Month: March 2019

Монгол цэргийн баярыг тохиолдуулан маргааш буюу гуравдугаар сарын 17-ны өдөр Монголын чопперчин ахан дүүсийн холбооноос хүндэтгэлийн мото парад зохион байгуулна.

Тус парадыг Нийслэлийн Засаг даргын тамгын газар болон Нийслэлийн замын цагдаагийн газрын зөвшөөрөлтэй хамтран зохион байгуулахаар болжээ. Энэхүү мото дарад ням гарагийн өглөөний 10 цагт Киокушу тауэрээс хөдөлж, Сүхбаатарын талбай хүртэл явах юм. Чоппер буюу орчин үеийн онцгой мотоцикль нь хүн бүхнийг дурлуулж болох ч хүссэн бүхэн хамгийн суперыг нь унах боломж тун хомс. Учир нь хамгийн энгийн нь автомашины үнэтэй дүйцдэг.

Дашрамд сонирхуулахад, Чоп /chop/ гэсэн англи үг нь тасдах, цавчих гэсэн утга илэрхийлдэг. Дэлхийн II дайны дараа америк цэргүүд өөрсдийн мотоциклийг засч тоноглон, дур сонирхолдоо нийцсэн шинэ загварын хөнгөн, ганган мотоцикль бий болгосноор чоппер мотоциклийн түүх эхэлжээ. Улмаар 1960-аад оноос дэгжин мотоцикль хөлөглөсөн залуусыг чопперчид гэдэг болсон байна. Харин манай улсад 1990 оноос энэхүү ангиллын мото спортын хөгжлийн үндэс суурь тавигдсан юм.

ХБНГУ-ын ФЭС-гийн дэмжлэгтэйгээр МҮЭ-ийн холбоо, “Хэвлэл мэдээллийн салбарын ажилтнуудын үйлдвэрчин байгуулах санаачлагч гишүүд” хамтран зохион байгуулж буй “ХМСА-нуудын Үйлдвэрчин байгуулах хэрэгцээ шаардлага уулзалт хэлэлцүүлэг” Улаанбаатар зочид буудлын Өргөө танхимд болж байна. Уулзалтад аймаг орон нутаг, нийслэлийн хэвлэл мэдээллийн салбарын 30 гаруй ажилтан хамрагдаж байна.

Хэлэлцүүлэг эхэнд МҮЭ-ийн холбооны Ерөнхийлөгч Х.Амгаланбаатар: “Өнөөдөр Монгол Улсын нийгмийн бүхий л салбарт тулгамдсан асуудал маш их байгаа тэр дундаа хэвлэл мэдээллийн салбарт ажиллаж байгаа ажилтнууд болон сэтгүүлчдийн хувьд хөдөлмөрлөх эрхийн хүрээнд тулгамдсан асуудал их байдаг. Цалин хөлсөө нэмэгдүүлэх ажлын байрныхаа нөхцөлийг сайжруулах цаашид хөгжиж дэвших чамгүй олон тулгамдсан асуудал бий. Энэ тулгамдсан асуудлаа шийдвэрлэхэд ҮЭ-ийн зохион байгуулалтын асуудал маш чухал юм. МҮЭ-ийн холбооноос ХБНГУ-ын ФЭС-тай хамтарч сүүлийн хэдэн жил Монголынхоо хэвлэл мэдээллийн салбарт ажиллаж байгаа сэтгүүлчид ҮЭ-ийн зохион байгуулалтад орж хөдөлмөрлөх эрхээ хамгаалах асуудлаар жил бүр тогтмол уулзалт хэлэлцүүлгүүдийг зохион байгуулдаг. Энэ жил 2019 онд хэвлэл мэдээллийн салбарт ажиллаж байгаа олон сэтгүүлчид хөдөлмөрлөх эрхийнхээ төлөө нэгдэж уулзалт хэлэлцүүлгийг зохион байгуулж байгаад их баяртай байна. Яагаад гэвэл хүн өөрийнхөө үндсэн эрх ялангуяа хөдөлмөрлөх эрхээ эдлэхдээ ҮЭ-ийн зохион байгуулалтад орох нь хамгийн чухал юм. Дэлхийн улс орнууд ч гэсэн ҮЭ-ийнхээ эрхээ эдэлсний дараа бусад эрхүүдийг ярьдаг энэ бололцоо бий болдог гэдгийг ойлгодог болсон байна.

