Монгол Улсын Ерөнхийлөгч Х.Баттулга өнөөдөр Төрийн ордонд зохион байгуулагдсан “Монгол цэргийн нэгдсэн холбоо” төрийн бус байгууллагын анхдугаар их хурлын оролцогчдод хандан илгээлт хүргүүллээ. Илгээлтийг Монгол Улсын Ерөнхийлөгчийн Тамгын газрын дарга З.Энхболд уншиж сонордуулав.
МОНГОЛ УЛСЫН ЕРӨНХИЙЛӨГЧИЙН ИЛГЭЭЛТЭД:
“Эрхэм генерал, офицер, ахлагч, тэдний төлөөлөл болон “Монгол цэргийн нэгдсэн холбоо” төрийн бус байгууллагын анхдугаар их хуралд оролцож байгаа зочид, төлөөлөгчид Та бүхний энэ өдрийн амрыг эрье.
Үндэсний эрх чөлөөний хувьсгал, Ардын хувьсгал, Халх голын байлдаан, Чөлөөлөх дайн, Баруун хилийн тулгаралт зэрэг XX зууны Монголын түүхэнд тохиосон сорилт бүхэнд монгол цэрэг баатарлаг өвөг дээдсийнхээ адил ялалтын уухайгаар эрх чөлөө, тусгаар тогтнол, бүрэн эрхт байдлаа батлан хамгаалахын зэрэгцээ нийгэм, оюун санааны салбарт дэвшилтэт үзлийг дэлгэрүүлэх, орчин цагийн урлаг соёл, утга зохиол, спорт, шинжлэх ухаан, эрүүлийг хамгаалах, барилгажилт бүтээн байгуулалтыг цогцлоох үйлсэд соён гэгээрүүлэгч, бүтээн байгуулагч хүчин нь байсаар ирсэн билээ.
Нийгмийн шилжилтийн жилүүдэд мянга мянган офицер армийн бүтцийн өөрчлөлт, цомхотгол болон амьдралын шаардлагаар дүрэмт хувцсаа тайлж, жирийн иргэний амьдралд шилжсэн. Зэвсэгт хүчин, төрийн цэргийн байгууллагуудад ажиллаж байсан бэлтгэл офицерууд, тэдний байгуулсан төрөл мэргэжлийн цэргийн холбоод, төрийн бус байгууллагууд нэгдэж, “Монгол цэргийн нэгдсэн холбоо” төрийн бус байгууллагыг байгуулан Анхдугаар хурлаа зохион байгуулж байгаад баяр хүргэж, хурлын үйл ажиллагаанд өндөр амжилт хүсье.
Иргэний ардчилсан нийгмийн салшгүй бүрэлдэхүүн болсон Төрийн бус байгууллагуудын идэвхтэй үйл ажиллагаа нь нийгэмд эерэг нөлөөлөл үзүүлэх, иргэдийн санаа бодлыг төр, засгийн бодлого шийдвэрт тусгуулах, төр, иргэдийн харилцааны гүүр болох онцгой үүрэг, ач холбогдолтой юм.
“Монгол цэргийн нэгдсэн холбоо” төрийн бус байгууллага болон төрийн цэргийн байгууллагуудын хамтын ажиллагаагаар алба хаагчид, ахмад үеийнхний нийгмийн хамгааллыг сайжруулах, иргэн-цэргийн харилцааг бэхжүүлэх, эх оронч, үндэсний үзлийг түгээн төлөвшүүлэх, улс орныхоо хөгжил, батлан хамгаалахын салбарын ахиц дэвшлийг тодорхойлоход үр дүн авчирна гэдэгт итгэлтэй байна.
