Month: January 2019

“Бичил номын сан” нээлтээ хийлээ

Post author By
Post date 2019-01-26
No Comments on “Бичил номын сан” нээлтээ хийлээ

Нийслэлийн ИТХ-ын Тэргүүлэгчдийн хуралдаанаар нийслэлчүүдийг номтой нөхөрлүүлэх, ном уншлагыг идэвхжүүлэх, дэмжих зорилго бүхий “2021” төсөл баталсан билээ. Энэхүү төслийн хүрээнд хүүхэд залуучуудыг номтой нөхөрлүүлэх, ном унших хотын соёлыг төлөвшүүлэхэд түлхэц үзүүлэх “Бичил номын сан”-гийн үйл ажиллагааг өнөөдөр нийслэлийн Хангарди ордны нэг давхарт нээлээ.

Бичил номын сангаар үйлчлүүлэх гол зарчим нь та сонирхсон номыг авч уншихдаа оронд нь өөр ном үлдээх ёстой. Ном унших хотын соёлыг төлөвшүүлэх зорилго бүхий “Номоо солилцъё” төслийн бичил номын сангийн үйл ажиллагааг нийслэлийн ЗДТГ, нийслэлийн Соёл, урлагийн газар, нийслэлийн Боловсролын газар болон Д.Нацагдоржийн нэрэмжит хотын төв номын сан, JCI Grand зэрэг төрийн болон хувийн хэвшлийн байгууллагууд дэвжин хамтран ажиллаж байгааг нийслэлийн Засаг даргын Нийгмийн хөгжлийн асуудал хариуцсан орлогч Ш.Анхмаа онцлов.

Бичил номын сангаар үйлчлүүлэх гол зарчим нь та сонирхсон номоо авч уншихдаа оронд нь өөр ном үлдээх ёстой. Ингэснээр та ямар ч төрлийн номыг энэхүү номын сангаас унших боломжтой гэсэн үг. Төслийг санаачлагч нийслэлийн ИТХ-ын төлөөлөгч, тэргүүлэгч, Нийгмийн бодлогын хорооны дарга Д.Мөнхжаргал “Бичил номын сангийн үйл ажиллагааг олон нийтийн хөл хөдөлгөөн ихтэй төрийн болон хувийн хэвшлийн үйлчилгээний газруудад илүү олныг нээж, нийслэлчүүдэд номыг улам ойр байлгах хэтийн зорилтыг тавьж байна” хэмээв.

мэдээ нийгэм

Нарантуул ОУХТ рүү нэмэлт автобус үйлчилж байна

Post author By
Post date 2019-01-26
No Comments on Нарантуул ОУХТ рүү нэмэлт автобус үйлчилж байна

Тээврийн цагдаагийн алба, дүүрэг дэх Замын цагдаагийн хэлтсээс сар шинийн баярын өмнөх амралтын өдрүүдийн замын хөдөлгөөний ачааллыг багасгах ажлын хүрээнд дараах зохицуулалтыг хийсэн байна. Дэнжийн 1000, Баянхошуу, Нарангийн гол, Орбит, Сэлбэ амралт, ХМК, Чингэлтэй, Шархад, Нисэх болон Яармагаас Нарантуул худалдааны төв рүү 10:00, 12:30, 15:00 цагуудад тогтмол нийтийн тээврийн автобус үйлчилж байна. Иймд дүүрэг дэх Замын цагдаагийн хэлтсээс иргэдийг Нийтийн тээврийн үйлчилгээг сонгон үйлчлүүлэхийг уриаллаа.

Нарантуул ОУХТ рүү нийтийн тээврийн автобус үйлчилж байна

энтертаймент-ертөнц

Рокит Бэй CBS телевизийн “The world’s best” шоунд шүүгчээр ажиллажээ

Post author By
Post date 2019-01-26
No Comments on Рокит Бэй CBS телевизийн “The world’s best” шоунд шүүгчээр ажиллажээ

Реппэр, хөгжмийн продюсер О.Баярсайхан буюу Рокит Бэй Америкийн CBS телевизийн шинэ шоу нэвтрүүлэг болох “The world’s best” шоунд шүүгчээр ажилласан байна. Дэлхийн өнцөг булан бүрээс ирж оролцдог шилдгийн шилдэг авьяастнууд The World`s Best шоунд өөрсдийн үзүүлбэрээ үзүүлж, ялагч нь нэг сая ам.долларын эзэн болдог байна.

