Month: September 2020

НОБГ-ын Гамшгаас урьдчилан сэргийлэх хэлтсийн дарга, хурандаа Г.Нэргүй, нийслэлийн Агаарын бохирдолтой тэмцэх газрын Агаарын чанар, хяналт, зохион байгуулалтын хэлтсийн дарга Г.Даваажаргал, НЭМГ-ын Нийгмийн эрүүл мэндийн хэлтсийн дарга О.Энхзаяа, НМХГ-ын Эрүүл мэнд, боловсрол, соёлын хяналтын хэлтсийн дарга Д.Цэнд-Аюуш нар өнөөдөр цаг үеийн асуудлаар ээлжит мэдээлэл хийлээ.

Нийслэлийн ерөнхий архитектор бөгөөд газрын даргын албан үүргийг түр орлон гүйцэтгэгч Ц.Тулга, Хот байгуулалтын мэдээллийн хэлтсийн дарга А.Амарсанаа, Хот төлөвлөлтийн хэлтсийн дарга С.Даланжаргал, Хот дахин хөгжүүлэх хэлтсийн дарга М.Мэндсайхан нар өнөөдөр төрийн үйлчилгээг цахимд шилжүүлэх талаар мэдээлэл хийлээ.

Нийслэлийн Засаг даргын 2016-2020 оны үйл ажиллагааны хөтөлбөрийг хэрэгжүүлэх, Нийслэлийн “Төрийн үйлчилгээний цахим шилжилт” төслийн хүрээнд “Нийслэлийн цахим үйлчилгээний нэгдсэн портал” болох eservice.ulaanbaatar.mn системийг хэрэглээнд нэвтрүүллээ. Энэхүү систем нь нутгийн захиргааны байгууллагууд өдөр тутмын үйл ажиллагаагаа цахим хэлбэрээр явуулах, иргэдэд төрийн үйлчилгээг түргэн шуурхай, чирэгдэлгүй хүргэх боломжийг бүрдүүлэх юм.

Хот байгуулалт, хөгжлийн газраас иргэн, хуулийн этгээдэд үзүүлдэг 24 төрлийн үйлчилгээнээс барилга барих хүсэлтийг хүлээн авч шийдвэрлэх, барилга байгууламжийн гүйцэтгэлийн байр зүйн зургийг Хот байгуулалтын мэдээллийн санд бүртгэх, архивын лавлагаа авах, хотын хөгжлийн ерөнхий төлөвлөгөөний зурган мэдээлэл болон инженерийн шугам сүлжээний зурган мэдээллээр үйлчлэх зэрэг таван төрлийн үйлчилгээг дээрх цахим хуудсаар дамжуулан онлайнаар авах боломжтой боллоо. Дээрх нэгдсэн порталаас үйлчилгээнүүдтэй холбоотой мэдээ, мэдээлэл авах, үйлчилгээний төлбөр төлөх, шийдвэрлэлтийн үйл явцад хяналт тавих боломж бүрдэж байгаа юм. Хот байгуулалт, хөгжлийн газар цаашид барилга барих хүсэлт, Архитектур төлөвлөлтийн даалгавар олгох үйл ажиллагааг бүрэн цахимжуулах талаар холбогдох байгууллагуудтай хамтран ажиллаж байгаа гэдгийг Нийслэлийн ерөнхий архитектор бөгөөд газрын даргын албан үүргийг түр орлон гүйцэтгэгч Ц.Тулга хэлсэн юм.

Eservice.ulaanbaatar.mn цахим хуудсаар дамжуулан нийслэлийн нутгийн захиргааны 11 байгууллагын 110 гаруй үйлчилгээг иргэдэд үзүүлж байна. Үүний нэг нь Хот байгуулалт, хөгжлийн газрын барилга барих хүсэлтийг хүлээн авах, шийдвэрлэх үйлчилгээ цахим боллоо.

