Нийслэлийн Засаг даргын орлогч П.Баярхүүгээр ахлуулсан түгжрэлийг бууруулах ажлын хэсэг хуралдлаа. Ажлын хэсгийн хуралдаанд нийслэлийн Боловсролын газрын дарга Ж.Гантулга “Хүүхдийн автобус” төсөл хэрэгжүүлэх тухай санал танилцууллаа. Нийслэлийн хэмжээнд 2018-2019 оны хичээлийн жилд 245 сургууль үйл ажиллагаа явуулж байгаагаас төрийн өмчийн 137, төрийн бус өмчийн 108 сургууль байна. нийслэлийн 245 сургуульд нийт 264240 сурагч суралцаж байгаа юм. Үүнээс төрийн өмчийн сургуульд 88.2 хувь буюу 232932 сурагч, төрийн бус өмчийн сургуульд 21308 сурагч буюу 11.8 хувь суралцаж байна. Сурагчдын 57.1 хувь нь буюу 150949 хүүхэд бага ангид, 79019 хүүхэд дунд ангид, 13 хувь нь ахлах ангид суралцаж байна. Нийслэлийн Боловсролын газраас 2018-2019 оны хичээлийн жилд нийслэлийн 7 дүүргийн төрийн өмчийн 31, төрийн бус өмчийн 21 нийт 52 сургуульд 130 автобусаар 6784 сурагчийг тээвэрлэж байна. Сурагчдын аюулгүй байдлыг хангах чиглэлээр хотын төвөөс алслагдсан, сурагчид гэр сургуулийн хооронд олон км алхаж ирдэг сургуулийг автобустай болгох ажлыг үе шаттай хэрэгжүүлэхээр төлөвлөн ажиллаж байна. 2018 онд 59, 74, 109 дүгээр сургуулиудад хүүхдийн автобус олгосон байна. Ерөнхий боловсролын сургуулийн зорчилтын судалгааг авч үзвэл 2018 оны байдлаар нийслэлийн ерөнхий боловсролын сургуульд суралцаж байгаа сурагчдын 53.9 хувь буюу 128984 хүүхэд явганаар, 28.3 хувь буюу 67645 нь нийтийн тээврээр, 17.4 хувь буюу 42566 хувь нь хувийн автомашинаар үйлчлүүлж байна. Улаанбаатар хотын замын хөдөлгөөний түгжрэлийг ачаалалтай цаг буюу өглөөний 08:00 цагт сургуулийн 1 дүгээр ээлжинд нийт 42269 хүүхэд хичээллэдэг. Харин 2 дугаар ээлж 13:30-аас 31636 хүүхэд, 3 дугаар ээлж 15:00 цагаас 2863 хүүхэд хичээллэж байна. Хөдөлгөөний оргил ачааллын цагаар ерөнхий боловсролын сургуулийн сурагчдыг тээвэрлэх, төлөвлөлтийг боловсруулсан байна. Хотын хойд, урд, баруун, зүүн зүгээс 4 чиглэлд нийт 12 тээврийн хэрэгслийг өглөө, өдөр, орой гэсэн цагийн хуваарийн дагуу 5-10 минут тутамд үйлчилгээ үзүүлэхээр төлөвлөжээ. Дээрх 4 чиглэлд 12 автобус нэмж гаргахад 60 орчим сая төгрөг шаардлагатайг хэллээ. Уг чиглэлийг туршихад хүүхдийн автобусанд тавих стандартыг хангасан автобус үйлчилгээнд гаргах, байршил тогтоогч суурилуулах, чиглэл, маршрут, зогсох цагийн хуваарийг нарийн гаргах, мэргэшсэн жолооч ажиллуулах зэрэг арга хэмжээ авах шаардлагатай талаар ажлын хэсгийн хуралдаанд танилцууллаа.