Оролцогчдын үзүүлбэрийг үндсэн шүүгчдээс гадна 38 орны өөрийн салбартаа хүлээн зөвшөөрөгдсөн 50 мэргэжилтэн давхар шүүдэг. Найруулагч, продюсер, телевизийн хөтлөгч, дуучин, жүжигчин, элэглэгч зэрэг дэлхийн хэмжээний оддоос бүрдсэн 50 өөр салбарын экспертүүдийн нэгээр Монгол Улсаас реппэр, хөгжмийн продюсер Рокит Бэй уригджээ.

“The World’s Best” шоуны анхны дугаар ирэх сарын 3-нд цацагдах бөгөөд нийтдээ 10 дугаар үзэгчдэд хүрэх аж.

мэдээ спорт

Өнгөрсөн оны шилдэг оюутан тамирчид шалгарлаа

Post author By
Post date 2019-01-26
No Comments on Өнгөрсөн оны шилдэг оюутан тамирчид шалгарлаа

Монголын Оюутны Спортын Холбоо (МОСХ) уламжлал ёсоор 1993 оноос эхлэн жил бүр “Оны шилдэг оюутан тамирчин”-ыг шалгаруулдаг бөгөөд энэ онд 25 дах удаагаа 2018 оны шилдэг оюутан тамирчдаа шалгаруулж, шагнал гардуулах ёслолыг нэгдүгээр сарын 24-ний өдөр МУБИС-д болсон МОСХ-ны Удирдах зөвлөлийн хурлын үеэр зохион байгуулсан. Шагналыг МОСХ-ны Удирдах зөвлөлийн гишүүн Х.Батсайхан гардуулж өглөө. 2018 оны Шилдэг оюутан тамирчнаар Хүндийн өргөлтийн ОУХМ Г.Анужин, Сагсан бөмбөгийн тамирчин П.Мөнх-Оргил нар тодорлоо.

2018 оны Шилдэг оюутан тамирчдад шагнал гардууллаа Хүндийн өргөлтийн ОУХМастер Г.Анужин Улаанбаатар хотод төрсөн. МУИС-ийн оюутан. Польш улсын Биала Подласка хотод зохион байгуулагдсан Дэлхийн оюутны аварга шалгаруулах хүндийн өргөлтийн төрөлд амжилттай оролцож 63 кг-ийн жинд мөнгөн медаль хүртсэн юм. Түүний Дэлхийн оюутны аварга шалгаруулах тэмцээний амжилтаар 2018 оны Монгол Улсын шилдэг оюутан тамирчнаар шалгарууллаа.

П.Мөнх-Оргил Бага-Нуур дүүрэгт төрсөн. ШУТИС-ийн Уул уурхайн ашиглалтын технологийн гуравдугаар курсийн оюутан. Малайз Улсын Куала Лумпур хотноо 2018 онд зохион байгуулагдсан Ази тивийн 3х3 сагсан бөмбөгийн тэмцээнээс хүрэл медаль, БНХАУ-ын Шиамень хотноо болсон Дэлхийн оюутны 3х3 сагсан бөмбөгийн лигийн тэмцээний шилдэг 8 багт шалгарсан амжилтаар 2018 оны Монгол Улсын шилдэг оюутан тамирчнаар шалгарлаа.

мэдээ нийгэм

Авто зам ашиглалтын төлбөрийг гар утсаар төлөх боломжтой цахим системийг нэвтрүүлнэ

Зам, тээврийн хөгжлийн төв ТӨҮГ, Гэрэгэ системс ХХК-тэй хамтран улсын чанартай авто зам ашиглалтын төлбөрийг ухаалаг гар утсаар төлөх боломж бүхий цахим системийг нэвтрүүлнэ.

Дээрх системийг эхний ээлжинд Баруунтурууны товчоо, Налайх-Тэрэлжийн төлбөр авах цэгт нэвтрүүлэн, цаашид Монгол орон даяар хэрэгжүүлэхээр талууд хамтран ажиллах гэрээнд өчигдөр гарын үсэг зурсан юм. Цахим системийг иргэд өөрт тохиромжтой хоёр төрлийн аргаар ашиглах боломжтойг албаныхан онцлов.

