Month: March 2019

Нийслэлийн Залуучуудын хөгжлийн газар, “Эм Кэй Ай Ти” сургалтын төвтэй хамтран 2018 оны 11 дүгээр сараас эхлүүлэн Жава хөгжүүлэгчийн ахисан түвшний 4 сарын хугацаатай сургалт зохион байгуулсан бөгөөд амжилттай хамрагдсан залуучууд сертфикатаа гардан авлаа. Эдгээр 12 залуу сар бүр 220,000 төгрөгний тэтгэлэгтэй суралцсан бөгөөд ажлын байранд шууд холбогдож байна.

Дээрх сургалтаас гадна компьютерийн үндсэн хэрэглээ, фотошоп программын сургалт, мэдээллийн технологийн чиглэлийн 7 төрлийн нарийн мэргэжлийн сургалтуудыг БНСУ-ын Олон улсын хамтын ажиллагааны байгууллага “КОИКА”-ийн санхүүжилттэй төслийн гүйцэтгэгч “Эм Кэй Ай Ти” сургалтын төвтэй хамтран төлбөргүй зохион байгуулж байна.

Нийслэлийн Залуучуудын хөгжлийн газар, Кристина Ноблийн хүүхдийн сантай байгуулсан хамтын ажиллагааны санамж бичгийн хүрээнд хамтран хэрэгжүүлэх “Залуучуудын хөгжлийн хөтөлбөр-2019” үйл ажиллагааны нээлт өнөөдөр Нийслэлийн иргэний танхимд боллоо.

Тус хөтөлбөрийн нээлтийн үеэр нийслэлийн Залуучуудын хөгжлийн газрын дарга С.Сүх-Очир хэлсэн үгэндээ: “Залуучуудын хөгжлийн хөтөлбөрт хамрагдаж байгаа залуучууд Та бүхний өмнө өргөн боломж нээлттэй байна. Тухайлбал нийслэлийн Залуучуудын хөгжлийн газрын дэргэдэх мэдээллийн технологийн сургалтад төлбөргүй хамрагдах, хөтөлбөрийн хүрээнд жилийн туршид ажил, мэргэжлээ зөв сонгох мэдлэг, ур чадвараа нэмэгдүүлэх, дадлагажих, мэргэжил сургалт үйлдвэрлэлийн төвүүдтэй танилцах, эерэг хандлагын болон хувь хүний хөгжлийн сургалт, гэр бүлийн боловсрол, санхүүгийн болон бизнесийн боловсрол олгох сургалтуудаас гадна, өдөрлөг, уралдаан, тэмцээнд оролцож, өөрсдийгөө хөгжүүлэх, нийгэмд тустай сайн үйлс бүтээх олон ажлуудыг хамтдаа хийх болно. Мөн дүүргүүдийн Залуучуудын хөгжлийн төвүүдээр дамжуулан сэтгэл зүйн болон эрх зүйн үнэ төлбөргүй зөвлөгөө авах боломжтой юм” гэлээ.

Хөтөлбөрийн нээлтийн үеэр “Эрдэнэ тав баг” ТББ-ын тэргүүн Н.Энхбаатар оролцогчдод “Эерэг хандлага” сэдвээр мэдээлэл өглөө. Энэхүү хөтөлбөрт 17-21 насны 100 залуу хамрагдах бөгөөд эхний үйл ажиллагаанд хамрагдсан 250 залуучуудаас цаашид зохион байгуулах үйл ажиллагаа болон залуучуудад зориулсан хөгжим, бүжиг, уран зургийн сургалт, сайн дурын “Нобле клуб”-ын үйл ажиллагаанд оролцох талаар сонирхлын судалгаа авлаа.

Мэргэжлийн хяналтын Ерөнхий газрын даргын баталсан 01/126 тоот удирдамжийн хүрээнд Хөвсгөл аймгийн мэргэжлийн хяналтын газраас Могойн голын ил уурхайн нүүрс олборлолтын байдалд урьдчилан сэргийлэх хяналт шалгалт хийлээ.

