Улсын Бүртгэлийн Ерөнхий Газраас иргэний цахим үнэмлэхийг онлайнаар захиалах боломжтой болсон талаар мэдээлэл хийлээ.
ҮЗУБЕГ-ын дарга Б.Баасандорж “УБЕГ 2019 оны гуравдугаар сарын 19-ний өдрөөс иргэний үнэмлэхийг цахимаар захиалах ажлыг албан ёсоор эхлүүлээд байна.
Онлайн захиалгыг нэвтрүүлснээр иргэд харьяалал харгалзахгүй хаанаас ч захиалгаа өгөх боломжтой болж байгаа. Иргэний үнэмлэхээ захиаллаа, төлбөр тооцоогоо хийлээ. Ингээд үнэмлэхийг өөрөө эсвэл түүний гэр бүлийн гишүүн авах боломжтой.
Өнгөрсөн онд 224,000 гаруй иргэн иргэний үнэмлэх захиалж авсан. Үүнээс 40 хувь дахин захиалга болон хаясан гээсний улмаас авсан байгаа юм. Эдгээр иргэдийн чирэгдлийг багасгаж байна.
Гэхдээ анх удаа иргэний үнэмлэх авч буй иргэд үнэмлэхийг онлайнаар захиалах боломжгүй.Мөн 25, 45 настайд дахин шинэчилж иргэний үнэмлэх авахдаа онлайнаар захиалахгүй.Эдгээр тохиолдлуудад хурууны хээг дахин авах учраас заавал УБЕГ дээр биеэр очно. Бусад тохиолдолд онлайнаар захиалж болно.
Гадаад паспортыг онлайнаар захиалах үйлчилгээг хэзээ нэвтрүүлэх талаар хугацааг тодорхой хэлж мэдэхгүй байна. Энэ ондоо багтаан уг үйлчилгээг нэвтрүүлэхээр зорин ажиллаж байгаа.
Иргэний цахим үнэмлэхийн чип дээр доорх таван мэдээллийг агуулдаг,
- Иргэний байнгын оршин суугаа хаяг
- Төрсөн газрын мэдээлэл
- Хурууны хээ
- Цахим гарын үсэг
- Иргэний үнэмлэхийн дугаар
Цахим иргэний үнэмлэхийн шинэ загварыг гаргаад байгаа бөгөөд шинэчилсэн загварыг баталчихвал хаягийг чипэн дээр хадгалж, ил бичихгүй болно. Мөн иргэн бүрт байдаг регистер, иргэний үнэмлэх, ЭМД-ын гэх мэт нийт 10 орчим дугаарыг бүгдийг нь чип дотор агуулж, иргэний үнэмлэх дээр ганцхан улсын бүртгэлийн 12 оронтой дугаарыг ил бичихээр төлөвлөж байгаа.
Регистерийн дугаарыг л хараад тухайн хүний нас, төрсөн газар, хүйсийг мэдэх боломжтой.Тиймээс энэ дугаарыг ил бичихгүй байх шийдэл яригдаж байна” гэлээ.
УИХ-ын даргын дэргэдэх зөвлөлөөс гаргасан шийдвэрийн дагуу гуравдугаар сарын 18-29-ний өдрүүдэд УИХ-ын ээлжит бус чуулганыг хуралдуулахаар тогтсон. Энэ дагуу ээлжит бус чуулган эхэлж, Татварын хуулиудын шинэчилсэн найруулгыг хэлэлцэн, Ардчилсан намаас уг хуулийн зарим заалт Үндсэн хууль зөрчсөн байж болзошгүй хэмээн үзэж завсарлага авсан. Үүнээс гадна ээлжит бус чуулганаар Ашигт малтмалын тухай хуульд нэмэлт өөрчлөлт оруулах тухай болон хэд хэдэн томилгооны асуудлыг хэлэлцэх юм. Хэлэлцэх асуудал их байгаа ч хугацаа бага байгааг харгалзан үзэж амралтын өдөр ч үргэлжлүүлэн хуралдана гэж УИХ-ын дарга Г.Занданшатар хэлсэн. Энэ дагуу бямба гаригийн гуравдугаар сарын 23-ны өдөр УИХ-ын чуулган хуралдана.
УИХ-ын чуулганы өнөөдрийн хуралдаан эхэллээ. Хуралдаанаар Татварын багц хуулийн төслийн анхны хэлэлцүүлгийг хийж байна. Хуулийн төсөлтэй холбоотой байнгын хорооны санал дүгнэлтийг ажлын хэсгийн ахлагч Б.Баттөмөр танилцуулсан юм. 
