“Эрдэнэт” үйлдвэрийн Стандарт банкинд төлөх нийт өр 115 сая ам долларт хүрсэн. “Стандарт” банкнаас уг мөнгийг нэхэмжилсэн хоёр хувь албан бичгийг Монгол улсын Засгийн газар болоод “Монголын Зэс Корпораци” ХХК-ийн гүйцэтгэх захирал Ц.Пүрэвтүвшинд хаяглан ирүүлсэн байдаг.
“Стандарт” банкнаас ирүүлсэн бичигт “ “Эрдэнэт” үйлдвэрийг тав хоногийн дотор өрөө барагдуулахыг сануулсан. Хэрвээ өрөө төлөхгүй бол үйлдвэрийг битүүмжилнэ” гэж бичсэн гэдэг.
Тэгвэл “Стандарт” банкны энэхүү өрийг төлж барагдуулсан гэж Шадар сайд Ө.Энхтүвшин, “Эрдэнэт” үйлдвэрийн захирал Х.Бадамсүрэн нар мэдэгдлээ. Ингэхдээ татвар төлөгчдийн 40 сая ам доллароор тус өрийг барагдуулсан байна.
Шадар сайд Ө.Энхтүвшин энэ талаар “Анх Жаст группийн Ерөнхий захирал Ш.Батхүү Өмнөд Африкийн “Стандарт” банктай 2009-2010 онд зээлийн гэрээ байгуулж, 2012 он хүртэл нийт 160.1 сая долларыг авсан байдаг юм билээ. Үүнийгээ хугацаандаа төлөөгүй учраас “Стандарт” банк 2013 оны долдугаар сард Лондонгийн Олон Улсын Арбитрын шүүхэд хандсан байгаа юм. Ингээд Лондонгийн Олон Улсын Арбитрын шүүх нийт 4 удаа хуралдаж шийдвэр гарагсан. “Стандарт” банк Эрдэнэт үйлдвэрээс 86.95 сая ам.долларыг нэхэмжилсэн. Яагаад Эрдэнэт үйлдвэрээс нэхэмжилсэн бэ гэхээр Эрдэнэт үйлдвэр нь батлан даагчаар оролцсон гэж хэлсэн учир шүүх түүнийг баталгаажуулсан байна. “Жаст”-ын Ш.Батхүү би бүх бичиг баримтыг хуурамчаар үйлдсэн гэж зөндөө ярьсан ч шүүх түүнийг нь хүлээж аваагүй.
Ингээд Арбитрын шүүхээс 51 сая ам.долларыг Эрдэнэт үйлдвэр төл гэсэн шийдвэр гаргасан. Монголын тал мэдээж энэ шийдвэрийг зөвшөөрөөгүй. Английн шүүхэд давж заалдах шатны шүүхэд гомдол гаргасан. Гэхдээ энэ их төвөгтэй юм билээ. Давж заалдах эрхээ олж авахын тулд 51 сая ам.долларыг Стандарт банкинд байрлуулсан байх ёстой юм билээ. Гэвч тухайн үед энэ мөнгийг төлөх боломж байгаагүй.
Гэтэл Стандарт банк Английн улсын дээд шүүхэд төлбөрөө хурдан төлүүлмээр байна гэж гомдол гаргасан байгаа юм. Дээд шүүхээс анхан шатны шүүхийн шийдвэрийг хэвээр баталсан. Ингэхдээ бүр хатуу шийдвэр гаргасан. Нэгэнт эцсийн шийдвэр учраас төлөхөөс аргагүй байдалд хүрч, Ерөнхий сайдын захирамжаар 2018 оны наймдугаар сард Шадар сайдаар ахлуулсан ажлын хэсэг байгуулагдсан. Бид хэд, хэдэн удаа хуралдаад төлөхгүй бол ямар нөхцөл байдал үүсэх вэ гэдгийг судаллаа.
Нэгдүгээрт, Эрдэнэт үйлдвэрт төлөх төлбөрийн гүйлгээг царцаах.
Хоёрдугаарт, Стандарт банкны өр төлбөрийн асуудлыг даруй шийдэхгүй бол гуравдах этгээдүүдийн хөрөнгийг зарах
Гуравдугаарт, Эрдэнэт үйлдвэрийн удирдлагуудыг гадагш, дотогш гаргахгүй байх. Гадна талд байгаа хөрөнгүүдийг хурааж авах асуудал, эрсдэлүүд байсан.
