Month: July 2019

Эрүүл мэндийн дэд сайд Л.Бямбасүрэн Говьсүмбэр аймагт ажиллалаа. Тус аймагт ажиллахдаа аймгийн Эрүүл мэндийн газар, Нэгдсэн эмнэлэг, Энхтусдэм өрхийн эрүүл мэндийн төвүүдийн үйл ажиллагаа, Нэгдсэн эмнэлгийн шинэ барилгын явц болон “Эрүүл шүд-Эрүүл хүүхэд” үндэсний хөтөлбөрийн хэрэгжилтийн явцтай танилцлаа.

Говьсүмбэр аймаг нь Монгол орны босоо тэнхлэгийн зам дагуу байрлалтай мянганы зам дагуу зорчих хөдөлгөөнт хүн ам, өөрийн харьяаны 17489 хүн ам болон хил залгаа 4 аймгийн 10 сумын нийт 25000 орчим хүн амд анхан болон хоёр дахь шатлалын эрүүл мэндийн тусламж үйлчилгээг үзүүлж байна.

Тус аймагт ажиллахдаа Засгийн Газрын 2018 оны 255 дугаар тогтоолоор батлагдсан “Эрүүл шүд-Эрүүл хүүхэд” үндэсний хөтөлбөрийн хэрэгжилттэй танилцлаа.Аймгийн хэмжээнд хувийн хэвшлийн шүдний 1 эмнэлэгтэй . Тус эмнэлэг нь 2019 оны 03 дугаар сард болсон ЭМД-ын сонгон шалгаруулалтад тэнцээгүйгээс хөтөлбөрийн хэрэгжилт түр зогсоод байна. Аймаг орон нутгийн зүгээс тус хөтөлбөрийг бодлогоор дэмжин 2018 онд АШУҮИС-н Нүүр ам судлалын сургуультай хамтран амны хөндийн эрүүл ахуйн үзлэг шинжилгээг зохион байгуулж давхардсан тоогоор 2993 хүүхэд үзлэгт хамрагдсан. Үзлэгээр өвчлөлтэй оношлогдсон 2104 хүүхдээс асран хамгаалагчийн зөвшөөрөлтэй 1789 хүүхдэд эмчилгээ хийж нийт үзлэгт хамрагдсан хүүхдийн 85 хувийг эмчлэн эрүүлжүүлсэн. Бага насны хүүхдийн амны хөндийн эрүүл ахуйн үзлэг, эмчилгээнд шаардлагатай эм, бодисын зардлыг аймгийн орон нутгийн хөгжил сангаас бүрэн санхүүжүүлсэн. /ЭМГ-н дарга Ц.Мөнх-Од/

2018 оны 08 дугаар сараас өрх, сумдын эрүүл мэндийн төвүүд Эрүүл мэндийн даатгалтай 4 багцаар гэрээ байгуулан ажиллаж байна. 2019 оны хувьд Засгийн газрын 25 дугаар тогтоолоор эмч, сувилагчийн цалин өссөн ч, нэг хүнд ногдох норматив зардал өсөөгүйгээс хүн ам багатай тус аймгийн хувьд нийт санхүүжилтийн хэмжээ хүрэлцэхгүй урсгал болон тогтмол зардал өр үүсэх зэрэг бэрхшээл тулгарч байна. Тус асуудлыг шийдүүлэхээр аймгийн удирдлагуудад санал хүргүүлсэн байна.

Засгийн газрын 2016-2020 оны үйл ажиллагааны хөтөлбөрийг хэрэгжүүлэх аргаа хэмжээний төлөвлөгөөнд туссаны дагуу 8,5 тэрбум төгрөгийн өртөг бүхий аймгийн Нэгдсэн шинэ барилгын ажил эхэлсэн. Тус барилгыг тендер сонгон шалгаруулах журмын дагуу шалгарсан “Тэргүүн чансаа ХХК” гүйцэтгэж байна. Барилгын ажил эхэлсэн 2020 онд багтаан ашиглалтанд өгөхөөр төлөвлөн гүйцэтгэж байна.
Тус аймагт ажиллах үеэр аймгийн Нэгдсэн эмнэлэгт нэн шаадлагатай байсан түргэн тусламжийн авто машиныг Монгол Улсын Ерөнхий Сайд У.Хүрэлсүх аймгийн Нэгдсэн эмнэлэгт гардуулан өглөө.

