Month: November 2020

Дорноговь аймгийн онцгой комиссоос “Covid-19” цар тахлын эсрэг
хэрэгжүүлж буй ажлын талаар өнөөдөр ээлжит мэдээллээ хийлээ.

Дорноговь аймгийн эрүүл мэндийн газрын дарга Г.Энхцэцэг “Манай аймагт өнөөдөр шинээр тохиолдол илэрсэнгүй. Нийтдээ онош батлагдсан 21 тохиолдлын тав нь Айраг суманд, 16 нь Замын-Үүд суманд бүртгэгдсэн. Халдвар авсан хүмүүсийн нь 15 нь насанд хүрэгчид, зургаа нь 1-11 насны хүүхэд юм. Халдварын голомт төмөр замын ажилчид болон гэр бүлийн хүрээнд тархсан. Халдвар авсан зургаан хүнд өвчний шинж тэмдэг илэрч, 11 хүнд шинж тэмдэг илрээгүй байгаа. Ихэвчлэн ханиах, хамар битүүрэх, халуурах, үнэрлэх мэдрэмжээ алдах зэрэг шинж тэмдгүүд илэрч байна. Зарим нэг хүний нүд өвдөх, гүйлгэх зэрэг шинж тэмдэг илэрсэн. 21 тохиолдлын хавьтлын судалгааг хийж 425 хүнийг ойрын хавьтал хэмээн авч үзэж, 397 хүнийг шинжилгээнд хамрууллаа. Дам хавьтлын хувьд 1976 хүнийг илрүүлж, 1398 хүнийг үзлэгт хамрууллаа. 29 хүнийг тусгаарласан байсан бол долоон хүнийг гэрийн ажиглалтанд шилжүүллээ. Хилээр орж ирсэн гурван жолоочийг хянаж байна. Гэрийн хяналтанд аймгийн хэмжээнд 1412 хүн байна. Аймгийн хэмжээнд 11105 хүн тандалт судалгаанд хамрагдсан. Нийт 12154 хүнийг үзлэг шинжилгээнд хамрууллаа. Эдгээр хүмүүст 19705 шинжилгээ хийлээ. Шинжилгээний тоо хүний тооноос илүү байгаа. Учир нь зарим хүн дээр давтан шинжилгээ хийсэн. Айраг, Замын-Үүд суманд нэмэлт хүч ажиллаж, халдварын тархалтыг хумих гэж хичээж байна. Өвчлөл гарч дуусах хүртэл төмөр замын ажилчдыг тусгаарлалтаас гаргахгүй. Яг хугацаа хэлж мэдэхгүй байна” гэлээ.

Цагдаагийн байгууллагын 102 тусгай дугаарын утсанд өчигдөр буюу арваннэгдүгээр сарын 28-нд нийт 648 гомдол мэдээлэл иржээ. Үүнээс 24 дуудлага мэдээллийг гэмт хэргийн шинжтэй гэж үзсэн байна. Дуудлага мэдээллийг задалбал:

1. Зөрчлийн 315,
2. Хулгайлах тав,
3. Гэр бүлийн хүчирхийллийн 45 дуудлага иржээ.

Энэ өдөр согтуугаар автомашин жолоодсон 20, олон нийтийн газар зүй бусаар биеэ авч явах танхайрах 62, хүний биед халдах 26, оршин суугчийн амгалан тайван байдлыг алдагдуулсан 63 хэрэг, зөрчил бүртгэгдсэн байна. Мөн хүн гэмтээсэн 10 хэрэг бүртгэгдсэн бол 80 хүн эрүүлжүүлэгджээ. УОК–оос гаргасан шийдвэрийн дагуу улс орон даяар бэлэн байдлын зэрэгт шилжиж, архи, согтууруулах төрлийн ундаа худалдан борлуулахыг хориглоод байгаа. Гэвч архидан, согтуурах төрлийн гэмт хэрэг ийн бүртгэгдсээр байгаа юм.