Манай хэвлэл мэдээллийн салбарт ажиллаж байгаа хүмүүс өөрсдийнхөө хөдөлмөрлөх эрхээ хамгаалах асуудалд зоригтой тууштай байгаасай гэж хүсч байна. НҮБ-ын Хүний эрхийн түгээмэл тунхаглалаар олгогдсон Монгол Улсын Үндсэн хуулиар олгогдсон чөлөөтэй эвлэлдэн нэгдэх эрхээ эдлэхийн төлөө ҮЭ-ийн байгууллагаа байгуулж хичээж ажиллах цаг нь болсон байна. 2019 он бол маш онцлог жил ОУХБ-ын зуун жилийн ой тохиож байна. НҮБ-ын төрөлжсөн дөрвөн байгууллагын нэг болох ОУХБ-д Монгол Улс гишүүн байгууллага болсны 51 дэх жилийн ой тохиож байна. 2019 онд ОУХБ-ын түүхэн 100 жилийн ойн босгон дээр манай хэвлэл мэдээллийн байгууллагын ажилтнууд чөлөөтэй эвлэлдэн нэгдэх эрхээ эдэлж ҮЭ-ээ байгуулах бололцоо бүрдэнэ гэдэгт би бүрэн дүүрэн итгэж байна. МҮЭ-ийн холбооны зүгээс ҮЭ-ийн эвлэлдэн нэгдэх эрхээ эдлэх, чөлөөтэй зохион байгуулалтад орох, үзэл бодлоо илэрхийлэх үндсэн эрхээ эдлэхэд МҮЭ-ийн холбоо олон мянган гишүүдийнхээ хамтаар та бүхэнтэйгээ нягт хамтарч ажиллахад бэлэн гэдгээ илэрхийлмээр байна. ОУХБ-ын 100 жилийн ойн хүрээнд МҮЭ-ийн холбооноос эвлэлдэн нэгдэх эрхээ хамгаалах кампанит ажлыг хугацаагүйгээр зарлаж байна. Ер нь чөлөөтэй эвлэлдэн нэгдэнэ гэдэг асуудал нь нэг удаа зохион байгуулалтад ороод дуусдаг асуудал биш. Энэ бол хөдөлгөөн учраас байнга л гишүүдээрээ эгнээгээ өргөтгөдөг байнгын ажил байдаг учраас хугацаагүй кампанит ажлыг эхлүүлээд ажиллаж байна. Үүнд хэвлэл мэдээллийн салбарт түүчээ болон ажиллаж байгаа нийт ажилтнууд эрхээ эдэлж кампанит ажлын томоохон түүчээ нь болохыг хүсч байна” хэмээн хэллээ.

Үргэлжлүүлэн МҮЭ-ийн холбооны Залуучуудын хорооны дарга Э.Тамир “Эвлэлдэн нэгдэх эрхийн байдал, МҮЭ-ийн холбооноос баримталж буй байр суурь, зорилт”, МҮЭ-ийн холбооны Хөдөлмөр сургалт судалгааны төвийн захирал М.Ганаа “ХМСА-нууд Үйлдвэрчин байгуулахад МҮЭ-ийн холбооноос сургалт арга зүйгээр дэмжлэг үзүүлж болох тухай”, ХМСА-нуудын үйлдвэрчин байгуулах санаачлагч гишүүн Н.Болормаа “Олон Улсын сэтгүүлчдийн ҮЭ-ийн эвлэлдэн нэгдсэн байдал” сэдвээр тус тус илтгэл тавьж хэлэлцүүлэг өрнүүлэх юм. Уулзалтын төгсөлд ХМСА-ын ажилтнуудыг зохион байгуулалтад оруулах Уриалга боловсруулж, дараагийн хийх ажлаа тохирох юм байна.

Цагдаагийн байгууллага улсын хэмжээнд 2017 онд зам тээврийн ослын шинжтэй дуудлага 92200 орчмыг хүлээн авч, 36500 орчим зам тээврийн осол бүртгэн шалгасны 89.3 хувь нь Улаанбаатар хотод бүртгэгджээ. Хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг 1500 орчим бүртгэгдэн, ослын улмаас 500 орчим хүний амь нас хохирч, 4712 орчим хүн гэмтэж, иргэд, аж ахуйн нэгж, байгууллагад арван тэр бум орчим төгрөгийн хохирол учирсан байна.

Замын хөдөлгөөний тухай хуулийг цусаар бичигдсэн гэж ярьдаг. Цусаар бичигдсэн гэх дүрмийг сахиулахын тулд олон улсын хэмжээнд замын хөдөлгөөний дүрмээ шинэчлэн сайжруулахаас гадна автомашин үйлдвэрлэгчид болон инженерүүд техник технологийн шийдэл хайсаар иржээ. Замын ослыг бууруулахын тулд зайлшгүй тохиолдолд автомашин өөрөө хүний оролцооноос өмнө зогсдог эсвэл асахгүй болох гэх мэтчилэн сүүлийн жилүүдэд цахим системүүд машины хяналтаас гадна жолоочийн биеийн байдалд хүртэл санаа тавьдаг болж хөгжөөд байна. Хамгийн сүүлд гэхэд “Ниссан” компани согтуу жолоочийг илрүүлж жолооны ард суулгахгүй байх төхөөрөмж бүхий машин нийлүүлж байгаагаа мэдэгдсэн.