Монгол Улсын Ерөнхийлөгч Х.Баттулгын ивээл дор “Ажилтай оюутан” хөтөлбөрийг МҮХАҮТ-тай хамтран эхлүүлж, одоогийн байдлаар 1200 гаруй оюутан түр ажлын байраар хангагдаад байгаа юм. Мөн залуусын хамгийн их сурахыг хүсэж буй англи хэлийг 4000 хүнд заахаар Монголын их, дээд сургуулиудтай хамтран зохион байгуулж байгаа билээ.

Монгол Улсын Ерөнхийлөгчийн зөвлөх Д.Үүрийнтуяа, Монгол Улсын Ерөнхийлөгчийн ОТБ зөвлөх Н.Лхагвадорж, Монгол Улсын Ерөнхийлөгчийн дэргэдэх оюутан залуусын хөгжлийн асуудал хариуцсан ОТБ зөвлөлийн нарийн бичгийн дарга Б.Золжаргал нар мэдээлэл хийлээ.

“Англи хэлтэй залуус” хөтөлбөр наймдугаар сарын 1-нээс 21 хоногийн хугацаанд хуваарийн дагуу хичээллэнэ. Тус сургалт нь өдрийн зургаан цагаар хичээллэх бөгөөд энэ хөтөлбөрийн хүрээнд анхан, дунд, ахисан гээд бүх түвшний сургалтууд орохоос гадна эерэг хандлага, хувь хүний хөгжлийн сургалтууд давхар орохоор хөтөлбөр боловсруулагджээ. Энэ хөтөлбөрт хамрагдсанаар нэг хүн 63 цагийн боловсрол эзэмших аж. Долдугаар сарын 29-ны орой албан ёсны хуудсуудаар анги хуваарьлалт хийгдэнэ. Сургалт эхний 10-15 минутад түвшин тогтоох шалгалт авна. Нэг ангид 160 хүүхэд, семинарын ангид 30-40 хүүхэд хичээллэнэ. 80 хувиас дээш ирцтэй хүн бүрт сертификат олгоно. 21 аймаг, есөн дүүргээс 16-30 насны4500 хүн бүртгүүлсэн байна.

Монгол Улсын Ерөнхийлөгчийн Бодлого, үйл ажиллагааны хүрээнд “Ажилтай оюутан”, “Англи хэлтэй залуус” хөтөлбөр хэрэгжиж байна. 4000 хүүхэд бүртгэхэд найман өдрийг зарцуулна гэж төлөвлөсөн боловч дөрвөн өдрийн дотор бүх хүүхдээ бүртгэлээ. Зөвхөн оюутан гэхгүйгээр хөдөлмөр эрхлэж буй, ахлах ангийн сурагчид хамрагдах боломжтой.

Б.АЛТАНТУЯА

Ерөнхий боловсролын сургуулийн багш нар өнөөдөр өлсгөлөн зарлалаа. Одоогоор 20 гаруй багш өлсгөлөн зарлаж байна. Цаашид 500 гаруй багш нэгдэнэ гэдгээ мэдэгджээ. Эдгээр багш нар түрээсийн орон сууцанд 200 байрны квотыг багш нарт өгөхийг шаардаж албан бичгийг холбогдох газруудад хүргэсэн ч өнөөдрийг хүртэл ямар нэгэн хариу өгөөгүй юм байна. Өнөөдөр буюу 48 цагийн дотор ямар нэгэн тайлбар мэдээлэл болон шаардлагын хариу өгөхгүй бол өлсгөлөнгөө үргэлжлүүлнэ гэдгээ мэдэгдлээ.

Монгол Улсын шүүхийн 2019 оны эхний хагас жилийн шүүн таслах ажлын дүн мэдээг танилцуулах хэвлэлийн хурал өнөөдөр Шүүхийн ерөнхий зөвлөлийн байранд боллоо.

