Month: October 2020

Сэлэнгэ аймгийн Сүхбаатар сумын Буурхээр багийн “Өндөр-Эрэг” гэдэг газар Тус сумын Ганзам багийн иргэн А/70 настай, эрэгтэй/, мөн тус багийн иргэн С /64 настай, эрэгтэй/ нар 08.18-ны өдрийн 16:00 цагийн орчим “Орхон” голын ус руу сэлэх гэж ороод живжээ.

Ослын тухай дуудлагын дагуу тус аймгийн Онцгой байдлын газар 08.18-08.31-ний өдөр, 09.12-09.18-ны өдөр, 10.03-10.04-ний өдрүүдэд эрэн хайх ажиллагааг зохион байгуулсан боловч үр дүнд хүрээгүй тул 10.04-ний өдрийн 18:30 цагт ар гэрийнхэнтэй нь зөвшилцөж зогсоогоод байсан. Тэгвэл иргэн С /64 настай, эрэгтэй/-ын цогцос ОХУ-ын нутаг дэвсгэрээс олдсон байна.

ОХУ-аас Монгол Улсын хилээр 2020.10.14-ний өдрийн 21:20 цагт Хилийн цэргийн 0101 дүгээр анги, Хилийн мэргэжлийн хяналтын албаны байцаагч, Зооноз өвчин судлалын төвийн ажилтнууд, Цагдаагийн алба хаагч, ар гэрийнхэн цогцсыг хүлээн авах, таниулах ажиллагааг зохион байгуулж мөн өдрийн 22:10 цагт аймгийн Нэгдсэн эмнэлэгт цогцсыг шилжүүлэн, ариутгал халваргүйжүүлэлтийг хийжээ.

Яаралтай түргэн тусламжийн 103 дугаарт өнгөрсөн 24 цагт 1947 дуудлага ирснээс 865 нь яаралтай эмнэлгийн тусламж үйлчилгээ, 1082 нь зөвлөгөө мэдээлэл авчээ.

Хоногийн мэдээгээр цусны даралт ихсэх, хүүхдийн өвчлөл, осол гэмтэлтэй холбоотой дуудлага их байжээ.

Ташрамд дурдахад, нэн яаралтай түргэн тусламж авах иргэд 103 дугаарт холбогдох шаардлагатай байдаг тул зөвлөгөө, мэдээлэл авах хүсэлтэй иргэдийг 1800-0119 дугаарт хандахыг ЭМЯ-наас зөвлөв. Энгийн утасны тарифаар үйлчилдэг тус тусгай дугаараар хүүхдийн 10 эмч тогтмол мэдээлэл, зөвлөгөө өгч байна.

Насанд хүрээгүй этгээдүүд буюу 12-15 настай дөрвөн хүү бүлэглэн 40 орчим тээврийн хэрэгсэл хулгайлсан хэргийг илрүүлсэн байна.

Нийслэл хотоос 40 орчим он хуучирсан гэх тодотголтой тээврийн хэрэгслийг хулгайлж дөрвөн автомашиныг Төв аймгийн Лүн сум, Дундговь аймаг, Сэлэнгэ аймгийн Мандал зэрэг сумуудад орхисон байна.

Хөвгүүд “Бусдын нөлөөнд автан уг гэмт хэргүүдийг үйлдчихсэн, сурах хүсэлгүй, харин машин барих дуртай машиныг бол асуудалгүй барьж чадна.” гэж хариулсан талаар Цагдаагийн ерөнхий газрын Хэвлэл мэдээллийн төвийн ахлах мэргэжилтэн, цагдаагийн ахмад М.Мөнхшүр мэдээлсэн байна.

Уг гэмт хэргийг Нийслэлийн цагдаагийн удирдах газрын Мөрдөн шалгах газрын Хулгайлах гэмт хэрэгтэй тэмцэх хэлтсийн алба хаагчид илрүүлэн мөрдөн шалгаж байна гэлээ.

Өнөөдөр нийслэл, аймаг, дүүргийн ИТХ–ын төлөөлөгчдийг сонгох орон нутгийн сонгууль болж байна. Үүнтэй холбогдуулж бүх нийтээрээ амарч байна. Тэгвэл Улаанбаатар-Налайх дүүргийн автозамд зам тээврийн ноцтой осол гарсан байгаа талаар иргэд бидэнд мэдээллээ.

“Дэлхийн стандартын өдөр”-ийг олон улсын стандартын байгууллага (ISO, IEC, ITU)-уудаас жил бүр онцгойлон тэмдэглэдэг бөгөөд энэ жил “Эх дэлхийгээ стандарттайгаар хамгаалъя” гэсэн уриан дор нэгдэн тэмдэглэж байна.