Тодруулбал, гар утсандаа Гэрэгэ аппликейшн татаж суулгаад, зааврын дагуу бүртгүүлж дансаа цэнэглэнэ. Ингээд төлбөр төлөх цэгээ сонгон, тээврийн хэрэгслийнхээ дугаарыг оруулж төлбөрөө төлнө. Тухайн цэг дээр очиход таны төлбөр төлсөн баримт төлбөр хураагчид очсон байх юм. Өөр нэг арга нь төлбөр хураах цэгт байршсан QR кодыг Гэрэгэ аппликейшнээр уншуулснаар төлбөрөө төлөх боломжтой.

Дашрамд дурдахад, ЗТХЯ-наас шалган бүртгэх товчоо, төлбөр хураах цэгүүдийг хөгжүүлэх, нэгтгэх, иргэдэд хүндрэлгүй шуурхай үйлчлэхэд анхаарч буй бөгөөд Сонгинохайрхан дүүргийн нутаг дахь Баруунтурууны товчооны есөн эгнээг ирэх сарын 01-нээс бүрэн нээхээр болсон. Харин цаана нь байрлах Рашаантын 361 дүгээр гармын товчоог татан буулгаж дээрх товчоотой нэгтгэх юм.

мэдээ спорт

Н.Төгсцогт IBO холбооны Дэлхийн аваргын бүсний төлөө хүч үзнэ

Post author By
Post date 2019-01-26
No Comments on Н.Төгсцогт IBO холбооны Дэлхийн аваргын бүсний төлөө хүч үзнэ

Олимпийн болон дэлхийн аварга шалгаруулах тэмцээний мөнгөн медальт, Монгол Улсын гавьяат тамирчин Нямбаярын Төгсцогт мэргэжлийн боксын 11 дэх тулаанаа IBO холбооны Дэлхийн аваргын бүсний төлөө хүч үзэхээр бэлэн болжээ.

Түүний өрсөлдөгч Доминиканы боксчин Клаудио Маррейро бөгөөд тэд нэгдүгээр сарын 26-нд буюу Улаанбаатарын цагаар 27-ны өглөө Нью-Йорк хотын Бруклинд “Barclays Center”-т халз тулалдана. Хэн ялсан нь одоогоор эзэнгүй байгаа IBO холбооны Дэлхийн аварга цолны эзэн болох юм.

Мөн ялагч нь WBC холбооны 57,2 кг жингийн аварга АНУ-ын Гэри Расселлтай тулалдах болсныг албан ёсоор зарласан юм. Өчигдөр “Barclays Center”-т хэвлэлийн бага хурал болсон бөгөөд “King Tug” Н.Төгсцогтыг дэмжихээр ДАШТ-ий хүрэл медальт МУГТ Э.Цогтжаргал тэргүүтэй Америк болон Канадад ажиллаж амьдардаг монголчууд Нью-Йорк хотыг зорьж байна.

Мөн Монголоос Олимпийн аварга Э.Бадар-Ууган, МБХ-ны ерөнхий нарийн бичгийн дарга Ц.Батнасан, дэд ерөнхийлөгч Б.Батбаяр болон Д.Амарбаясгалан, үндэсний бөхчүүдээс Ч.Санжаадамба аварга, улсын арслан Р.Пүрэвдавга нар АНУ-д очоод байгаа юм.

мэдээ нийгэм

Улаанбаатарт өнгөрсөн шөнө газар хөдөлжээ

Post author By
Post date 2019-01-26
No Comments on Улаанбаатарт өнгөрсөн шөнө газар хөдөлжээ

Нийслэлд өнгөрсөн шөнө 01 цагийн орчимд 2.5 магнитудын газар хөдөлсөн талаар Одон орон, геофизикийн хүрээлэнгийн албаны эх сурвалж мэдээллээ.

Тодруулбал, энэ сарын 26-ны 01.32 цагийн үед Их тэнгэрийн амнаас хойш, Богд уулын орой орчимд 2,5 магнитудын хүчтэй газар хөдөлсөн байна. Уг газар хөдлөлтийн чичирхийлэл Хан-Уул дүүргийн иргэдэд илүү мэдрэгдэж, ОБЕГ-т энэ тухай мэдэгджээ.

