Month: January 2019

Мэргэжлийн хяналтын ерөнхий газар, Эрүүл мэндийн яам, Анагаахын шинжлэх ухааны үндэсний их сургуулийн Эм зүйн сургуулийн эрдэмтэнбагш, судлаачид хамтран 2017-2018 оны хугацаанд Монгол Улсын эмийн зах зээл дэх стандартын бус, хуурамч, бүртгэлгүй эмийн тархалтыг тогтоох судалгааг хийсэн юм. Тус судалгааг баруун, зүүн, төвийн болон хангайн бүс зэргээр бүсчилж, бүс тус бүрээс нэг аймгийг онцлон үйл ажиллагаа явуулж байгаа эм хангамжийн байгууллагуудыг санамсаргүй түүвэрлэлтийн аргаар сонгон нийт 118 газрыг хамруулан судалжээ. Судалгааны явцад 15 нэр төрлийн эмийн 1770 дээжийг түүвэрлэн авч МХЕГ-ын болон АШУҮИС-ийн лабораторийн шинжилгээнд хамруулахад хуурамч, дуураймал эм илэрчээ. Тодруулбал, Монголулсынэмийнбүртгэлдбүртгэгдсэн Франц улсын PfizerPGM үйлдвэрийн Виагра 100мг эмийг дуурайлган хийсэн Силденафил цитрат 100 мг /хайрцаг дээрээ Виагра Pfizer гэсэн бичээстэй/ нэртэй хуурамч эм илэрсэн байна.

Силденафил цитрат 100мг шахмал эмийн хайрцаг дээрх цувралууд: R314633201, 1283010,20210407, 2616403, 32022.

Тус Силденафил цитрат 100мг шахмал эм нь:

• Үйлчлэгч бодисын агууламж лабораторийн шинжилгээгээр 95-105% байх ёстойгоос 45.3-65.45% байсан,
• Үйлдвэрлэсэн улс, үйлдвэрлэгч тодорхойгүй,
• Шахмалын өнгө жигд бус, цайвар, гүн хөх өнгөтэй,
• Хоёрдогч савлалт дээрх шошгонд ханз бичиг холилдож бичигдсэн,
• Хоёрдогч савлалтын цувралын дугаар анхдагч савлалт дээрх цувралаас зөрүүтэй,
• Хоёрдогч савлалтын хайрцагны өнгө зөрүүтэй,

Анхдагч савлалтын блистерийн өнгө, бичиглэл нь зөрүүтэй байсан байна. Иймд Эм хангамжийн байгууллагууд болон ард иргэдийг хувь хүний гар дээрээс эм, эмнэлгийн хэрэгсэл худалдан авахгүй байхыг анхааруулж байна.

Онцгой байдлын байгууллагын чадавхыг дээшлүүлэх, бэлтгэл бэлэн байдлыг хангах үйл ажиллагааны салшгүй нэг хэсэг нь нийт бие бүрэлдэхүүний мэдлэг, мэргэжлийн ур чадварыг дээшлүүлэх бие бүрэлдэхүүний сургалт байдаг.

Тэгвэл Онцгой байдлын байгууллагын хэмжээнд 2019 оны сургуулийн жилийн нээлтийг өнөөдөр нэгдсэн журмаар зохион байгууллаа.

Онцгой байдлын байгууллага 2019 оны сургуулийн жилд:

• Сургалт, бэлтгэлийн төлөвлөх, зохион байгуулах, үр дүнг тооцох, сургалтын хэрэглэгдэхүүн орчин нөхцлийг тодорхойлсон стандартыг боловсруулж мөрдүүлэх,
• Анги, байгууллага бүр алба хаагчдыг хөгжүүлэх болон давтан сургалтыг үе шаттайгаар зохион байгуулан, алба хаагчдын мэргэжлийн зэргийн бэлтгэлийг хангуулж, чадавхжуулах,
• Сургалтын бэлтгэлийг алба хаагчдад эх оронч үзэл, эерэг хандлага төлөвшүүлэх, бие бялдар-сэтгэлзүйн өв тэгш хүмүүжил олгоход чиглүүлэх гэсэн гурван зорилго дэвшүүлээд байгаа юм.

