Month: September 2020

Оросын нэрт зохиолч Лев Толстойн “Анна Каренина” роман Улсын драмын эрдмийн театрын тайзнаа анх удаа аравдугаар сарын 1-нд тавигдахаар болжээ. Тэртээ 1877 онд бичигдэн, дэлхийн сая сая хүний сэтгэл зүрхийг татсан уг алдартай зохиолыг Н.Пүрэвдагва жүжгийн хэлбэрт оруулан бичиж, Төрийн соёрхолт, найруулагч Н.Наранбаатар найруулж, зураачаар Т.Ганхуяг ажилласан байна.

Драмын театрын энэ цаг үеийн сайхан бүсгүйчүүдийн нэг Н.Баярмаа Улсын драмын театрын тайзнаа анх удаа тавигдах “Анна Каренина” жүжгийн гол дүрийг бүтээхээр болсон билээ. Харин түүний нөхөр Алексей Каренинд Гавьяат жүжигчин Б.Жаргалсайхан, Соёлын тэргүүний ажилтан Д.Баттөмөр тоглох бол Облонскийд Гавьяат жүжигчин Л.Дэмидбаатар, М.Түвшинхүү нар тоглох аж.

Хоёр бүлэг, 23 үзэгдэлт жүжгийн туслах дүрүүдийг Ардын
жүжигчин С.Сарантуяа, П.Цэрэндагва, Гавьяат жүжигчин Г.Урнаа, Ж.Оюундарь,
Соёлын тэргүүний ажилтан Б.Одончимэг, М.Тогтохжаргал, С.Болд- Эрдэнэ,
Ш.Амгаланбаатар тэргүүтэй 20 орчим уран бүтээлч бүтээх нь ээ.

Тус жүжгийн зохиол нь 1878 онд бүрэн эхээрээ ном болон
хэвлэгдсэн ч 1873-1877 оны хооронд “Русский вестник” сэтгүүлд цувралаар
нийтлэгдэж байжээ. Утга зохиол шүүмжлэгчдийн зүгээс тус зохиолыг дэлхийн бүх
цаг үеийн хамгийн шилдэг зохиол хэмээн үнэлсэн байдаг.

Уг зохиолд урвалт, сүсэг бишрэл, гэр бүл, гэрлэлт, Оросын
эзэнт гүрний аж байдал, хайр дурлал, хот хөдөөгийн амьдралын ялгаа гэх мэт маш
өргөн хүрээтэй сэдвүүдийг хөндсөн бөгөөд зохиолд нөхөрт гарсан язгууртан авхай Анна
залуухан офицер Алексей Вронскийд хайр сэтгэлтэй болж, үүнээсээ болж
Санкт-Петербургийн ихэс дээдсийн хүрээллийн дарамтад өртөж, улмаар хайр
сэтгэлийнхээ төлөө хамтдаа Итали руу зугтдаг. Орос руу буцаж ирэхэд тэдний
хамтын амьдрал төгсгөл болохоос аргагүй байдалд хүргэнэ.

Улсын Онцгой комисс өнөөдөр хуралдаж, сургууль, цэцэрлэгийг хэвийн горимоор хичээллүүлэх шийдвэр гаргалаа.

Гамшгаас хамгаалах хэсэгчилсэн бэлэн байдлын зэргийг үргэлжлүүлэх эсэх асуудлаар УОК өнөөдөр хуралдах юм. Тус хурлаас дээрх шийдвэрийг гаргасан бөгөөд есдүгээр сарын 21-ний өдрөөс сургууль, цэцэрлэгийн үйл ажиллагааг хэвийн горимоор явуулахаар болжээ.

