Month: April 2020

Улаанбаатар хотын Захирагчийн ажлын албанаас аж ахуйн нэгжүүдийн хаяг болон зар сурталчилгааны байгууламж байрлуулахад дагаж мөрдөх журмын хэрэгжилтийг хангах хяналт шалгалт хийх үүрэг бүхий ажлын хэсэг байгуулагдан ажиллаж байна.

Ажлын хэсэг нийслэлийн төвийн зургаан дүүргийн нутаг дэвсгэрт Улаанбаатар хотын Ерөнхий менежерийн баталсан удирдамжийн дагуу зар сурталчилгааны самбаруудыг цэгцлэхээр үзлэг шалгалтыг хийж эхэллээ.

Шалгалтаар эрх бүхий байгууллагын зөвшөөрөлгүй байрлуулсан, стандарт шаардлагад нийцээгүй, өнгө үзэмжгүй, аюултай нөхцөл байдал үүсгэсэн, хяналтын камер, тэмдэг тэмдэглэгээг халхалсан, явган зорчигчийн хөдөлгөөнд саад учруулсан гадна зар сурталчилгааны байгууламжийг албадан буулгаж байна.

НМХГ-аас “COVID-19” халдвараас сэргийлэх, халдварын эрсдлийг бууруулах чиглэлээр хийж буй хяналт шалгалтын явц байдлын талаар мэдээлэл хийлээ

1. Худалдааны төв, үйлчилгээний 3076 иргэн, аж ахуйн нэгж байгууллагын 306025 м.кв талбай бүхий ажлын байранд халдваргүйжүүлэлт хийлгэж, үйлчлүүлэгч болон ажилчдын биеийн халууныг хэмжиж үйлчлэх ажлыг дадал болголоо.

2. Согтууруулах ундаа худалдах, түүгээр үйлчлэх тусгай зөвшөөрөлтэй газруудын цагийн хуваарийн мөрдөлт болон үйл ажиллагаа зогсоосон байдалд хяналт тавин ажиллаж байна.

Хяналт шалгалтад давхардсан тоогоор баар 1799, ресторан 1503, кафе 348, хүнсний дэлгүүр 639, нийт 4289 аж ахуйн нэгж, иргэн, байгууллага хамрагдсан.
Зөрчилтэй үйл ажиллагаа явуулж байсан 11 аж ахуйн нэгжид 13500.0 мянган төгрөг, 2 иргэнд 770.0 мянган төгрөг, нийт 14270.0 мянган төгрөгийн шийтгэл ногдуулан, 77 заалт бүхий улсын байцаагчийн 6 албан шаардлага, 6 аж ахуйн нэгжийн согтууруулах ундаа худалдах, түүгээр үйлчлэх тусгай зөвшөөрлийг түтгэлзүүлэх саналыг УБЗАА-нд, караоке үйлчилгээ явуулах 1 зөвшөөрлийг хүчингүй болгох саналыг НСУГ-т тус тус хүргүүллээ. Цаг хэтрүүлэн ажилласан 7, стандарт, эрүүл ахуйн шаардлага хангаагүй нөхцөлд үйл ажиллагаа явуулж байсан 11, төрийн албан хаагчийн хууль ёсны шаардлага биелүүлээгүй 2 зөрчил байна.

3. Нийслэлийн засаг даргын А/168 захирамжийн хүрээнд:

Хог хаягдлаар орчноо бохирдуулж 50м хүртэлх газрын цас, мөсийг цэвэрлээгүй, хог хаягдлаа зориулалтын бус газар хаясан, хогийн сав, цэг нь эрүүл ахуйн шаардлага хангаагүй 16 аж ахуй нэгж, иргэнд 7 сая 900 мянган төгрөгийн шийтгэл ногдуулж зөрчлийг арилгуулсан.

Мөн 57 зах, худалдааны төвүүдийн төлбөртэй үйлчилж байсан ариун цэврийн өрөөг иргэдэд үнэ төлбөргүй болгуулж, цэвэрлэгээ үйлчилгээ, халдваргүйжүүлэлт хийлгүүлж хяналт тавьж ажиллаж байна.

