Month: October 2020

Аймаг, нийслэлийн 2020 оны ээлжит сонгуулийн санал хураалт өчигдөр болж, дуусав. Албан ёсны эцсийн мэдээлэл гараагүй ч нийслэлийн ИТХ-д сонгогдсон 45 төлөөлөгчийн нэрс тодорсон. Тодруулбал, Ардчилсан нам 8 суудал авсан бол Хөдөлмөрийн үндэсний нам /ХҮН/ 3 суудал, үлдсэн суудалд нь МАН-ын төлөөлөгчид сонгогдов. Өөрөөр хэлбэл, нийслэлд МАН үнэмлэхүй ялалт байгуулсан бөгөөд Ардчилсан нам, ХҮН нам гэсэн сөрөг хүчинтэйгээр ирэх дөрвөн жилийг үдэхээр болов.

МАН-ын хувьд Сонгинохайрхан, Багахангай, Багануур, Налайх, Чингэлтэй дүүргүүдэд бүтэн ялсан бол Ардчилсан нам Сүхбаатар, Баянгол, Баянзүрх дүүргүүдэд суудал авсан бол ХҮН Баянзүрх, Хан-Уул дүүргүүдийн зарим тойрогт ялалт байгуулав.

Орон нутгийн ИТХ-ын мандатын тоо буюу суудлын тооны хувьд аймаг, нийслэлийн хэмжээнд 816, сум, дүүргийн ИТХ-ын мандатын тоо 7 353 байна. Улсын хэмжээнд 8169 суудлын төлөө 17 161 хүн өрсөлдсөн. Энэ удаагийн орон нутгийн сонгууль ирцийн босгогүй, сурталчилгааны өдрүүд богинохон, санал хураалт 20.00 цагт дууссанаараа өмнөх сонгуулиудаас ялгаатай. Сонгуулийн ерөнхий хорооноос мэдээлснээр өмнөх орон нутгийн сонгуулиудыг бодвол ирц муутай байсан гэдгийг мэдээлсэн.

Мөн 2020 оны орон нутгийн сонгууль өмнөх сонгуулиудын адил маргаантай, мөнгө тараасан бичлэгтэй, сонгогчдын саналыг худалдаж авах зорилгоор бэлэн мөнгө тараасан, машинаар хүргэж үйлчилсэн зэрэг асуудалтай өндөрлөв.

Нэгэнт МАН үнэмлэхүй ялалт байгуулсан учраас хотын даргад хүнээ томилно. Харин дараагийн Нийслэлийн Засаг дарга хэн байх вэ гэдэг марафон МАН дотор сонгуулийн дүнтэй зэрэгцээд өрнөөд эхэлсэн сурагтай. Ялангуяа одоогийн үүрэг гүйцэтгэгч Ж.Батбаясгалан, НИТХ-ын дарга Р.Дагва тэргүүтэй сонгогдсон төлөөлөгчид хотын дарга болохоор зүтгэж яваа гэнэ. МАН нийслэлд ялалт байгуулсан учраас хотын даргад нэр дэвшигчдээ Нийслэлийн МАН-ын дарга давуу “эрхтэйгээр” дэвшүүлэх боломжтой бөгөөд намын даргатай зөвшилцөж, Удирдах зөвлөлийн хуралдаанаар хэлэлцэж, нэр дэвшүүлнэ. Орон нутгийн сонгуулийн дүн эцэслэхтэй зэрэгцэн МАН дотор хотын даргын марафон ширүүхэн өрсөлдөх бололтой.

ВАШИНГТОН. /The Washington Post/. Пүрэв гаргийн байдлаар АНУ-д коронавирусний халдварын 62 мянга гаруй шинэ тохиолдол илэрчээ. Энэ нь халдвар авсан хүний тоо 24 цагийн дотор 66 мянгаар нэмэгдэж байсан долдугаар сарын 31-нээс хойш өдөрт илэрсэн хамгийн олон тохиолдол юм.