Тэгвэл монгол инженерүүд ч согтуу жолоочийг илрүүлэх төхөөрөмж бүтээж автомашинд суурилуулахад бэлэн болгоод байгаа аж. Уг төхөөрөмжийн ажиллах зарчим нь жолоочийн амьсгал дахь агууламжид согтууруулах ундааны орц байгаа эсэхийг мэдрэх буюу жолоочийн амьсгалд агуулагдаж байгаа спиртийн молекулуудыг хэмждэг байна.

Ийнхүү согтуурлыг хэмжсэн төхөөрөмжөөс илгээсэн “матаас” Цагдаагийн албаны хяналтын төвд мессеж хэлбэрийн мэдээлэл, байрлалын хамт автоматаар хүрэх юм. Ирсэн мэдээллийн дагуу тухайн тээврийн хэрэгслийн холбогдох хаяг, байрлалын дагуу хамгийн ойр байрлах цагдаагийн пост, албан хаагчид мэдэгдэж, тээврийн хэрэгслийг түр саатуулан шалгаж, гарч болох эрсдэлээс урьдчилан сэргийлэх шийдлийг инженерүүд боловсруулсан нь энэ. Замын цагдаа нар жолооч нарыг зогсоон үлээлгэдгийн хажууд алкоголь мэдрэгч илрүүлэгч технологийг суурилуулснаар хамаагүй хялбар шийдлээр тээврийн ослоос урьдчилан сэргийлж, жолооч нарын сахилга хариуцлагыг сайжруулна гэж цагдаагийн байгууллагаас үзэж буй.

Монгол Улсад “Айзерзоне” ХХК-ийн Мэдээлэл технологийн лаборатори, Хууль сахиулахын их сургуулийн Эрдэм шинжилгээний хүрээлэн, Цагдаагийн ерөнхий газрын мэргэжилтнүүд хамтран хэрэглээний судалгаануудыг гүйцэтгэж бэлэн болгоод байна.

Гадаадын туршлагыг харвал Канад, Франц, Австрали, Сингапур, Япон зэрэг улсад тус технологийг хөгжүүлэн хэрэглээнд нэвтрүүлж эхлээд байгаа аж. Тодруулбал, Канад улсад нийтийн тээвэр болон хурдны замаар ачаа тээвэрлэдэг хүнд даацын авто машинд цагдаагаас батлагдсан журмын дагуу заавал суурилуулдаг бол Австралид такси үйлчилгээ, жуулчдад үйлчилдэг бүхий л тээврийн хэрэгсэл, согтуугаар тээврийн хэрэгсэл жолоодсон иргэдийн авто машинд суурилуулдаг байна. Сингапурт такси үйлчилгээ болон төр захиргааны үйлчилгээнд явдаг бүх тээврийн хэрэгсэлд энэ төхөөрөмжийг суурилуулж, цагдаагийн газраас хяналт тавьсны үндсэн дээр согтуугаар жолоодох гэмт хэрэг буурсан үзүүлэлт гарчээ.

Тээврийн цагдаагийн албаны дарга, цагдаагийн хурандаа Д.Амарсайхан салбарын сайддаа танилцуулахдаа, 2018 оны хооронд орон нутгийн замд гарсан нийт гэмт хэргийн тоо 7835, гэмтсэн хүн 4908 байгаа бол 2557 хүн амь насаа алдсан харамсалтай тоо баримт байна. Үүнээс Төв, Сэлэнгэ, Дархан-Уул, Дорноговь, Өмнөговь аймгуудын замд гарсан осол, гэмт хэргийн тоо ихэнх хувийг эзэлж байгаа нь хүн ам цөөтэй улс орны хувьд маш өндөр үзүүлэлт гэдгийг онцолж байсныг энд дурдая.

Улсын хэмжээнд Тээврийн цагдаагийн албанд 2015-2017 онд нийт 128000 орчим осол хэрэг бүртгэгдсэн шалгагдсаны 2800 орчим нь согтууруулах ундааны зүйл хэрэглэсэн үедээ зам тээврийн осол гаргасан,үүний 59.7 хувь нь нийслэлд, 40.2 хувь нь орон нутагт гарсан осол байна.

Швейцарын Холбооны Улсаас “Credit Suisse AG” банк дахь иргэн С.Баярцогтын ам.долларын 3, еврогийн 2, нийт 5 дансны 2008.09.30-2013.12.31 хугацааны гүйлгээг ил болгосон байдаг. Өөрөөр хэлбэл, гадаадад оффшор бүсэд нуусан их хэмжээний хөрөнгийг нь илчилсэн гэсэн үг юм.