Шалгалтын явцад уурхайн геологийн 1-3 огтлолт болон нурах эрсдэлтэй хэсэгт нүүрс олборлох үйл ажиллагаа явуулахыг түр хугацаагаар зогсоов. Энэ хугацаанд хөрс хуулалтын ажлаа эрчимжүүлж, уурхайн аюулгүй параметрүүдийг хангаж ажиллахыг зөвлөв.

Нийслэлийн Засаг даргын орлогч Ш.Анхмаагаар ахлуулсан Хэрэглэгчдийн эрх ашгийг хамгаалах нийслэл дэх орон тооны бус салбар зөвлөлийн өнөөдрийн хэлэлцүүлгээр өнгөрсөн 2018 оны хийсэн ажлын тайлан, 2019 онд хэрэгжүүлэх ажлын төлөвлөгөөг хэлэлцлээ.

Нийслэлийн Засаг даргын 2018 оны А/1021 дүгээр захирамжаар “Хэрэглэгчийн эрх ашгийг хамгаалах чиг үүрэг бүхий орон тооны бус салбар зөвлөл”-ийг 19 хүний бүрэлдэхүүнтэйгээр шинэчлэн байгуулаад байна.

Нийслэлийн хэмжээнд иргэдийн эрүүл, аюулгүй орчинд амьдрах, чанартай бүтээгдэхүүн, үйлчилгээ хэрэглэх, тогтвортой хөгжил, бизнес эрхлэх таатай орчин нөхцөлийг бүрдүүлэх зорилгоор 2018 онд 4326 хяналт шалгалт, 2205 зөвлөн туслах үйлчилгээ, 1066 төлөвлөгөөт бус шалгалт, 8473 урьдчилан сэргийлэх хяналт шалгалтыг хийжээ. Мөн өнгөрсөн онд иргэдээс 790 өргөдөл, гомдол ирүүлснээс 772 буюу 97.7 хувийг бүрэн шийвэрлэсэн байна.

Энэ онд хэрэглэгчийг соён гэгээрүүлэх, мэдлэг боловсрол олгох, хэрэглэгчдэд хүрч байгаа бүтээгдэхүүн, ажил үйлчилгээний стандарт, чанар аюулгүй байдлын түвшинг дээшлүүлэх, хэрэглэгчийн эрхийг хамгаалахад олон нийт, бизнес эрхлэгчдийн оролцоог нэмэгдүүлэх зэрэг зорилтуудын хүрээнд нийт 24 төрлийн ажил хийхээр төлөвлөөд байгаа юм байна

МЭХ-оос өрх толгойлсон эмэгтэйчүүд, хүчирхийлэлд өртсөн хүүхдүүд, ажлын байрны бэлгийн дарамт, бага насны охидын бэлгийн хүчирхийллийн талаар мэдээлэл хийлээ.

МЭХ-ны удирдах зөвлөлийн гишүүн Ш.Ариунаа: 2004 болон 2017 онд ажлын байрны бэлгийн дарамт хэр тархсанталаарх судалгаагаар Ерөнхий боловсролын сургуульд ажлын байрны бэлгийн дарамт хэвээрээ байна. Төрийн байгуулагуудын ажлын байрны бэлгийн дарамт хэвээрээ байна. Энэ дотроос бизнесийн байгууллага болон эмнэлгийн салбарт ажлын байрны бэлгийн дарамт 20-25 хувиар өссөн дүнтэй гарсан. Бэлгийн дарамтын кесүүд байсаар байхад ажил олгогч эздийн холбоо Хөдөлмөрийн тухай хуулиас энэ зүйл заалтыг авах тухай яриж байгаа нь ёс зүйгүй үйлдэл. Зөвхөн монголд ч биш дэлхий нийтээрээ ажлын байрны бэлгийн дарамтаас болоод эмэгтэйчүүдийн ажиллах эрх цаашлаад хөдөлмөрийн бүтээмжид сөргөөр нөлөөлнө. Удахгүй 800 гаруй эмэгтэйчүүд УИХ-ын даргын ивээл дор Төрийн ордонд чуулна гэв.

