Month: March 2019

Хүүхдийн спортын VI их наадмын Сонгинохайрхан дүүргийн өсвөр үеийн аварга шалгаруулах ширээний теннисний тэмцээн 2019 оны 03 дугаар сарын 15-ны өдөр спорт цогцолборт зохион байгуулагдаж, 18 байгууллагын 180 өсвөрийн тамирчид өрсөлдөж дүнгээ гаргалаа.

Тэмцээний байгууллагын нэгдсэн дүнгээр:

1-р байрт Г.Цагаанцоож захиралтай, Д.Моломдорж дасгалжуулагчтай “Ирээдүй цогцолбор” сургууль

2-р байрт М.Туулсайхан захиралтай, Ц.Мөнхжаргал дасгалжуулагчтай 12-р сургууль

3-р байрт Д.Чимгээ захиралтай, Т.Ганцэцэг дасгалжуулагчтай 105-р сургууль тус тус шалгарлаа.

Cонгинохайрхан дүүргийн “Тээвэрлэлт үйлчилгээний төв” ОНӨААТҮГ-ын Иргэдийн бүлэг 2-3 дугаар хорооны зааг жалга, 226 дугаар худгийн баруун жалгаас 213 дугаар худгийн зүүн жалга хүртэл нийтийн эзэмшлийн нийт 2500 м.кв талбайн хог хаягдлыг цэвэрлэж, тээвэрлэлээ.

Нийслэлийн Засаг даргын “Нэг хот-Нэг стандарт” зорилтын хүрээнд Нийслэлийн засаг дарга бөгөөд Улаанбаатар хотын Захирагчийн 2018 оны 10 дугаар сарын 29 ны өдрийн А/1008 тоот Захирамжаар “Гэрэлтэй хот” аяныг хэрэгжүүлэхийг Улаанбаатар хотын Захирагчийн ажлын албанд даалгасан. Энэ дагуу Улаанбаатар Ерөнхий менежерийн А/282 тоот тушаалаар нийслэлийн 9 дүүргийн тохижилт, нийтийн аж ахуйн хэлтэс, Нийслэлийн авто замын хөгжлийн газар, Нийслэлийн хөрөнгө оруулалтын газар, дүүргүүдийн нийтийн эзэмшлийн болон орон сууц, гэр хорооллын гудамж зам талбайн гэрэлтүүлэг хариуцсан 13 аж ахуйн нэгж, гэрэлтүүлгийн төрийн бус, гэрэлтүүлгийн нэгдсэн тулга системийн зохиогч зэрэг 29 хүний бүрэлдэхүүнтэй ажлын хэсэг 4 сарын хугацаанд ажиллалаа.

Улаанбаатар хотын Захирагчийн ажлын албаны зүгээс “Гэрэлтэй хот” аяны хүрээнд дараах ажлуудыг хийж гүйцэтгэсэн. Үүнд