мэдээ улс-төр

Ирэх долоо хоногт УИХ-ын чуулганаар дараах асуудлуудыг хэлэлцэнэ

Post author By
Post date 2019-01-26
No Comments on Ирэх долоо хоногт УИХ-ын чуулганаар дараах асуудлуудыг хэлэлцэнэ

УИХ-ын даргын дэргэдэх Зөвлөл өчигдөр/01.25/ хуралдаж, ирэх долоо хоногт чуулганы нэгдсэн хуралдаанаар хэлэлцэх асуудлуудыг баталжээ. Хуваарийн дагуу ирэх долоо хоногийн чуулганы хуралдаанаар УИХ-ын сонгуулийн 42 дугаар тойрогт нөхөн сонгууль товлон зарлах, санал авах өдрийг тогтоох, БСШУС-ын сайдыг огцруулах, ЗТХ-ийн сайдыг үүрэгт ажлаас нь чөлөөлөх тухай зэрэг асуудлуудын хэлэлцэх юм байна. Мөн Ерөнхий сайд У.Хүрэлсүх эдийн засгийн коридор байгуулах, дамжин өнгөрөх тээврийг хөгжүүлэх хэрэгцээ шаардлага, ач холбогдол, бэлтгэл ажлын явцын талаар чуулганы хуралдаанд мэдээлэл хийнэ.

Нэгдүгээр сарын 29-ний Мягмар гарагт 10.00 цагаас:

Улсын Их Хурлын даргыг үүрэгт ажлаас нь чөлөөлөх санал, Улсын Их Хурлын тогтоолын төсөл.

Нэгдүгээр сарын 31-ний Пүрэв, хоёрдугаар сарын 01-ний Баасан гарагт 10.00 цагаас:

