Month: June 2019

Зургадугаар сарын 17-нд цахилгаан шугам тоноглолд засвар хийх хуваарь. Засвар хийх хугацаанд цахилгааны хязгаарлалт хийх тул хэрэглээгээ түр зохицуулахыг УБЦТС ТӨХК-аас зөвлөж байна.

БАЯНЗҮРХ ДҮҮРЭГ

10:00-15:00 цагт: 14-р хороо 95/1, 95/2, 95/3, 95/4-р байрууд, Зургаан талт ХХК

11:00-18:30 цагт: 17-р хороо Шар хадны 4-39, 50-61, 63, Эрдэнэхайрханы 8, Эмнэлгийн 14-18-р гудамж, 65/А, 65/Б байрууд, Бархгол, Гоулдсилвер, Рэбоожин, Алтан нарны тусгал ХХК болон эдгээрийн ойр орчмоор.

ЧИНГЭЛТЭЙ ДҮҮРЭГ

10:00-15:00 цагт: 4-р хороо Хүч сервис ХХК, иргэн Алтансүх /ТҮЦ/, Б.Энхсайхан, Энхбаатар, Энхнаран, Өгөөж, Ундецим-Ундецим, Урлах эрдэм, Сод шонхор ХХК-ууд, Барилга корпораци /Барилгачдын талбай/, Худалдаа хөгжлийн банк, ОСНААУГ-ын ХҮТ-7, Эва /цайны газар/, Хүрэлчимэг /Номын дэлгүүр/, Дүрслэх урлагийн музей, ЗГБНЗ /Барилгын яам/.

ХАН-УУЛ ДҮҮРЭГ

10:00-16:00 цагт: 15-р хороо Рапид харш хотхоны 1-7, 23, 29-31, Элит хотхоны 1-7 байрууд, Цэнгэлдэх хүрээлэн болон эдгээрийн ойр орчмоор.

СОНГИНОХАЙРХАН ДҮҮРЭГ

10:00-17:00 цагт: 5, 6-р хороо Хангай зах, Ханын материалын эцэс, Ган-Энх трейд ХХК, Мандах сургууль, Хангай захын хойд хэсгээр болон эдгээрийн ойр орчмоор. 20, 21, 22, 32-р хороо Хайртхаан амралт, 121-р сургууль, Төмөр зам, Тэжээлийн үйлдвэр, Алтандорнод Монгол, Эйч Ти Эм, Гранд повер, УБ Буян, Агротрак, Түмэн шувуут, Монгол машин ХХК-ууд, Мобиком, иргэн Насанжаргал, Баруунтуруун, Тахилт, Эмээлт, хуучин, шинэ Товчоо, 361, 384-р гармууд, Тавантолгой, Аргүнт, Партизан болон эдгээрийн ойр орчмоор.

НАЛАЙХ ДҮҮРЭГ

09:00-17:00 цагт: 1-р хороо Цэцэрлэг, Уурхайчны 1-4, 13-23-р гудамжаас хойш болон эдгээрийн ойр орчмоор.

Цаг агаарын нөхцөл байдлаас шалтгаалан “МИАТ” ХК-ийн олон улсын бүх нислэг хойшлогдоод байсан. Тэгвэл нислэгийн шинэчилсэн хуваарь гарчээ. Улаанбаатар хотын цаг агаарын таагүй нөхцөл байдлын улмаас VI дугаар сарын 16-ны өдрийн Хонконг, Пусан, Токио, Сөүл, Москва, Берлин чиглэлийн нислэгүүд саатаж дараах хуваарийн дагуу нисэхээр болсон байна.