Жонс Хопкинсийн нэрэмжит Их сургуулиас мэдээлж буйгаар, АНУ-д халдвар авсан нийт хүний 7.9 сая давсан байна. Коронавируст халдвараас үүдэлтэй өвчин нь хүндэрсний улмаас 217 мянга гаруй хүн нас баржээ. Эдгээр үзүүлэлтээр тус улс дэлхийн улс орнуудын дунд нэгдүгээрт орж байгаа юм.

АНУ-ын Ерөнхийлөгч Дональд Трамп пүрэв гарагт “Fox Business” телевизэд ярилцлага өгөхдөө, тус улсад халдвар дахин дэгдсэн тохиолдолд хязгаарлалтын хатуу арга хэмжээ авахгүй гэдгээ мэдэгджээ. Тэрбээр мөн Америкийн эрдэмтдийн боловсруулж буй коронавирусний вакцин энэ оны эцэс гэхэд удахгүй бэлэн болно гэдгийг онцлон дурдсан байна. Үүнээс гадна, тус улсын “Regeneron Pharmaceuticals” компанийн үйлдвэрлэсэн эсрэг биет дээр суурилсан туршилтын ийлдэс нь коронавирусний халдварын эмчилгээнд үр дүнтэй байгааг дахин хэлжээ.

Цар тахлын улмаас сонгуулийг хойшлуулсан нөхцөлд бүрэн эрхийн хугацааг нь нэг жилээр сунгахыг Хятадын эрх баригчид зөвшөөрсний дараа Хонконгийн хууль тогтоох зөвлөл үйл ажиллагаагаа сэргээжээ.

Тус бүс нутгийн засан захиргааны тэргүүн Кэрри Лам жил бүр тавьдаг илтгэлээ цуцалсан ч парламентийн эхний өдрийн хуралдаан хэвийн болсон тухай хууль тогтоох байгууллагынх нь дарга Эндрю Лян мэдээллээ. Хонконгийн Хууль тогтоох зөвлөл нь 70 гишүүн бүхий нэг танхимтай. Өнгөрсөн сард болох ёстой байсан сонгуулийг ирэх жилийн нэгдүгээр сарын 5-ны адар явуулах болжээ.

Өчигдөр буюу 10-р сарын 15-ны өдөр Говь-Алтай аймагт зам засварын ажил хийж байсан хоригдол 33 настай Э нь оргожээ. Тэрээр Өвөрхангай аймаг дахь ШШГЕГ-ын харьяа цагдан хорих 423-р ангид ял эдэлж байсан.

Гэрээний дагуу Говь-Алтай аймагт зам засварын ажил хийж байх үеээрээ оргосон байна.

Түүний оргосон цагийг ойролцоогоор 16.00 цаг орчимд барагцаалж байгаа бөгөөд цагдаа болон Шүүхийн шийдвэр гүйцэтгэх байгууллагын алба хаагчид эрэн хайж байна.

Эрүүл мэндийн яамнаас хоногийн мэдээ ирүүллээ. Яаралтай түргэн тусламжийн 103 дугаарт нийт 2208 дуудлага ирснээс 423 нь яаралтай эмнэлгийн тусламж үйлчилгээ авч, 1305 нь зөвлөгөө мэдээлэл авчээ.

-Хоногийн мэдээгээр цусны даралт ихсэх 67, хүүхдийн өвчлөл 132, осол гэмтэлтэй холбоотой 86 дуудлага холбогдож, өмнөх өдрүүдээс ихэссэн байна.

-Нэн яаралтай түргэн тусламж авах иргэд 103 дугаарт холбогдох шаардлагатай байдаг тул та бүхэн зөвлөгөө, мэдээлэл авах бол 1800-0119 дугаарт хандаж, мэргэжлийн эмч нараас зөвлөгөө, мэдээлэл аваарай.