Хот байгуулалтын мэдээллийн хэлтсийн дарга А.Амарсанаа хэлэхдээ “Оны эхний найман сарын байдлаар манай байгууллагап 4256 иргэн, аж ахуйн нэгж байгууллагаас хүсэлт ирсэн. Үүний 30 хувийг цахимжуулах боломжтой болж байгаа юм. Тухайлбал, eservice.ulaanbaatar.mn цахим хуудаст хандаж, барилга барих хүсэлт гэсэн цэс рүү орж, өөрийнхөө хүсэлт өгөх байршил, дүүргийг сонгосны дараагаар автоматаар мэдээллийн сантай холбогдоно. Барилга барихад шаардагдах баримт бичгийн мэдээллийг оруулсны дараагаар холбогдох материалыг оруулж илгээх товчийг дарснаар хүсэлтээ өгч байгаа юм. Иргэн, аж ахуйн нэгжүүд хүсэлт нь ямар шатанд явагдаж байгааг мэдээллийн системээс харах боломжтой болно. Мөн хүсэлтийг ямар хууль, журмын дагуу шийдвэрлэж байгааг цахим хуудсаас авах боломж бүрдсэн. ” гэлээ.

Төрийн үйлчилгээг иргэн, хуулийн этгээдэд цахимаар хүргэснээр иргэн, хуулийн этгээдийн цаг хугацааг хэмнэсэн, шийдвэр гаргалтад хүний оролцоог багасгах, ашиг сонирхлын зөрчлөөс ангид үйлчилгээ үзүүлэх боломжтой болж байгаа гэдгийг нийслэлийн Хот байгуулалт, хөгжлийн газрын удирдлагууд хэлж байлаа.

Улсын онцгой комиссын шийдвэрийн дагуу энэ есдүгээр сард нийт 12 удаагийн тусгай үүргийн нислэг үйлдэж, эх орондоо ирэх хүсэлтэй иргэдээ татан авах ажиллагааг зохион байгуулах шийдвэрийг гаргасан.

Энэ дагуу өнөөдөр Сөүл-Улаанбаатар чиглэлийн тусгай үүргийн онгоцоор 265 хүн иргэн эх орондоо ирнэ.

Үүнээс бага насны хүүхэдтэй гэр бүл-53, өндөр настан- асран хамгаалагчтай 35, жирэмсэн- асран хамгаалагчтай 35, эрүүл мэндийн шалтгаантай-27, хөгжлийн бэрхшээлтэй-9, бусад шалтгаантай-106 иргэн байна.

Иргэдийг ХӨСҮТ, ЦТЭ, Майон, Холидэй, Тэмүүжин зочид буудал, Синдүра мэд эмнэлэг, Ахмадын амралт, Энхсаран сувилалд тусгаарлана.

ЗӨСҮТ-ийн хариу арга хэмжээний баг өнгөрсөн долоо хоногт Сөүл, Сидней, Нурсултан, Сиэтлээс тусгай үүргийн нислэгээр ирсэн 1,144 иргэний 1,524 ширхэг 27 тонн ачаа тээш болон 16 тонн карго ачаа, зорчигчдыг тээвэрлэсэн 50 гаруй тээврийн хэрэгсэл, гурван тусгаарлах байранд эцсийн халдваргүйжүүлэлт хийжээ. Энэ талаар мэдээллийг ЗӨСҮТ-өөс өглөө.

“Коронавируст халдвараас сэргийлэхэд цэвэрлэгээний ажил маш чухал. ЕБС, цэцэрлэгийн үйл ажиллагаа эхэлж байгаатай холбоотойгоор бүх боловсролын байгууллагын байранд эцсийн халдваргүйжүүлэлт хийсэн. Гэхдээ өдөр тутмын байнгын цэвэрлэгээг ахуйн хэрэглээний бодисоор өдөр бүр хийх, тогтмол агаар сэлгэх, хаалга, цонхны бариул, ариун цэврийн өрөөний цэвэрлэгээнд онцгой анхаарах хэрэгтэй” хэмээн Н.Цогбадрах захирал хэлэв.

Үргэлжлүүлэн тэрбээр тарваган тахлын эрсдэл өндөр байгааг санууллаа.

Хамгийн сүүлд гэхэд наймдугаар сарын 31-нд Увс аймагт сэжигтэй тохиолдол бүртгэгдэн, хэсэгчилсэн байдлаар хөл хорио тогтоогоод байсан бөгөөд онош лабораторийн шинжилгээгээр үгүйсгэгдэн хөл хориог цуцалсан юм.