Энэ жилийн хувьд илүү онцлогтой тэмдэглэж байгаа бөгөөд төр, хувийн хэвшил хамтран WORLD STANDARD’S DAY-2020 өдрийг 2020 оны 10 дугаар сарын 14-ны өдөр “Менежмент ба ур чадварын хүрээлэн” ТББ, “Креатив даймонд” ХХКомпани нь ерөнхий зохион байгуулагчаар ажиллаж, дэмжигч байгууллагаар ЗАСГИЙН ГАЗРЫН ХЭРЭГ ЭРХЛЭХ ГАЗАР, СТАНДАРТ ХЭМЖИЛ ЗҮЙН ГАЗАР БОЛОН БНСУ-Н БУСАН ХОТЫН ЭРҮҮЛ МЭНДИЙН АЯЛАЛ ЖУУЛЧЛАЛЫН ДЭМЖИХ ТӨВИЙН МОНГОЛ ДАХ ТӨЛӨӨЛӨГЧИЙН ГАЗАР дэмжин оролцож байгаа юм.

“Менежмент ба ур чадварын хүрээлэн” ТББ-ын тэргүүн Т.Мөнгөнбөгж “Манай байгууллага Монгол Улсын хүний хөгжлийн төлөө ажилладаг залуу баг хамт олон. Төр, хувийн хэвшил, түншилж байж, үйл ажиллагаа оновчтой, системтэй явна. Өнөөдрийн арга хэмжээнд төрийн байгууллагууд маань ач холбогдол өгч, ирсэнд таатай байна. Цаашдаа жил бүрийн Дэлхийн стандартын өдрийг өргөн хүрээнд, илүү ололттой, судалгаатай, амжилттайгаар зохион байгуулна гэсэн төлөвлөгөөтэй байна” гэв

Уг үйл ажиллагааны зорилго нь Монгол улсын хөгжлийн тулгуур болсон тогтолцооны стандартын хөгжил, чиг хандлага болон төрийн байгууллагад Чанарын менежментийн тогтолцоо ISO9001:2015 стандарт болон түүнийг төрийн байгууллагуудад нэвтрүүлэх арга зүйн заавар болох ISO18091:2019 стандартыг нэвтрүүлэхийн ач холбогдолтой юм.

Уг арга хэмжээнд:

1. МУ-н Ерөнхийлөгчийн Тамгын Газар
2. Засгийн газрын хэрэг эрхлэх газар
3. Эрүүл мэндийн яам
4. Боловсрол шинжлэх ухааны яам
5. Зам тээврийн яам
6. Барилга хот байгууллатын яам
7. Хүнс,хөдөө аж ахуйн яам
8. Байгаль орчин аялал жуулчлалын яам
9. Эрчим хүчний яам
10. Стандарт хэмжил зүйн газар
11. Үндэсний итгэмжлэлийн төв

12. Цагдаагийн Ерөнхий Газрын мэдээлэл дүн шинжилгээ, шуурхай удирдлагын албаны хамт олон
13. Нийслэлийн Засаг даргын тамгын газрын хамт олон болон стандартын салбарт ажиллаж байгаа мэргэжлийн зөвлөх, багш нар хүрэлцэн ирсэн байна.

Уг үйл ажиллагааны зорилго нь Монгол улсын хөгжлийн тулгуур болсон тогтолцооны стандартын хөгжил, чиг хандлага болон төрийн байгууллагад Чанарын менежментийн тогтолцоо ISO9001:2015 стандарт болон түүнийг төрийн байгууллагуудад нэвтрүүлэх арга зүйн заавар болох ISO18091:2019 стандартыг нэвтрүүлэхийн ач холбогдолын талаар хэлэлцүүлэг явагдсан юм.“

АНУ-ын Ерөнхийлөгч Дональд Трампын бага хүү Баррон Трамп коронавирусийн халдвар авчээ. Энэ тухай тэргүүн хатагтай Меланиа Трамп анх мэдэгдсэн байна. Тэрбээр хүү нь халдвар аваад одоо бараг эдгэрч байгаа талаар Цагаан ордны вэб сайтад нийтлүүлсэн “My Personal Experience with Covid-19” гарчигтай өгүүлэлдээ бичжээ. Тэргүүн хатагтай энэхүү өгүүлэлдээ Ерөнхийлөгчийн гэр бүл коронавирусийн халдвар авсны дараа юу үзэж туулсан талаар хувийн туршлагаа бичиж байгаа юм.