Өдрийн 12 цагийн байдлаар гурван дүүргийн нутагт дэвсэрт байрлах зах, сүлжээ дэлгүүрүүдэд хяналт шалгалт хийж байна.

1. Өглөөний 7:30 цагийн байдлаар Хүчит шонхор захад жижиглэнгээр борлуулж байгаа үнийн тухайд хонины цул мах 7800-8000 төгрөг, хонины ястай мах 7000-7500 төгрөг, үхрийн цул мах 11000-12000 төгрөг, үхрийн ястай мах 9000-11000 төгрөг, адууны мах 8500 төгрөг, ямааны мах 7500 төгрөгийн үнэтэй байна. Махны нийлүүлэлт өмнөх өдрөөсөө 6 тонноор өсч 95.2 тонн нийлүүлэгдсэн байна.

Бөөний үнийг өмнөх өдрийн үнэтэй харьцуулахад үхрийн махны доод үнэ нь 7800 төгрөг болж 300 төгрөгөөр нэмэгдсэн, хонины махны доод үнэ 6000 төгрөг болж 200 төгрөгөөр буурсан, адууны мах 5800-6300 төгрөг болж 200 төгрөгөөр буурсан байна. Жижиглэнгийн үнийг өмнөх өдрийн үнэтэй харьцуулахад хонины ястай махны дээд үнэ 7500 төгрөг болж 200 төгрөгөөр нэмэгдсэн, ямааны мах 7500 төгрөг болж 500 төгрөгөөр нэмэгдсэн, үхрийн ястай мах 9000-11000 төгрөг болж 500-1500 төгрөгөөр буурсан байна.

2.Чингэлтэй дүүрэгт байрлах Хүчит шонхор зах, Нарантуул-2 захад хяналт шалгалт, үнийн судалгаа хийлээ. Дээрх зах, худалдааны төвд борлуулагдаж буй өргөн хэрэглээний хүнсний бараа, бүтээгдэхүүний үнийн хувьд алтан тариан дээдийн дээд гурил 2000-2200 төгрөг, алтан тариан дээд гурил 1500-1600 төгрөг, алтан тариан 1-р гурил 1300 төгрөг, цагаан будаа 2200-3000 төгрөг, элсэн чихэр 2200-2500 төгрөг, монгол төмс 800 төгрөг, лууван 1200-1500 төгрөг, сонгино /хятад/ 1500 төгрөг, өндөг 380-400 төгрөг байсан.

-Нарантуул-2 захад махны жижиглэнгийн үнэ хонины ястай мах 7000-7500 төгрөг, хонины цул мах 8000-8500 төгрөг, үхрийн ястай мах 10000 төгрөг, үхрийн цул мах 11000-11500 төгрөг, адууны мах 8000-8500 төгрөг, ямааны мах 7000-7200 төгрөгийн үнэтэй байна. Нарантуул-2 худалдааны төвд 7-8 тн мах нийлүүлэгдсэнээс хонины мах-2 тн, ямааны мах-2 тн, үхрийн мах-1.8-2.8 тн, адууны мах 0.8 тн орчим байна.Хяналт шалгалтад хамрагдсан зах, худалдааны төвүүдэд махны нийлүүлэлт, хангамж хэвийн, үнийн өсөлтгүй байв.

3. Баянзүрх дүүрэгт байрлах Баянзүрх-1 зах болон Баянзүрх-2 захад хяналт шалгалт, үнийн судалгаа хийлээ. Дээрх захуудад борлуулагдаж буй өргөн хэрэглээний хүнсний бараа, бүтээгдэхүүний үнийн хувьд алтан тариан дээдийн дээд гурил 2200 төгрөг, алтан тариан дээд гурил 1500-1600 төгрөг, алтан тариан 1-р гурил 1300 төгрөг, цагаан будаа 2500-4000 төгрөг, элсэн чихэр 2500 төгрөг, монгол төмс 1000 төгрөг, лууван 1500 төгрөг, сонгино /хятад/ 2000 төгрөг, өндөг 380-400 төгрөг байсан.

