Month: January 2019

1. Улсын хэмжээнд:

Томуу, томуу төст өвчин тархвар судлалын 52 дугаар долоо хоногт улсын хэмжээнд амбулаторийн үзлэгийн 6.6 хувийг эзэлж байгаа нь өмнөх долоо хоногоос 0.4 хувиар их, сүүлийн 3 өнгөрсөн оны мөн үеэс 6.9 хувиар бага байна.
Томуу, томуу төст өвчнөөр өвчлөгсдийн 87.6%-ийг 15, үүнээс 69,4%-ийг 4 хүртэлх насны хүүхдүүд эзэлж байна.
Улсын хэмжээнд томуугийн харуулдан тандалтын нэгж 152, томуугийн үндэсний лавлагаа вируслогийн лаборатори 1 (ХӨСҮТ), салбар вируслогийн лаборатори 5 (ЭХЭМҮТ, Дархан-Уул, Дорнод, Орхон, Ховд) ажиллаж байна.
Тандалтын 52 дугаар долоо хоногт 74 сорьц шинжлэхэд хүн амын дунд томуугийн A(H1N1)pdm09, A(H3N2) дэд хэвшинжийн вирус тус тус илэрсэн байна.

1. Нийслэлийн хэмжээнд:

Тархвар судлалын 52 дугаар долоо хоногт улсын хэмжээнд амбулаторийн үзлэгийн 5.3 хувийг томуу, томуу төст өвчин эзэлж байгаа нь өмнөх долоо хоногоос 0.2 хувиар их, өнгөрсөн оны мөн үеэс 6.7 хувиар бага байна.
Нийслэлийн эмнэлгүүдийн 977 орон дээр нэмэлтээр 419 зөөврийн орыг нэмж зохицуулалт хийсэн ба одоогоор 1396 амьсгалын замын өвчтэй хүүхэд хэвтэн эмчлэгдэж байна.

Хүүхэд өвдсөн тохиолдолд эцэг эхчүүд:

-Хүүхдийн халууныг тогтмол хянах хэрэгтэй. 38.5-аас дээш халуурсан тохиолдолд халуун бууруулах эмийг зохих дарааллаар хэрэглэх. Хувцсыг нимгэлж, шингэн сайн уулгах.

-Олон нийтийн газраар явахгүй байх. Амны хаалт байнга хэрэглэх,

-Амин дэм, витаминаар баяжуулсан хүнс хэрэглэх,

-Гэрээ агааржуулах, чийгтэй цэвэрлэгээ хийхэд анхаарах хэрэгтэй гэсэн зөвлөгөөг өгч байна.

-Хүүхэд хэт амьсгаадаж, цээж хонхолзох, идэж уусан болгоноо бөөлжиж гаргавал яаралтай эмнэлэгт хандахыг анхааруулж байна” гэсэн юм. Вирусын онцлогийг эмч нар тодорхойлохдоо

А дэд хэвшлийн H1N1 вирус-38-40 хүрч халуурах, нүдний салст үрэвсэх, уушгины хатгаа үүсгэх,

Амьсгалын замын синцитиаль вирус- Халуурахгүй ханиалгах, хоолой өвдөх, нусгайрах шинж тэмдэг илэрч, уушгины хатгаа, бөглөрөлт, гуурсан хоолойн багтрал үүсгэж, амьсгалын дутагдалд оруулдаг,

Риновирус -Хамар, залгиурын үрэвсэл үүсгэж, хамраас нус гарах, найтаах зэрэг шинж тод илэрнэ,

Короновирус -Ханиадны шинж тэмдэг бага илэрч байгаад уушгины хатгаа үүсгэнэ,

Бокавирус- Ерөнхий хордлогын шинж тод илэрч, залгиур улайна, цэртэй ханиалгаж хатгаа үүсгэнэ

Аденовирус- Нус гоожих, толгой өвдөх, гүйлгэж суулгах шинж илэрч, хатгаагаар хүндэрч, ходоод гэдэсний замын үрэвсэл үүсгэнэ

Томуугийн В дэд хэв шинжийн вирус -Халууралт өндөр, хордлогын шинж тэмдэг түлхүү илэрнэ. Хурдан хүндэрч, уушгины хатгаа болно. Удаан хугацаагаар цэртэй ханиалгана.

Реновирус хамар залгиурын үрэвсэл үүсгэдэг бол сонгомол H1N1 вирусийн халдвар маш хурдан хугацаанд уушгины хатгаа өвчнийг үүсгэдэг.

MNTM шоунд оролцож байсан загвар өмсөгч Ч.Чамин-Эрдэнэ амиа алдсан хармасалтай хэрэг гарсан. Өнөөдөр түүний ар гэрийнхэн болон Охидын түүх ТББ-ынхан мэдээлэл хийлээ.

Түүний ээж Г.Чимгээ Одонтунгалаг, Нэмэхбаяр нар надтай нэг ч холбогдоогүй. Одонтунгалаг Америкд наранд жаргаад явж байна. Нэмэхбаяр Солонгост явж байгаа гэсэн сурагтай. Миний охин ганцаараа харанхуй хүйтэн хонгилд хэвтэж байхад энэ хоёр юу бодож яваа юм. Би энэ хоёр хүнийг хэзээ ч өршөөхгүй. Энэ хоёр хүнээс би охиныхоо амийг нэхнэ. Өдийд миний охин байсан бол инээж ханиагаад л явж байгаа. Зүгээр байсан хүүхдийг яагаад ийм болгож байгаа юм. Түүнд нь би их гомдолтой байна. Охиныг минь зодож байсан баримт ч байгаа.