Шүүхийн ерөнхий зөвлөлөөс мэдээлснээр, Анхан шатны шүүх 2019 оны эхний хагас жилд эрүүгийн 7073, иргэний 21420, захиргааны 791 хэрэг нийт 29284 хэрэг маргааныг шийдвэрлэж, 8460 зөрчлийн хэрэгт шийтгэл оногдуулж 680 хүнийг хорих ял эдлэхээс хугацааны өмнө суллаж хяналт тогтоох болон ялаас чөлөөлж, 1019 хүнд цагдан хорих арга хэмжээ авч, 1922 хүний цагдан хорих хугацааг сунгажээ.

Анхан шатны шүүхийн хянан шийдвэрлэсэн нийт хэргийн тоо өмнөх оны мөн үетэй харьцуулахад эрүүгийн хэрэг 860 хэргээр буюу 13.8 хувиар, захиргааны хэрэг найман хэргээр буюу нэг хувиар өссөн бол иргэний хэрэг 15.8 хувиар буурсан байна.
Эрүүгийн хэргийн зөрчил, мэдээллийг тоймлон хүргэвэл Монгол Улсын хэмжээнд 2019 оны эхний хагас жилд хянан шийдвэрлэгдсэн эрүүгийн хэрэг 13.8 хувиар, ял шийтгүүлэгчдийн тоо 10.5 хувиар өссөн байна. Шүүхээс гэмт хэрэг үйлдсэн гэм буруутай гэж үзэн ял шийтгэсэн 6976 этгээдийн 6975 нь хүн, нэг нь хуулийн этгээд байна. 1210 хүнд хорих ял оногдуулахгүйгээр тэнсэх арга хэмжээ авсан байна.

Хүнийг алах, хүчиндэх, залилах, мал хулгайлах, авто тээврийн хэрэгслийн аюулгүй байдал ашиглалтын журмын эсрэг гэмт хэрэг их хэмжээгээр өссөн дүнтэй байна. Харин хахууль өгөх, хахууль авах гэмт хэрэг, гэр бүлийн хүчирхийлэл үйлдэх гэмт хэрэг, хүний эрүүл мэндэд санаатай хүнд хохирол учруулах гэмт хэрэг, улсын хилээр барааг хууль бусаар хил нэвтрүүлэх, хүүхдийн эсрэг гэмт хэргийн тоо буурсан үзүүлэлттэй байна.
Анхан шатны шүүхээр шийдвэрлэгдсэн нийт хэргээс дараах төрлийн гэмт хэрэг өсчээ.

• Хүнийг алах гэмт хэрэг 28 хэргээр буюу 30.8 хувиар
• Бусдын эрүүл мэндэд хөнгөн хохирол учруулах гэмт хэрэг 375 хэргээр буюу 13.7 хувиар
• Хүчиндэх гэмт хэрэг 71 хэргээр 51.1 хувиар
• Дээрэмдэх гэмт хэрэг 42 хэргээр буюу 29.8 хувиар
• Мансууруулах эм, сэтгэцэд нөлөөт бодисыг хууль бусаар ашиглах гэмт хэрэг 13 хэргээр буюу 20.3 хувиар
• Авто тээврийн хэрэгслийн хөдөлгөөний аюулгүй байдал, ашиглалтын журам зөрчих гэмт хэрэг 116 хэргээр буюу 25.9 хувиар
• Залилах гэмт хэрэг 101 хэргээр буюу 49.3 хувиар өссөн байна.

Гэр бүл, хүүхдийн эсрэг гэмт хэрэг буурчээ

• Гэр бүлийн хүчирхийлэл үйлдэх гэмт хэрэг 30 хэргээр буюу 19.7 хувиар
• Эрүүл мэндийн эсрэг гэмт хэрэг есөн хэргээр буюу 81.8 хувиар
• Хүүхдийн эсрэг гэмт хэрэг дөрвөн хэргээр буюу 57.1 хувиар
• Улсын хилээр барааг хууль бусаар нэвтрүүлэх гэмт хэрэг нийт 17 хэргээр буюу 41.5 хувиар буурсан байна.