Ажлын хэсгийн дүгнэлтээр “Хүүхдийн автобус” төслийн судалгааг илүү нарийвчлалтай, бодитой байлгах талаар санал хэллээ. Мөн нийслэлээс хэрэгжүүлдэг “Нэг өрх-Нэг ажлын байр” хөтөлбөртэй уялдуулан хүүхдийг сургуульд хүргэх болон, авах үйлчилгээг эцэх эхчүүдтэй хэрхэн хамтран зохион байгуулах тал дээр судалгаа хийхийг ажлын хэсгийн ахлагч П.Баярхүү үүрэг болголоо. Мөн сургуулийн автобусны нэгтгэл байгуулах, Их тойруу, Энхтайваны өргөн чөлөө орчмын 49 сургуулийг сургуулийн автобустай болгох талаар судалгаа гаргах, эдийн засгийн тооцоолол боловсруулах үүргийг ажлын хэсгийн гишүүдэд үүрэг өглөө гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Өнөөдөр Д.Дорлигжав, Д.Баатар, Ч.Бямбаа, нарт Нийслэлийн прокурорийн газраас цагдан хорих таслан сэргийлэх арга хэмжээ авахуулахаар ирүүлсэн саналтай хэргийг шүүн, хэлэлцээд дээрх нэр бүхий 3 хүнийг яллагдагчаар тус бүрийг 1 сарын хугацаагаар цагдан хорихоор шийдвэрлэлээ.
Монгол Улсын УИХ-ын чуулганы хуралдааны дэгийн тухай хуульд нэмэлт оруулах тухай хуулийн төсөл болон хамт өргөн мэдүүлсэн УИХ-ын тухай хуульд нэмэлт оруулах нь зүйтэй гэсэн томьёоллоор санал хураахад Төрийн байгуулалтын байнгын хорооны хуралдаанд оролцсон 14 гишүүний 100 хувь дэмжснээр чуулганы хуралдаанаар хэлэлцүүлэхээр болж байна. Байнгын хорооны санал, дүгнэлтийг УИХ-ын чуулганы нэгдсэн хуралдаан дээр танилцуулах гишүүнээр О.Баасанхүүг томилсноор 
“Сар шинэ-2019” нэгдсэн арга хэмжээний хүрээнд Тээврийн цагдаагийн албанаас нийслэл болон орон нутгийн авто замуудад хяналт шалгалтыг эрчимжүүлэн ажиллаж байна. Шалгалтаар замын хөдөлгөөний аюулгүй байдлыг хангахтай холбоотой хууль тогтоомж, дүрэм, журам зөрчсөн зөрчлийг илрүүлэх, таслан зогсоож, хариуцлага тооцох юм байна. Мөн автомашин ашиглан үйлдэгдэж байгаа хулгайн гэмт хэргийг илрүүлэх, мал, малын гаралтай түүхий эд бүтээгдэхүүн тээвэрлэж байгаа тээврийн хэрэгсэл, ачаа тээш, сэжигтэй хүн зэргийг шалгаж мөн мал эмнэлэг, ариун цэврийн гарал үүслийн гэрчилгээгүй мал, мах тээвэрлэсэн тээврийн хэрэгслийг замын хөдөлгөөнд үргэлжлүүлэн оролцуулахгүй байх аж. Эдгээр зөрчил илэрсэн тохиолдолд харьяа цагдаагийн байгууллагад хүргүүлэн Зөрчлийн тухай хуульд зааснаар хариуцлага тооцуулж байна.
Монгол Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Ё.Баатарбилэг өнөөдөр НҮБ-ын Хүн амын сангийн Монгол дахь Суурин төлөөлөгч, хатагтай Наоми Китахараг нутаг буцаж байгаатай нь холбогдуулан хүлээн авч уулзав. НҮБ-ын Хүн амын сангаас Монгол Улсын нийгмийн эрүүл мэндийн салбарт оруулсан хөрөнгө оруулалтууд үр дүнтэй болсонд баяртай байгаагаа хатагтай Наоми Китахара хэлээд хамтын ажиллагааг өргөжүүлэхэд дэмжлэг үзүүлэн хамтран ажилласан УИХ болон Нийгмийн бодлого, боловсрол, соёл, шинжлэх ухааны байнгын хороонд талархал илэрхийлэв.