Энэ сургуулийн жилийн онцлог нь “Онцгой байдлын албаны сургалтын бодлого”, “Бие бүрэлдэхүүний сургалт бэлтгэлийг зохион байгуулах ерөнхий журам”, “Бие бүрэлдэхүүний сургалт бэлтгэлийг шалгаж үнэлэх заавар”, “2019 оны сургуулийн жилийн удирдамж” зэрэг сургалтын үндсэн баримт бичгийг хэрэгжүүлэх, сургалтын хөтөлбөрийг тухайн орон нутгийн газар зүйн байршлаас хамаарсан аюул, ослын нөхцөл байдалтай уялдуулан боловсруулж, сургалт бэлтгэлийг онол, дадлага хослуулан уян хатан зохион байгуулах боломжийг бүрдүүлсэн явдал юм гэж Онцгой байдлын ерөнхий газраас мэдээллээ.

Говьсүмбэр аймгийн Мэргэжлийн хяналтын газар, ХХААГ, ХОХБТХ хамтран аймгийн хүнсний зах, махны төрөлжсөн захуудад худалдаалагдаж буй маханд чанар, аюулгүйн үзүүлэлтүүдийг тодорхойлох тандалт шинжилгээг Улсын мал эмнэлэг ариун цэврийн төв лабораторид хийлгэж, махны аюулгүйн үзүүлэлтэд дүгнэлт гаргажээ.

Шинжилгээг 2018 оны 11 дүгээр сараас 12 дугаар сард хоёр давталттайгаар хийсэн. Тандалт шинжилгээг Говьсүмбэр аймгийн Баянтал, Сүмбэр сумын зургадугаар баг, Шивээговь сум, Сүмбэр сумын тавдугаар баг, Сүмбэр сумын дөрөвдүгээр баг, Дундговь аймгийн гэж гарал үүслийг бүсчлэн тооцоолж сорьцуудаа бэлтгэсэн байна. Шинжилгээний дүнгээр махны дээжид хүнд металл, антибиотикийн үлдэгдэл, авермектины үлдэгдэл илрээгүй байна.

Дундговь аймгийн Онцгой байдлын газрын “Ахмадын зөвлөл” 2018 оны шилдэг зөвлөлөөр шалгарлаа. Шагналыг Онцгой байдлын байгууллагын “Ахмадын холбоо”-ны тэргүүн, бэлтгэл комиссар Д.Хишигбаатар гардуулан өгсөн юм. Ахмадын зөвлөл нь 2018 онд “Ахмадын сан”-д 7,7 сая төгрөгийг төвлөрүүлж, 9 ахмадыг “Итгэлт хамба-Байгаль нуур”-ын аялалд амраахын зэрэгцээ ОБЕГ-ын Давтан сургалт, сэргээн заслын төвийн “Онцгой Жаргалант” сувилал болон Өвөрхангай аймгийн “Хужирт” рашаан сувилалд 12 ахмадыг сэргээн заслын эмчилгээ, үйлчилгээнд хамруулаад байна. Мөн “Ахмадын зөвлөл”-ийн санаачлагаар байгууллагын өнгө үзэмжийг нэмэгдүүлэх, алба хаагчдын ажиллах орчин нөхцлийг сайжруулах ажлын хүрээнд 200 мод тарьж, ногоон байгууламжийг бий болгосон. Түүнчлэн Онцгой байдлын газар болон орон, нутгийн онцлог, үйл ажиллагааг олон нийтэд сурталчлан таниулах үзэсгэлэнг ОБЕГ-ын “Албаны түүхэн музей”-д зохион байгуулахад идэвх санаачлагатай оролцсон юм гэж Дундговь аймгийн Онцгой байдлын газраас мэдээллээ.

