Month: November 2020

Цар тахалтай холбоотойгоор улс даяар бүх нийтийн бэлэн байдалд шилжиж, хөл хорио тогтоосон үед цахим орчин ашиглан тодорхой төрлийн гэмт хэргүүд үйлдэгдэж байгаа талаар ЦЕГ-аас мэдээлэл өглөө.

ЦЕГ–ын Хэвлэл, мэдээллийн төвийн дарга Б.Баатархүү “Бүх нийтийн бэлэн байдлын зэрэгт шилжсэн энэ үед олон нийтийг төөрөгдүүлсэн илт худал мэдээллийг цахимаар түгээсэн нийт 44 зөрчлийн шинжтэй үйлдлийг цагдаагийн байгууллагаас холбогдох хууль, Зөрчлийн тухай хуулийн дагуу шалгаж байна.

Үүний хүрээнд зургаан иргэнийг тус бүр 500,000 төгрөгөөр торгож, 21 төрлийн хууль бус контентийг устгуулж 38 зөрчлийг харьяаллын дагуу шалгаж байна. Өчигдөр гэхэд л олон нийтийн сүлжээнд Монгол Улсын хилийг 19 километр дотогш татсан байна гэх худал мэдээлэл тарсан. Уг мэдээлэлтэй холбоотойгоор Хил хамгаалах ерөнхий газраас холбогдох тайлбар залруулгыг гаргаж, Цагдаагийн байгууллагад үүнийг шалгуулах хүсэлт ирүүлсэн. Үүний дагуу Эрүүгийн хуульд заасан худал мэдээлэл тараах гэдгээр хэрэг нээн мөрдөн шалгах ажиллагаа явуулж байна. Уг мэдээллийг анхлан тараасан байж болзошгүй иргэн О, Э, Т, Э, Д гэгчийг холбогдуулан шалгаж байна. Эдгээр мэдээллийг устгуулсан ч зарим хүн санаатайгаар уг мэдээллийг түгээх байдал тогтоогдож байгаа. Тухайн хүмүүст холбогдох хуулийн дагуу шалгалтын ажиллагаа явуулна” гэв.

Өчигдөр Монгол Улсын Ерөнхийлөгч Х.Баттулга айл өрх, ААН, үндэсний үйлдвэрлэгчдийг дэмжих зорилгоор 1 сая төгрөгийн дэмжлэгийг иргэдэд үзүүлэх үүнээс 200 мянган төгрөгийг бэлнээр 800 мянган төгрөгийг ваучер хэлбэрээр олгох болон жижиг дунд бизнес эрхлэгчдийн түрээсийн төлбөрийг хөнгөлөх, банкны зээлийн хүүг хойшлуулах зэрэг 6 саналыг Ерөнхий сайд У.Хүрэлсүхэд албан тоотоор явуулсан.

Өнөөдөр болсон Засгийн газрын хуралдааны үеэр Сангийн сайд Ч.Хүрэлбаатар Ерөнхийлөгчийн явуулсан албан тоотын талаар хэлэхдээ:

-Жижиг, дунд бизнес эрхлэгчдийн аливаа хэлбэрийн түрээсийн төлбөрийг хөнгөлөхөд чиглэсэн цогц хөтөлбөрийг боловсруулж, хэрэгжүүлэх тухай Ерөнхийлөгчийн санал Засгийн газарт дэмжигдсэн.

Санал дотор ороод, худалдааны төв болон худалдаа, үйлдвэрлэл, үйлчилгээ, хувийн сургууль, цэцэрлэг, хүүхэд харах үйлчилгээний зориулалтаар байр талбай түрээсэлсэн албан татвар төлөгчийн түрээсийн төлбөрөөр нь түрээслүүлэгчийн орлогыг хасаж тооцох тухай хууль санаачилж УИХ-д оруулж, батлуулхаар өгсөн. Ерөнхийлөгчийн тавьсан 6 саналаас таван санал орж тусгагдаад явж байгаа хэмээв.

Улс даяар бэлэн байдлын зэрэгт шилжиж хол хорио тогтоосонтой холбоотойгоор нийтийн тээврийн автобуснууд цагийн тусгай горимоор тээврийн хөдөлгөөнд оролцож байгаа. Өнөөдрөөс эхлэн хувийн болон нийтийн тээврийн хөдөлгөөнд хязгаарлалт тогтоож нийтийн тээврийн үйлчилгээг 07:00-10:00, оройны 17:00-20:00 цагийн хооронд явуулахаар болсон. Өнөөдөр нийт 92 чиглэлд 860 тээврийн хэрэгсэл хөдөлгөөнд оролцсон байна. Харин өнгөрсөн 24 цагийн хугацаанд нийтийн тээврийн хэрэгслээр 72802 хүн зорчжээ.

