1.Цаг агаар:
Өнгөрсөн хоногт: Улаанбаатар хот болон Баян-Өлгий, Баянхонгор, Говьсүмбэр, Дархан-Уул, Дорноговь, Дундговь, Завхан, Орхон, Сүхбаатар, Сэлэнгэ, Төв, Увс, Хөвсгөл, Хэнтий аймгийн нутгаар бороо орсон. Бусад нутгаар цаг агаар тогтуун байлаа.
Өнөөдөр: Төвийн аймгуудын ихэнх нутаг, баруун болон говийн аймгуудын нутгийн хойд хэсэг, зүүн аймгуудын нутгийн зарим газраар дуу цахилгаантай бороо орно. Салхи нутгийн баруун хагаст баруунаас, бусад нутгаар өмнөөс 6-11 м/с, борооны өмнө түр зуур ширүүснэ. Алтай, Хангай, Хөвсгөл, Хэнтэйн уулархаг нутаг, Туул, Тэрэлж голын хөндийгөөр 16-21 градус, Их нууруудын хотгор, Алтайн өвөр говиор 27-32 градус, говийн бүс нутгийн өмнөд хэсгээр 31-36 градус, бусад нутгаар 21-26 градус дулаан байна.
Улаанбаатар хотод: Үдээс хойш дуу цахилгаантай аадар бороо орно, салхи зүүн өмнөөс 5-10 м/с, борооны өмнө түр зуур ширүүснэ, 23-25 градус дулаан байна.
Төлөв байдал: 26, 27-нд баруун болон төвийн аймгуудын ихэнх нутгаар бороо, говь болон зүүн аймгуудын нутгийн зарим газраар дуу цахилгаантай аадар бороо, 28, 29-нд нутгийн хойд хагаст үргэлжилсэн бороо орно. Салхи 27, 28-нд нутгийн зарим газраар, 29-нд говь, тал, хээрийн нутгаар түр зуур 18-20 м/с хүрч ширүүснэ. Алтай, Хангай, Хөвсгөл, Хэнтэйн уулархаг нутаг болон Тэрэлж голын хөндийгөөр шөнөдөө 2-7 градус, өдөртөө 13-18 градус, Дарьгангын тал нутаг болон говийн аймгуудын нутгийн хойд хэсгээр шөнөдөө 11-16 градус, өдөртөө 22-27 градус, Алтайн өвөр говь болон говийн аймгуудын нутгийн өмнөд хэсгээр шөнөдөө 17-22 градус, өдөртөө 30-35 градус, бусад нутгаар шөнөдөө 8-13 градус, өдөртөө 18-23 градус дулаан байна.
2.Гал түймэр:
Хувийн өмчид гарсан: Архангай аймгийн Эрдэнэбулган сумын 7 дугаар багт 5х6 метрийн хэмжээтэй байшин шатаж байна гэсэн дуудлагыг 07.24-ний өдрийн 05:50 цагт хүлээн авч тус аймгийн Онцгой байдлын газрын Гал түймэр унтраах, аврах 51 дүгээр ангийн 4 алба хаагч,1 автомашинтай 2 км зам туулан 05:53 цагт очиж 30 минут ажиллаж унтраасан.
Хан-Уул дүүргийн 15 дугаар хороонд “Монгол гар хивс” ХХК-ийн хашаанд харуулын байр шатаж байна гэсэн дуудлагыг 07.24-ний өдрийн 18:08 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 14 дүгээр ангийн 7 алба хаагч, 2 автомашинтай 1 км зам туулан 18:10 цагт очиж 15 минут ажиллаж унтраасан.
Говьсүмбэр аймгийн Шивээговь сумын 2 дугаар багийн “Цагаан чулуут” гэдэг газар /аймгийн төвөөс зүүн урд зүгт 26 км-т/ иргэн Н-ын эзэмшлийн ‘’Норд бенз’’ загварын ачааны автомашин автозамын зорчих хэсгийн хажуу руу онхолдсоны улмаас шатаж байна гэсэн дуудлагыг 07.24-ний өдрийн 22:34 цагт хүлээн авсан. Тус аймгийн Онцгой байдлын газрын Гал түймэр унтраах, аврах 37 дугаар ангийн 6 алба хаагч, 2 автомашинтай 26 км замыг туулан 22:58 цагт очиж, 37 минут ажиллаж унтраасан.
3.Эрэн хайх, аврах ажиллагаа:
Хөвсгөл аймгийн Бүрэнтогтох сумын Туяа багийн “Хядага” гэдэг газар /аймгийн төвөөс баруун зүгт 30 км-т/ 2 хүн эмийн ургамал түүж байгаад тус аймгийн Мөрөн сумын Нисэх багийн харьяат иргэн Э /40 настай, эрэгтэй/ сураггүй болсон тухай дуудлагыг хамт явсан иргэн Т-ээс 07.24-ний өдрийн 22:20 цагт хүлээн авсан. Тус аймгийн Онцгой байдлын газрын 9 алба хаагч, ар гэрийн 2 хүн, нийт 11 хүн, 1 автомашинтай 23:55 цагаас эхлэн эрэн хайх ажиллагааг зохион байгуулж 07.25-ны өдрийн 08:41 цагт тус багийн “Сөртийн хөндийн-Эх” гэдэг газар иргэн Т-гийн гэрээс эсэн мэнд олсон.