Цэргийн цол чимэг олгох “БҮХ ЦЭРГИЙН НААДАМ- 2020” хүчит бөхийн барилдаан өчигдөр (2020.09.13) Монгол бөхийн өргөөнд зохион байгуулагдлаа. Зэвсэгт Хүчний Алдар спорт хороо, ХХЕГ-ын Хилчин спорт хороо, ЦЕГ-ын Хүч спорт хороо, ОБЕГ-ын Аврагч спорт хороо, ШШГЕГ-ын Сүлд спорт хороо, ХСИС-ийн Соёмбо спорт хорооны нийт аймаг, цэргийн цолтой 256 бөх зодоглон барилдсанаас Архангай аймгийн Батцэнгэл сумын харьяат, ШШГЕГ-ын Сүлд спорт хороо, Бөхбилэгт дэвжээний бөх аймгийн заан Л.Отгонбаатар түрүүлж, “Цэргийн арслан” цол хүртсэн бол Төв аймгийн Баян Чандмань сумын харьяат, ШШГЕГ-ын Сүлд спорт хоро, Дүнжингарав дэвжээний бөх аймгийн хурц арслан Э.Ууганбаяр үзүүрлэв.

Энэ сард хийгдэх тусгай үүргийн нислэгийн хуваарь

• Есдүгээр сарын 15-нд Сөүл-Улаанбаатар
• Есдүэгэр сарын 16-нд Сөүл-Улаанбаатар /транзит/
• Есдүгээр сарын 17-нд Хонгконг-Улаанбаатар /транзит/
• Есдүгээр сарын 18-нд Истанбул-Улаанбаатар
• Есдүгээр сарын 21-нд Сөүл-Улаанбаатар /транзит/
• Есдүгээр сарын 23-нд Франкфурт-Улаанбаатар
• Есдүгээр сарын 24-нд Сөүл-Улаанбаатар
• Есдүгээр сарын 25-нд Сидней-Улаанбаатар
• Есдүгээр сарын 28-нд Сиатл-Улаанбаатар чиглэлд тус, тус нислэг үйлдэнэ.

ИРГЭДИЙГ БАЙРШУУЛАХ ТУСГААРЛАН АЖИГЛАХ БАЙРУУДЫН ХУВААРЬ

ЗӨСҮТ-ийн ерөнхий захирал Н.Цогбадрах тарваган тахлын нөхцөл байдлын талаар мэдээлэл өглөө.

Тэрбээр “Есдүгээр сарын 14-ний байдлаар есөн аймгийн 12 сум, Улаанбаатар хотын хоёр дүүргээс тарваган тахлын сэжигтэй нийт 20 тохиолдол бүртгэгдсэн.

Эдгээрээс Ховд аймагт 3, Говь-Алтай, Завхан аймагт тус бүр нэг, нэг нийт таван онош батлагдаж, хүндэрсэн гурван хүн нас барсан байна.

9 дүгээр сарын 10-нд Ховд аймгийн Эрдэнэбүрэн суманд тарваган тахлын сэжигтэй тохиолдол бүртгэгдэж, сорьцыг Улаанбаатарт авчирч шинжлэхэд онош үгүйсгэгдсэн.

Өнгөрсөн хугацаанд бүх сорьцыг ЗӨСҮТ рүү тээвэрлэж байсан бол лабораторийн тусламжийг анхан шатны нэгж дээр илүү чадавхжуулах арга хэмжээ авснаар тарваган тахлын оношлуурууд есдүгээр сарын 12-ны Токиогийн онгоцоор ирсэн. Өнөөдрөөс аймгуудад хуваарилагдаж байна. Ингэснээр орон нутгаас сорьц тээвэрлэх асуудал багасах юм.

Долоо хоногийн Пүрэв гарагт бүрт тарваган тахлын өвчний үед авах хариу арга хэмжээ, эрүүл мэндийн байгууллагуудын бэлэн байдал сэдвэр сургалт тогтмол хийж байна. Одоогийн байдлаар 14 аймгийн 500 гаруй эмч мэргэжилтэн, ЯТТ-103-ын 70 гаруй эмч, мэргэжилтэн гээд 600 хүний хамрууллаа.

Мөн коронавирусийн халдварын эцсийн халдваргүйтгэлийн сургалтыг явуулж байна.

2020 онд нийслэлийн хэмжээнд 91 удаагийн мэргэжлийн дуудлагад үйлчилсэн. Үүний 29% нь иргэдээс, 71% нь цагдаагийн болон нийслэлийн байгаль орчны газар, мэргэжлийн хяналтын байгууллагаас ирсэн.