Нийслэлийн Баянзүрх, Чингэлтэй, Сонгинохайрхан дүүргийн зарим хороодын нутаг дэвсгэрт хөрсний ус гарч халиа үүсэн, айл өрх, хашаа байшин, гудамж, авто замд мөс тогтож, халтиргаа гулгаа үүсэж, гэр байшин мөсөнд автаж, айл, өрх амьдрах боломжгүй болсон байна. Ийнхүү хүндрэлтэй нөхцөл байдал үүссэнтэй холбогдуулан нийслэлийн Засаг дарга, Захирагчийн ажлын алба болон нийслэлийн Онцгой байдлын газрын удирдлагууд, мэргэжлийн байгууллагууд хамтран өчигдөр тухайн нөхцөл байдалтай газар дээр нь очиж танилцаж, цаашид авч хэрэгжүүлэх арга хэмжээний санал солилцжээ. Дүүргийн Онцгой комисс, мэргэжлийн байгууллагуудын ажиллаж байгаа нөхцөл байдал, авч хэрэгжүүлж байгаа арга хэмжээтэй танилцаж, заавар зөвлөмж өгч ажилласан бөгөөд холбогдох ажлын хэсгийг хуралдуулан санал дүгнэлтийг сонсохоор шийдвэрлэсэн байна.

Нийслэлийн Мэргэжлийн хяналтын газраасагаар бохирдуулагч эх үүсвэрийг багасгаж, хүн амд амьдрах орчны зөв дадлыг төлөвшүүлэх замаар агаар орчны бохирдлыг бууруулж, эрүүл аюулгүй орчныг бүрдүүлэхэд иргэд, олон нийтийн оролцоо, үүрэг хариуцлагыг нэмэгдүүлж, хууль журмыг хэрэгжүүлэх зорилготой хамтын ажиллагааны уулзалтыг өнөөдөр Баянзүрх дүүрэгт хийж байна.

Тус уулзалтад Нийслэлийн Мэргэжлийн хяналтын газрын дэд дарга С.Даваасүрэн, дүүргийн Дэд бүтэц хот төлөвлөлтийн асуудал хариуцсан төслийн удирдагч-Засаг даргын орлогч Т.Батцогт, Нийслэлийн Мэргэжлийн хяналтын газрын агаарын чанарын хяналтын хэлтсийн дарга Н.Шинэ-Оргил, дүүргийн Тохижилт нийтийн аж ахуйн хэлтсийн дарга Б.Отгонхүү болон 28 хорооны Засаг дарга, албаны бусад хүмүүс оролцож байна..

Дашрамд, дүүргийн Засаг даргын Тамгын газраас өнгөрсөн хугацаанд агаар орчны бохирдлыг бууруулахад иргэд, олон нийтийн дунд сургалт, өдөрлөгийг зохион байгуулж, агаарын бохирдлоос урьдчилан сэргийлэх дэвшилтэт технологиудыг танилцуулсан үзэсгэлэн худалдааг гаргасан юм.

Уулзалтын үеэр НМХГ-аас агаарын бохирдлын эсрэг хийж гүйцэтгэсэн ажил болон 2019 онд хийх ажлын төлөвлөгөөг танилцуулж, харилцан санал зөвшилцөж байнахэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.

Монгол Улсын сайд ЗГХЭГ-ын дарга Г.Занданшатар АМГТГ-ын Газрын тосны асуудал хариуцсан орлогч дарга Ц.Эрдэнэбаяртай уулзаж цаг үеийн асуудлаар мэдээлэл сонсов. ЗГХЭГ, УУХҮЯ-аас өгсөн чиглэлийн дагуу АМГТГ-аас нефть импорлогч компаниудтай зөвшилцөн маргаашнаас АИ- 80, АИ-92, дизель түлшний жижиглэнгийн үнийг литр тутамд 100 төгрөгөөр бууруулахаар болсныг мэдэгдлээ.