Өвөг дээдэс, ахмад үеийнхээ алдар гавьяаг ямагт санаж, тэдний үйл хэргээс суралцаж, хүндэтгэн залгамжилж, ирээдүй хойч болсон хүүхэд залуустаа өвлүүлэн, цэрэг-эх оронч, үндэсний бахархалт үзэлтэй, ёс суртахуунтай, бие бялдар, оюун санаа, сэтгэл зүйн зөв хүмүүжилтэй иргэд болгон төлөвшүүлэх нь өнөө цагийн Та бидний хүлээсэн эрхэм үүрэг мөн.
Монгол Улсын Ерөнхийлөгч, Зэвсэгт хүчний Ерөнхий командлагчийн хувьд Монгол Улсын оршин тогтнохуйн аюулгүй байдлын төлөө тууштай зүтгэж ирсэн Зэвсэгт хүчин, Төрийн цэргийн байгууллагуудын ахмад дайчид, албаны нийт бие бүрэлдэхүүнд Монгол Улсаа урагшлуулан хөгжүүлэх их үйл хэрэгт нэгэн санаа зорилго, нэгдмэл үйл ажиллагаагаар хамтран зүтгэхийг уриалан, амжилт хүсье.
Мөнх тэнгэрийн хүчин дор монгол цэргийн жавхаа бадартугай” гэжээ.
Монгол Улсын Ерөнхийлөгч Х.Баттулга өнөөдөр Азийн хөгжлийн банк (АХБ)-ны Зүүн Азийг хариуцсан Ерөнхий захирал Эйми Леунг болон АХБ-ны Монгол дахь Суурин төлөөлөгч Ёланда Фернандез Ломмен нарын төлөөлөгчдийг хүлээн авч уулзлаа.
ГХЯ-ны Төрийн нарийн бичгийн дарга Д.Даваасүрэн 2019 оны дөрөвдүгээр сарын 4-ний өдөр АНУ-аас Монгол Улсад суугаа Элчин сайд М.Клеческийг хүлээн авч уулзав.
Хүн амын дунд өргөн хэрэглэдэг гялгар уутыг хар тугалга хайлуулж химийн бодисоор хийдэг тул гялгар уутанд хүнсний бүтээгдэхүүнийг хийхэд урвалд орж, бензол, формальдегид зэрэг бодисыг ялгаруулан хүний эрүүл мэндэд сөрөг нөлөө үзүүлдэг. Мөн гялгар уут нь ил задгай хаягдахад 100-500 жил хөрсөнд задрахгүй удаан байдаг ба байгаль орчныг бохирдуулж, хүний эрүүл мэндэд сөрөг нөлөө үзүүлдэг гэдгийг судлаачид тогтоосон байдаг. 
БНХАУ-ын Сон Чин Лин сангийн Ерөнхийлөгч Ван Жяруй тэргүүтэй төлөөлөгчид өнөөдөр ЭХЭМҮТ-д нэг сая юаны өртөгтэй эрчимт эмчилгээ, сэхээн амьдруулах үйл ажиллагаанд тасралтгүй байнга ашиглагддаг дуслын автомат шахуурга, зүрх амьсгалын үйл ажиллагааг хянадаг мониторинг зэрэг 20 гаруй нэр төрлийн тоног төхөөрөмж хандивлах батламжийг ЭХЭМҮТ-ийн Ерөнхий захирал Ш.Энхтөрд гардууллаа.
ХХБанкнаас жил бүр харилцагчид болон олон нийтийн санхүүгийн суурь мэдлэгийг дээшлүүлэх зорилгоор олон арга хэмжээ, хөтөлбөрүүдийг зохион байгуулдаг. Тэгвэл энэ удаад “Бизнесийн зээлийн нээлттэй өдөрлөг”-ийг төв байрандаа зохион байгууллаа.
Чөлөөт бөхийн “Монголиа Опен” олон улсын тэмцээн ирэх амралтын өдрүүдэд (IV.06-07) “Буянт-Ухаа” спортын ордонд болно. Ес дэх удаагийн уламжлалт тэмцээний хуваарьтай танилцана уу.