Ингээд төлөх нь зүйтэй гэсэн шийдвэрийг ажлын хэсэг гаргасан. Улмаар Стандарт банктай гэрээ хэлцэл, яриа хийсний эцэст 40 сая ам.долларыг хүү торгуульгүйгээр төлөхөөр тогтсон. Улмаар Эрдэнэт үйлдвэрийн Эрсдэлийн сангаас гаргаж, шилжүүлсэн. Нөгөө талаас хүлээж авлаа гэсэн бичиг ирүүлсэн байна. Одоо ингээд гадна талдаа асуудлаа шийдлээ. Одоо дотооддоо ажиллаж, хууль хяналтын байгууллага буруутай этгээдүүдэд хариуцлага тооцох ёстой. Буруутай этгээдүүд хариуцлага тооцох асуудал хууль шүүхийн байгууллагаар шалгагдаад явж байна” гэсэн юм.
Ийнхүү 40 сая ам.долларыг төлснөөр “Стандарт” банкинд төлөх өр, төлбөр дуусч байгаа аж. “Эрдэнэт” үйлдвэрийн Эрсдлийн санг “Стандарт” банкны өр төлбөрийг төлж барагдуулахад зориулж байгуулсан байх магадлалтай байна.
Монголын үндэсний олимпийн хороо /МҮОХ/-ны Ерөнхий нарийн бичгийн дарга Э.Бадар-Ууган, БНХАУ-ын Сон Чинлин сангийн Ерөнхийлөгч Ван Жяруй тэргүүтэй бадминтоны спортын төлөөлөгчдийг хүлээн авч уулзан, хамтран ажиллах талаар санал солилцлоо.
ОБЕГ-ын дэргэдэх Гамшиг судлалын хүрээлэнгээс ОХУ, БНХАУ болон Монголын цаг уурын байгууллагаас гаргасан цаг агаарын урьдчилсан таамаглал, АНУ-ын NOAA, NASA болон НҮБ-ын Ази, номхон далайн эдийн засаг, нийгмийн комиссын мэдээ, болон бусад холбогдох статистик мэдээлэлд үндэслэн Монгол оронд 2019 оны хавар, зуны улиралд тохиолдож болзошгүй байгалийн гаралтай аюулт үзэгдлийн таамаглалыг гаргалаа. Таамаглалын үр дүнд 2019 оны 1, 2 дугаар улиралд байгаль, цаг агаарын төлөв байдлаас шалтгаалан гарч болзошгүй аюулт үзэгдэл, ослын талаар мэдээлэл өгч дараах зөвлөмжийг хүргүүлж байна.
Хаврын хуурайшилтын үе эхэлсэнтэй холбогдуулан нийслэлийн Онцгой байдлын газрын Хан-Уул дүүрэг дэх Онцгой байдлын хэлтэс, Гал түймэр унтраах, аврах 14, 30, 65 дугаар ангиудад бэлэн байдлын үзлэг шалгалтыг хийлээ.
“Иргэдийн оролцоотой хөгжлийн жил”-ийн хүрээнд Улаанбаатар хотын агаар, орчны бохирдлыг бууруулах чиглэлээр иргэн, аж ахуйн нэгж байгууллага, төрийн бус байгууллагаас хийж хэрэгжүүлж байгаа болон 2019 онд хэрэгжүүлэхээр төлөвлөсөн судалгаа, шинжилгээнд суурилсан шинэ санал санаачилга, шинэлэг шийдэл бүхий ажил, арга хэмжээний /төсөл хөтөлбөр/-ийн мэдээлэл солилцох, танилцуулах, цаашид хэрэгжүүлэхэд тулгамдсан, бэрхшээлтэй асуудлыг нэгтгэж, ажлын санал боловсруулан Нийслэлийн иргэдийн Төлөөлөгчдийн хурлын дарга, Тэргүүлэгчдэд танилцуулах шаардлагатай арга хэмжээ авч ажиллах “АГААРЫН БОХИРДЛЫН ЭСРЭГ ХҮЧЭЭ НЭГТГЭЕ” сэдэвт хоёр дахь шатны хэлэлцүүлгийг 2019 оны 4 дүгээр сарын 12-ны өдөр Нийслэлийн Хангарди ордны 14 давхарт 10:00-16:00 цагийн хооронд зохион байгуулна.
Нийслэлийн Засаг даргын болон Улаанбаатар хотын ерөнхий менежерийн албан даалгавруудыг хэрэгжүүлэх ажлын хүрээнд нийслэлийн Тээврийн газраас удирдамж гарган нийтийн тээврийн үйлчилгээнд явж буй автобусны гадна, дотор цэвэрлэгээ, үйлчилгээг тогтмол чанартай гүйцэтгэсэн, техникийн засвар үйлчилгээг тогтоосон норм, нормативын хүрээнд хугацаанд нь хийж, иргэдийн аюулгүй, тав тухтай зорчих нөхцөл бүрдүүлсэн байдалд тавих хяналтыг эрчимжүүлэн ажиллаж байна.
Улсын Их Хурлын 2019 оны хаврын ээлжит чуулган өнөөдөр (2019.04.05) 10 цаг 02 минутад гишүүдийн 62.7 хувийн ирцтэйгээр эхэллээ.