Коронавирусийн халдвараас урьдчилан сэргийлэх хүрээнд нийтийн тээврийн үйлчилгээнд гарч буй автобуснуудад ариутгал халдваргүйжүүлэлтийг өдөр бүр 06:00-10:00 цагийн хооронд рейс бүрт 19 эцсийн зогсоол, 10 дундын зогсоол дээр тусгай зөвшөөрөлтэй таван аж ахуй нэгж хийж байна.

Засгийн газраас 23 арга хэмжээг авч хэрэгжүүлэхээр шийдвэрлэлээ.

Үүнийг танилцуулъя. Үүнд:

1. Хүүхдийн 100 мянган төгрөг 2021.07.01 хүртэл олгоно

2. 2020.11.01-2021.07.01 хүртэл НДШ төлөөгүй төрийн болон орон нутгийн өмчит, түүний оролцоотой хуулийн этгээдээс бусад ААН, байгууллагыг алданги, торгуулиас чөлөөлөх

3.ААН, байгууллагын төлбөл зохих татварт алданги тооцохгүй

4. Түрээсийн орлогод ногдуулах төлбөрийн хөнгөлөлт олгох

5. Импортын зарим хүнсний бүтээгдэхүүнийг татвараас чөлөөлнө. Дотоодын бүтээгдэхүүнийг НӨАТ-аас чөлөөлөх

6. ААН-үүдийн хэвийн үйл ажиллагааг хангаж ажиллах

7. Ипотекийн зээлийн үндсэн болон хүүгийн төлбөрийг хойшлуулах

8. Банк, ББСБ-ын нэмэгдүүлсэн хүү, торгууль, алданги тооцохгүй байх арга хэмжээ авах

9. Уурхайчдын аюулгүй байдлыг хангах

10. Экспортын бүтээгдэхүүний гарцыг хэвийн үргэлжлүүлэх

11. Хилийн боомтын үйл ажиллагаанд халдвар хамгааллыг сахих

12. Халдваргүйжүүлэх арга хэмжээ авах

13. Импортын халдвар хамгааллын тодорхой татвараас чөлөөлөх

14. Татвар төлөгчдын татварыг хөнгөлснийг сурталчлах

15. Татварын үйл ажиллагааг цахимжуулах

16. Татвар төлөгчийн хүсэлтээр татварын өрийг тухай бүрд суутгах

17. Зээлийн батлан даалтын сангийн үйл ажиллагааг хууль тогтоомжид нийцүүлэн, бизнесийн сэргээхэд чиглүүлэх. Тус сангийн үйл ажиллагааг идэвхжүүлэх

18. Төсвийн, төрийн өмчийн байгууллагуудад үйлчилгээ үзүүлсэн иргэд, байгууллагад төлбөрийг шуурхай олгох

19. Үндэсний үйлдвэрлэлийг дэмжих

20. Тендерийн хугацааг 12 сарын 4-н хүртэл сунгах

21. Төсвийг хэмнэлтийн горимд шилжүүлэх

22. ААН-ын үйл ажиллагааг хэвийн явуулахад анхаарах
23. Ариутгал, хамгааллыг хий

23. Ариутгал, хамгааллыг хийх

Говьсүмбэр аймагт нэг хүний шинжилгээнд коронавирус илэрсэн талаар ЭМЯ-ны ээлжит хэвлэлийн хурлаар мэдээлсэн. Тэгвэл Говьсүмбэр аймгийн Онцгой комисс шуурхай хуралдаж, үүссэн нөхцөл байдлын талаар мэдээлэл өглөө.

Аймгийн Засаг даргын тамгын газраас “Говьсүмбэр аймагт коронавирусийн тохиолдол гарсантай холбоотойгоор эхний хавьтлуудыг тогтоох, хөдөлгөөнийг зогсоох шийдвэрүүд гарч байна. Төмөр замын ажилтнаас вирус илэрсэн талаарх ЭМЯ-ны мэдээллийн дагуу түргэвчилсэн оношилгоо хийсэн.

Чойр өртөөний ажилчдын дунд хийсэн шинжилгээгээр хоёр хүний шинжилгээ эерэг гарсан тул тусгаарласан. Тэр хүмүүсийн ойр орчмын хүмүүсийг хяналтад бүрэн авч, тэдийг гэрт нь тусгаарласан. Цаашдаа төмөр замын ажилчдын шинжилгээний хариу гарна. Тандалт судалгаа явагдаж байгаа” гэж мэдээллээ.

Мөн Говьсүмбэр аймгийн Онцгой комиссын шуурхай хуралдаанаас гарсан шийдвэрийг танилцууллаа. Үүнд,

1. Аймаг даяар хатуу хөл хориог тогтоож бүх үйлчилгээний байгууллагууд 2020 оны 11 дүгээр сарын 18-ны өдрийн 14 цагаас эхлэн 0 /тэг/ зогсолт хийнэ.
2. Аймгийн замын хөдөлгөөнийг 100 хувь хаана.
3. Аймгийн Онцгой комисс өдөр бүр хуралдаж асуудлуудыг шуурхай шийдвэрлэнэ.