Нийслэлийн есөн дүүргийн хэмжээнд тохижилт үйлчилгээний 21 компанийн 1612 ажилтан зам цэвэрлэгээний ажил гүйцэтгэж байна. Өнөөдөр 9 цагийн байдлаар 154 удаагийн рейсээр 825 тонн хог хаягдал, цас цэвэрлэж, тээвэрлэжээ.
Мөн золбин нохой, муур устгалын гурван компани 126 золбин нохой, муурыг устгасан байна. Харин аюултай хог хаягдлын тээвэр үйлчилгээний хоёр компани аюултай болон эмнэлгийн хог хаягдлыг тээвэрлэж, устгах ажил гүйцэтгэж байгаа аж.
Хэлж ирдэггүй, хийсч ирдэг өвчинтэй бид нүүр туллаа. Дэлхий даяар тархсан цар тахлын халдварыг дотооддоо алдахгүйн тулд төр засгийн зүгээс маш олон арга хэмжээ авч хэрэгжүүлсэн.
Гэвч цар тахлын багц тохиолдлууд илэрч, Бүх нийтийн бэлэн байдлын зэрэгт шилжүүллээ.
Яг энэ хүнд үед Сэлэнгэ,Сүхбаатар хотын унаган иргэд фэйсбүүк группын залуучуудаас санаачилж Сэлэнгэчүүддээ туслах “Сэтгэлийн дэм” хандивын аянг эхлүүлжээ. Тэдний зүгээс тус аймагт коронавируст халдварын багц тохиолдол Сэлэнгэ аймагт илэрч, төрж өссөн нутгийн иргэд маш их ачаалал үүрч, эрвийх дэрвийхээрээ зүтгэж байгаа энэ үед нутгийн зон олондоо туслах үүднээс ийнхүү хандивын аянг эхлүүлжээ. Сэлэнгэ нутгаар овоглосон, Сэлэнгэ нутгаа гэсэн чин сэтгэлтэй хүмүүс нэгдэн хандивын аянг эхлүүлэх санаачлага гаргасан нь олон хүмүүсийг талархлыг хүлээгээд байгаа аж.
ОЛНЫ ХҮЧ ОЛОМГҮЙ ДАЛАЙ гэж ардын сайхан үг бий. Энэ цаг үед улс орны эдийн засаг маш хүнд байна. Ард иргэд ч ялгаагүй хүнд цаг үеийг туулж байна. Иймээс нэг ч гэсэн айлын амьдралд нэмэр болж, амьдрал нь тааруу тарчиг байгаа айлын бяцхан хүүхдүүд өлсөж, хүйтэнд даарч хөрч байгаа нэгэндээ сэтгэлийн дэм өргөхөөр тэд ийнхүү нэгджээ.
Аянг санаачлагчдын зүгээс “Боломжтой хүн бүр боломжгүй нэгэндээ тусалж, борог амьдралд бага ч болов гэрэл гэгээ нэмж, Сэлэнгэ түмэндээ “Сэтгэлийн дэм”-ээ илгээе” гэх уриалгыг дэвшүүлжээ.
Уг аян эхлээд дөнгөж 3 хонож байгаа ч хүмүүс идэвхитэй оролцон өөрийн боломжоор хандив өгж байгаа бөгөөд өнөөдрийн байдлаар нийт 6 540 000 төгрөг цугласан байна.
Хятадын үндэсний эм үйлдвэрлэгч групп “Синофарм”-ын бүтээж, туршилтын явцдаа буй Covid-19-ийн эсрэг вакциныг тус улсын яаралтай тусламжийн хөтөлбөрийн дагуу сая гаруй хүн тариулсан талаар эрх баригчид нь өчигдөр (2020.11.19) мэдээлжээ.
Хятад улс яаралтай тусламжийн хөтөлбөрийг долдугаар сард эхлүүлж, улмаар өрсөлдөгч гурван вакцины туршилт бүрэн дуусаагүй, аюулгүй эсэхийг нь баталгаажуулж амжаагүй байсан ч нэн шаардлагатай бүлгийн хүмүүст тарихаар болсон байна.
“Синофарм”-ын дарга Лью Жинжен “Одоогийн байдлаар тус хөтөлбөрийн дагуу бүрэн батлагдаагүй вакцинуудыг тариулсан хүмүүст ноцтой гаж нөлөө илрээгүй” хэмээн мэдээлжээ.
