Тулгар төрийн 2228 жил, Их Монгол Улс байгуулагдсаны 813 жил, Үндэсний эрх чөлөө, тусгаар тогтнолоо сэргээн мандуулсны 108 жил, Ардын хувьсгалын 98 жил, Ардчилсан хувьсгалын 30 жил, Зэвсэгт хүчний 98 жилийн ой-Монгол цэргийн өдөр, Казах түмний Наурызын баярыг тохиолдуулан Монгол Улсын Ерөнхийлөгч Х.Баттулга өнөөдөр зарлиг гаргаж боловсрол, соёл урлаг, хөдөө аж ахуй, төрийн байгууллагад олон жил үр бүтээлтэй ажилласан нэр бүхий хүмүүст Монгол Улсын Гавьяат цол хүртээв.
Гавьяат малын эмч цолоор Баян-Өлгий аймгийн Хөдөө аж ахуйн газрын ахмад ажилтан Жантөмөрийн Онгар,
Гавьяат жүжигчин цолоор Цэргийн дуу бүжгийн эрдмийн чуулгын гоцлол дуучин Лхамхүүгийн Батсүрэн,
Гавьяат багш цолоор Баян-Өлгий аймгийн Дэлүүн сумын Ерөнхий боловсролын сургуулийн ахмад багш Хабисатын Хадаан нарыг шагнав.
Мөн Цэргийн гавьяаны улаан тугийн одонгоор Батлан хамгаалах яамны ахлах мэргэжилтэн, хурандаа Нарын Пүрэвдорж,
Цэргийн гавьяаны одонгоор Зэвсэгт хүчний 016 дугаар ангийн бригадын захирагч, хурандаа Төмөрбаатарын Лодойдамба,
Алтангадас одонгоор “Жайка” олон улсын байгууллагын жолооч Сэрээтэрийн Алтанхүү,
Хөдөлмөрийн хүндэт медалиар Нийслэлийн Сүхбаатар дүүргийн Өрхийн эрүүл мэндийн төвийн эмч Данаажавын Оюунцэцэг,
Цэргийн хүндэт медалиар Үндэсний батлан хамгаалахын их сургуулийн Цэргийн нэгдсэн сургуулийн багш, ахмад Лувсангийн Одмаа,
Нийслэлийн Онцгой байдлын газрын аврах 105 дугаар ангийн жолооч, ахлах ахлагч Алтангэрэлийн Энхболд,
Шударга журам медалиар Онцгой байдлын Ерөнхий газрын Үндэсний аврах бригадын аврагч, ахлагч Данзанхүүгийн Отгонбаатар нарыг шагналаа.
ТӨРИЙН ДЭЭД ЦОЛ, ОДОН, МЕДАЛЬ ГАРДУУЛСНЫ ДАРАА МОНГОЛ УЛСЫН ЕРӨНХИЙЛӨГЧ Х.БАТТУЛГА ГАВЬЯА ЗҮТГЭЛЭЭ ҮНЭЛҮҮЛСЭН ЭРХМҮҮДЭД ХАНДАЖ:
“Ажил хөдөлмөр, авьяас зүтгэлээрээ манлайлагчид аа.
Өнөөдөр Наурызын баяр болон Монгол цэргийн өдрийг тохиолдуулан уламжлал ёсоор манлайлагч иргэддээ төрийн шагнал, цол олгож байна.
Орчин цагийн Зэвсэгт хүчний 98 жилийн ой-Монгол цэргийн өдрийг тохиолдуулан Хилийн цэргийн дуу бүжгийн чуулга болон Цэргийн дуу бүжгийн эрдмийн чуулгад гоцлол дуучнаар олон жил ажилласан Лхамхүүгийн Батсүрэнд Монгол Улсын гавьяат жүжигчин цол олгож байна. 1972 оноос хойш урлагт зүтгэсэн Л.Батсүрэнгийн олон сайхан дуу байдгаас “Эрийн сайхан хийморь” дуу нь 1990-ээд онд ихэд түгсэн дууны нэг болж байв. Урлагт олон жил тууштай, үр бүтээлтэй зүтгэж, манлайлсан Л.Батсүрэн гуайдаа Гавьяат жүжигчин цол авсанд баяр хүргээд аз жаргал сайн сайхан бүхнийг хүсэн ерөөе.