Дэлхийн зах зээл дээрхи түүхий тосны үнэ, Монгол Улсад хилээр орж ирж байгаа импортын нефтийн бүтээгдэхүүний үнэ өмнөх сараас тус тус буурч байгаатай холбогдуулан энэхүү шийдвэрийг гаргасан байна. 2018 оны 12 дугаар сараас эхлэн шатахууны үнийг бууруулах талаар импортлогч компаниудтай зөвшилцөн жижиглэнгийн үнийг шат дараатай бууруулж , өргөн хэрэглээний бензин, түлшний үнийг ийнхүү литр тутамд нийт 250 төгрөгөөр хямдруулаад байна.

Түүнчлэн ЗГХЭГ-ын дарга Г.Занданшатар “Эрдэнэс Монгол” ХХК- ийн дэд захирал О.Одбаяр, судлаач Б.Солонгоо нарыг хүлээн авч уулзан Асгатын мөнгөний ордыг эдийн засгийн эргэлтэд оруулах талаар авч хэрэгжүүлэх арга хэмжээний төлөвлөгөөг боловсруулах ажлын явцын мэдээллийг сонсов гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

09.00 цагт “Шангри-Ла” зочид буудалд “Нутгийн удирдлагын тогтолцоо, эрх зүйн шинэчлэл” чуулган болно.

09.00 цагт Тэнгис кино театрт Чингэлтэй дүүрэг дэх Цагдаагийн нэгдүгээр хэлтсийн 2018 ажлын тайланг иргэдэд танилцуулна.

10.00 цагт Засгийн газрын XI байранд ШӨХТГ-аас цаг үеийн асуудлаар мэдээлэл хийнэ. Утас: 70001286

11.00 цагт “Монгол ньюс” мэдээллийн төвд “Сэтгэл, зүтгэл, итгэл, эх орон “ ТББ-аас “Тайван цагийн хэлмэгдүүлэлт буюу хамгаалалт” сэдвээр мэдээлэл хийнэ.

11.00 цагт Засгийн газрын III байранд Үндэсний статистикийн хорооноос Монгол Улсын нийгэм, эдийн засгийн 2018 оны 12 дугаар сарын нөхцөл байдлыг танилцуулна. Утас: 11326414

11.00 цагт ЭМЯ-нд ДЭМБ-аас томуу, томуу төст өвчний нөхцөл байдлын талаар мэдээлэл хийнэ. Утас: 99179899, 86885060

11.00 цагт Шангри-Ла Өргөө кино театрт найруулагч Б.Баярын “Ариун Номын Эрэлд” баримтат киноны нээлт болно.

11.40 цагт “Жи-Эм-Жи” худалдааны төвд НИТХ-ын төлөөлөгч Б.Цолмонгийн санаачилгаар тохижуулсан ахмадуудын сувиллын нээлт болно. Утас: 99036303

12.00 цагт “Монгол ньюс” мэдээллийн төвд Монголын төмөр замчдын ҮЭХ-ноос нийгмийн даатгалын шимтгэлийн хувь хэмжээг нэмснийг эсэргүүцэж мэдээлэл хийнэ.

14.00 цагт НЗДТГ-т НИТХ-ын тэргүүлэгчид хуралдана. Утас: 70119921, 88084523

15.00 цагт ШУА-ийн байранд “Шөнийн цахилгаан эрчим хүчийг ашиглаж гэр, сууцыг дулаанаар хангах боломж” хэлэлцүүлэг болно. Утас: 98119897

Төрийн ордонд

09.00 цагт “Их Эзэн Чингис хаан” танхимд Эдийн засгийн байнгын хороо хуралдана.

09.00 цагт Шадар сайдын өрөөнд Улсын Онцгой комисс хуралдана.

11.00 цагт “Г” танхимд Ёс зүйн дэд хороо хуралдана.

14.00 цагт “Жанжин Д.Сүхбаатар” танхимд Аюулгүй байдал, гадаад бодлогын байнгын хороо хуралдана.