Вакцин бүтээх, хөгжүүлэх, турших ажилд хамгийн өндөр амжилттай яваа гурван вакцины хоёрыг нь “Синофарм”-ын харьяа Хятадын үндэсний биотехнологийн хүрээлэн бүтээсэн бол үлдсэн нэгийг нь “Синовак” биотехнологийн компани бүтээсэн байна.
Одоогийн байдлаар аль вакцин нь хамгийн аюулгүй бөгөөд цаашид зөвшөөрөл авч чадах магадлал өндөр байгаа талаар албан тушаалтнууд тайлбар өгөөгүй байгаа аж.
“Синофарм”-ын бүтээсэн вакцинууд хүний эсэд гэмтэл учруулах боломжгүй, идэвхгүй болгосон вирусийг ашиглан дархлааны тогтолцоог өдөөх замаар ажилладаг бөгөөд хоёр тунтай юм байна.
Вакцинуудын эцсийн буюу гуравдугаар шатны туршилт нийт 60 мянган хүнийг хамруулан олон улсад эхэлж, 14 хоногийн дараа 40 мянган оролцогчийн цусны дээжийг Бээжинд авчирч шинжилж байгаа аж.
Харин яаралтай тусламжийн хөтөлбөрийн дагуу нэгдсэн журмаар вакцин тариулсан хүмүүсийн дунд барилгын ажилчид, дипломатчид, гадаадад сурдаг оюутнууд багтаж буй бөгөөд тэдний дундаас нэг ч хүн халдвар аваагүй байна.
Гэхдээ мэргэжилтнүүд вакцины талаар бүрэн мэдээлэлгүй байхад ийнхүү олон хүнд тарих нь вакцины үр дүнг тодорхойлоход саад учруулах эрсдэлтэй хэмээн санаа зовж байгаа ажээ.
Эх сурвалж: REUTERS
“Хүүхдийн эрхийн тухай конвенц” батлагдсаны 31 жилийн ой өнөөдөр тохиож байна.
НҮБ-ын “Хүүхдийн эрхийн тухай конвенц” 1989 оны арваннэгдүгээр сарын 20-ны өдөр батлагдсан бөгөөд манай улс 1990 оны долдугаар сарын 5-ны өдөр нэгдэн орсон байдаг. Уг конвенц нь түүхэнд хүний эрхийг хамгийн өргөн хүрээнд баталгаажуулсан гэрээ бөгөөд эдгээр эрхийг хэрэгжүүлэхэд төр засаг хүүхдүүдэд хэрхэн туслах ёстой талаар тусгасан юм.
КОНВЕНЦИЙН ТУХАЙД
Хүүхдийн эрхийг хамгаалахад чиглэгдсэн 54 багц зүйл заалтыг тусгасан уг конвенц нь хүүхдийг сонсох, хамгийн дээд эрх ашгийг нь эрхэмлэх, аливаа шалтгаанаар хүүхдийг ялгаварлан гадуурхахгүй байх, хүүхэд бүр амьд явах, хөгжих эрхтэй. Түүнчлэн хүүхдүүдийг хүчирхийллээс хамгаалах, хүүхдийн хөдөлмөр эрхлэлтийг таслан зогсоохыг амалж, хүүхэд бүр эрүүл байж, боловсрол эзэмших ёстой гэдгийг хүлээн зөвшөөрсөн юм.
Монгол Улс НҮБ-ын Хүүхдийн эрхийн конвенцийн нэмэлт III протоколд нэгдэн орохоо илэрхийлсэн. Мөн “Хүүхдийн эрхийн тухай конвенц”-д гурван нэмэлт протокол нэмж оруулсан удаатай. Тодруулбал, 2000 онд 18-аас доош насны хэн нэгнийг зэвсэгт хүчинд элсүүлэхийг хориглох болон хүүхдийн биеийг үнэлүүлэх, бэлгийн мөлжлөгт өртүүлэх, хүүхдийн боолчлолыг хориглох тухай хоёр протоколыг баталсан.
2011 онд хүүхдүүд НҮБ-ын Хүүхдийн эрхийн хороонд өөрсдийн эрх зөрчигдөж байгаа талаар шууд гомдол гаргах боломжийг олгох тухай протоколыг нэмж оруулсан байдаг.
“Хүүхдийн эрхийн тухай конвенц”-той ЭНДээс танилцана уу.