2009 онд Наурызын баярыг “ЮНЕСКО” соёлын биет бус өв хэмээн бүртгэж авчээ. 2011 онд НҮБ-ын Ерөнхий чуулганы 64 дүгээр хуралдаанаар Наурызыг “Олон улсын өдөр” болгон тунхаглаж тогтоол гаргасан байна. НҮБ-аас энэ үеэр Наурызын баярыг тэмдэглэдэг улс орнуудын Наурызтай холбоотой соёл, уламжлал, ёс заншлыг хамгаалж, хөгжүүлэхийн төлөө гаргаж буй хичээл зүтгэлд баяр хүргэсэн байдаг.
Монгол Улсад энэ баярыг казах түмний хамгийн том баяр хэмээн хүндэтгэн үзэж иржээ. Наурызын өдөр болбоос байгаль орчин, ан амьтан ичээнээс сэрж амь ордог өдөр, шөнө тэнцдэг мөчлөг тохиодог. Тийм учраас гуравдугаар сарыг казах хэлэнд Наурыз гэж нэрлэдэг ажээ.
Энэ баярыг угтуулан казах иргэд, манлайлагчид Жантөмөрийн Онгар, Хабисатын Хадаан нарт Монгол Улсын гавьяат малын эмч, Монгол Улсын гавьяат багш хэмээх эрхэм цолыг олгож байна.
Жантөмөрийн Онгар гуай 1983 оноос хөдөлмөрийн гараагаа эхэлж, малын их эмч, сум нэгдлийн дарга зэрэг албыг хашиж байсан. Мал сүргийн эрүүл мэндийг хамгаалах, хөдөө аж ахуйн үйлдвэрлэлийг удирдах чиглэлээр олон жил тууштай, үр бүтээлтэй ажиллаж байгаа хүн юм.
Хабисатын Хадаан нь Баян-Өлгий аймгийн Дэлүүн сумын Ерөнхий боловсролын дунд сургуульд багшаас өгсүүлээд захирал хүртэл тасралтгүй 38 жил тогтвортой, үр бүтээлтэй ажиллаж, олон мянган хүнд эрдэм боловсрол олгох үйлст хоёргүй сэтгэлээр зүтгэсэн хүн юм. Хадаан малчны хүүхдүүдийг сургууль завсардуулахгүйн тулд хөдөө бригадад хоёр ч бага сургууль байгуулан хүүхэд бүрийг боловсролтой болгохын төлөө хичээн ажилласан байгаль орчноо хайрлах тохижуулах үйлсийг түгээн дэлгэрүүлсэн багш билээ.
Та бүхэнд мөн Монгол цэргийн өдөр, Наурыз баярын халуун мэндийг дэвшүүлж, Казахын уламжлалт ерөөлийг өргөн дэвшүүлье.
Хүн ард эрүүл байг
Хүүхэд бүхэн жаргалтай байг
Ерөөл айлтгал биеллээ олж
Ертөнц даяар аз жаргалаар дүүрч
Нартын хүмүүсийн сэтгэл тэнийж
Наурызын баяр өлзийгөө хайрлаг аа!
Баярлалаа” гэв.
.jpg)
.jpg)
.jpg)
.jpg)
.jpg)
.jpg)
.jpg)
Өнгөрсөн долоо хоногт нийслэлийн хэмжээнд 11.124 хүнд амбулаторийн үзлэг хийж томуу, томуутай төстэй өвчний 897 тохиолдолыг оношилсон. Энэ нь нийт үзлэгийн 8.1 хувийг эзэлж байгаа юм. Харин үзүүлэлтийн хувьд өнгөрсөн долоо хоногийн дундаж түвшнээс 3.3 хувиарих, өнгөрсөн оны мөн үеэс 4.0 хувиар нэмэгджээ. Уг үзүүлэлт нь цагаан сар, амралтын өдрүүд тохиож, нийт амбулаторийн үзлэг буурсантай холбоотой гэж үзэж байгаа аж.
УИХ-ын гишүүн Л.Болд, Ж.Батзандан нар мэдээлэл хийлээ.
Одоогоос жилийн өмнө Хятад жолооч Монгол эмэгтэйг дайрч амь насыг нь хохироосон хэрэг гарсан. Тодруулбал, замын гарцыг бетоноор тагласнаас үүдэн гарцгүй газраар зам хөндлөн гарч явсан эмэгтэйг дайрч, хэргийн газраас оргон зайлахыг завдсан байдаг юм.