4. Цэвэрлэх байгууламжийн үйл ажиллагаанд хяналт хийсэн байдал:

МХЕГ-ын дэд даргын баталсан 01/119 дугаартай “Ахуйн болон эмнэлгийн бохир ус цэвэрлэх байгууламжийн үйл ажиллагаанд шинжилгээтэй шалгалт хийх тухай” удирдамжийн дагуу Сонгинохайрхан дүүргийн 20-р хороо Ус сувгийн удирдах газрын Төв цэвэрлэх байгууламж, Хан-Уул дүүргийн 15-р хороо Биокомбинатын цэвэрлэх байгууламж, Нисэхийн цэвэрлэх байгууламж, Хан-Уул дүүргийн 15-р хороо тусгаарлан ажиглалтын хүмүүсийг байрлуулж буй Энхсаран сувиллын цэвэрлэх байгууламж, ОБЕГ-ын Жаргалант сувиллын цэвэрлэх байгууламжуудад тус тус хяналт хийж нийт бохир усны 20 дээж авч МХЕГ-ын ХАБҮЛЛ-д хими, нян судлалын шинжилгээнд өгсөн.

Мөн Туул голын 8 цэгээс усны 24 дээж авч МХЕГ-ын ХАБҮЛЛ-д хими, нян судлал, хүнд металлын шинжилгээнд өгөв. Шалгалт үргэлжилж байна.

5. Нийтийн тээврийн үйл ажиллагаанд хяналт хийсэн байдал:

Нийтийн тээврийн үйлчилгээний Автобус-3 компанид том болон дунд оврын 58 автобуснуудад угаалга цэвэрлэгээ, гадна болон дотор тал тухайлбал хана туурга, цонх, шал болон зорчигчийн бариул, суудлын бүрээсийг угааж цэвэрлэсэн байдал, тусгай зөвшөөрөл бүхий мэргэжлийн байгууллагаас автобусны дотор талд хийж буй халдваргүйжүүлэлтийн үйл ажиллагаанд хяналт тавьж автобусны бүхээгийн дотор талын бүх гадаргуу болон зорчигчийн бариул, суудлын бариул зэргийгсойздож, үрж сайтар угааж цэвэрлэсний дараа жавелионы уусмалаар халдваргүйжүүлэх, хог хаягдлын савыг суллаж байх талаар зөвлөгөө өгч байна.

6. Сүм хийдүүдэд хяналт тавьж ажилласан байдал

Нийслэлийн Иргэдийн төлөөлөгчдийн хурлын тэргүүлэгчдийн нарийн бичгийн даргын 2020 оны 03 дугаар сарын 17-ны өдрийн А/10 дугаар тушаалаар баталсан “Шашны байгууллагуудын үйл ажиллагаатай танилцах шалгалтын удирдамж”-ийн дагуу нийслэлийн нутаг дэвсгэрт зөвшөөрөлгүй үйл ажиллагаа явуулж буй шашны 48 байгууллагад хамтарсан хяналт шалгалтыг хийж байна. Шалгалт үргэлжилж байна.

Нийтийн зорчигч тээврийн хэрэгслийн техникийн болон тээвэрлэлтийн аюулгүй байдал, үйлчилгээний эрүүл ахуйн шаардлагыг хангаж ажиллах талаар Улсын болон Нийслэлийн Онцгой комиссоос гаргасан шийдвэрүүдийн дагуу “Зорчигч тээвэр гурав” ОНӨААТҮГ-ын 58 автобусны гадна болон дотор тал, тухайлбал, бүхээгийн дотор талын гадаргуу, салхины шил, шал, зорчигчийн бариул, суудлын бүрээсийг угааж цэвэрлэсэн болон халдваргүйжүүлэлтийн байдалд хяналт шалгалт хийлээ.