Эрүүл мэндийн яамны өнөөдрийн хэвлэлийн хуралд ГХЯ–ны Л.Мөнхтүшиг оролцож мэдээлэл өглөө.

Тэрбээр “ГХЯ-наас хилийн чанадаас нутаг буцах хүсэлтэй иргэдийн тоог нарийвчлах ажлыг хийж байгааг өмнө нь мэдэгдэж байсан.

Өнөөдрийн байдлаар яаралтай буцах хүсэлтэй иргэдийн тоо огцом буурч Ази, Европ, АНУ-аас нийтдээ 150 орчим иргэн л яаралтай буцна гэсэн мэдээллийг бидэнд өгсөн байна.

Дээрх тоонд БНСУ-аас ирэх хүсэлтэй иргэдийн тоо ороогүй гэдгийг хэлэх хэрэгтэй. Учир нь тус улсад манай улсын иргэд хамгийн олноор оршин суудаг.

Аравдугаар сарын 12-ны өдөр Сөүл дэх Элчин сайдын яамнаас ирүүлсэн мэдээгээр, тус улсаас эх орондоо буцах хүсэлтэй гэж бүртгүүлсэн иргэдийн тоо 4,388 байсан.

Харин энэ сард Сөүл рүү үйлдэх таван удаагийн нислэгээр 1,200 гаруй иргэн ирнэ гэж тооцвол үндсэндээ тус улсаас ирэх хүсэлтэй манай иргэд 3,100 болж буурна.

Гэхдээ Сөүл дэх Элчин сайдын яам үлдэж байгаа 3,100 орчим иргэнийг нэн яаралтай буцах хүсэлтэй эсэх дээр нарийвчилсан тоон мэдээлэл гаргахад тодорхой хүндрэл гарч байна.

Энэ нь иргэд долдугаар сарын дунд үеэс нутаг буцах хүсэлтэй байгаагаа л бүртгүүлэх болсон үзэгдэл нэмэгдсэнтэй холбоотой.

Сөүл дэх Элчин сайдын яамнаас ойрын өдрүүдэд үйлдэх таван удаагийн нислэгээр өнгөрсөн саруудад буцах хүсэлтээ гаргаад УОК-ын зүгээс тавьж ирсэн таван шаардлагад нийцсэн бүх иргэд эх орондоо ирж дуусна гэх мэдээллийг өгсөн.

Таван шалгуурт хамрагдаж болохуйц цөөн тооны иргэд л аравдугаар сар гараад Элчин сайдын яаманд буцах хүсэлтээ тавьсан байна” гэв.

Ирэх долоо хоногт ОХУ-аас Монголд ирэх хүсэлт гаргасан иргэдийг татан авах тухай ГХЯ-ны Консулын газрын захирал Л.Мөнхтүшиг өнөөдрийн хэвлэлийн хурлын үеэр хэллээ.

Тэрбээр “Өнгөрсөн хугацаанд бид нийт 91 удаагийн нислэгээр 18,021 иргэнийг эх оронд нь авчирчээ.

Яг өнөөдрийн байдлаар агаар болон авто замаар нийт 22,566 иргэн эх орондоо ирээд байна.

Бид ойрын хугацаанд буюу ирэх долоо хоногт ОХУ-аас нутаг буцах хүсэлтэй манай улсын иргэд болон манай улсад хөдөлмөр эрхэлдэг, байнга оршин суудаг ОХУ-ын иргэд гээд нийт 80 гаруй хүнийг Алтанбулагийн боомтоор нэвтрүүлэхээр бэлтгэл ажлыг хангаж байна.

Товыг ойрын хугацаанд тодорхой болохоор нь нийтэд зарлах болно” гэлээ.

Монголын үндэсний циркийн засварын ажлын талаар иргэдийн дунд төөрөгдөл үүсээд байна. Энэ талаар Монголын үндэсний циркийн зүгэээс хийсэн мэдэгдлийг хүргэж байна.