Улаанбаатар хотод тулгамдаж байгаа агаар, хөрсний бохирдлыг бууруулах, иргэдийн эрүүл, аюулгүй орчинд амьдрах үндсэн хуулиар олгогдсон эрхийг хангахын тулд нийслэл хотоос гэр хорооллын газрыг дахин төлөвлөн барилгажуулах төслийг хэрэгжүүлж байгаа. Төслийн ажил ажил ид дундаа явагдаж байна.
Гэр хорооллын газрыг дахин төлөвлөн барилгажуулах явцад хэд хэдэн хүндрэл гардаг. Энэ нь эхлээд төсөл хэрэгжүүлэхээр шалгарсан барилгын компани нь гэр хорооллын айлуудтайгаа газрыг нь байраар солихоор гэрээ хийж, айлаа нүүлгэж газрыг нь чөлөөлөөд барилгын ажлаа эхлүүлдэг.
Орон сууцны барилга баригдаж дуусах хүртэлх хугацаанд газраа өгсөн иргэд түр суурьшуулах орон сууцанд орж, барилгын компани сар бүрийн түрээсийг нь төлж явдаг. Гэвч энэ нь барилгын компанийн хувьд нилээн алдагдалтай, хэрэвзээ барилгын ажил сунжрах, удаашрах, тохиолдол гарвал компанид төсөв санхүүгийн асуудал үүсэхээс гадна газраа чөлөөлсөн иргэд хохирч, зутрах, сургууль цэцэрлэг нь холдох завсардах зэрэг хүндрэлүүд гарах нь бий.
Нийслэлийн Баянзүрх дүүргийн 12 дугаар хорооны нутаг дэвсгэр, Чулуун овоо орчим Гэр хорооллын дахин төлөвлөлт-2014/2 багцын “А” хэсэгчилсэн талбайн 22,2 га-д хэсэгчилсэн ерөнхий төлөвлөгөөний дагуу төсөл хэрэгжүүлэх эрхийн төлөө сонгон шалгаруулалтад “Бүргэд констракшн” ХХК шалгарсан юм. “Бүргэд констракшн” ХХК нь гэр хорооллын дахин төлөвлөлтийн төслийн хүрээнд орон сууцны “Өрнөх” хороолол, спортын талбай, үйлчилгээний газар, зочид буудал, ногоон байгууламж бүхий орон сууцны хотхон барих бөгөөд 2020 оны 3 дугаар улиралд ашиглалтад өгөх юм байна.
“Манай компани нь эхний ээлжийн 432 айлын орон сууцны хотхоныг барихаар 19 нэгж талбарыг чөлөөлж, барилгын ажлаа эхэлсэн, ажлын гүйцэтгэл хэвийн барилга угсралтын ажил 3-4 давхартаа ороод явж байна. Манай компани газраа чөлөөлсөн айл өрхийг чирэгдүүлэхгүй байх зорилгоор газрыг нь чөлөөлөхөөсөө өмнө орон сууцанд шууд оруулах бодлого барьж ажилладаг. Одоогийн байдлаар 9 газар эзэмшигчийн 19 айл өрхийг өөрсдийн барьсан болон зах зээл дээр байсан орон сууцанд оруулаад, барилгын ажлаа эхлүүлсэн. Нийт 3300 кв.м талбай бүхий орон сууцыг эдгээр айл өрхөд өгч, 100 хувийн солилцоогоор газрыг нь чөлөөлүүлсэн. Ингэснээр айл өрхийг нүүлгэх, түрээсийн орон сууцанд оруулах болон бусад зардлыг хэмнэснээс гадна газраа өгсөн айл өрх цаг хугацаа алдах, тохь тухгүй амьдрах болон сургууль, цэцэрлэгээс эхлээд хүндрэл гарахгүй, эрсдэлгүй амьдрах боломжтой болсон” гэж тус компанийн гүйцэтгэх захирал Ч.Цогсайхан ярилаа.