ХҮҮХДИЙГ ҮЛ ХАЙХРАХ ЭРХИЙГ ЗӨРЧИХ ТУХАЙД МЭРГЭЖИЛТНИЙ БАЙР СУУРЬ
Хүүхдийн эрх зөрчигдөж, дээрэлхүүлж, өлсөж, зодуулж, даарч, эрсдэлд байвал томчууд бүгд анхаарал хандуулах үүрэгтэй.
Хүүхдийг үл хайхрах эрхийг зөрчих тухайд:
Бие махбодын хувьд үл хайхрах: Анхан шатны хэрэгцээ болох хоол хүнс, хувцас, амьдрах эрүүл орчноор дутаах, хүүхдийн дэргэд согтууруулах ундаа, мансууруулах бодис хэрэглэх, зүй зохисгүй үйлдэл үзүүлэх, хүч дорой байдлыг ашиглан гар хүрэх цохиж зодох. Аав ээж өөрийн стресс бухимдлаа тэдэнд гаргах.
Эрүүл мэндийн хувьд үл хайхрах: Хүүхдийг өвчнөөс урьдчилан сэргийлэх арга хэмжээ авахгүй, нас сэтгэхүйн хувьд хөгжлийн хоцрогдол илэрч байгаа эсэхэд санаа тавихгүй, биеийн зовуурийг анхаарч тоохгүй байх, эмч зөвлөхийн зааваргүй дур зоргоороо эм бэлдмэл хэрэглэх, эмчилгээ хийж турших.
Сэтгэл санааны хувьд үл хайхрах: Хүүхэдтэй хөндий харилцах, ярилцахгүй байх, хайр халамжаар дутаах, хэн нэгтэй адилтгаж жиших, хүсэл сонирхлыг нь дэмжихгүй байх басамжилсан үг хэллэг хэрэглэх, олны дэргэд тоглоом доог тохуу хийх, айлган сүрдүүлэх
Боловсролын хувьд үл хайхрах: Хүүхдийн сурч хөгжих боломжийг хаах, хязгаарлах, хичээлийн хэрэгслээр хангахгүй байх, хичээл таслуулах, хоцрогдуулах, сургууль завсардуулах, цэцэрлэг сургуулиас зохион байгуулах эцэг эхийн хурал цуглаанд очихгүй байх, насанд нь тохироогүй хичээлийн агуулгаар хэт шахах.
Ганцаардуулан үл хайхрах: Бага насны хүүхдийг гэрт ганцааранг нь цоожлон үлдээх, харанхуй өрөөнд суулгаж айлгах, хашраах, тоглоомын талбайд харгалзах хүнгүй гаргах, найз нөхөдтэйгөө уулзах тоглохыг хориглох, олон нийтийн арга хэмжээнд хүүхдийг оролцуулахгүй байх, хүүхдийг хүүхдээр нь харуулж үлдээх, хүүхэд нэг бүрд тухайлан цаг гаргаж харилцахгүй байх зэргээр хүүхдийн эрхийг зөрчиж байна” хэмээн Хөөрхөн Шар Шувуу сургалт судалгааны төвийн багш Г. Төмөрзаяа хэлсэн юм.
МАНАЙ УЛСАД 2020 ОНЫ ТАВДУГААР БАЙДЛААР 948 ХҮҮХЭД ТҮР ХАМГААЛАХ БАЙР, НЭГ ЦЭГИЙН ҮЙЛЧИЛГЭЭНИЙ ТӨВӨӨР ҮЙЛЧЛҮҮЛЖЭЭ
Монгол Улсад сүүлийн таван жилийн байдлаар дунджаар 75,000-80,000 эх төрж байгаа бөгөөд 0-18 хүртэлх насны хүүхэд нийт хүн амын 36.5 хувийг эзэлж байна. Үндэсний статистикийн хорооноос гаргасан судалгаагаар улсын хэмжээнд 2019 онд 36.6 мянган өнчин хүүхэд байгаагийн 3.1 мянга (8.5%) нь бүтэн өнчин, 33.5 мянга (91.5%) нь хагас өнчин хүүхэд байна.
Түр хамгаалах байр, нэг цэгийн үйлчилгээний төвөөр 2019 онд 0-18 хүртэлх насны 2,020 хүүхдэд аюулгүй байдлын хамгаалалт, хүүхэд хамгааллын хариу үйлчилгээ үзүүлсэн нь 2018 онтой харьцуулахад 47,5 хувиар буюу 651 хүүхдээр өссөн аж.