Түүнчлэн тарваган тахлаас сэргийлэх анхааруулгыг хүргэсээр байгаа хэдий ч төв суурин газар руу тарваганы мах оруулах оролдлого гарсаар байна. Коронавируст халдварын эрсдэлтэй байгаа энэ үед давхар тарваган тахлын халдвар тархвал нийгмийн эрүүл мэндийн ноцтой байдал үүснэ гэдгийг Н.Цогбадрах захирал анхаарууллаа.

Улсын онцгой комиссын шийдвэрийн дагуу энэ есдүгээр сард нийт 12 удаагийн тусгай үүргийн нислэг үйлдэж, эх орондоо ирэх хүсэлтэй иргэдээ татан авах ажиллагааг зохион байгуулах шийдвэрийг гаргасан. Тусгай үүргийн онгоц 17:00 цагт Буянт-Ухаа олон улсын нисэх буудалд газардах юм байна.

Эхиймаа” хэмээх өвөрмөц нэртэй уран сайхны кино есдүгээр сарын 11-нд бүх кинотеатрт нээлтээ хийж, үзэгчдийн хүртээл болох нь ээ.

Тус киноны хөгжмийн зохиолчоор “Алтан ураг” хамтлагийн ахлагч, хөгжмийн зохиолч Б.Эрдэнэбат ажиллажээ. Тэрбээр тус киноны “Би асууя” нэртэй дууны үгийг бичиж, аяыг нь зохиосон бөгөөд “Нисванис” хамтлагийн дуучин Амгаагийн дуулснаар олны хүртээл болоод буй юм.

Энэхүү кинонд эмэгтэйчүүдийн дотоод ертөнц, гуниг, харуусал,
мөн бусдын төлөө гэсэн нинжин сэтгэлийн тухай өгүүлдэг байна.

Одоогоос зургаан жилийн өмнө “Шинэ үе” продакшны жүжигчин Ц.Алдармаа, Д.Оюунтуул нар бие бие рүүгээ халуун ус цацалцаж, нэгнээ түлсэн хэрэг гарсан. “Эхиймаа” уран сайхны кино нь дээрх үйл явдалтай холбоотой бөгөөд Ц.Алдармаа өөрийн ойлгож, ухаарсан, тухайн үед чухам олны нүдний цаана юу өрнөснөөс эхлээд бүх зүйлээ бусадтай хуваалцахаар шийдсэн байна. Ц.Алдармаа хийсэн хэрэгтээ гүнээ харуусч, аав ээж, үрээсээ уучлал гуйсан пост фэйсбүүк хуудастаа нийтэлжээ. Тэрбээр “Би хайртай дотныхоо олон хүнээ зовоосон муу эмэгтэй. Сэтгэлээрээ, зүтгэлээрээ хамт байж дэмнэж босгосон та нартаа би баярладаг юм шүү. Өвдөг сөхөрч, өндийх тэнхэлгүй болсон надад таяг минь болсон та хэд минь. Та нартаа би өртэй. Залуу байхад дэлхий бага би том байж гэдэг шиг амьдралын олон өнгийг би гадарлаагүй явжээ. Тийм ээ, би заримдаа боддог. Хүнд чинь уулзаж болохгүй хүн, учирч болохгүй амраг, итгэж болохгүй найз гэж үнэхээр байдаг юм байна лээ. Инээсэн бүхэн нөхөр биш, уурласан бүхэн дайсан биш гэдгийг ойлгосоор л явна даа, би.

Миний туулсан энэ алдааг мянга мянган эмэгтэйчүүд, бүсгүйчүүд, дүү нар минь битгий үзээсэй гэсэндээ өөрийнхөө бодит амьдралаас сэдэвлэж, “Эхиймаа” уран сайхны киногоо хийсэн билээ” хэмээжээ.

Нийслэлийн Хот байгуулалт хөгжлийн газраас төрийн үйлчилгээг цахимд шилжүүлэх талаар мэдээлэл хийлээ.

Түгжрэл ихтэй хотод төрийн үйлчилгээний олон шат дамжлагаас шалтгаалж нэг байгууллагаас нөгөө байгууллагын үүд татан гүйнэ гэдэг багагүй тэвчээр шаардах нь бий. Харин Монгол Улсын Засгийн газар, Мэдээлэл харилцаа холбооны зохицуулах хорооноос хамтран хэрэгжүүлж буй “Цахим Монгол” төслийн хүрээнд төрийн 23 байгууллагын 181 үйлчилгээг албан тушаалтны хаалга таталгүйгээр гэрээсээ, гар утаснаасаа 24 цагийн туршид авах боломжийг бүрдүүлэхээр зорин ажиллаж байна.

