Month: July 2020

Эрүүл мэндийн яамнаас гаргасан аж ахуйн нэгж, байгууллагад өгөх зөвлөмжийг хүргэж байна.

Аж ахуйн нэгж, байгууллагад :
• Алба хаагчдын биеийн халууныг өглөө бүр үзэж, өвчний шинж тэмдэг илэрвэл гэрт нь буцаах
• Үйлчилгээг цахимжуулан хүний бөөгнөрөл үүсгэхгүй байх
• Хүн хоорондын зай барих тэмдэглэгээ хийх
• Санал хүсэлт, өргөдлийг утсаар болон цахимаар авах
• Хурал, уулзалтыг богино цагаар, цөөн хүнтэй хийх
• Хурлын үеэр өрөөнд цэвэр агаар оруулах
• Хурлын дараа хатуу гадаргууг сайтар цэвэрлэх
• Спиртэн суурьтай гар халдваргүйжүүлэгч байлгах
• Микрофоныг спиртэн суурьтай уусмалаар арчих эсвэл нэг удаагийн уут хэрэглэх
• Цахилгаан шатны товчлуур, явган болон урсдаг шат, хаалганы бариул, компьютер, утас зэргийг өдөрт 2-оос доошгүй удаа сайтар арчиж цэвэрлэх
• Халуун аарц, чацаргана, зөгийн балтай ус, цайгаар ажилчиддаа өгөх
• Хоолны газарт ажилчдыг цөөн тоогоор ээлжлэн үйлчлэх
• Ажлын байрны дарамт, стресс үүсгэхгүй, дасгал хөдөлгөөн хийх
• Урьдчилан сэргийлэх зөвлөмжийг албан тасалгаанд ил тод байрлуулах
• Ариун цэврийн өрөөнд саван, гар халдваргүйжүүлэгч, гарын цаас байлгах
• Ариун цэврийн өрөөнд чийгтэй цэвэрлэгээг 4-өөс доошгүй удаа хийх
• Халуурах, ханиах, цээжээр өвдөх зэрэг шинж тэмдэг илэрвэл 119, 80086829 дугаарт хандах
• Сэжигтэй тохиолдол илэрвэл түр тусгаарлах өрөө бэлтгэсэн байх

Ажилчин, албан хаагчдад :
• Халуун бүлээн шингэн ойр ойрхон уух, тагтай аяга хэрэглэх
• 1-5 давхарт цахилгаан шат ашиглахгүй байх
• Аяга, халбагаа халуун усаар сайтар угаах
• Гараа сайтар савандаж угаах
• Нүд, ам, хамартаа гар хүрэхгүй байх
• Амны хаалт зүүх
• Аль болох бэлэн мөнгөтэй харьцахгүй байх
Үйлчлүүлэгчдэд :
• Амны хаалт зүүх
• Гар халдваргүйжүүлэгч, нойтон сальфетка авч явах
• Хүн хоорондын зай барих
• Аль болох цахимаар үйлчлүүлэх
• Олуулаа ирэхгүй, бага насны хүүхэд дагуулахгүй байх

Монгол Улсын Засгийн газар, Улсын онцгой комиссын шийдвэрийн дагуу гадаад улсад байгаа эх орондоо ирэх хүсэлтэй иргэдийг татан авах ажиллагааг 2020 оны 01 дүгээр сарын 28-аас эхлэн зохион байгуулж, өнөөдөр буюу 07 дугаар сарын 24-ны өдрийн байдлаар 14371 иргэнийг агаарын, газрын, төмөр замын тээврээр татан аваад байна. Тодруулбал 40 удаагийн тусгай нислэгээр 44 орноос иргэдээ татан авсан бол 07 дугаар сарын 26-нд УБ-Франфурт чиглэлд Европд байгаа иргэд, 07 дугаар сарын 28,29-нд УБ-Сөүл чиглэлд БНСУ-д байгаа иргэд, 07 дугаар сарын 30-нд УБ-Сидней чиглэлд Австралид байгаа нийт 950 иргэн энэ сард эх орондоо ирнэ гэж Улсын онцгой комиссын Шуурхай штабаас мэдээллээ.

2020 оны 7 дугаар сарын 21-ний өдрийн байдлаар Консулын хэлтэс нийт 3541 иргэний өргөдлийг хүлээн аваад байна. Өргөдөл гаргасан иргэдийн 195 буюу 5 хувийг өндөр настан /асран хамгаалагчийн хамт/, 600 буюу 17 хувийг 0-18 насны хүүхэд /асран хамгаалагчийн хамт/, 103 буюу 3 хувийг жирэмсэн эх /асран хамгаалагчийн хамт/, 180 буюу 5 хувийг эрүүл мэндийн шалтгаантай иргэд /асран хамгаалагчийн хамт/, 37 буюу 1 хувийг хөгжлийн бэрхшээлтэй иргэд /асран хамгаалагчийн хамт/, үлдсэн 2426 буюу 68 хувийг бусад хүндэтгэн үзэх шалтгаантай иргэд эзэлж байна.