Манайх Баянзүрх дүүргийн 12 хорооны Чулуун овооны 1-р гудамжинд 12 жил амьдарч байсан айл. Гэр хорооллын дахин төлөвлөлтөөр газраа чөлөөлөх болоход Бүргэд констракшн манай хашааны газрыг Баянзүрх дүүргийн Баганат өргөө хороололд 2 өрөө 53 кв байраар солих санал тавьсан тул манайх зөвшөөрч, нүүсэн. Хэд дахин нүүж, хэдэн жил хүлээлгэлгүй аятайхан байртай болж гэр хорооллоос нүүсэн. Хийсэн гэрээндээ сэтгэл хангалуун байгаа. Мөн би хувиараа тээвэр хийдэг хүн, одоо энэ компанитайгаа хамтран тээврийн ажлыг нь гүйцэтгэж байна, ажлын байртай болсон над шиг хүмүүс бас байгаа. Энэ компанийхандаа маш их баярлахын зэрэгцээ улам өндөр амжилт хүсэж байна” гэж газраа чөлөөлж өгсөн иргэн С.Мөнхбаатар хэлэв.
УИХ-ын гишүүн Д.Гантулга хүчингийн хэрэгт холбогдож улмаар УИХ-ын гишүүнээсээ өөрийн хүсэлтээр чөлөөлөгдсөн. Түүнд холбогдох хэргийг өнгөрсөн намар шүүхээс нэмэлт мөрдөн байцаалтад буцаагаад байсан юм. УИХ-ын гишүүн асан Д.Гантулгад холбогдох хүчингийн хэргийг хоёр хоногийн өмнө дахин прокурорт шилжүүлжээ. Тодруулбал, өнгөрсөн долоо хоногт хохирогч гэх Ч.Наранзаяагийн өмгөөлөгч хэргийн материалтай танилцсанаар прокурорт шилжсэн юм байна. Ийнхүү урт хугацаа улиран шалгасан нь өөр шалтгаантай байжээ. Эх сурвалжийн мэдээлснээр хүчингийн хэргийг шалгаж байх хугацаанд гишүүн асан Д.Гантулга дахин хүчингийн хэрэгт холбогдсон байж болзошгүй аж. 
Пакистан хотын Равалпиндигийн ойролцоо жижиг оврын цэргийн онгоц осолдсоны улмаас17 хүний амь үрэгджээ. Үүнээс онгоцны таван гишүүн, 12 энгийн иргэн амиа алдсан гэж орон нутгийн мэдээллийн хэрэгслүүд армийн мэдээнээс иш татан мэдээлсэн байна. Ослын үеэр онгоц хэд хэдэн байшинг хамарсан галыг унтрааж хэвийн, бэлтгэлийн нислэгтэй байжээ. Ослын шалтгаан юу байсан, ямар төрлийн онгоц байсан нь одоогоор тодорхойгүй байна.
Монголын Төмөр замчдын үйлдвэрчний эвлэлийн холбооноос Үндсэн хуулийн өөрчлөлттэй холбоотой асуудлаар мэдэгдэл хийлээ.
Өчигдөр 18.00 цагийн үед Нийслэлийн Засаг даргын тамгын газрын Хуулийн хэлтсийн дарга А.Даваажаргал өлсгөлөн зарласан багш нарын төлөөллийг хүлээн авч уулзсан байна. Уулзалтаар хоёр тал харилцан тохирч багш нар байрны квотыг хүссэн хэмжээгээр өгөхөөр болжээ. 
Нийслэлийн Баянзүрх дүүргийн 10 дугаар хороонд байрлах “Хэв Хашмал” ХХК-ийн байранд өчигдөр гал гарчээ. 
Цаг уур, орчны шинжилгээний газраас авсан мэдээллээр наймдугаар сард агаарын температурын сарын дундаж ихэнх нутгаар олон жилийн дунджаас 0.5-1.5 градусаар дулаан, Хөвсгөлийн уулархаг нутгаар олон жилийн дунджийн орчим байна. Энэ сард Увс аймгийн зүүн, Завхан аймгийн хойд хэсэг, төв болон зүүн аймгуудын ихэнх нутгаар олон жилийн дунджаас ахиу, Архангай, Өвөрхангай аймгийн өмнөд хэсэг, говийн аймгуудын нутгаар олон жилийн дунджийн орчим бороо орох төлөвтэй байна.