Аргентин Улсын нийслэл Буэнос-Айрес хотноо энэ оны гуравдугаар сарын 20-22-ны өдрүүдэд болж буй НҮБ-ын Өмнөд-Өмнөдийн хамтын ажиллагааны Дээд түвшний хоёрдугаар хуралд Монгол Улсын Хүнс, хөдөө аж ахуй, хөнгөн үйлдвэрийн сайд Ч.Улаан тэргүүтэй төлөөлөгчид оролцож байна. Хурлын үйл ажиллагаа гуравдугаар сарын 20-ны өдөр эхэлж, нээлтэд Аргентин Улсын Ерөнхийлөгч Маурисио Макри, НҮБ-ын Ерөнхий нарийн бичгийн дарга Антонио Гутеррес, НҮБ-ын Өмнөд-Өмнөдийн хамтын ажиллагааны албаны дарга Хорхе Чедик нар оролцож, үг хэлэв.
Хүнс, хөдөө аж ахуй, хөнгөн үйлдвэрийн сайд Ч.Улаан хурлын ерөнхий санал шүүмжлэлд үг хэлэв. Тэрбээр хэлсэн үгэндээ Монгол Улс хөдөө аж ахуй, уур амьсгалын өөрчлөлт, далайд гарцгүй хөгжиж буй орнуудын эрх ашгийг хамгаалах чиглэлээр Өмнөд-Өмнөдийн хамтын ажиллагаанд хувь нэмрээ оруулахыг зорин ажиллаж буйг мэдэгдээд өнгөрсөн 40 жилийн хугацаанд хөгжил цэцэглэлтийн гадна хэнийг ч үл орхихын төлөөх олон улсын хамтын нийгэмлэгийн эрхэм үйл хэрэгт хөгжиж буй орнуудын өмнө тулгарч буй нийтлэг сорил, бэрхшээлийг шийдвэрлэх гарцыг олоход Өмнөд-Өмнөдийн хамтын ажиллагааны механизм бодит хувь нэмэр оруулж ирснийг тэмдэглэв.
Хурлын үеэр Хүнс, хөдөө аж ахуй, хөнгөн үйлдвэрийн сайд Ч.Улаан НҮБ-ын Өмнөд-Өмнөдийн хамтын ажиллагааны албаны дарга Хорхе Чедиктэй уулзаж, цаашид хамтын ажиллагааг өргөжүүлэх боломж болоод Өмнөд-Өмнөдийн хамтын ажиллагааны хүрээнд Монгол Улсад хэрэгжүүлэх боломжтой төсөл, хөтөлбөрүүдийн талаар санал солилцов.
Энэ удаагийн хуралд нийт 193 орны 1500 гаруй төлөөлөгчид оролцож байна. Энэ дашрамд Өмнөд-Өмнөдийн хамтын ажиллагаа нь хөгжиж буй орнуудын улс төр, эдийн засаг, нийгэм, соёл, байгаль орчин, техник, технологийн салбар хоорондын хамтын ажиллагааг хоёр тал, бүс нутгийн болон бүс нутаг хоорондын түвшинд хөгжүүлж, тэднийг хамтын хүчин чармайлтаар хөгжлийн зорилгодоо хүрэхэд нь дэмжлэг үзүүлэх зорилготой юм.
УИХ-ын даргын захирамжаар Оюутолгой ордыг ашиглах хөрөнгө оруулалтын гэрээний хэрэгжилтийг шалгаж, санал дүгнэлт гаргах үүрэг бүхий ажлын хэсгийг 2018 гуравдугаар сард байгуулж, УИХ-ын гишүүн Д.Тэрбишдагва ахлан ажилласан билээ.
ГХЯ-наас Европын чөлөөт худалдааны холбоо (ЕЧХХ)-той хамтран 2019 оны гуравдугаар сарын 21-ний өдөр “ЕЧХХ-ноос бусад улс орнуудтай байгуулсан чөлөөт худалдааны хэлэлцээрүүд: гарал үүслийн дүрэм, үйлчилгээ, хөрөнгө оруулалтын заалтууд” сэдэвт сургалтыг ГХЯ-нд зохион байгуулав.
Монголын зэс корпорацийн ТУЗ-ийн дарга М.Мөнхбаатартай ярилцлаа.