Улаанбаатар-Хонконг чиглэлийн ОМ297 аяллын нислэг 6-р сарын 16-ны 20:10 цагаас,

Улаанбаатар-Сөүл чиглэлийн ОМ301А аяллын нислэг 6-р сарын 16-ны 20:05 цагаас,

Улаанбаатар-Пусан чиглэлийн ОМ311 аяллын нислэг 6-р сарын 17-ны 06:00 цагаас,

Улаанбаатар-Токио чиглэлийн ОМ501А аяллын нислэг 6-р сарын 17-ны 02:30 цагаас,

Улаанбаатар-Москва-Берлин чиглэлийн ОМ135 аяллын нислэг 6-р сарын 17-ны 05:00 цагаас тус тус хөөрөхөөр боллоо.

Цаг уурын нөхцөл байдлаас шалтгаалан Лүн Баянхангай сумын нутгаар их хэмжээний хүчтэй бороо орж, хотоос 117 дахь км зорчих хэсэг эвдэрч замын байгууламжууд үерт автсан тул иргэдийн амь нас эрүүл мэнд эд хөрөнгийг болзошгүй гамшгаас урьдчилан сэргийлэх зорилгоор Улаанбаатараас Төв аймгийн Лүн сум, Лүн сумаас Улаанбаатар чиглэлийн авто зам, замын байгууламжийг 2019 оны 06 дугаар сарын 16-ны өдрийн 00:00 цагаас 2019 оны 06 дугаар сарын 16-ны өдрийн 18:00 цаг хүртэл тээврийн хэрэгслийн хөдөлгөөнийг бүрэн хаасан байна.

Цаг агаарын байдлаас шалтгаалан “МИАТ” ХК-ийн олон улсын болон орон нутгийн бүх нислэгүүд хойшлогдсон байна.

Тодруулбал, 2019 оны зургаадугаар сарын 16-ны өглөө буюу өнөөдөр өглөө нисэх хуваарьтай байсан Сөүл, Хонг-Конг, Бээжин, Токио чиглэлийн нислэгүүд хойшлогдоод орой 20:00 цагт Улаанбаатараас хөөрөхөөр болжээ.

Та нислэгийн цагийн хуваарийн мэдээллийг https://www.miat.com/status.php?pageId=13&lang=mn хаягаар болон 11-333999 утсаар авах боломжтой.

Мөн Air china, Turkish airlines зэрэг бүх авиа компанийн нислэг хойшлогдсон аж.

Ерөнхий боловсролын сургуулийн сурагчдын амны хөндийн эрүүл мэндийн боловсролыг дээшлүүлэх, шүд угаах зөв аргачлалыг эзэмшүүлэх, түүний ач холбогдлыг олон нийтэд сурталчлан таниулах, хүүхдийн шүдний өвчлөлийг бууруулах зорилгоор Нийслэлийн Шүд эрүү нүүрний төвөөс санаачлан НЗДТГ, Налайх дүүргийн эрүүл мэндийн төвтэй хамтран “Шүд угаалтын аварга шалгаруулах тэмцээн”-ий хоёрдугаар шатны арга хэмжээг амжилттай зохион байгууллаа.

Налайх дүүргийн ЕБС-иудын 9-12 насны сурагчдын дунд анх удаа зохион байгуулагдаж буй тус тэмцээний нэгдүгээр шатанд нийт есөн сургуулийн 184 хүүхэд 40 багт хуваарилагдан өрсөлдсөн бол, хоёрдугаар шатны тэмцээнд эхний шатанд шалгарсан 40 хүүхэд нийт таван баг болон өрсөлдсөн байна.

Энэхүү тэмцээний шилдэг багаар 109 дүгээр сургуулийн “Танан цагаан”, Налайх хотын шүдээ хамгийн сайн угаадаг хүүхдээр мөн тус багийн гишүүн Ц.Наранцэцэг, 119-р сургуулийн Шүдний дагинас” багийн Э.Амина нар шалгарчээ. Тэмцээний хоёрдугаар шатанд түрүүлсэн баг ирэх намар Тайвань улсад болох “Шүд угаалтын аварга” шалгаруулах тэмцээнд оролцох эрхтэй болж байгаа юм.