Баянзүрх-1 захад борлуулагдаж буй махны үнийн хувьд хонины ястай мах 7800 төгрөг болж 300 төгрөгөөр нэмэгдсэн, үхрийн ястай мах 8000-9000 төгрөг болж 500-1000 төгрөгөөр буурсан, үхрийн цул мах 10000-11000 төгрөг болж 500-100 төгрөгөөр нэмэгдсэн байна. Баянзүрх-2 захад борлуулагдаж буй махны үнийн хувьд хонины ястай мах 7500 төгрөг болж 300-500 төгрөгөөр, хонины цул мах 8000 төгрөг болж 1000 төгрөгөөр, үхрийн ястай мах 9500 төгрөг болж 500 төгрөгөөр, адууны мах 8000-8500 төгрөг болж 1000-1500 төгрөгөөр тус тус буурсан байна.

4. Сонгинохайрхан дүүрэгт байрлах Сэлэнгэ зах, Шөнийн захад хяналт шалгалт, үнийн судалгаа хийж ажиллалаа.Дээрх зах, худалдааны төвд борлуулагдаж буй өргөн хэрэглээний хүнсний бараа, бүтээгдэхүүний үнийн хувьд алтан тариан дээдийн дээд гурил 2000 төгрөг, алтан тариан дээд гурил 1450-1500 төгрөг, алтан тариан 1-р гурил 1200-1300 төгрөг, цагаан будаа 2200-3500 төгрөг, элсэн чихэр 2200-2500 төгрөг, монгол төмс 800 төгрөг, лууван 1500 төгрөг, сонгино /хятад/ 1500-1800 төгрөг, өндөг 370-400 төгрөг байсан.

Хяналт шалгалтад хамрагдсан дээрх захуудад өргөн хэрэглээний бараа бүтээгдэхүүний үнэ тогтмол, нийлүүлэлт хэвийн байна. Махны үнийн тухайд Сэлэнгэ захад үхрийн цул мах 11000 төгрөг болж өмнөх өдрөөс 1000 төгрөгөөр нэмэгдсэн, Шөнийн захад үхрийн цул мах 10500-11500 төгрөг болж 500 төгрөгөөр нэмэгдсэн байна.

5.Ургамлын тосны үнэ нэмэгдсэн гэх асуудлаар гол импортлогч нараас мэдээлэл, албан ёсны тайлбар авч ажиллалаа. “Siesta” ургамлын тосыг нийлүүлэгч “Баясах хулж” ХХК нь 10 дугаар сарын 01-ны өдрөөс хойш ургамлын тосны үнэнд өөрчлөлт ороогүй. Мөн “Oleina” ургамлын тосыг нийлүүлэгч “Таван богд интернэшл” ХХК нь 10 дугаар сарын 30-ны өдрийн шийдвэрийн дагуу 2020 оны арваннэгдүгээр сарын 03-ны өдрөөс ОХУ-ын улаан буудайн үнэ өсч гадаад үнэ нэмэгдсэн тул борлуулалтын үнээ 11,8 хувиар нэмэгдүүлсэн зэрэг тайлбар өгөв.

6. “Хэрэглэгчийн мэдээллийн төв”-д 2020 оны 11 дүгээр сарын 29-ний өдрийн 12 цагийн байдлаар 115 утсанд 50, чатботод 2, дуут шуудангаар 6, ибаримт апликэйшнээр 1 иргэн тус тус хандсан байна.

7. Баянзүрх дүүрэгт байрлах Ази фарм /Бөхийн өргөө салбар/ эмийн сан болон Монос /Баянзүрх зах салбар/ эмийн сангуудад хяналт шалгалт, үнийн судалгаа хийлээ. Тус эмийн сангуудад нэг удаагийн амны хаалт 300-500 төгрөг, даавуун амны хаалт 850 төгрөг, гар ариутгагч хэмжээнээс хамаараад 2500-16500 төгрөгийн үнэтэй байна. Хяналт шалгалтанд хамрагдсан дээрх эмийн сангуудад спирт тасарсан байна.