Цаашид автобусны бүхээгийн дотор талын бүх гадаргуу болон зорчигчийн бариул, суудлын бариул, суудлын бүрээсийг сайтар угааж цэвэрлэсний дараа жавелионы уусмалаар халдваргүйжүүлэх, эрх бүхий байгууллагаар халдваргүйжүүлэх ажлыг гүйцэтгүүлэх, жолооч нарт зорчигчдыг амны хаалтаа тогтмол зүүхийг шаардах, амны хаалтгүй зорчигчдод үйлчилгээ үзүүлэхгүй байх талаар үүрэг өглөө.

ОХУ-д хөл хорио тогтоосонтой холбогдуулан Москва, Санкт-Петербург хотуудаас Улаан-Үд хотод очсон иргэдийг 14 хоног тусгаарлах арга хэмжээ авч байгаатай холбогдуулан Улаан-Үд хотод суугаа Монгол Улсын Ерөнхий консулийн газраас ОХУ-ын Бүгд Найрамдах Буриад Улсын холбогдох байгууллагуудтай тохиролцсоны үндсэн дээр Москва хотоос 2020 оны дөрөвдүгээр сарын 11-ний өдөр Улаан-Үд хотод очих иргэдийг уг тусгаарлалтад оруулахгүйгээр нэгдсэн журмаар Хиагт боомт хүргэх болсон тул иргэдийг тухайн өдөр өөр төрлийн тээврийн хэрэгсэл захиалахгүй байхыг анхааруулж байна.

Нийслэлийн ИТХ-ын Тэргүүлэгчдийн ээлжит хурлаар олон хүүхэд төрүүлж өсгөсөн эхчүүдэд олгодог “Эхийн алдар” I, II одонд 4,402 ээжийг тодорхойлж, Монгол Улсын Ерөнхийлөгчид уламжлахаар тогтжээ.

Тодруулбал, олон хүүхэд төрүүлж, өөрийн асрамжид өсгөсөн нийслэлийн харьяат 211 эхийг “Эхийн алдар” нэгдүгээр зэргийн одонгоор, 4,191 эхийг “Эхийн алдар” хоёрдугаар зэргийн одонгоор шагнуулахаар уламжилж байгаа юм.

Эхийн алдар II зэргийн одонгоор дөрвөн хүүхэд төрүүлж өсгөсөн эхийг, Эхийн алдар I зэргийн одонгоор зургаан хүүхэд төрүүлж өсгөсөн эхийг тус тус шагнаж, одонг үнэмлэхийн хамт гардуулдаг билээ.

Улсын онцгой комиссын 15 дугаар хуралдаанаар коронавируст халдварын цар тахалын улмаас үүссэн нөхцөл байдалтай уялдуулан 2020 оны нэгдүгээр ээлжийн цэрэг татлагыг Монгол Улсын Засгийн газрын 2019 оны мн/250 дугаар тогтоолд заасны дагуу 05 дугаар сарын 01-ний өдрөөс 15-ны өдрүүдэд хязгаарлагдмал хүрээнд зохион байгуулах,

Нийслэл Улаанбаатар хот, Баян-Өлгий, Дорноговь, Сэлэнгэ аймгийн хэмжээнд 2020 оны нэгдүгээр ээлжийн цэрэг татлагын үйл ажиллагаа зохион байгуулахгүй байх,

Зэвсэгт хүчний 032 дугаар анги хилийн ангиудаас бусад цэргийн нэгтгэл, ангид хугацаат цэргийн алба хаагч татахгүй байх,

Улаанбаатар хүрээний хилийн болон дотоодын цэргийн ангиудад хугацаат цэргийн алба хаагч хуваарилахгүй байх,

Цэрэг татлагын үйл ажиллагааг Зэвсэгт хүчний жанжин штаб, Хил хамгаалах ерөнхий газар болон аймгуудын Засаг даргын тамгын газар богино хугацаанд үр дүнтэй өндөр түвшинд зохион байгуулж явуулах,

Зэвсэгт хүчний жанжин штабаас тогтоосон хяналтын тооны дагуу аймаг, орон нутагт байрлах хилийн ангиудад тухайн аймаг, зэргэлдээх аймгуудаас хугацаат цэргийн алба хаагчийг татах ажлыг хэрэгжүүлэх,

