Нийслэлийн мэргэжлийн хяналтын газарт иргэнээс ирүүлсэн гомдол мэдээллийн дагуу Баянзүрх дүүргийн 18-р хороо, “Моттоо” ХХК-нд есдүгээр сарын 9-ний өдөр хяналт шалгалт хийжээ.

Шалгалтаар тус компани зарим ажилчдын нийгмийн даатгалын шимтгэл ногдох орлогыг буруу тооцож, нийгмийн даатгалд цалинг бүрэн бус тайлагнадаг зөрчил илэрсэн байна. Илэрсэн зөрчлийн дагуу “Моттоо” ХХК-ийн албан тушаалтанд Зөрчлийн тухай хуулийн тусгай ангийн 10.17 дугаар зүйлийн 2-т заасны дагуу шийтгэл ногдуулжээ.

Түүнчлэн нийгмийн даатгалын шимтгэлийг нөхөн төлүүлэх улсын ахлах байцаагчийн нөхөн төлбөрийн акт тогтоож, эрх бүхий албан тушаалтны албан даалгавар хүргүүлсэн байна.

Төрийн албаны ерөнхий шалгалтын цахим бүртгэл 2020 оны есдүгээр 14-ний өдрийн 14:00 цагаас эхлээд байна. Цахим бүртгэл 30 хоногийн хугацаанд 2020 оны аравдугаар сарын 14-ний 14:00 цаг хүртэл явагдана.

2020 оны нэгдүгээр сард бүртгүүлсэн иргэд дахин бүртгүүлэх шаардлагагүй бөгөөд бүртгэгдсэн эсэхээ системд нэвтэрч, “Бүртгэлд хамрагдсан иргэд” цэснээс шалгах нь зүйтэй.

Шалгалтын цахим бүртгэл дууссаны дараа 2020 оны аравдугаар сарын 26-ны өдөр шалгалтын хуваарийг нийтэлж, амжилттай бүртгүүлсэн иргэдэд SMS мессэж илгээх болно. Бүртгүүлсэн иргэд шалгалтын хуваарь өдөр, цагтаа баталгаажилтын хуудсаа хэвлэн авч, иргэний үнэмлэхтэйгээ ирэх юм.

Төрийн албаны ерөнхий шалгалт 2020 оны арваннэгдүгээр сарын 4-ний өдрөөс эхэлнэ.

“Төрийн албаны шалгалтын сорил” цахим номыг Төрийн албаны зөвлөлийн сайтад байршуулсан тул холбоос линкээр орж судлах боломжтой. Цахим номыг сорилын “зөв хариулт”-ын түлхүүрийн хамт хэвлүүлэхээр хэвлэлтэд өгсөн бөгөөд хэвлэгдэж гарсны дараа www.csc.gov.mn цахим сайтаар мэдээлэх болно.

Согтуугаар тээврийн хэрэгсэл жолоодсон 50 жолоочийг илрүүлсэн байна. Мөн давуу эрх бүхий явган зорчигчид гарцан дээр зам тавьж өгөөгүй 179 жолоочийг МУ-ын ЗТХ-ийн 14.7.38-д заасны дагуу хариуцлага тооцжээ.

Тээврийн хэрэгслийн жолооч та явган хүний уулзвар гарц руу ойртон ирээд хурдаа хасах, хороолол дотор давуу эрх бүхий явган зорчигчид зам тавьж өгөхийг Тээврийн цагдаагийн албанаас анхааруулж байна.

Нийслэлийн авто замын хөгжлийн газрын дарга Б.Индра:

Цаг агаар
хүйтэрсэнтэй холбогдуулан гэр хорооллын айл өрхүүд галаа түлж эхэлсэн. Иргэд
галаа түлж эхэлэсэн эхний өдрүүдэд угаартсан иргэдийн дуудлага, мэдээлэл олноор
ирэх болжээ. Тодруулбал, СХД-ийн 33 дугаар хороо … тоотод суух 30 настай эрэгтэй, 28 настай эмэгтэй, 5 настай эмэгтэй нар нь гэртээ угаартсан. Мөн БЗД-ийн дөрөвдүгээр хорооны оршин суугч 29 настай эмэгтэй А, 9 настай эрэгтэй У, 3 настай эмэгтэй Х нарын нийт гурван иргэн гэртээ угаартсан хэргүүдийг цагдаагийн байгууллага шалгаж байгаа юм. Цагдаагийн байгууллагын мэдээлж байгаагаар угаартсан хэргүүдийн ихэнх нь монгол гэрийн зуухны янданг сугалж, өрхөө бүтээснээс болж угаартсан байж болзошгүй байгааг хэллээ.