Улаанбаатар-Налайх чиглэлийн төмөр замын Хонхор-Налайх хоорондын салбар төмөр замын тээврийн хөдөлгөөнийг сэргээн ашиглах асуудлаар 2017 оноос эхлэн холбогдох байгууллагуудад асуудлыг тавьж шийдвэрлүүлэх талаар хөөцөлдөж эхэлсэн. 
Давс хэтрүүлэн хэрэглэх нь даралт ихсэлт, цус харвалт, чихрийн шижин, яс сийрэгжилт, шалтгаан тодорхойгүй хаван, таргалалт зэрэг олон өвчний шалтгаан болдог. Монгол Улсад хүн амын нийт нас баралтын 77 хувийг халдварт бус өвчин эзэлж байгаа нь дэлхийн хүн амын халдварт бус өвчний нас баралтаас 7 пунктээр өндөр байна. Түүнчлэн давсны хэрэглээг бууруулахад зарцуулсан зардал нь бусад нийгмийн эрүүл мэндийн үйл ажиллагаанд зарцуулсан зардлаас хамгийн өндөр буюу давсны хэрэглээг бууруулах арга хэмжээнд зарцуулж буй 1 төгрөг 16 төгрөг болж өсдөг. ДЭМБ-ын шинжээчдийн баг Монгол Улс халдварт бус өвчин, түүнээс үүдэлтэй цаг бус нас баралтаас сэргийлэх хамгийн өртөг багатай, үр дүнтэй арга хэмжээ бол давсны хэрэглээг бууруулах интервенц гэж тодорхойлжээ. Тиймээс ДЭМБ-аас 2030 он гэхэд хүн амын давсны хэрэглээг 30 хувиар, Монгол Улс 2025 он гэхэд 30 хувиар бууруулсан байх зорилт дэвшүүлэн ажиллаж байгаа билээ. Энэ хүрээнд МХЕГ ХХААХҮЯ, ЭМЯ, Нийгмийн эрүүл мэндийн үндэсний төв, Улаанбаатар хотын захирагчийн ажлын алба, Монголын хүнсчдийн холбоо хамтран “Давс багатай бүтээгдэхүүн үйлдвэрлэлийг дэмжье” арга хэмжээг 2 үе шаттайгаар хэрэгжүүлж байна.
Баянзүрх дүүргийн Засаг даргын Тамгын газар болон ”М-Си- Эс Кока -Кола” ХХК хамтран Дэлхийн усны өдрийг тохиолдуулан “Цэнгэг ус-Тэгш хүртээмж” арга хэмжээг хэмжээг зохион байгууллаа. Энэхүү арга хэмжээнд дүүргийн Тохижилт нийтийн аж ахуйн хэлтэс болон Онцгой байдлын хэлтсийн холбогдох албан тушаалтнууд, 28 хорооны Засаг дарга, Зохион байгуулагчид оролцсон юм.
Засгийн газрын хуралдаанаар “Эрдэнэт” үйлдвэртэй холбоотой асуудлыг хэлэлцжээ. Үүнтэй холбогдуулан Хууль зүй, дотоод хэргийн сайд Ц.Нямдорж мэдээлэл хийлээ. Тэрээр “Засгийн газрын хуралдаанаас “Эрдэнэт” үйлдвэрийг улсын өмчит үйлдвэрийн газар болгох шийдвэр гаргалаа. Цаашдаа “Эрдэнэт” үйлдвэр улсын үйлдвэрийн газар гэсэн статустайгаар ажиллахаар болж байна. Энэ үйлдвэрийн газрын захирлыг Засгийн газраас томилно. Мөн Монросцеветментийн захирлыг Төрийн өмчийн бодлого зохицуулалтын газраас томилж байх шийдвэр гаргасан” гэв.
УИХ-ын чуулганы нэгдсэн хуралдаан эхэллээ. Хуралдаанаар Татварын багц хуулийн төслийн анхны хэлэлцүүлгийг хийж байна. Хуулийн төсөлтэй холбоотой байнгын хорооны санал дүгнэлтийг ажлын хэсгийн ахлагч Б.Баттөмөр танилцуулсан юм. Хэлэлцэж байгаа асуудалтай холбогдуулан гишүүд асуулт тавьж, хариулт авч байна. 
Орон даяар гамшгийн аюулын зарлан мэдээллийн дохио өнөөдөр 16.00 цагт дуугарна. Энэ үеэр иргэдийг гамшгийн үеийн бэлэн байдлын дадлага сургуульд идэвхтэй оролцохыг ОБЕГ-аас уриалав.