Харин 2020 оны тавдугаар сарын байдлаар 948 хүүхэд түр хамгаалах байр, нэг цэгийн үйлчилгээний төвөөр үйлчлүүлжээ. Үйлчилгээ үзүүлсэн хүүхдүүдийн хувьд дийлэнх нь буюу 80.2 хувь нь гэр бүлийн орчинд эцэг эх, асран хамгаалагчдын зүгээс хүчирхийлэлд өртсөн байдгийг Гэр бүл, хүүхэд, залуучуудын хөгжлийн газраас мэдээлж байв.
Ардчилсан намын ҮБХ цахимаар хуралдлаа. Цар тахлын үеийн эдийн засаг, 2021 оны төсвийн алдаа дутагдал, засч залруулах боломжийг эрэлхийлж, мэдээлэл солилцлоо.
Цахим хуралд АН-ын ҮБХ-ны 140 гаруй гишүүн оролцож, мэдээлэл сонсч, санал бодлоо хуваалцлаа.
Тус хурлын үеэр ҮБХ-ны гишүүн, НИТХ-ын гишүүн Т.Батцогт, Монгол Улсын ерөнхийлөгчийн эдийн засаг, аж үйлдвэрийн бодлогын зөвлөх Ц.Эрдэнэбат, ҮБХ-ны гишүүн П.Мөнхтулга, НИТХ-ын төлөөлөгч Д.Пүрэвдаваа нар эдийн засаг, 2020 оны улсын болон нийслэлийн төсөвтэй холбоотой хийсэн судалгаа, дүгнэлтээ танилцууллаа.
Цаашид цар тахлын үеийн хатуу хөл хориотой энэ үед АН ийнхүү цахимаар хуралдаж нийгэмд тулгамдсан асуудал, “Ковид-19″-той холбоотой мэдээллийг гишүүд дэмжигчид хийгээд олон нийтэд хүргэхээр болов. Дараагийн цахим хурал ирэх даваа гарагт буюу арваннэгдүгээр сарын 23-нд 12 цагаас “Оюутолгойн асуудлаар” хэлэлцэх юм.
ХӨСҮТ-ийн Тандалт судалгааны албаны дарга А.Амбасэлмаа “Өчигдөр батлагдаж байгаа тохиолдлуудаас харахад ямар нэгэн хэлбэрээр урьд нь халдвар батлагдсан бүс нутаг, тухайн батлагдсан тохиолдлуудтай хавьтал болсон, мөн 2020 оны аравдугаар сарын 30, арваннэгдүгээр сарын 01-нд зохион байгуулагдсан тэмцээн, бусад үйл ажиллагаанд оролцсон хүмүүс ихэвчлэн өртөж байна. Тиймээс энэ үйл ажиллагаанд оролцсон хүмүүс биеэ илүүтэй хянаж, аль болох шинжилгээ тандалтод ормоор байна. Асуумж судалгаа хийж байгаа үед мэдээллээ зөв өгмөөр байна. Мөн Баянзүрх дүүргийн дөрөвдүгээр хороонд байрладаг “Говь гурван сайхан-GGS” караокед орсон, “Эмоци” пропакшны тоглолтыг үзсэн тухай иргэдийг шинжилгээнд хамрагдахыг удаа дараа зарлаж байгаа. Энэ үзвэр, үйлчилгээг авсан иргэд халдварт өртөмтгий, сүүлийн батлагдсан тохиолдлуудаар гарч ирж байгаа учраас энэ үйл ажиллагаанд оролсон хүмүүс эрүүл мэндийн байгууллагад хандаж, шинжилгээ авч байгаа шуурхай цэгүүдэд очиж шинжилгээ өгч, ЭМЯ-ны 119, ХӨСҮТ-ийн 80086829 гэсэн утсанд холбогдож зөвлөгөө зөвлөмж авахыг ард иргэдээсээ уриалъя.