Боловсрол, шинжлэх ухааны сайд Л.Цэдэвсүрэн боловсролын салбарын хөгжилд өөрчлөлт, шинэчлэл хийх хүсэлтэй салбар бүрийн төлөөллийг нэгтгэсэн реформ хөдөлгөөний төлөөллийг урьж уулзлаа.

Боловсрол бол зөвхөн ганц яамны биш нийгмийн асуудал гэж үздэг, энэ агуулгаар боловсролын шинэчлэлийг хууль тогтоогч, бодлого боловсруулагч, боловсролын хэрэглэгч бизнес эрхлэгч, эцэг, эхчүүд бүгд хийх ёстой гэдгийг ойлгодог, тэдний оролцоог нэмэгдүүлж, асуудлыг шийдвэрлэдэг байх, хамгийн гол нь боловсролын хэтийн зорилго, зорилтыг зөв тодорхойлж, хэрэгжүүлдэг болох талаар Боловсролын реформ хөдөлгөөний төлөөлөл ярилаа.

Мөн Төрийн өмчийн их сургуулийн бие даасан байдлыг хангах, засаглалыг шинэлэг хэлбэрээр ажиллуулах, салбарын тоо мэдээлэл тодорхой биш, нууцлагдмал байдаг, тэдгээр тоо мэдээлэлд дүн шинжилгээ хийж, шийдэл бүхий хэлэлцүүлэг өрнүүлэх шаардлагатай байгааг онцолж ярив.

Сайд Л.Цэдэвсүрэн улсын хөгжил, салбарын хөгжлийн төлөө санаа нэгдэн санаачилгатай ажиллаж байгаад нь талархал илэрхийллээ. Боловсролын салбарт хийхээр төлөвлөж буй хэд хэдэн асуудал дээр нэгдмэл санаатай байгааг онцлоод төсөв, хөрөнгө шаардагдахгүй, зохион байгуулалтын хувьд засан сайжруулах боломжтой ажлуудыг салбартаа хэрэгжүүлэхэд хамтран ажиллахыг зөвлөв. Салбар салбарын мэдлэг, чадвартай, гадаад, дотоодод боловсрол эзэмшсэн, судалгааны ажилд мэргэшсэн, менежментийн туршлагатай залуучууд сайдын ажилд тусалж, хамтран ажиллахад бэлэн байгаагаа илэрхийллээ.

Сайд Н.Энхтайван хилийн чанадад гацсан, нөхцөл байдал нь хүндэрсэн иргэддээ боломжит дэмжлэг, туслалцаа үзүүлэхэд бүхий л нөөц бололцоогоо дайчлан, нэг ч иргэнээ төр, засгийн анхаарлын гадна орхихгүй байхад онцгой анхаарч ажиллахыг хилийн чанад дахь нийт дипломат төлөөлөгчийн газрын Тэргүүн нарт үүрэг болголоо.

Иргэддээ хандсан мэдээлэл, зөвлөмжийг олон нийтийн сүлжээ, ДТГ-ын цахим хуудсаар шуурхай түгээх, эргэх холбоотой ажиллах, иргэдийн төлөөллийг эрүүл ахуйн горимыг мөрдөн ДТГ-т хүлээн авч уулзах, санал гомдлыг нь сонсож, шийдвэрлэх арга замыг эрэлхийлэх, бодит байдлыг тайлбарлан таниулах зэрэг боломжит бүхий л арга хэмжээ авахыг сайд онцлов.

Мөн “Зарим ЭСЯ-ны хаалга үүд хаалттай байна, орж чадахгүй байна” гэсэн гомдол, мэдээлэл ирж байгаатай холбогдуулан иргэдийн гомдол, хүсэлтийг хүлээн авах, шийдвэрлэх чиглэлээр ДТГ-ууд 24 цагийн өндөржүүлсэн бэлэн байдалд ажиллаж, иргэдээс цахим хуудас, цахим шуудан, шуурхай болон албаны утсаар хандсан даруйд хариу өгч хэвших, холбогдох бүртгэл хөтөлж, ГХЯ-нд өдөр бүр илтгэж байхыг анхаарууллаа.

Тодруулбал Баянзүрх дүүргийн 10 дугаар хороо, Цагдаа хотхоны баригдаж буй 12 давхар барилгаас хүн унаж нас барсан тухай дуудлага өчигдөр орой 20:50 цагийн үед бүртгэгдэж, Онцгой байдлын алба хаагчид есөн давхрын салхивчны хонгилоос 18 настай хүүгийн цогцсыг гаргасан байна.

Талийгаач нь “ТЭББ” ХХК-ийн гэрээт ажилтан, Архангай аймгийн харьяат иргэн байжээ. Уг хэргийг цагдаагийн байгууллагаас шалгаж байна.