Аймгийн цэрэг татлагын товчоо, эмч нарын комисс сумдад ажиллахдаа нарийвчилсан график төлөвлөгөө гаргаж, нэг дор 5-аас дээш цэрэг татагдагч иргэн цуглуулахгүй байх арга хэмжээг авч ажиллах,

Аймаг, орон нутаг дахь цэрэг татлагын үйл ажиллагааны үеэр ариутгал, халдваргүйжүүлэлтийн горимыг чанд сахиж, улсын болон аймгийн онцгой комиссын шийдвэрийг чанд мөрдөж ажиллахыг даалгалаа гэж Онцгой байдлын ерөнхий газраас мэдээллээ.

Европ тив болон АНУ-д шинэ коронавирусийн тархалт эрчтэй хэвээр байна.

Энэ нөхцөл байдалтай уялдуулан тухайн орнуудад мөрдөгдөж буй дэглэмийн талаар Эрүүл мэндийн яамны Гадаад харилцаа, хамтын ажиллагааны хэлтсийн дарга Б.Янжмаа мэдээллээ.

Тэрбээр мэдээллийн эхэнд өнгөрсөн 24 цагийн хугацаанд Их Британид 881, Испанид 683 нас баралт шинээр бүртгэгдлээ. Испанид хөл хорионы хугацааг дөрөвдүгээр сарын 26-н хүртэл сунгасан талаар мэдээлэв.

Мөн өчигдөр БНХАУ-д шинэ тохиолдол 42, нэг нас баралт шинээр бүртгэгдсэн. Мөн шинж тэмдэггүй 47 тохиолдлыг илрүүлснээр нийт шинж тэмдэггүй 1,047 тохиолдол эмнэлгийн хяналтад оржээ.

АНУ-ын 14 муж улсад хичээлийн жилийг дуустал танхимын сургалтыг эхлүүлэхгүй байх шийдвэр гарсан. ЭМЯ-ны Гадаад харилцаа, хамтын ажиллагааны хэлтсийн дарга Б.Янжмаа “Итали улс гуравдугаар сарын 9-нд тогтоосон хөл хорионы дэглэмээ тавдугаар сар дуустал үргэлжлүүлэх талаар эх сурвалжууд мэдэгдсэн.

Куба улс Бямба гарагаас эхлэн нийтийн тээвэр, такси болон бусад тээврийн бүх үйлчилгээг зогсоох шийдвэр гаргалаа. Харин төрийн албан хаагч, зайлшгүй шаардлагатай алба хаагчдыг тусгай автобусаар ажилд нь хүргэнэ. Мөн тус улсад амны хаалт зүүх, зайнаас харьцах дэглэмийг чанд сахиулах арга хэмжээ мөрдөгдсөөр байна.

АНУ-ын 14 муж улсад хичээлийн жилийг дуустал танхимын сургалтыг эхлүүлэхгүй байх шийдвэр гарсан. Цаашид халдварын нөхцөлийг харгалзан үзэж, бусад муж улс хэрхэх шийдвэрээ гаргах юм.

АНУ-ын Өвчний хяналт, сэргийлэлтийн төв /CDC/-ийн захирлын хэлснээр шинэ коронавирусийн халдварт өвчлөлийн эсрэг вакцин гаргаж авах хүртэл хүн амыг халдвараас хамгаалах хамгийн найдвартай бөгөөд хүчирхэг хамгаалалт бол хүмүүс хоорондоо зайнаас харьцах явдал гэдгийг онцолсон.

Энэ вирусийн нэг сул тал 2 метр орчмын зайг туулж, хүнд халдварлуулах чадамжгүй тул зан үйлээ өөрчилж, зайнаас харилцах дадлыг урт удаан хугацаанд үргэлжлүүлэх шаардлагатай байгаа гэж иргэддээ мэдээлсэн” гэв.