Цэргийн баяр тохиож байгаатай холбогдуулан Үндэсний Статистикийн Хорооноос статистикийн мэдээллийг танилцууллаа.Тодруулбал, Монгол эрчүүдийн 15 хувь нь дээд боловсролтой байхад 5 эмэгтэй хүн тутмын 1 нь дээд боловсролтой байна. Эмэгтэйчүүд дунджаар 26 насандаа гэрлэдэг бол эрчүүд 29 насандаа гэрлэдэг.Дундаж наслалтын хувьд эрчүүд 66 нас. Харин эмэгтэйчүүд дунджаар 76 насалдаг гэсэн мэдээлэл гарчээ. Тэгвэл 50-59 насныхан цэргийн алба хаасан хувь үзүүлэлтээр тэргүүлсэн буюу 88.5 хувьтай байна. 18-29 насныхан хамгийн муу үзүүлэлттэй гарсан байна. Тодруулбал, тэдний цэргийн алба хаасан дүн мэдээ нь 20 хувь байгаа юм.
Монгол Улсад орчин цагийн зэвсэгт хүчин үүсгэн байгуулагдсаны түүхт 98-н жилийн ойг тохиолдуулан жил бүр уламжлал болгон зохион байгуулдаг “МАРШ ТАКТИК-2019” тэмцээн энэ оны гуравдугаар сарын 16-ны өдөр тав дахь жилдээ амжилттай зохион байгуулагджээ. ХХ Банкны Хамгаалалт, аюулгүй байдлын газрын нийт бүрэлдэхүүний санаачлагаар зохиогдсон уг тэмцээн нь багаар ажиллах чадвар, сахилга дэг журам, тэсвэр хатуужлыг төлөвшүүлж, хамгаалалт аюулгүй байдлын ажлын арга тактик, ур чадвар, тусгай бэлтгэлийн түвшинг шинэ шатанд гаргах зорилготой аж. Тус тэмцээнд ХХ Банкны 100 гаруй хамгаалалтын ажилтнууд7-н багт хуваагдан өрсөлдсөж,тэргүүн байрыг Б.Түвшин ахлагчтай мөнгөн зөөврийн бүлэг, дэд байрыг Б.Сайнбуян ахлагчтай II тасаг, гутгаар байрыг Д.Наранбаатар ахлагчтай I тасаг тус тус эзэлж өргөмжлөл, цом, үнэ бүхий зүйлсээр шагнуулсан юм. Харин тусгай байрт В.Отгонбаатар ахлагчтай III тасаг тодров.
Фэйсбүүк, Инстаграм, Ватсапп, Мессенжерийн хэвийн ажиллагаа өчигдөр дэлхий даяар доголдож компанийн нэр хүнд багагүй унасан билээ. Уг уналт Телеграм аппликейшн чатад ашигтайгаар эргэж, хэрэглэгчийн тоог 3 саяар нэмэгдүүлжээ. Хэрэглэгчдийнхээ чатыг гуравдагч этгээдэд харуулахгүй байхаар нууцалдаг уг чат аппыг өнгөрсөн жил ОХУ-д хориглож байсан түүхтэй. Телеграм дээр бичсэн чат сервертээ хадгалагддаггүй ажээ.Телеграмын Гүйцэтгэх захирал Павел Дуров өөрийн Твиттер хуудаснаа “Өнгөрсөн 24 цагт манайд шинээр 3 сая хэрэглэгч бүртгүүлжээ. Бид жинхэнээсээ аюулгүй байдлыг тань ханган ажилладаг” гэсэн утга бүхий жиргээг нийтэлсэн байна. Өнгөрсөн жилийн энэ үед Телеграм 200 сая идэвхтэй хэрэглэгчтэй байсан билээ. 
НӨАТ-ын урамшууллын 2019 оны хоёрдугаар сарын сугалааны тохирол өчигдөр явагдлаа. Тохиролд 2019 оны хоёрдугаар сарын 1-28-ны өдөр хүртэлх хугацаанд худалдан авалт хийсэн баримтуудыг хамруулав. Хамгийн бага буюу сугалааны сүүлийн гурван орон таарсан хэрэглэгчид 30,000 төгрөг хожих бол дөрвөн орон таарсан хэрэглэгчид шууд 100,000 төгрөг хожих эрх авна. Хэрэв таван орон таарвал 1.0 сая, зургаан орон 5.0 сая, долоон орон 10.0 сая, найман орон таарвал 50.0 сая төгрөг хожих юм.
Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхийн байранд өнөөдөр 10.00 цагт Зам тээврийн хөгжлийн яамны хяналт шинжилгээ, үнэлгээ дотоод аудитын газрын дарга Г-ийн аминд хүрсэн хэмээн буруутгагдаж буй Б.Махбалд холбогдох хэргийн шүүх хурал эхэлсэн.