруу. Халдвар тараах эрсдэлтэй бөгөөд үүний оронд тусгай ариутгалын бодисоор хоёр цаг тутамд шүршиж ариутгах ёстой.
• Мах, махан бүтээгдэхүүнийг сайтар буцалгаж идэх
• Өндөгний гадна талын бүлээн усаар угааж, сайтар буцалгаж идэх
• Түүхий ус уухгүй байхгүй
• Түүхий болон бэлэн бүтээгдэхүүний бандан, хутгыг тусад нь байлгахыг зөвлөлөө.

Шүүхийн ерөнхий зөвлөлийн дарга 2020 оны арваннэгдүгээр сарын 16-ны өдрийн 01/1183 тоот “Зөвлөмж хүргүүлэх тухай” албан бичгийг Анхан болон Давж заалдах шатны шүүхийн ерөнхий шүүгч, тамгын газрын дарга нарт хүргүүлэв.

Уг албан бичигт “Монгол Улсын Засгийн газрын 2020 оны арваннэгдүгээр сарын 11-ний өдрийн 178 дугаар тогтоолоор коронавируст халдварын цар тахалтай тэмцэх хариу арга хэмжээг эрчимжүүлэх, урьдчилан сэргийлэх зорилгоор улсын хэмжээнд гамшгаас хамгаалах бүх нийтийн бэлэн байдлын зэрэг тогтоосон бөгөөд уг тогтоолд шүүхийн үйл ажиллагаанд хязгаарлалт тогтоохгүй ажиллуулахаар заажээ.

Иймд Коронавируст халдвар /Ковид-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн 9 дүгээр зүйлийн 9.11-д “Үндсэн хуулийн цэцэд маргаан хянан шийдвэрлэх болон бусад эрх бүхий байгууллагын хэрэг хянан шийдвэрлэх ажиллагаа, шүүхийн шийдвэр гүйцэтгэх зарим ажиллагааг цахимаар явуулж болох бөгөөд эдгээр байгууллага иргэний үндсэн эрх, эрх чөлөөний баталгааг дордуулахгүйгээр өөрийн бүрэн эрхийн хүрээнд холбогдох журмыг баталж, хэрэгжилтийг зохион байгуулна” гэж, Монгол Улсын Шүүхийн тухай хуулийн 25.2.1-д “тодорхой хэрэг, маргааныг хянан шийдвэрлэхээс бусад шүүхийн дотоод ажлын зохион байгуулалт, журмыг шүүхийн тамгын газартай хамтран тогтоох асуудлыг Шүүгчдийн зөвлөгөөн шийдвэрлэнэ” гэж заасны дагуу цар тахлын хугацаанд шүүн таслах ажиллагааг явуулах журмыг коронавируст халдвараас урьдчилан сэргийлэх, хамгаалах талаар эрх бүхий байгууллагаас гаргасан зөвлөмжид нийцүүлэн баталж, хэрэгжилтийг хангаж ажиллахыг зөвлөж байна.

Түүнчлэн дээрх журмыг шүүх бүр тус тусдаа боловсруулж батлах нь хэрэг хянан шийдвэрлэх ажиллагааг нэг мөр хэрэгжүүлэхэд хүндрэл учруулах эрсдэлтэй нөхцөл байдал үүсч болзошгүй байгааг харгалзан, шүүхүүдийг нэгдсэн удирдлага, зохион байгуулалтаар хангах, холбогдох зөвлөмж, чиглэл боловсруулах асуудлаар хамтран ажиллах саналыг Улсын дээд шүүхэд хүргүүлсэн болно” гэжээ.

Түүнээс гадна Монгол Улсын Засгийн газрн арваннэгдүгээр сарын 11-ний 178 дугаар тогтоолоор бүх нийтийн бэлэн байдлын зэрэгт шилжүүлж, хатуу хөл хорио тогтоосонтой холбогдуулан Шүүхийн төрөлжсөн архивын үйл ажиллагааг дээрх тогтоолд дурдсан хугацаанд цахим хэлбэрт шилжүүлээд буй.

Иймд иргэд ус архиваас лавлагаа, тодорхойлолт авах өргөдөл, хүсэлтээ Шүүхийн төрөлжсөн архивын www.archive@judcouncil.mn хаягаар хүргүүлнэ үү.

“Таван толгой түлш” ХХК онцгой горимд үйлдвэрлэл, нөөцлөлт, түгээлт, нийлүүлэлтийн ажлыг зохион байгуулж байна.

Өнгөрсөн 24 цагийн байдлаар баруун болон зүүн бүсийн үйлдвэрүүдэд 290 ажилтан ажиллаж, нийт 3,410.76 тонн шахмал түлш үйлдвэрлэжээ. Одоогийн байдлаар “Таван толгой түлш” ХХК 542,335 тонн шахмал түлш үйлдвэрлэх нөөцтэй байна. Харин сайжруулсан шахмал түлшний бэлэн нөөц 95,000 тонн байгаа аж. Нийслэлийн төвийн зургаан дүүргийн гэр хорооллын хэмжээнд сайжруулсан шахмал түлш борлуулах 610 цэг ажиллаж байна. Өчигдрийн /2020.11.16/ байдлаар 340 борлуулалтын цэгт 2,773 тонн түлш, хангамж болон дундын агуулах руу 2,667 тонн түлшийг тус тус тээвэрлэжээ. Сайжруулсан шахмал түлшний хот доторх түгээлтийг тээврийн 22 компанийн 397 автомашинаар хийж гүйцэтгэжээ.

ЗӨСҮТ-ийн захирал Н.Цогбадрах “Нийслэлд гарсан батлагдсан тохиолдол болон сэжигтэй тохиолдлуудын явсан маршрутын дагуу нийт 60 гаруй цэгт хариу арга хэмжээний найман баг ажиллаж эцсийн халдваргүйжүүлэлт хийлээ. Мөн нийслэлд үйл ажиллагаа явуулж байгаа хувийн хэвшлийн тусгай зөвшөөрөлтэй ариутгал халдваргүйтэл хийдэг компаниудыг мэргэжил арга зүйгээр ханган, үйлчилгээний байгууллагуудад халдваргүйтэл хийж ажиллаж байгаа. Халдвар голомтлон гарсан “Энхсаран” сувиллын гуравдугаар байр, 80 гаруй хүнийг шилжүүлсэнтэй холбоотой үлдсэн гурван байранд эцсийн халдваргүйжүүлэлт хийлээ.

Аливаа халдварт өвчнөөс сэргийлэх асуудал нь халдвар дамжих замыг таслан зогсоох нь чухал. Мөн манай байгууллагын гурван лабораторид нийслэлийн 18 цэгээс авсан тандалт судалгааны сорьцод шинжилгээ хийж байгаа. Сүүлийн гурван өдөр 1204 хүнд шинжилгээ хийсэн байна. Сэлэнгэ аймагт ЗӨСҮТ-ийн явуулын лаборатори шинжилгээ хийхээр явсан. Халдварт өвчнөөс сэргийлэх гол арга бол ариун цэврийн дэглэм чанд сахих, халдварт өвчний талаар мэдлэгтэй байх, түүнийг хэрэгжүүлэх явдал. Тухайлбал маскаа зүүх. Иргэд сүүлийн өдрүүдэд идэвхтэй зүүж байгаа ч маскаа зөв зүүхгүй, удаан хугацаанд зүүх, хаа хамаагүй тавих зэрэг буруу хэрэглээний асуудал байна. Гэртээ чийгтэй цэвэрлэгээ хийж, хоёр цаг тутам агааржуулалт оруулах хэрэгтэй байна” гэлээ.