Өгүүлэлд дурдсанаар тэрбээр хамгийн түрүүнд хүүгээ халдвар авсан байх вий гэдгээс айж байсан тухайгаа, мөн Барроны эхний шинжилгээний хариу сөрөг гарсан ч хоёр дахь дээрээ эерэг гарсан, хүүгийнх нь биед ямар ч шинж тэмдэг илрэлгүй байсаар түргэн эдгэрсэн зэргийг дурджээ.

Дональд Трамп болон Меланиа Трамп нар хоёр долоо хоногийн өмнө халдвар авсан нь тогтоогдсон. Дональд Трамп халдвартай нь тогтоогдсоноосоо хойш ердөө 10 хоногийн дараа өөрийгөө бүрэн эдгэрснийг зарлаж, сонгуулийн ажилдаа яаравчлан орсон юм. Трампын хувьд Ерөнхийлөгчийн сонгуулийн өмнө өөрийн үл тоомсорлож байсан халдварт өвчнийг туссан нь түүнд хүнд цохилт болсон билээ.

Ийнхүү гурвуулаа зэрэг өвдсөн нь мэдээж таагүй мэдээ ч гэлээ тун завгүй АНУ-ын Ерөнхийлөгчийн гэр бүлийн хувьд гэр бүлээрээ хамтдаа цагийг өнгөрөөх, бие биенээ халамжлах боломж болсон талаар тэргүүн хатагтай өгүүлэлдээ бичжээ. “My Personal Experience with Covid-19” нийтлэлд дурдсанаар тэргүүн хатагтай өөрөө нэлээд хүнд өвдөж, бүх бие нь янгинаж, ханиалгах, сульдах шинж тэмдгүүд илэрч байсан бөгөөд аль болох эм тариа хэрэглэлгүй, амин дэмтэй эрүүл хоол хүнс түлхүү хэрэглэж байсан гэнэ.

Монгол Улсын Их хурлын дарга Г.Занданшатар нийслэл, дүүргийн Иргэдийн Төлөөлөгчдийн Хурлын сонгуульд ХУД-ийн 17-р хороо, 29-р тойргийн 17-1 дүгээр хэсгийн хороонд ирж, саналаа өглөө.

Тэрээр “Орон нутгийн сонгуулийн ирц бусад сонгуулиас доогуур байх хандлага бий ч залуучууд дээлээ өмсөөд сонгуульд саналаа өгдөг болсон. Энэ шинэ хэв маяг, хандлагаа сэргээж залуучууд сонгуульд идэвхтэй оролцохыг уриалж байна. Нутгийн өөрөө удирдах байгууллагаа сонгох чухал ач холбогдолтой сонгууль юм” гэлээ.

Монгол Улсын Ерөнхий сайд У.Хүрэлсүх нийслэлийн ерөнхий боловсролын 48 дугаар сургуульд нийслэл, дүүргийн Иргэдийн Төлөөлөгчдийн Хурлын сонгуульд саналаа өглөө. Тус хэсгийн хороо буюу Баянзүрх дүүргийн 22-р тойргийн 1-2 дугаар хэсэгт Ерөнхий сайдаас гадна Ерөнхийлөгч Х.Баттулга мөн саналаа өгөх юм.

Баянзүрх дүүрэг нийслэлийн хамгийн их хүн амтай нутаг дэвсгэр бөгөөд нийт 248705 иргэн сонгогчдын нэрийн жагсаалтад бүртгүүлжээ. Дүүргийн иргэдийн төлөөлөгчийн хурал нийт 43 суудалтай бөгөөд 130 нэр дэвшигч өрсөлдөж буй юм. Харин Баянзүрх дүүргээс нийслэлийн иргэдийн төлөөлөгчдийн хуралд 10 суудлын төлөө 30 нэр дэвшигч өрсөлдөж байна.

Өнгөрөгч 13-ны өдрийн 18:50 цаг орчимд Сэлэнгэ аймгийн Сайхан сум дахь “Хөтөл цемент шохой ХК”-ийн үйлдвэрээс уруудах замаас эрэгтэй нярай хүүхэд олджээ. Хүүхдийг улаан өнгийн гар цүнхэнд хийж орхисон байсан бөгөөд одоогоор биеийн байдал нь хэвийн, сумын эмнэлэгт эмчилгээ хийлгэж байгаа аж. Тус хэргийг Сэлэнгэ аймгийн Мандал сумын цагдаагийн хэлтэс шалгаж байгаа юм байна.

Сонгуулийн ерөнхий хорооноос аймаг, сум нийслэл, дүүргийн Иргэдийн Төлөөлөгчдийн Хурлын сонгуулийн 12 цагийн байдлаарх санал хураалтын явцын талаар мэдээлэл өглөө. Улсын хэмжээнд 12 цагийн байдлаар 15,2 хувийн ирцтэй байна гэлээ.