Улс орнууд Дэлхийн Усны өдрийг 26 дахь жилдээ тэмдэглэж байна. Усны өдрийг анх НҮБ-ын Ерөнхий Ассамблейгаас тунхагласны дагуу 1993 оны гуравдугаар сарын 22-ны өдөр тэмдэглэж байсан бөгөөд үүнээс хойш Усны өдрийн хамрах хүрээ эрчимтэй өргөжиж, жил бүр цэвэр усны ашиглалт, хамгаалалттай холбоотой тодорхой асуудлыг хөндөн, олон нийтэд таниулахын зэрэгцээ усны эдийн засаг, нийгмийн ач холбогдол, хүний хөгжилд оруулах хувь нэмэр зэрэг өргөн хүрээтэй асуудлыг авч үзэх болжээ. Манай улс дэлхийн бусад орнуудтай харьцуулахад цэвэр усны нөөц багатайд тооцогддог бөгөөд нэн ялангуяа нийслэл Улаанбаатар хотын цаашдын өсөлт, хөгжлийн төлөвийг харгалзан үзвэл ус хангамжийг нэмэгдүүлэх зайлшгүй шаардлага тулгарч байгаа юм. Монгол Улсын Засгийн газар, АНУ-ын МСК-ийн хооронд байгуулсан Мянганы сорилтын хоёр дахь Компакт гэрээний дагуу 350 сая ам.долларын буцалтгүй тусламжийг Улаанбаатар хотын нийт усан хангамжийг нэмэгдүүлэх төслийг хэрэгжүүлэхэд зарцуулах юм. Энэхүү төслийн хүрээнд усны шинэ эх үүсвэрийн дэд бүтцийг бий болгох, цэвэршүүлэх үйлдвэр байгуулах, улмаар хаягдал усыг дахин боловсруулах замаар саарал ус үйлдвэрлэж, аж үйлдвэрийн хэрэгцээнд ашиглах зэрэг ажлуудыг хэрэгжүүлнэ. Түүнчлэн, Компакт гэрээний хөрөнгө оруулалтын үр ашгийг урт хугацаанд тогтвортой хадгалах, усны аж ахуйг дэмжиж, бодлого, эрх зүйн орчин, салбарын чадавхыг бэхжүүлэх төслийг тусгайлан хэрэгжүүлэхээр төлөвлөж байна. Мянганы сорилтын Компакт гэрээ болон дээр дурдсан төслүүдийн хэрэгжилтийг хариуцсан Монголын Мянганы сорилтын сан ТӨҮГ-ыг Засгийн газрын тогтоолоор байгуулсан бөгөөд Компакт гэрээ, гэрээгээр хэрэгжүүлэх төсөл хөтөлбөрийг боловсруулан батлуулах ажлыг удирдан зохион байгуулж ажилласан Э.Содонтогос ММСС-гийн Гүйцэтгэх захирлаар томилогдон ажиллаж байна. 
“Эко-Алтан Заамар” компанийн уурхайн нурангид дарагдсан нэрвэгдэгсдийг эрэн хайх ажиллагаанд үүрэг гүйцэтгэн ажилласан Онцгой байдлын байгууллагын алба хаагчдын дархлааг дэмжих, нөхөн сэргээх эмчилгээнд дэмжлэг үзүүлэх зорилгоор “Цахиур төмөр” ХХК-ийн зүгээс хоёр төрлийн эм бэлдмэлийг хүлээлгэн өглөө. 
Тус уулзалтанд ОБЕГ-ын дэд дарга, хурандаа Б.Ууганбаяр, Үндэсний аврах бригадын Уул уурхайн аврах ажиллагаа хариуцсан захирагчийн орлогч, хурандаа Г.Буянтогтох, “Цахиур төмөр” компанийн эмийн бүтээгдэхүүн хариуцсан брэнд менежер Ш.Даариймаа, менежер Б.Даваацэрэн нар оролцсон юм. Уулзалтын үеэр ОБЕГ-ын дэд дарга, хурандаа Б.Ууганбаяр “Гамшгийн голомтонд байнга ажиллаж байдаг манай аврагч, алба хаагчдын эрүүл мэндэд онцгой анхаарал хандуулах шаардлагатай гэдэг дээр ард иргэд маань санал нэгтэй байгаа. “Эко-Алтан Заамар” компанийн уурхайн нурангид дарагдсан нэрвэгдэгсдийг эрэн хайх ажиллагааны үеэр ард иргэд маань аврагчдын амь нас, эрүүл мэндийн төлөө маш сэтгэл зовж, санаа тавьж байгаагаа илэрхийлж байсан. Та бүхний хувьд бодит дэмжлэг үзүүлж алба хаагчид, аврагчдын эрүүл мэндэд анхаарал хандуулж туслалцаа үзүүлж буйд маш их талархаж байна. Бид яг халуун цэг дээр ажилласан аврагчдад энэхүү эм бэлдмэлийг хүлээлгэн өгөх болно” гэв. Нийт гурван сая төгрөгийн үнэ бүхий хоёр төрлийн эм нь дархлаа дэмжиж, халдварын дахилтыг бууруулах, бөөр шээс дамжуулах замын халдвар болон чулуужих өвчний эмчилгээнд хэрэглэгддэг юм байна. Уулзалтын үеэр “Цахиур төмөр” компанийн эмийн бүтээгдэхүүн хариуцсан брэнд менежер Ш.Даариймаа “Манай компанийн зүгээс нийгмийн хариуцлагынхаа хүрээнд Онцгой байдлын алба хаагчдын цаг наргүй, аюултай нөхцөл байдалд ажилладаг онцгой нөхцөлийг нь харгалзан үзэж хүн амын дунд зонхилон тохиолддог бөөрний өвчлөл, дээр нь дархлааны дутмагшил, мөн биед нь хуримтлагдсан архаг халдваруудын эсрэг эдгээр бүтээгдэхүүнүүд илүү хэрэгтэй байх гэдэг үүднээс энэ хоёр төрлийн бүтээгдэхүүнийг сонгосон” гэв гэж Онцгой байдлын ерөнхий газраас мэдээллээ.