• Нийслэл, дүүргийн иргэдийн хурлын ажлын алба, дүүргийн тохижилт, нийтийн аж ахуйн хэлтэс, Сууц өмчлөгчдийн дээд зөвлөл, Орон сууц нийтийн аж ахуйн удирдах газар, Хувийн орон сууцны 2 мэргэжлийн холбоод, Гэрэлтүүлгийн ашиглагч 13 байгууллагууд, иргэдээс 317 байршилд гэрэлтүүлгийн засвар үйлчилгээ, шинээр гэрэлтүүлэг хийх санал ирж дээрх ажилд 4,8 тэрбум төгрөг шаардлагатайгаас 2018 онд багтаан хэрэгжүүлэх боломжтой 108байршлын 1411 гэрэлтүүлгийг шинээр болон засвар шинэчлэл хийж бүрэн асаан иргэдийн эрүүл аюулгүй орчинд амьдрах нөхцөлийг бүрдүүлж ажиллахаар нийслэлийн орон нутгийн хөгжлийн сангийн хөрөнгөнөөс 19 байршилд 564,0 сая төгрөгийн асуудлыг шийдвэрлэж Монголын гэрэлтүүлгийн холбооны дэргэдэх гэрэлтүүлгийн ашиглалт засвар үйлчилгээ хариуцан ажилладаг мэргэжлийн байгууллагуудаар хуулийн хүрээнд гүйцэтгүүлж гурван жилийн турш засвар үйлчилгээгээ тогтмол хариуцан ажиллахаар гэрээлсэн.
• Нийтийн эзэмшлийн болон орон сууц, гэр хорооллын гудамж зам талбайн 210 байршилд 14200 метр кабель шинэчилж, 4197ширхэг гэрэлтүүлгийг шинээр болон засвар үйлчилгээ хийсэн
• Улаанбаатар хотын боловсрол, соёл, түүхийн дурсгалд газрууд болох Төв шуудан, Драмын театр, Монгол Улсын Их Сургуулийн 1-р байр, Эдийн засгийн сургууль, Монгол Улсын Боловсролын Их сургууль, Гандантэгчилэн хийд, Хөрөнгийн бирж, Спортын төв ордон, 1, 3 дугаар эмнэлэг, Хүүхдийн урлан бүтээх төв зэрэг 11барилгын фасад гэрэлтүүлэг хийсэн.
• Түүхийн дурсгалд Соёмботой хөшөө, Мэлхий хөшөө, Д.Нацагдорж, Ж.Батмөнх, Махатма Ганди, жанжин Ж.Лхагвасүрэн, Марко поло, эвтэй 4 амьтны хөшөө зэрэг 11хөшөөний гэрэлтүүлгийг хийв.
• Наадамчдын зам, Шарга морьт Хандгайт чиглэлийн ашиглалтын хугацаа дуусаагүй, 13.6 км урт замын гэрэлтүүлгийн ажлыг Нийслэлийн Мэргэжлийн хяналтын газрын улсын байцаагчийн дүгнэлт гаргуулан осол ихээр гардаг Наадамчдын замыг 100% гэрэлтүүлгийг асааж, Дамбадаржаагаас Хандгайт хүртэлх замын гэрэлтүүлгийн толгойг засварлан 90% асаав.
• Монголын сууц өмчлөгчдийн холбоодын дээд зөвлөлөөс нийт 386 СӨХ-ны гадна гэрэлтүүлэг 2,770 ширхэг, дотор гэрэлтүүлэг 60,480 ширхэг, подвальд 27,700 ширхэг нийт 90,950 ширхэг гэрэлтүүлгийг шинэчлэн сольж сайжруулсан.
• Хувийн орон сууц нийтийн аж ахуйн хөгжлийн төв, Орон сууц нийтийн аж ахуйн мэргэжлийн холбооны харьяа 59 компанийн 1,588 барилгын 1,366 техникийн өрөө, узельд асахгүй байсан 220 ширхэг гэрэлтүүлгийг асаасан.

Энэхүү гэрэлтэй хот аяныг өрнүүлснээр Улаанбаатар хотын Нийтийн эзэмшлийн болон орон сууц, гэр хорооллын гэрэлтүүлгийн асалтыг 2%-р нэмэгдүүлж 98% дээш хувьтай гэрэлтүүлгийн асалт сайжирсан.

Иргэний үнэмлэx шинээр аваx болон сунгалт хийлгэхдээ Нийслэлийн Үйлчилгээний нэгдсэн төвд очих эсвэл сонгогдсон xороодод харьяалал xаргалзаxгүй хандаж захиалж байсан юм. Харин одоо Улсын Бүртгэлийн Ерөнхий Газраас иргэний цахим үнэмлэхийг онлайнаар захиалах боломжтой болж байгаа байна. Мөн гадаад паспортыг энэ сарын сүүлээр онлайнаар захиалах үйлчилгээг нэвтрүүлэхээр төлөвлөж байгаа аж.

Тус мэдээлэлтэй холбогдуулан уг онлайн захилагыг хэрхэн хийх талаар холбогдох мэдээллийг тус газраас 11:00 цагт албан ёсоор танилцуулж хэвлэлийн хурал хийх юм байна.

М.САЙНЗАЯА

Сонгинохайрхан дүүргийн иргэдийн 70 орчим хувь нь гэр хороололд амьдардаг гэсэн тоон мэдээлэл бий.

Гэр хороололд амьдарч буй иргэдийн хувьд гэр, байшингаа хангалттай хэмжээнд дулаалж чаддаггүйгээс дулаан алдагдал ихээр үүсч, түүнийг дагасан галлагаа нэмэгддэг. Энэ нь утааг илүү их хэмжээгээр үйлдвэрлэж байна гэсэн үг юм.