Африк тивд 2,000 орчим хүрэхгүй амьсгалын аппарат байна. ДЭМБ-ын Африкийн бүсийн захирлын мэдээлснээр тус тивд халдвар хожуу эхэлсэн ч сүүлийн өдрүүдэд халдварын хурд өндөр байна. Африк тивийн 43 улсын хэмжээнд халдварын үед хэрэглэх эрчимт эмчилгээний орны тоо нийтдээ 5,000 хүрэхгүй байгаа юм. Энэ нь нэг сая хүнд эрчимт эмчилгээний таван ор ноогдож байна гэсэн үг. Харин Европын орнуудад энэ тоо 4,000-5,000 байна.

Түүнчлэн 2,000 орчим хүрэхгүй амьсгалын аппарат байгаа аж.

Халдвар эрчимтэй тархаж байгаа тул Өмнөд Африкийн Бүгд найрамдах улс хязгаарлалтын арга хэмжээгээ дөрөвдүгээр сарын 26-ныг хүртэл үргэлжлүүлэхээр болоод байна.

Тээврийн цагдаагийн албаны Жижүүрийн шуурхай удирдлагын хэлтэс 2020.04.06-04.10-ны өдрүүдэд нийт 697 дуудлага мэдээлэл хүлээн авснаас 486-н зам тээврийн ослын шинжтэй дуудлага мэдээлэл бүртгэгдсэн.

Бүртгэгдсэн зам тээврийн ослын улмаас 12 хүн гэмтэж, Ноцтой зам тээврийн ослын улмаас орон нутагт 3 хүний амь нас хохирсны 1 нь бага насны хүүхэд.

Нийт хүн бэртсэн, амь нас хохирсон ослыг хэлбэрээр нь авч үзвэл

• Явган зорчигч мөргөх хэлбэрээр -6

• Мөргөлдөх хэлбэрээр-2

• Онхолдох хэлбэрээр-3

• Мотоциклтой мөргөлдөх хэлбэрээр-1 тус тус бүртгэгдсэн байна.

Ноцтой зам тээврийн ослоос дурдвал:

2020.03.31-ний шөнийн 23 цаг 00 минутын орчим Баянхонгор аймгийн Гурван булаг сумын 1-р багийн нутаг “Хүзүүвч” гэх газар шороон замд Toyota Prado маркийн Н жолоочтой автомашин онхолдож, зорчигч 3 настай, эрэгтэй Д-гийн амь насыг хохироосон,

2020.03.31-ний өдрийн 20 цаг 05 минутын орчим Өмнөговь аймгийн Баян-Овоо сумын 1-р багийн нутагт шороон замд Toyota Mark-2 маркийн С жолоочтой автомашин онхолдож, зорчигч 22 настай, эрэгтэй Ш-ийн амь насыг нь хохироосон хэргүүдийг тус тус шалгаж байна.

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 75 жолоочийг илрүүлж, эрхгүй үедээ согтуугаар тээврийн хэрэгсэл жолоодсон 15 хүнийг шүүхээр баривчилж хуулийн дагуу хариуцлага тооцсон байна.

Согтуугаар тээврийн хэрэгсэл жолоодож зам тээврийн осол гаргасан 3 зөрчил бүртгэгдсэн.

Энэ 7 хоногт бүртгэгдсэн зам тээврийн осол, хэргийг өмнөх 7 хоногийн нөхцөл байдалтай харьцуулахад нийт дуудлага мэдээлэл 3,0 хувиар, ослын улмаас гэмтсэн хүн 8,3 хувиар, зам тээврийн ослын улмаас хүний амь нас хохирсон осол, хэрэг 75 хувиар тус тус өсч, бүртгэгдсэн зам тээврийн осол 1,2 хувиар буурсан үзүүлэлттэй байна.

Нийт замын хөдөлгөөнд оролцогч та бүхэн өдрийн цагт автомашиныхаа “ОЙРЫН ГЭРЛЭЭ” асааж Covid-19 халдвараас сэргийлэх уриалгад нэгдэж, анхаарал болгоомжтой замын хөдөлгөөнд оролцоцгоож, онцын шаардлагагүй бол иргэн та аль болох олон нийтийн газраар зорчихгүй байхыг Тээврийн цагдаагийн албанаас анхааруулж байна.