Усны осол /эрэн хайх, аврах/: Хөвсгөл аймгийн Мөрөн сумын Урандөш багийн “Өндөр-Эрэг” гэдэг газар /аймгийн төвөөс баруун зүгт 5 км-т/ “Дэлгэр мөрөн” голд 2 хүн сэлж байснаас тус сумын Үерт багийн харьяат иргэн М /21 настай, эрэгтэй/ живсэн тухай дуудлагыг 07.18-ны өдрийн 20:00 цагт хүлээн авсан. Тус аймгийн Онцгой байдлын газрын Эрэн хайх аврах салбарын 15 алба хаагч, ар гэрийн 12 хүн, нийт 27 хүн, 5 автомашин, 2 завьтайгаар 07.24-ний өдрийн байдлаар тус сумын “Өндөр-Эрэг” гэдэг газраас “Хилэнтийн гүүр”, “Өндөр хясаа”, “Хүүшийн булан”,”Ногоон булаг”, “Баян-Эрхэт”, Тосонцэнгэл сумын “Цацын булан” гэдэг газраар нийт 114 км-т завиар эрэн хайх ажиллагааг зохион байгуулсан боловч үр дүнд хүрээгүй тул 20:00 цагт түр зогсоосон. 07.25-ны өдрийн 08:00 цагт эрэн хайх ажиллагааг дахин эхлүүлсэн.
Усанд суусан: Сэлэнгэ аймгийн Мандал сумын Баянхангай багийн Ерөө голын “Дунд гарам” гэдэг газар /сумын төвөөс зүүн хойд зүгт 90 км-т/ “Хонин нуга” гэдэг газраас мод бэлтгэн тээвэрлэж явсан 3 хүн “ЗИЛ-131” загварын ачааны автомашинтай “Ерөө” усанд суусан тухай дуудлагыг 07.25-ны өдрийн 01:48 цагт хүлээн авсан. Тус аймгийн Онцгой байдлын газрын Мандал сум дахь Онцгой байдлын хэлтсийн 3 алба хаагч, орон нутгийн 1 иргэн, 1 автомашинтай 04:40 цагт “Ерөө” голын дунд гармын чиглэлд явсан.
ОНЦГОЙ БАЙДЛЫН ЕРӨНХИЙ ГАЗАР
Онцгой байдлын ерөнхий газрын дэргэдэх Гамшиг судлалын хүрээлэн нь Дотоод хэргийн их сургуулийн Онцгой байдлын сургууль, НҮБ-ын Гамшгийн аюулыг бууруулах газар (UNDRR)-тай хамтран гамшгийн эрсдэлийг бууруулах, хот суурин газрын гамшгийг даван туулах чадварыг бэхжүүлэх чиглэлээр олон улсын эрдэм шинжилгээний хурлыг зохион байгуулах гэж байна.
БОАЖ-ын сайд, Орчны бохирдлыг бууруулах үндэсний хорооны дарга Н.Цэрэнбат сайжруулсан шахмал түлшний үйлдвэрийн бэлтгэл ажлын явц ямар байгаатай газар дээр нь очиж танилцан холбогдох үүрэг чиглэлийг өглөө. Нийслэлийн гэр хороололд амьдарч байгаа айл өрхийг галалгааны улиралд сайжруулсан түлшээр хангахад 600.000 тн түлш шаардлагатай. Одоогоор 130.000 мянган тонн сайжруулсан шахмал түлш үйлдвэрлэн нөөцлөөд байна.
БОАЖ-ын сайд, Орчны бохирдлыг бууруулах үндэсний хорооны дарга Н.Цэрэнбат сайжруулсан түлшний үйлдвэрлэл ажлын явцтай танилах үеэрээ боруулалтын цэг, агуулах байгуулах ажлыг яаравчилж, түлшний хадгалалт, нөөц бүрдүүлэлтийг нэмэгдүүлэх, нийслэл хотод түүхий нүүрс нэвтрэхээс урьдчилан сэргийлэх хяналтыг сайжруулах, иргэдэд гэр байшингаа дулаалах талаар мэдлэг мэдээллийг тогтмол өгч ажиллахыг холбогдох хүмүүст үүрэг болголоо.
“Нутгийн удирдлагын тогтолцоог боловсронгуй болгох” чиглэлээр Үндсэн хуульд оруулах нэмэлт, өөрчлөлтийг шүүн хэлэлцэж, өөрийн санал бодлыг хүргэн, зохих ёсны хувь нэмрээ оруулахаар хүрэлцэн ирсэн Та бүхэнд талархал илэрхийлье.