С.ОТГОНБАЯР

Баянзүрх дүүргийн 10, 19 дүгээр тойрогт дахин сонгууль гуравдугаар сарын 23-ны өдөр болсон. Сонгуулийн үр дүнгийн талаар Баянзүрх дүүргийн сонгуулийн хороо болон Нийслэлийн сонгуулийн хорооноос мэдээлэл хийлээ.

Баянзүрх дүүргийн 10 дугаар тойрог дээр 47657 сонгогч бүртгэлтэй. Үүнээс 2647 сонгогч саналаа өгч сонгуулийн ирц тухайн тойрог дээр 56.8 хувьтай явагджээ. Үүнээс МАН-аас нэр дэвшсэн Г.Доржпаламын төлөө 1460 сонгогч буюу 55.2 хувь, Монголын консерватив намаас нэр дэвшсэн О.Мөнтуяагийн төлөө 19 буюу 0.72 хувь, Бүгд найрамдах намаас нэр дэвшсэн Мягмардоржийн төлөө 24 буюу 0.91 хувь, Монголын ногоон намаас нэр дэвшсэн Мөнхцэцэгийн төлөө 20 буюу 0.76, бие даагч М.Алтанзаяагийн төлөө 989 буюу 37.4 хувь, бие даагч Жаргалын төлөө 114 буюу 4.31 хувийн саналыг тус тус өгсөн байна.

Харин 19 дүгээр тойрогт нийт сонгогчийн төлөө 7154, санал өгсөн сонгогчийн тоо 3850. Хувьд харьцуулбал 53.84 хувьд хүрсэн тул сонгууль хүчин төгөлдөр болжээ. Үүнээс МАН-аас нэр дэвшсэн Б.Галхүүгийн төлөө 2029 буюу 52.7, Монголын консерватив намаас нэр дэвшсэн Долгормаагийн төлөө 15 буюу 0.35, Бүгд найрамдах намаас дэвшсэн Орхоны төлөө 30 буюу 0.64, Ногоон намаас нэр дэвшсэн Мөнхзаяагийн төлөө 47 буюу 1.21, бие даагч Уламбаярын төлөө 412 буюу 11.25, Т.Туул бие даагчийн төлөө 1277 буюу 35.94 хувийн санал өгчээ.

Сонгуулийн хорооноос хамгийн олон санал авсан нэр дэвшигчид болох Г.Доржпалам, Б.Галхүү нарт түр үнэмлэх олгожээ. Энэхүү дахин сонгуулийн үеэр бие даан нэр дэвшигч Уламбаярын зүгээс мөнгө тараасан гэх гомдол ирсэн. Үүнийг цагдаагийн байгууллагаар шалгуулахаар шилжүүлсэн байгааг БЗД-ийн сонгуулийн хорооны дарга И.Баттөгс хэлэв.

Хятадын дарга Си Жиньпин Европт айлчилж буй. Энэ удаад тэрээр Франц, Итали, Монако гэсэн гурван оронд айлчлах гэж байгаа талаар өмнө нь мэдээлж байв. Си Жиньпинийг Итали улсад айлчлах үеэр өөрийнх нь санаачилсан Торгоны зам төсөлд тус улс нэгдэж байгаагаа мэдэгдсэн байна. “Их долоо” бүлгийн гишүүн орон болох Итали улстай Хятадын дарга 2.5 тэрбум еврогийн 29 гэрээг байгуулжээ. Тус улсад айлчилсныхаа дараа тэрээр Монаког зорьсон байна.