Ойрын өдрүүдэд бороо хур татрахгүй байгаагаас үүдэн Туул голын дагуу үерийн түвшин нэмэгдэж, хүчтэй үерлэж байгааг Туул голын сав газрын захиргаанаас мэдээлж байна. Үүний зэрэгцээ Хөвсгөлийн уулсаас эхтэй Дэлгэрмөрөн, Эг, Үүр, Шишхэд, Хангай нурууны өврийн Шар-Ус, Байдраг болон Сэлэнгэ мөрний нийт уртын дагууд усны түвшин өмнөх өдрийнхөөс 20-75 см нэмэгдэж, Бэлтэс, Үүр, Байдраг, Шар-Ус, Хархираа, Түргэн, Хариг, Намир, Ховд, Буянт зэрэг голууд үерийн түвшинг 10-105 см даван үерлэж байна. Ирэх өдрүүдэд нийт нутгаар түр зуурын, гэнэтийн, хүчтэй аадар бороо орох төлөвтэй байна. Иймд голын эрэг дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас байнга сонор сэрэмжтэй байх, хот суурин газрын үерийн далангийн ус зайлуулах хоолойгоор ус чөлөөтэй урсах нөхцлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг Онцгой байдлын ерөнхий газраас анхааруулж байна.

Нутгийн зүүн хагаст бороо орох тул болзошгүй үер ус, нөөлөг салхи, аянга цахилгааны аюулаас сэрэмжтэй байхыг анхааруулж байна. Маргааш нутгийн зүүн хагаст үргэлжилсэн бороо, 31-нд баруун аймгуудын нутгийн баруун хэсгээр, зүүн аймгуудын нутгийн зүүн хэсэг, наймдугаар сарын 1-нд баруун аймгуудын нутгийн хойд хэсэг, төвийн аймгуудын нутгийн баруун хэсгээр, 02-нд баруун аймгуудын нутгийн зарим газар, төвийн аймгуудын нутгийн баруун хэсгээр дуу цахилгаантай аадар бороо орно. Салхи 30-нд говь, талын нутгаар секундэд 15-17 метр хүрч ширүүснэ. 30-нд нутгийн зүүн хагаст, 8-р сарын 02-нд нутгийн баруун хагаст сэрүүн байх боловч бусад хугацаанд дулаарч Алтай, Хангай, Хөвсгөл, Хэнтэйн уулархаг нутаг болон Тэрэлж голын хөндийгөөр шөнөдөө 4-9 градус, өдөртөө 18-23 градус, говийн бүс нутгийн өмнөд хэсгээр шөнөдөө 16-21 градус, өдөртөө 31-36 градус, бусад нутгаар шөнөдөө 10-15 градус, өдөртөө 23-28 градус дулаан байна.

Төв аймгийн Эрдэнэсант сумын харьяат, малчин А-гийн хүү, таван настай У энэ сарын 28-ны өдрийн 18:00 цагийн орчимд худаг дээрээс гэртээ харина гэж яваад сураггүй алга болжээ. Энэ талаарх дуудлага мэдээллийг тус сумын цагдаагийн хэсгийн хоёр алба хаагч хүлээн авч, Засаг даргын Тамгын газрын 14 ажилтан, ар гэрийн дөрвөн хүн, нийт 20 хүн, таван автомашинтай 22:11 цагаас хойш хүүг эрэн хайж байна.

Ойрын өдрүүдэд бороо хур татрахгүй байгаагаас үүдэн Туул голын дагуу үерийн түвшин нэмэгдэж, хүчтэй үерлэж байгааг Туул голын сав газрын захиргаанаас мэдээлж байна. Үүний зэрэгцээ Хөвсгөлийн уулсаас эхтэй Дэлгэрмөрөн, Эг, Үүр, Шишхэд, Хангай нурууны өврийн Шар-Ус, Байдраг болон Сэлэнгэ мөрний нийт уртын дагууд усны түвшин өмнөх өдрийнхөөс 20-75 см нэмэгдэж, Бэлтэс, Үүр, Байдраг, Шар-Ус, Хархираа, Түргэн, Хариг, Намир, Ховд, Буянт зэрэг голууд үерийн түвшинг 10-105 см даван үерлэж байна. Ирэх өдрүүдэд нийт нутгаар түр зуурын, гэнэтийн, хүчтэй аадар бороо орох төлөвтэй байна. Иймд голын эрэг дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас байнга сонор сэрэмжтэй байх, хот суурин газрын үерийн далангийн ус зайлуулах хоолойгоор ус чөлөөтэй урсах нөхцлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг Онцгой байдлын ерөнхий газраас анхааруулж байна.