Монгол Улсын Ерөнхийлөгчийн үйл ажиллагааны танилцуулга;
“Зарим газар нутгийг улсын тусгай хамгаалалтад авах тухай” Улсын Их Хурлын тогтоолын төсөл /Засгийн газар 2018.12.28-ны өдөр өргөн мэдүүлсэн, хэлэлцэх эсэх/;
Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуульд өөрчлөлт оруулах тухай хуулийн төсөл /Засгийн газар 2018.11.21-ний өдөр өргөн мэдүүлсэн, хэлэлцэхэсэх, үргэлжилнэ/;
Монгол Улсын Засгийн газрын гишүүн-Боловсрол, соёл, шинжлэх ухаан, спортын сайдыг огцруулах тухай асуудал;
Монгол Улсын Засгийн газрын гишүүн-Зам, тээврийн хөгжлийн сайдыг үүрэгт ажлаас нь чөлөөлөх тухай асуудал;
Иргэний болон аж ахуйн хэргийн талаар эрх зүйн туслалцаа харилцан үзүүлэх тухай Монгол Улс, Бүгд Найрамдах Беларусь Улс хооронд байгуулсан гэрээг соёрхон батлах тухай хуулийн төсөл /Засгийн газар 2018.12.04-ний өдөр өргөн мэдүүлсэн, соёрхон батлах/;
Гэмт этгээдийг шилжүүлэх тухай Монгол Улс, Бүгд Найрамдах Беларусь Улс хооронд байгуулсан гэрээг соёрхон батлах тухай хуулийн төсөл /Засгийн газар 2018.12.04-ний өдөр өргөн мэдүүлсэн, соёрхон батлах/;
Эрүүгийн хэргийн талаар эрх зүйн туслалцаа харилцан үзүүлэх тухай Монгол Улс, Бүгд Найрамдах Беларусь Улс хооронд байгуулсан гэрээг соёрхон батлах тухай хуулийн төсөл /Засгийн газар 2018.12.04-ний өдөр өргөн мэдүүлсэн, соёрхон батлах/;
Гадаад харилцааны яамаар төлөөлүүлэн Монгол Улсын Засгийн газар, Мянганы Сорилтын Корпорациар төлөөлүүлэн Америкийн Нэгдсэн Улсын хооронд байгуулсан Мянганы сорилтын компакт гэрээг соёрхон батлах тухай хуулийн төсөл /Засгийн газар 2018.12.04-ний өдөр өргөн мэдүүлсэн,соёрхон батлах/;
Бүгд Найрамдах Хятад Ард Улсын Шанхай хотод Монгол Улсын Ерөнхий консулын газар нээн ажиллуулах тухай Улсын Их Хурлын тогтоолын төсөл /Засгийн газар 2018.12.04-ний өдөр өргөн мэдүүлсэн/,
“Төрийн албаны зөвлөлийн үйл ажиллагааны дүрэм батлах тухай” Улсын Их Хурлын тогтоолын төсөл /Улсын Их Хурлын гишүүн Д.Тогтохсүрэн нарын 4 гишүүн 2018.12.07-ны өдөр өргөн мэдүүлсэн, эцсийн хэлэлцүүлэг/;
“Төрийн зарим байгууллагын албан тушаалын ангилал, зэрэглэлийг тогтоох тухай” Улсын Их Хурлын тогтоолын төсөл /Улсын Их Хурлын гишүүн Д.Тогтохсүрэн нарын 4 гишүүн 2018.12.07-ны өдөр өргөн мэдүүлсэн, эцсийн хэлэлцүүлэг/;
“Төрийн өндөр албан тушаалтны зэрэг зиндаа, түүнтэй адилтгах төрийн албан тушаалтны зэрэглэлийг тогтоох тухай” Улсын Их Хурлын тогтоолын төсөл /Улсын Их Хурлын гишүүн Д.Тогтохсүрэн нарын 4 гишүүн 2018.12.07-ны өдөр өргөн мэдүүлсэн, эцсийн хэлэлцүүлэг/;
“Төрийн жинхэнэ албан хаагч болон төрийн албанд нэр дэвшигчийн эрх зөрчигдсөн тухай маргааныг хянан шийдвэрлэх журам батлах тухай” Улсын Их Хурлын тогтоолын төсөл /Улсын Их Хурлын гишүүн Д.Тогтохсүрэн нарын 4 гишүүн 2018.12.07-ны өдөр өргөн мэдүүлсэн, эцсийнхэлэлцүүлэг/;
“Төрийн захиргааны албан тушаалын зэрэг дэв, түүний нэмэгдэл олгох журам батлах тухай” Улсын Их Хурлын тогтоолын төсөл /Засгийн газар 2018.12.28-ны өдөр өргөн мэдүүлсэн, эцсийн хэлэлцүүлэг/;
Төрийн албаны зөвлөлийн орон тооны гишүүнийг томилох тухай асуудал;
Улсын Их Хурлын тогтоолын төсөл /Улсын Их Хурлын сонгуулийн 42 дугаар тойрогт нөхөн сонгууль товлон зарлах, санал авах өдрийг тогтоох тухай/;
Улсын Их Хурлын тогтоолын төсөл /Улсын Их Хурлын сонгуулийн 42 дугаар тойрогт нөхөн сонгуулийн зардлын хэмжээг батлах тухай/;
МҮОНРТ-ийн удирдах зөвлөлийн гишүүнийг томилох тухай асуудал;
Ерөнхий боловсролын сургуулийн хоол үйлдвэрлэл, үйлчилгээний тухай хуулийн төсөл болон хамт өргөн мэдүүлсэн “Хууль хэрэгжүүлэх зарим арга хэмжээний тухай” Улсын Их Хурлын тогтоолын төсөл /Улсын Их Хурлын гишүүн Б.Ундармаа нарын 8 гишүүн 2018.06.28-ны өдөр өргөн мэдүүлсэн, анхны хэлэлцүүлэг/;
Боловсролын тухай хуульд нэмэлт, өөрчлөлт оруулах тухай хуульд өөрчлөлт оруулах тухай хуулийн төсөл /Улсын Их Хурлын гишүүн Ж.Ганбаатар нарын 8 гишүүн 2018.11.21-ний өдөр өргөн мэдүүлсэн, анхны хэлэлцүүлэг/;
Эрүүгийн хуулийг дагаж мөрдөх журмын тухай хуульд өөрчлөлт оруулах тухай хуулийн төсөл /Засгийн газар 2018.12.28-ны өдөр өргөн мэдүүлсэн,хэлэлцэх эсэх/;
Ашигт малтмалын тухай, Газрын тосны тухай, Газрын тосны бүтээгдэхүүний тухай хуульд нэмэлт, өөрчлөлт оруулах тухай хуулийн төслүүд болон хамт өргөн мэдүүлсэн хуулийн төслүүд /Засгийн газар 2018.12.04-ний өдөр өргөн мэдүүлсэн, хэлэлцэх эсэх/;
Тэсэрч дэлбэрэх бодис, тэсэлгээний хэрэгслийн эргэлтэд хяналт тавих тухай хуульд нэмэлт, өөрчлөлт оруулах тухай хуулийн төсөл /Засгийн газар 2018.12.04-ний өдөр өргөн мэдүүлсэн, хэлэлцэх эсэх/;
Өмгөөллийн тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2018.12.04-ний өдөр өргөн мэдүүлсэн, хэлэлцэх эсэх/;
Нөхөн үржихүйг дэмжих зохицуулалтын тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Н.Оюундарь нарын 3 гишүүн 2018.06.21-ний өдөр өргөн мэдүүлсэн, анхны хэлэлцүүлэг/;
Улсын Их Хурлын тогтоолын төсөл /Монгол Улсын Их Хурлын 2019 оны хаврын ээлжит чуулганаар хэлэлцэх асуудлын тухай/;
Захиргааны ерөнхий хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2018.06.15-ны өдөр өргөн мэдүүлсэн, хэлэлцэх эсэх/;
Ерөнхий сайдын мэдээлэл: Эдийн засгийн коридор байгуулах, дамжин өнгөрөх тээврийг хөгжүүлэх хэрэгцээ шаардлага, ач холбогдол, бэлтгэл ажлын явцын талаар.