Угаартсан 38 хүний биеийн байдал ихэнх нь хөнгөн зэргийн угаарын хийд хордсон тул хордлого тайлах эмчилгээ хийсэн гэлээ.

Нийслэлийн Засаг даргын Агаар орчны бохирдол хариуцсан орлогч Д.Мөнхжаргал “Нийслэлийн зургаан дүүргийн хэсгийн ахлагч нар, орон тооны ажилтнууд өнөөдөр сургалт зөвлөгөөнд хамрагдлаа. Үүнд Хас банк, Төрийн банк, Голомт банкны ногоон зээл танилцуулах ажил цэвэр, ногоон технологи цахилгаан халаалтад холбох, дулаалгын хэрэгслүүд зэрэг техникийн танилцуулгуудыг хийлээ. 2019 оны 10-р сард НҮБ-ын ассамблейгаас есдүгээр сарын 7-ны өдрөөс эхлэн “Цэвэр агаартай цэлмэг тэнгэр” өдрийг тэмдэглэхээр болсон. Энэ олон улсын өдөрт манай улс нэгдсэн. Есдүгээр сарын 7-оос эхлээд бүх нийтлэг үйлчилгээний төвүүд Мишээл, Дүнжингарав, Драгон, Баянгол, Баянхошууны дэд төвүүдээр ногоон зээл үйлчилгээ, бүтээгдэхүүн халаалт, дулаалгын хэрэгслүүдийг сурталчлах ажлыг иргэдэд зориулан явуулсан юм. Ногоон зээлийн бүтээгдэхүүнийг ямар шалгуур, нөхцөлөөр, иргэдэд ямар бүтээгдэхүүнийг нийлүүлж болохоор байгаа тухайг хэсгийн ахлагч, орон тооны байцаагч нарт мэдлэг олгон сургахад зорьсон. Ингэснээр иргэн банк хоорондын уялдаа холбоо сайжирч, бүтээгдэхүүнээ үзүүлэх боломжтой.

Агаарын бохирдлыг 80 хүртэлх хувь бууруулахад хамгийн чухал нь хөрсний асуудал. Өчигдөр Хан-Уул дүүргийн 11-р хороонд ажиллахад Зайсангийн орон сууцны хороолол дундах гэр хорооллын болон байшин үйлчилгээнээс холдсон 550 гаруй хэсэг айл бий. Тэнд олон нүхэн жорлон ухсан учраас хөрсний бохирдол маш их. Их хур тунадастай өдрүүдэд тухайн хорооны гүний худгийн ус борлож, шарладаг. Энэ усыг шинжилгээнд өгөхөд хүн уух боломжгүй, нянгийн бохирдол маш их гэж гарсан. Тиймээс ногоон зээлийн үйлчилгээ, хоёр, гурван хувийн хүүтэй стандартын ариун цэврийн байгууламж, био жорлонг иргэддээ таниулах ажлын хүргэдэг.

Агаарын бохирдол гэдэгт зөвхөн утааны асуудлыг ярихгүй, нөхцөлдүүлж буй хөрсний бохирдол, ногоон байгууламжийг цогцоор нь ярих шаардлагатай. 10 дугаар сарын долооныг хүртэл иргэд нийтлэг үйлчилгээний төвүүд, мэдээлэл инновацийн зургаан төвд очоод ямар банкны хөнгөлөлттэй “Ногоон зээл”-ийн бүтээгдэхүүнүүдийг хараад маш бага хөнгөлөлтийн шалгуураар 20 гаруй компаниудын бүтээгдэхүүнээс авч болно гэлээ.

Монгол Улсад шинэ Коронавируст халдвар (Ковид-19) хүн амын дунд тархах эрсдэлийн салбар дундын 12 дахь үнэлгээг Халдварт Өвчин Судлалын Үндэсний Төвд хийлээ.

Эрсдэлийн үнэлгээг ЭМЯ, БШУЯ, ОБЕГ, ТЕГ, ЦЕГ, МХЕГ, ХХЕГ, ХӨСҮТ болон ЗӨСҮТ-ийн төлөөллөөс бүрдсэн ажлын хэсэг хамтран явуулсан юм.

Үнэлгээний дүн, хэрэгжүүлэх арга хэмжээний талаарх зөвлөмжийг Улсын Онцгой комисст хүргүүлж, шийдвэрлүүлэхээр ажиллаж байна гэж Онцгой байдлын ерөнхий газраас мэдээллээ.