Хөл хорионы дэглэм, макс зүүх, бусад эрүүл мэндийн арга хэмжээнүүд ач холбогдлоо өгч байна. Дэлхийн олон улсын байгууллагын судалгаагаар хөл хорионы дэглэмийг барьж, хүний хөл хөдөлгөөний хязгаарласнаар халдварын тархалтыг 55 хувь бууруулдаг гэж гарсан байна. Мланай улсын хувьд одоогийн нөхцөл байдлыг харахад хөл хорионы дэглэмээ илүү сайжруулж, маскаа зүүгээд, хүн бүр хувийн ариун цэврээ сахиж, аль болох бөөгнөрөл, нягтралыг үүсгэхгүй байвал бидний авч хэрэгжүүлж байгаа арга хэмжээ Монгол Улсын хэмжээнд халдвар тархахад 60-70 хувь цаашлаад илүү сайн байвал 80 хувь хүртэл хамгаалах чадвартай гэдгийг ард иргэд маань ухамсарлаж, зөвлөмжийг дагахыг зөвлөе.
Төвлөрсөн гурван хогийн цэг, хог хаягдал цэвэрлэх, цуглуулах, тээвэрлэх үйл ажиллагаа эрхлэгч 17 ААНБ-ын хог хаягдлын тээвэрлэлтэд НМХГ-аас шалгалт хийж байна.
Нарангийн энгэр, Цагаан даваа, Морингийн энгэрийн төвлөрсөн хогийн цэгт 1688 тн хог хаягдал хүлээн авч 2169 тн хаягдлыг булж устгасан. 2020 оны арваннэгдүгээр сарын 19-ний өдрийн байдлаар хог хаягдлыг тээвэрлээгүй, зориулалтын бус газар хаясан нийт 58 зөрчил илэрч, тээвэрлэлтийн компаниудад мэдэгдэж, газар дээр нь 45 зөрчил буюу 77%-ийг арилгуулсан байна. Хог хаягдал цэвэрлэх, цуглуулах, тээвэрлэх чиглэлээр үйл ажиллагаа явуулж буй аж ахуйн нэгж байгууллагууд нь ажилчдын биеийн халууныг өдөр бүр шалгаж бүртгэл хөтөлж хэвшсэн ба сэжигтэй тохиолдол илрэхэд тусгаарлах өрөөг бэлтгэсэн байна. Мөн нэг удаагийн хамгаалах хувцас, бээлий, маскаар ханган ажиллаж байгаа боловч Баянгол шинэ өргөө ОНӨААТҮГ, Чингэлтэй ТҮК, Сүхбаатар дэвшил ОНӨААТҮГ, Сонгинохайрхан тохижилт цэвэрлэгээ үйлчилгээ ОНӨААТҮГ, Тээвэр үйлчилгээний төв ОНӨААТҮГ-ын нэг удаагийн хамгаалах хувцасны нөөц багатай байна хэмээн НМХГ-аас мэдээллээ.
Нийслэлийн мэргэжлийн хяналтын газраас хүнс түгээлт хийж буй газруудад шалгалт хийжээ. Шалгалтад 9 дүүргийн 140 хорооны 622 хүнсний объектыг хамруулахад давхардсан тоогоор 525 зөрчил, дутагдал илэрч, 335 буюу 67.5 хувийг газар дээр нь арилгуулсан байна.
Мөн хадгалах хугацаа дууссан 67 нэр төрлийн 176 ш, 672282 төгрөгийн хүнсний бүтээгдэхүүнийг газар дээр нь устгуулж ажиллажээ.
Түүнчлэн хүнсний дэлгүүрт худалдаалагдаж байсан хаяг шошгийн зөрчилтэй 9 нэр төрлийн 272 ширхэг хүнсний бүтээгдэхүүний дагалдах шошгын шаардлагыг хангуулж, түгээлтийн машины ариутгал халдваргүйтгэлийг байнга хийлгэх, хамгаалах хувцас хэрэгсэл өмсөж бараа түгээлтээ хийхийг зөвлөж байна.
Цагдаагийн албан хаагч руу нулимсан эмэгтэйд хэрэг бүртгэлтийн хэрэг нээн шалгаж эхэллээ. Тодруулбал, Маршал таун хотхонд үүрэг гүйцэтгэж байсан цагдаагийн араас нэгэн эмэгтэй шүлсээ хаячихаад яваад өгсөн нь хотхоны камерын бичлэгт үлдсэн байдаг. Цар тахлын энэ цаг үед ийм үйлдэл гаргасан эмэгтэйд иргэд ихээхэн эгдүүцсэн юм.
УИХ-ын гишүүн Х.Булгантуяатай ярилцлаа.