Үүний хүрээнд Нийслэлийн Хот байгуулалт хөгжлийн газраас нийслэлийн цахим үйлчилгээний нэгдсэн фортал eservice.ulaanbaatar.mn системийг хэрэглээндээ нэвтрүүлж нийт 24 төрлийн үйлчилгээний тавыг онлайнаар дамжуулан үзүүлэх боломжийг бүрдүүлсэн байна. Тухайлбал:

– Барилга барих хүсэлтийг хүлээн авч шийдвэрлэх

– Барилга байгууламжийн гүйцэтгэлийн байр зүйн зургийг хоот байгуулалтын мэдээллийн санд бүртгэх

– Архивын лавлагаа авах

– Хотын хөгжлийн ерөнхий төлөвлөгөөний зурган мэдээллээр үйлчлэх

– Инженерийн шугам сүлжээний зурган мэдээллээр үйлчлэх гэсэн таван үйлчилгээг дээрх сайтаар дамжуулан иргэдэд хүргэх боломжтой болжээ.

Хот байгуулалтын мэдээллийн хэлтсийн дарга А.Амарсанаа “Төрийн мэдээллийн “Хур”, “Дан” системд байгаа иргэдийн мэдээллийг дахин шаардахгүй. Өөрөөр хэлбэл танаас ТҮЦ машины лавлагаа буюу төр өөрт байгаа мэдээллээ шаардахгүй гэсэн үг. Манайд барилгын ажлын зөвшөөрөл олгох, сунгахтай холбоотой маш олон санал хүсэлт ирдэг. Үүнийг бүрэн цахимаар үзүүлэхээр зорьж иргэд гэрээсээ, хаанаас ч өргөдөл, гомдлоо шийдүүлэх боломжийг эрэлхийлэн ажиллаж байна” гэв.

ХӨСҮТ-ийн Тандалт судалгааны албаны дарга А.Амбасэлмаа “Есдүгээр сарын 2-ны өдөр 354 хүнд шинжилгээ хийхэд коронавирус илрээгүй. Монгол Улсад коронавирусийн батлагдсан тохиолдол 306 байгаагаас 296 нь эдгэрсэн. Эдгэрсэн хүмүүсээс 21 нь сувилалд, гэрийн тусгаарлалтад 46 хүн, тусгаарлалтын хугацаа дууссан 229 хүн байна.

ХӨСҮТ-д коронавирусийн халдвартай 10 хүн эмчлүүлж байгаа ес нь хөнгөн, нэг хүний бие хүндэвтэр байна. ХӨСҮТ-д 28 хүн эмчилгээ, ажиглалт тандалтад байна.

Дорнод аймгийн Халхгол сумын Ялалт багийн “Тулгат хонхор” гэдэг газар /аймгийн төвөөс зүүн урд зүгт 337 км-т, сумын төвөөс баруун зүгт 123 км-т, 2020.09.01-ний өдрийн 20:34 цагт 4.3 магнитудын хүчтэй газар хөдлөлт болсон байна.

Газар хөдлөлтийн тухай мэдээллийг 2020.09.02-ны өдрийн 13:00 цагт ООГХ-ээс Онцгой байдлын албанд цахим шуудангаар ирүүлсэн бөгөөд “Петро-Чайна Дачин Тамсаг” ХХК-ийн 21 дүгээр талбайн Хөдөлмөрийн аюулгүй байдал, эрүүл ахуй, байгаль орчин хамгаалсан менежерээс тодруулахад иргэдэд чичирхийлэл мэдрэгдсэн бөгөөд учирсан хохиролгүй гэж мэдээллэсэн байна.

Онцгой Байдлын Ерөнхий Газраас УБ-Сөүл онгоц 08:40 цагт хөөрсөн тухай мэдээлсэн ч сая авсан мэдээллээр БНСУ-д цаг агаар муу байгаагаас шалтгаалан нислэг 17:00 хүртэл саатсан тухай Буянт-Ухаа олон улсын нисэх буудлаас мэдээллээ.

Мөн МИАТ компаниас фэйсбүүк хуудсаараа дамжуулан дараах мэдэгдлийг гаргажээ.

ЗОРЧИГЧДЫН АНХААРАЛД