Харин энэ мөнгийг Монголд оруулж ирэх ажлыг АТГ болон хууль хяналтынхан хийх ёстой гэсэн ч өнөөдрийг хүртэл дорвитой арга хэмжээ аваагүй байгаа юм.

Тэгвэл УИХ-ын дарга Г.Занданшатар Швейцарьт албаны айлчлал хийх үедээ тус улсын хууль хяналтынхан болон тус улсын прокурорын байгууллагын удирдлагуудтай уулзалт хийжээ. Ингээд оффшор бүст байгаа их хэмжээний ам.долларын дансны хуулгыг албан ёсоор авчирчээ. Энэ асуудалд УИХ-аас анхаарал хандуулж ажиллаж буй.

Хуулийн байгууллагууд ч энэ асуудлыг нуун дарагдуулж ажиллахгүй гэдгээ ч мэдэгдсэн байна. Мөрдөн байцаалтын нууц гэдэг ч зарим нэг зүйлийг ил тод, олон нийтэд мэдээлнэ гэдгээ ч ярьжээ.

Тэгвэл дээрх мөнгөний гүйлгээний дэлгэрэнгүй хуулгыг Монголын талд хүлээлгэж өгснийг өчигдөр өглөө авч ирлээ. Албаны хүмүүсээс авчирсан энэ гүйлгээний хуулгыг ГХЯ-аар дамжуулж АТГ-т хүргэж өгсөн гэдгийг албаныхан хэлж байна.

Оюутолгойн гэрээтэй холбоотой харилцаа тогтоогдвол гэрээг дахин авч үзэх эрх зүйн үндэслэл болох чухал ач холбогдолтой гэдгийг УИХ-ын гишүүн Т.Аюурсайхан ярьжээ.

“Шарк Танк” нэвтрүүлгээс 250 сая төгрөгийн санхүүжилт авч улмаар “UBIKE” төслийг хэрэгжүүлэх консерциумд багтаж чадснаараа олны танил болсон Никель Ганбаа буюу Г.Дашнямыг хар тамхины хэргээр шалгаж байна.

Тодруулбал, энэ сарын 13-ны оройн 19.00 цагийн орчимд хүүхдийн 100 дугаар дэлгүүрийн орчимд цагаан өнгийн тоёота приүс маркийн автомашинтай Г.Дашням нарын гурван иргэнийг саатуулан шалгахад, хар тамхи сэтгэцэд нөлөөлөх ургамал өвс хэрэглэсэн байж болзошгүй тохиолдол илэрсэн байна.

Шалгалтаар сэжигтнүүдийн автомашинаас хар тамхи илрүүлж, нотлох баримтаар хавсарган авчээ. Хэргийг Сүхбаатар дүүргийн цагдаагийн нэгдүгээр хэлтэст үргэлжлүүлэн шалгаж байгаа аж.

НӨАТ-ын урамшууллын 2019 оны хоёрдугаар сарын сугалааны тохирол гуравдугаар сарын 17-нд буюу маргааш орой “Боловсрол суваг” телевизээр орон даяар шууд явагдана.

Иргэн та 2019 оны хоёрдугаар сарын 1-нээс 28-ны өдрийг хүртэлх хугацаанд худалдан авалт хийсэн бүх баримтаа системд бүртгүүлсэн байх шаардлагатай.

Ингэснээр НӨАТ-ын урамшууллын сугалаанд хамрагдан азтан болох боломжтой. Энэ удаагийн тохирлын супер шагнал 60 сая төгрөг байна.

Тохирлын үеэр азтан болсон хүмүүс хонжвороо заавал баталгаажуулах ёстой гэдгийг албаныхан анхааруулж байгаа юм. И-Баримтаа зааврын дагуу баталгаажуулсан тохиолдолд таны хонжворын мөнгө ажлын 20 хоногт багтан шилжих юм. орой “Боловсрол суваг” телевизээр орон даяар шууд явагдана.

Иргэн та 2019 оны хоёрдугаар сарын 1-нээс 28-ны өдрийг хүртэлх хугацаанд худалдан авалт хийсэн бүх баримтаа системд бүртгүүлсэн байх шаардлагатай.

Ингэснээр НӨАТ-ын урамшууллын сугалаанд хамрагдан азтан болох боломжтой. Энэ удаагийн тохирлын супер шагнал 60 сая төгрөг байна.

Тохирлын үеэр азтан болсон хүмүүс хонжвороо заавал баталгаажуулах ёстой гэдгийг албаныхан анхааруулж байгаа юм. И-Баримтаа зааврын дагуу баталгаажуулсан тохиолдолд таны хонжворын мөнгө ажлын 20 хоногт багтан шилжих юм.