Дуудлагын 40 гаруй хувь тарвагатай холбоотой. Энэ жил мэрэгч амьтантай холбоотой дуудлага өнгөрсөн оноос хоёр дахин нэмэгдсэн. Үүнийг дагаад тарваган тахлын эрсдэлд өртөж байгаа тохиолдол нэмэгдэж байна

Иймд иргэд тарвагатай харьцахгүй, агнахгүй, түүхий эд, махыг нь хэрэглэхгүй байхыг зөвлөе.

Тарвага агнаснаар мөндөлийг ээж, аавгүй болгож байгаа нь байгальд хор уршигтай юм” гэв.

Цэцэрлэг болон ерөнхий боловсролын сургуулийн сурагчдад зориулан бэлтгэсэн теле хичээлийн энэ долоо хоногийн хуваарийг хүргэж байна.

Улсын Онцгой комисс (УОК)-оос есдүгээр сард 13 удаагийн тусгай үүргийн нислэгээр 3100 гаруй иргэнээ татан авах шийдвэр гаргасан. Өнөөдөр (2020.09.14) Франкфурт-Улаанбаатарын нислэгээр иргэдээ татаж авах юм. Өнөөдрийн байдлаар дараах дөрвөн нислэгийг үйлдээд байна.

Үүнд:

Есдүгээр сарын 2-нд Сиатл -Улаанбаатар чиглэлийн тусгай үүргийн онгоцоор 254 хүн иргэн эх орондоо ирсэн. Үүнээс бага насны хүүхэдтэй гэр бүл 40, өндөр настан 54, жирэмсэн зургаа, эрүүл мэндийн шалтгаантай 74, бусад шалтгаантай 80 иргэн байгаа юм. Дээрх онгоцоор ирсэн 84, 83, 63, 57 настай дөрвөн эмэгтэйгээс коронавирусийн халдвар илэрсэн.

Есдүгээр сарын 4-нд Сөүл-Улаанбаатар чиглэлийн тусгай үүргийн онгоцоор 266 иргэн эх орондоо ирсэн. Үүнээс бага насны хүүхэдтэй гэр бүл 53, өндөр настан- асран хамгаалагчтай 35, жирэмсэн асран хамгаалагчтай 35, эрүүл мэндийн шалтгаантай 27, хөгжлийн бэрхшээлтэй ес, бусад шалтгаантай 107 иргэн бий.

Есдүгээр сарын 8-нд Хонконг-Улаанбаатар чиглэлийн тусгай үүргийн онгоцоор 261 иргэн эх орондоо ирсэн. Үүнээс эрүүл мэндийн шалтгаантай 46, өндөр настан 37, бага насны хүүхэдтэй гэр бүл 52, жирэмсэн гурав, бусад хүндэтгэн үзэх шалтгаантай 123 иргэн байгаа юм.

Есдүгээр сарын 12-нд Токио-Улаанбаатар чиглэлийн тусгай үүргийн онгоцоор 263 иргэн эх орондоо ирсэн бөгөөд бага насны хүүхэдтэй гэр бүл 30, жирэмсэн долоо, өндөр настан гурав , эрүүл мэндийн шалтгаантай 18, дадлагажих ажилтан 67, бусад шалтгаантай 138 иргэн байна.

ХӨСҮТ-ийн ерөнхий захирал Д.Нямхүү “9-р сарын 11-13-нд нийт 1803 хүнд шинжилгээ хийхэд коронавирус илрээгүй. Монгол Улсад 311 тохиолдол бүртгэгдсэнээс 300 хүн эдгэрсэн. Өнөөдөр хоёр хүн эдгэрч сувиллын тусгаарлалтад шилжлээ. Энхийг сахиулагч 22 настай эрэгтэй, 24 настай эрэгтэй эдгэрлээ. 10 хүн эмчилгээнд байгаагааг 4 хүн хүнздэвтэр. Бид ирэх өвлийн төлөвлөгөөг хийж байна. Ховд, Дорнод, Дархан-Уул, Орхон аймгийн лабораторийн хүчин чадлыг нэмэгдүүлж байна. Мөн орон нутгийн эмч нарыг COVID-ын эмчилгээ хийх сургалтад хамруулж байна.