Орон нутгаас хотод ирж ХСҮТ-ээс тусламж, үйлчилгээ авч буй иргэдэд хамгийн их тулгамдаж буй асуудал нь байр, сууц. Хотод ирээд хамаатан, садныдаа байрлаж болох ч өвчтэй хүнийг гэртээ удаан хугацаагаар байлгах сонирхолтой хүмүүс ховор байдаг бөгөөд өвчтөнд өөрт нь удаан хугацаагаар айлд байхад сэтгэлзүйн хувьд тайван бус байдаг. Энэ нь эмчилгээний үр дүнд сөрөгөөр нөлөөлөх нь бий. Тэгвэл хавдарт өвчнөөр өвдсөн хөдөө, орон нутгийн иргэдэд зориулсан байрыг Монголд анх удаа байгуулжээ. Энэхүү байрны нээлтийн арга хэмжээ өнөөдөр /2019.01.09/ Хавдрын Үндэсний зөвлөлийн байранд болов. Хавдрын Үндэсний зөвлөл НҮТББ хандивлагчдын тусламжтайгаар хөдөө орон нутгаас ирсэн хавдартай өвчтөнүүдийг нийслэл хотод эмчилгээ хийлгэх хугацаанд тохь тухтай байранд байрлуулах, өвчнөө даван туулах итгэл найдвар өгөх, тусламж дэмжлэг үзүүлэх зорилгоор “Дарь эхийн өргөө”-г бүтээн босгожээ. Хавдрын Үндэсний зөвлөл НҮТББ нь 2017 оны арваннэгдүгээр сараас хойш 100 гаруй байгууллага, хувь хүмүүсийн хандив, тусламжаар 130 сая орчим төгрөгийг цуглуулж, байрыг тохижуулжээ. Нэг дор 30 гаруй өвчтөн, асран хамгаалагч нарыг түр байрлуулах уг байр нь гал тогоо, амралтын өрөө, урлагийн сэтгэл заслын өрөө, өвчтөн болон асран хамгаалагч нар байрлах нийт 14 өрөөтэй аж. Хавдартай өвчтөн болон түүний асран хамгаалагч хоногт 10-20 мянган төгрөг төлөөд хэдэн ч хоног байрлах боломжтой юм байна.
Жил бүр уламжлал болгон зохион байгуулагддаг “Утгын чимэг” богино өгүүллэгийн наадам болж өнгөрлөө. МЗЭ-ийн 90 жилийн ойн хүрээнд зохион байгуулагдсан уг наадамд яруу найрагч Сольтогтохын Дамдиндорж “Гурван хэмжээс” өгүүллэгээрээ тэргүүлсэн байна. Дэд байрт МЗЭ-ийн шагналт зохиолч Түмэнбаярын Бум-Эрдэнэ “Олон болоорой” өгүүллэгээрээ, гуравдугаар байрт зохиолч Б.Цоожчулуунцэцэг “Булангийн зогсоол” өгүүллэгээрээ тус тус шалгарчээ. Харин тусгай шагналыг МЗЭ-ийн шагналт яруу найрагч М.Уянсүхийн “Алтан хундага”, зохиолч Ц.Ганболдын “Араатан”, МЗЭ-ийн шагналт зохиолч Г.Даваасүрэнгийн ”Байлдааны морьд”, Д.Нацагдоржийн шагналт зохиолч М.Эрдэнэбатын “Байхгүйн зовлон”, МЗЭ-ийн шагналт зохиолч П.Батхуягийн “Сүүлчийн зүсэлт”, СГЗ С.Оюуны “Тэнгэрийн хүү”, МЗЭ-ийн шагналт яруу найрагч Л.Эрдэнэбатын “Эх оронгүй хүн” өгүүллэгүүдэд тус тус хүртээжээ.