Тиймээс Сонгинохайрхан дүүргийн удирдлагууд “Улаанбаатар хотын гэр хороололд дулааны алдагдал багатай байшин барихад дэмжлэг үзүүлж, зөвлөгөө өгөх, санхүүгийн зуучлалын үйлчилгээ үзүүлэх төсөл”-ийг хэрэгжүүлэгч байгууллагуудыг төлөөлж ЖЭРЭС олон улсын төрийн бус байгууллагын Монгол дахь төлөөлөгчийн газрын дарга Веатриз Марото Изкүэрдотой хамтарч ажиллах санамж бичиг байгууллаа.

Ингэснээр тус ТББ-ынхан Сонгинохайрхан дүүргийн 7, 8, 9, 10, 11, 28, 31 гэсэн 7 хорооны 1000 орчим айл өрхийн дунд судалгаа хийн, тэдэнд гэр, байшингаа зөв дулаалах, дулаан алдагдлыг хэрхэн бууруулах талаар сургалт хийж, заавар зөвлөгөө өгөх юм.

Казах үндэстний уламжлалт баяр болох олон улсын Наурызын баярыг угтсан “Домборын эгшиг 2019” хүндэтгэлийн тоглолт өнөөдөр Соёлын төв өргөөнд боллоо. Тоглолтыг Нийслэлийн Засаг даргын Тамгын газар, Улаанбаатар хот дахь Баян-Өлгий аймгийн нутгийн зөвлөл хамтран зохион байгууж буй юм. Хүндэтгэлийн арга хэмжээнд нийслэлийн Засаг дарга бөгөөд Улаанбаатар хотын Захирагч С.Амарсайхан оролцож баяр хүргэн үг хэллээ.

Хотын дарга хэлсэн үгэндээ “Энд хүрэлцэн ирсэн казах түмний төлөөлөл та бүхэнд олон улсын Наурызын баярын өдрийн халуун мэндийг өргөн дэвшүүлье. Үе үеийн ажилч хичээнгүй казах түмэн хөдөлмөр бүтээл, авьяас чадвар эрдэм мэдлэгээрээ Монгол Улсын болоод нийслэлийн хөгжил дэвшилд үнэтэй хувь нэмэр оруулсан гэдгийг дурдахад таатай байна. Та бүхэнд талархаж буйгаа илэрхийлмээр байна. Наурызын баяр бол казах түмний түүх, ёс заншил, өв уламжлалаа өвлүүлэн уламжлуулдаг үндэсний онцлогтой сайхан баяр билээ. Нийслэлд төдийгүй улс орны өнцөг булан бүрт ажиллаж, амьдарч байгаа та бүхэндээ өнө эртнээс уламжлагдан ирсэн энэхүү баярын мэндийг өргөн дэвшүүлж, аз жаргал эрүүл энх, сайн сайхан бүхнийг хүсэн ерөөе” хэмээн онцолсон юм.

Хүндэтгэлийн тоглолтод казах түмнээс төрөн гарсан шинэ залуу уран бүтээлчид болон Хурд хамтлаг, МУГЖ дуучин Д.Жаргалсайхан, СТА дуучин Т.Дэлгэрмөрөн нар оролцож ая дуугаа өргөлөө

Төрийн захиргааны ажилтан албан хаагчид, эцэг эх, хууль ёсны асран хамгаалагч, харгалзан дэмжигч, багш сурган хүмүүжүүлэгчдийн хүүхэд хүмүүжүүлэх уламжлалт ухааныг эерэг хүмүүжлийн аргатай уялдуулах талаарх ойлголт мэдлэгийг нэмэгдүүлэх, амьдралд хэрэглэх хандлагыг төлөвшүүлэх, олон нийтийн санал санаачилгыг өрнүүлэх, хэвшүүлэх, гэр бүлийн боловсрол олгох зорилготой 2 үе шаттай сургалтыг 2019 оны 03 дугаар сарын 19-өөс 05 дугаар сарын 05 өдөр хүртэл зохион байгуулж байна.

Уг сургалтыг “Сургуулийн нийгмийн ажилтны нийгэмлэг”-тэй хамтран зохион байгуулж байгаа бөгөөд сургалтыг Нийслэлийн харьяа 30 байгууллагын ажилтан албан хаагчид болон дүүрэг болгоноос сонгогдсон сургууль цэцэрлэгийн эцэг эхчүүдэд нийт 1000 хүнийг хамруулахаар төлөвлөн ажиллаж байна.