мэдээ нийгэм

Япон Улсын Засгийн газрын буцалтгүй тусламжаар сургалтын бааз эмнэлэг байгуулж байна

Эрүүл мэндийн сайд Д.Сарангэрэл ЖАЙКА-ийн Монгол дахь төлөөлөгчийн газрын дарга Муцуми Сатог хүлээн авч уулзлаа. Уулзалтаар Монгол-Японы сургалтын бааз эмнэлгийн талаар Монгол Улсын Засгийн газраас авч хэрэгжүүлэх арга хэмжээний талаар ярилцлаа. Япон Улсын Засгийн газрын буцалтгүй тусламжийн хөрөнгөөр Монгол Улсад анх удаа сургалтын бааз эмнэлэг байгуулж байгаа. Энэхүү эмнэлгийг байгуулах төслийг ЖАЙКА болон уг төслийг хариуцагч байгууллага болох Боловсрол, соёл, шинжлэх ухаан, спортын яамтай хамтран хэрэгжүүлж буй. Үүний зэрэгцээ ЖАЙКА-ийн зүгээс уг эмнэлгийн удирдлага, зохион байгуулалт менежментэд Япон Улсын мэдлэг, туршлагыг нэвтрүүлэх эмнэлгийн менежментийг сайжруулах төслийг 2017 оны хоёрдугаар сараас 2022 оны нэгдүгээр сар хүртэлх хугацаанд хэрэгжүүлж байгаа юм.

Одоогоор тус эмнэлгийн барилгын ажил болон эмнэлгийн тоног төхөөрөмжийн худалдан авалт дууссан. Тоног төхөөрөмжийн суурилуулалт 2019 оны хоёрдугаар сарын сүүл болон гуравдугаар сарын эхээр дуусч барилгыг хүлээлгэн өгнө. Үүний дараа сургалт, дадлагууд хийгдэх юм.

Энэхүү сургалтын эмнэлэг нь эмч, эмнэлгийн мэргэжилтнүүдэд сургалт явуулж, орчин үеийн өндөр чанартай тусламж үйлчилгээ үзүүлэх Монгол Улсын тэргүүлэх эмнэлгийн нэг болох зорилготой. Иймд Японы талаас Эмнэлгийн статусыг тодорхой болгож, баталгаажуулах, сургалтын эмнэлгийг эрүүл мэндийн даатгалд хамруулах магадлан итгэмжлэл олгох, төсвийг баталгаажуулах, Япон улсад эрүүл мэнд, анагаах ухааны чиглэлээр боловсрол эзэмшсэн, суралцаж төгсгөсөн эмч мэргэжилтнүүдийг түлхүү хамруулах зэрэг хүсэлтийг Монгол Улсын Засгийн газар болон холбогдох яам, тамгын газрууд шийдвэрлэж өгөхийг хүслээ.

мэдээ улс-төр

Монгол Улсын Ерөнхий сайд У.Хүрэлсүх Сүхбаатар аймагт ажиллана

Post author By
Post date 2019-01-26
No Comments on Монгол Улсын Ерөнхий сайд У.Хүрэлсүх Сүхбаатар аймагт ажиллана

Монгол Улсын Ерөнхий сайд У.Хүрэлсүх энэ сарын 27, 28-ны өдрүүдэд Сүхбаатар аймагт ажиллана. Тэрбээр тус аймагт ажиллах үеэрээ орон нутгийн удирдлагуудын хамтаар Монгол Улсын хошой аварга болон зарим аварга малчны шагналыг гардуулан өгөх юм байна.

Мөн төрийн албан хаагч, иргэдийн төлөөлтэй уулзалт хийж, Монгол Улсын Ерөнхий сайдын нэрэмжит шагналыг аймгийн шилдэг тэргүүний багш,эмч, сувилагч нарт гардуулах аж.

Recent Posts

Recent Comments

Archives

Categories