Нийслэлийн эрүүл мэндийн байгууллагуудын удирдах ажилтны ээлжит шуурхай хурал өнөөдөр боллоо. Хурлын хүрээнд Нийслэлийн Эрүүл мэндийн газраас авч хэрэгжүүлж байгаа бодлого, ажлын чиглэл болон зохион байгуулсан үйл ажиллагаа, цаашид хийхээр төлөвлөсөн зорилтот ажлуудын талаар эмнэлгийн удирдлагуудад мэдээлэл хүргэлээ.
“Татварын ерөнхий хуулийн өөрчлөлт ба жижиг дунд үйлдвэрлэл” сэдэвт хэлэлцүүлэг, уулзалтыг өнөөдөр Хангарьд ордонд зохион байгууллаа. Уулзалтад НИТХ-ын тэргүүлэгч, Жижиг дунд үйлдвэрийг дэмжих төв ОНӨҮГ-ын дарга Д.Баярсайхан оролцлоо. Энэхүү уулзалтын зорилго нь татварын ерөнхий хуулийн шинэчилсэн найруулгын төслийг танилцуулах, аж ахуйн нэгжүүдэд холбогдох хуулийн төслийн өөрчлөлтүүдийг таниулах юм. Нийслэлд үйл ажиллагаа явуулж байгаа аж ахуйн нэгжүүдийн хуулийн талаарх мэдлэгийг нэмэгдүүлэх, татварын хуулийн шинэчилсэн найруулгын төслийг танилцуулан сурталчлах замаар хуулийн үйлчлэх зохистой харилцааг нэмэгдүүлэхээр уулзалтыг зохион байгуулж байна. Энэхүү уулзалтыг нийслэлийн Татварын газар, Жижиг дунд үйлдвэрийг дэмжих төв ОНӨҮГ хамтран зохион байгуулж байна
Вьетнамын иргэн Тай Нгок нь 1973 онд халуурснаасаа хойш 46 жил огт унтаагүй байна. Тэрбээр 1942 онд төрсөн бөгөөд өдгөө 77 настай. Энэ эр нойргүйдэл миний эрүүл мэндэд нөлөөлсөн эсэхийг мэдэхгүй, гэхдээ би эрүүл байна, бусдын л адил хөдөлмөрлөж чадна хэмээн хуучилж байжээ. Түүний эрүүл чийрэг байгааг баталж Вьетнамын Куей Сон дүүргийн Куей Тунг суурингийн настай оршин суугч “Тай Нгок 50 кг гахайн тэжээлийг өдөр бүр уулын уруу 4 км замд зөөж гэртээ харьдаг” хэмээн ярьсан байна. Харин эхнэр нь “Миний нөхөр сайн унтдаг байсан. Гэхдээ одоо дарс ч түүнийг унтуулж чадахаа больсон” гэжээ. Нгок Да Нанг хотын эмнэлэгт очиж үзүүлсэн ч эмч нар түүнд элэгний ажиллагаа нь бага зэрэг муудсаныг эс тооцвол цоо эрүүл гэсэн онош тавьсан байна. Нгок одоо уулын бэлд байдаг фермдээ гахай,тахиагаа маллан завгүй амьдардаг гэнэ. Мөн тэрээр хулгайчаас сэргийлэхийн тулд шөнөөр фермээ манадаг байна. Харин 2006 оны 10 дугаар сард Нгок нойргүйдлээс болоод “Би усгүй ургамал болсон юм шиг мэдрэгдэж байна” гэж ярьжээ. 
Нийслэлийн Засаг даргын Тамгын газар болон харьяа байгууллагуудын үйл ажиллагаатай Говьсүмбэр аймгийн Засаг даргын Тамгын газрын төлөөлөгчид танилцаж, туршлага судлах уулзалт боллоо. Төлөөлөгчдийг нийслэлийн Засаг даргын Тамгын газрын дарга М.Отгонбаяр болон хэлтэс албадын дарга нар хүлээн авлаа.