Сургалтын үйл ажиллагаа хуваарийн дагуу эхэлж өнөөдөр Нийслэлийн гэр хорооллын дэд бүтцийн газрын албан хаагчдад хүүхэд хүмүүжлийн талаар болон байгууллагадаа эцэг эхийн зөвлөл байгуулж ажиллах талаар мэдээлэл өгсөн.

Сургалтын үр дүнд тус газарт ажиллагсдын хүүхдийн эрх ашгийг хамгаалан ажиллах байгууллагын эцэг эхийн зөвлөлийг байгуулж ажиллахаар боллоо

Замын цагдаагийн гүүрэн гарцын барилгын ажил эхлэхтэй холбогдуулан замын хөдөлгөөнийг хязгаарлаж, зохицуулалт хийх талаар нийслэлийн Авто замын хөгжлийн газрын орлогч дарга Б.Индра, Тээврийн цагдаагийн газрын Урьдчилан сэргийлэх хэлтсийн дарга Э.Бөхбат нар мэдээлэл хийлээ.

Замын цагдаагийн баруун урд уулзварын бүтээн байгуулалтын ажил эхлэхтэй холбоотой Олимпийн гудамжны авто замын хөдөлгөөнийг хязгаарлах юм. Гүүрийн барилгын гүйцэтгэл график хугацаанд тусгасны дагуу 43 хувьтай байгаа. Барилгын ажил зогссон байсан үед хөдөлгөөнийг чиглэлийг нэмэгдүүлэх, иргэдийг тав тухтай зорчуулах үүднээс Олимпийн гудамжинд түр зам гарган хөдөлгөөн нэвтрүүлж байсан. Харин барилгын ажил эхлэхтэй холбогдуулан тус замын хөдөлгөөнийг энэ сарын 25-наас эхлэн хаах юм.

Хөдөлгөөнийг хаах маршрутад өнгөрсөн жилээс өөрчлөлт орохгүй бөгөөд Нарны зам, Дамдинсүрэнгийн гудамж, Авто замчдын гудамжны хөдөлгөөн хэвийн үргэлжилнэ. Харин авто замын хөдөлгөөнийг хааж байгаатай холбогдуулан замын ачаалал, түгжрэл ихэснэ. Хөдөлгөөн хэвийн үргэлжлэх замуудад зарим жолооч нар урсгал сөрөх, эгнээ нэмэх зэрэг байдал ажиглагддаг. Үүнээс үүдэн осол гарах, зохиомол түгжрэл үүсэг асуудал нэмэгддэг учраас жолооч нарыг замын хөдөлгөөнд анхаарал болгоомжтой, бусдыгаа хүндэтгэн оролцохыг уриалж байгаа юм.

Замын цагдаагийн гүүрэн гарц нь нийт 96 тулгуур баганатай, 477 метр урт гүүр. Энэ жил бороо, ус багатай бол 8 дугаар сарын 25 гэхэд гүүрийг нээнэ. Нийт барилгын ажил төлөвлөгөөт хугацаандаа буюу 9 дүгээр сарын 30 гэхэд дуусч гүүрийн бүтээн байгуулалтын ажлыг бүрэн хүлээн авна гэж тооцож байна

Шүүхийн шийдвэр гүйцэтгэх ерөнхий газрын даргаар ажиллаж байгаа Бригадын генерал Ц.Амгаланбаяр нь өнөөдөр үүрэгт ажлаасаа чөлөөлөгдөх хүсэлтээ өгчээ. Тэрбээр өөрийн хүсэлтээр чөлөөлөгдөх хүсэлтээ өгсөн тул дараагийн дарга томилогдтол албан ажлаа үргэлжлүүлэн хийх ёстой юм байна. Ц.Амгаланбаяр даргын хувьд албан тушаалаасаа чөлөөлөгдөх хэд хэдэн үндэслэл бий. Хамгийн сүүлд гэхэд ШШГЕГ-ын харьяа цагдан хорих ангид гавьяат хуульч Б нь амиа алдсан хэрэг байна. Мөн өнгөрсөн намар Булган аймгийн Булган суманд байрлах хорих 439 дүгээр хаалттай хорих ангид ял эдэлж байсан хоригдлуудыг мод тээвэрлэх ажилд авч явж байгаад осолдож, нэг нь нас барсан, хоёр хүн бэртсэн зэрэг асуудалд хариуцлага хүлээж ийнхүү албан тушаалаасаа чөлөөлөгдөж байгаа аж.