Ж.Эрдэнэбат нарт холбогдох эрүүгийн хэргийн давж заалдах шатны шүүх хурал маргааш буюу есдүгээр сарын 15-ны 09.00 цагт болно.

Хэргийг сануулахад, шүүгдэгч Ж.Эрдэнэбат нарыг Эрүүгийн хуулийн 22.1 дүгээр зүйл (Эрх мэдэл, албан тушаалын байдлаа урвуулан ашиглах)-ийн 22.1-3 (Энэ зүйлийн 1, 2 дахь хэсэгт заасан гэмт хэргийг улс төрд нөлөө бүхий этгээд үйлдсэн бол нийтийн албанд томилогдох эрхийг таван жилээс найман жил хүртэл хугацаагаар хасаж, арван мянган нэгжээс дөчин мянган нэгжтэй тэнцэх хэмжээний төгрөгөөр торгох, эсхүл хоёр жилээс найман жил хүртэл ху гацаагаар хорих ял шийтгэнэ)-т зааснаар яллах дүгнэлт үйлдэж, хэргийг шүүхэд шилжүүлсэн билээ.

Улмаар өнгөрөгч долоодугаар сарын 6-ны өдөр Ж.Эрдэнэбатад зургаан жилийн хорих ял оноож, зургаан жил нийтийн албанд томилогдох эрхийг хасах шийдвэр гаргасан байдаг. Гэвч шүүгдэгч нарын зүгээс уг шийдвэрийг эсэргүүцэж, давж заалдах шатны шүүхэд хандаад байгаа юм.

Дотоод хэргийн их сургууль “Аптон олон улсын боловсролын институт” ХХК-тай хамтран ажиллах гэрээг 2020 оны 09 дүгээр сарын 11-ний өдөр байгууллаа.

Энэхүү арга хэмжээнд ДХИС-ийн захирал, доктор (Ph.D), профессор, цагдаагийн хурандаа П.Батбаатар, Сургалт эрхэлсэн дэд захирал, доктор (Ph.D), дэд профессор, цагдаагийн хурандаа Д.Эрдэнэбаатар, Захиргааны удирдлагын газрын дарга, цагдаагийн хурандаа Б.Эрдэнэбат, Гадаад хэлний институтийн захирал, доктор (Ph.D), дэд профессор, хурандаа Ш.Чулуунбат болон “Аптон Олон Улсын Боловсролын Институт” ХХК-ийн гүйцэтгэх захирал Ж.Ганзориг, ахлах ажилтан Г.Долгорсүрэн нар оролцов.

“Аптон олон улсын боловсролын институт” нь Монголын хүүхэд, залуучуудыг олон улсын хөтөлбөрөөр сургах, дэлхийн зах зээлд өрсөлдөх чадвартай хүний нөөцийг бэлтгэх зорилготой байгуулагджээ.

Олон улсын стандарт бүхий Англи хэлний боловсролын шинэлэг үйлчилгээг бүх шатны сургалтын байгууллагад нэвтрүүлж, сургалтын чанарыг дэлхийн жишигт нийцүүлсэнээр шилдэг, чадварлаг мэргэжилтэн, судлаачдыг бэлтгэхэд дэмжлэг үзүүлэх зорилготойгоор үйл ажиллагаагаа явуулдаг байгууллага юм.
Цаашид хамтын ажиллагааны хүрээнд EAP буюу Академик англи хэлний хөтөлбөрийг Дотоод хэргийн их сургуульд хэрэгжүүлснээр Их сургуулийн багш, сонсогч, суралцагчид англи хэлний мэдлэгээ дээшлүүлээд зогсохгүй асуудлыг дэвшүүлэх, задлан шинжлэх, оюун дүгнэлт гаргах, шүүн тунгаах, бүтээлч, логик сэтгэлгээгээ нь хөгжих юм байна.
Мөн багш нарын хувьд мэргэжлээрээ байнга өөрийгөө хөгжүүлэх боломж бүрдэнэ гэдгийг “Аптон олон улсын боловсролын институт” ХХК-ийн удирдлагууд онцоллоо.