Охидын түүх ТББ-ын гүйцэтгэх захирал Э.Цэцэгсайхан: Шүүх шинжилгээний хүрээлэнд бид нэмэлт хүсэлтээ явуулсан. Хууль хяналтын байгууллагад бид тодорхой хугацаа өгөх шаардлагатай. Загвар өмсөгч охины амиа алдсан тухай гадуур янз бүрийн яриа явж байгаа. Хар тамхи хэрэглэдэг, биеэ үнэлдэг, амиа хорлосон гэх мэтээр. Бид охидын эрх ашгийг хамгаалахаар ажилладаг. Хохирогчийг битгий буруутгаач ээ. Үүний үнэн мөнийг олтол тэвчээртэй хүлээгээч ээ. Үнэнийг хэлэхэд талийгаач охины ар гэр хүн бүл цөөтэй. Олон жил цуг ажилласан загвар өмсөгчдөөс би нэг ч хүн олж харсангүй. Одоог хүртэл нэг ч хүн холбогдсонгүй. Үрээ алдсан эх хүний сэтгэлийг ойлгож, эмэгтэй хүн, эх хүнийхээ зүгээс бид нэгдэх ёстой. Үүний эсрэг бидний дуу хоолой хаана хүрэх ёстой тэр хүртэл нь явна. Бидэнд олзуурхууштай нэг зүйл боллоо. Хэрэг хаагдах шатандаа явж байна гэсэн мэдээллүүд яваад байсан. Хэрэг дахин сэргээгдэх болсон. ЦЕГ-ын дарга С.Баатаржав, Хууль зүй дотоод хэргийн сайд Ц.Нямдорж нар энэ хэргийг анхааралдаа авч, ажиллаж байгаа. Дээрээс нь 13 настай охины хэргийг өмгөөлж байсан өмгөөлөгч Р.Булгамаа өмгөөлөгчийн багт бид хүсэлт тавиад шинэ өмгөөллийн багтай болсон. Өмнө нь өмгөөлж байсан хоёр өмгөөлөгч болох Ганбат, Тамир нар хоёр, хоёр сая төгрөг урьдчилгаа болгож аваад хэргийг хаяад хоёр сар гаруй алга болсон. Энэ мөнгийг нь зовж буй эмэгтэйд буцаагаад өгчих.

Нэмэгдсэн өртгийн албан татвар төлөгчийн худалдан авалтад төлсөн нэмэгдсэн өртгийн албан татварыг буцаан олгох журамд зааснаар албан татвар төлөгч нь буцаан олголтод хамрагдахын тулд дараах нөхцөлийг хангасан байна.

1. Албан татвар суутган төлөгчөөс бараа, ажил, үйлчилгээ худалдан авсан тухай бүр худалдан авалтаа нотолсон төлбөрийн баримтыг цаасан эсхүл цахим хэлбэрээр авсан байх.
2. Төлбөрийн баримтын мэдээллийг хэрэглэгчийн хэсэг дэх өөрийн бүртгэлдээ бүртгүүлсэн байна.
3. Албан татвар төлөгчийн албан татварын буцаан олголтоо авах Монгол Улсад бүртгэлтэй банк, дансны дугаар зөрүүтэй талаар нэгдсэн системээс мэдэгдэл хүргүүлсэн тохиолдолд мэдээллийг 15 хоногийн дотор засварлах.

Албан татвар төлөгч нь хэрэглэгчийн овог, нэр, регистрийн дугаар, цахим шуудан /имэйл/-ийн хаяг, утасны дугаар, албан татварын буцаан олголтоо авах Монгол Улсад бүртгэлтэй банк, дансны дугаар зэрэг мэдээллийн үнэн зөвийг өөрөө хариуцах үүрэгтэй.

Албан татвар төлөгч нь 2018 оны сүүлийн өдрийн 24 цаг 00 минутаас өмнө худалдан авсан төлбөрийн баримтын мэдээллийг дараагийн хуанлийн жилийн буюу 2019 оны нэгдүгээр сарын 8-ны дотор цахим төлбөрийн баримтын систем (https://ebarimt.mn/)-д бүртгүүлсэн байна.

НИЙСЛЭЛИЙН ТАТВАРЫН ГАЗАР

Тусгай сонирхлын аялал жуулчлалыг хөгжүүлэх, өвлийн улиралд Улаанбаатар хотод ирэх жуулчдын тоог нэмэгдүүлэх зорилгоор “Улаанбаатарын өвлийн наадам” арга хэмжээг Нийслэлийн Аялал жуулчлалын газар “Скай Резорт” цогцолбортой хамтран хоёрдугаар сарын 16-17-ны өдрүүдэдБогд Хан уулын үзэсгэлэнт Хүрхрээгийн амандзохион байгуулах гэж байна.

Улаанбаатарын өвлийн наадам нь гадаад дотоодын жуулчдад Монголынхоо ёс заншил, өв уламжлал, үндэсний тоглоом наадгай, соёлыг сурталчлан таниулах, шинэ тутам хөгжиж буй нийтийн биеийн тамир, спорт, аяллын төрлүүдийг ард иргэдэд сурталчлах, жилийн дөрвөн улиралтай Улаанбаатар хотдоо өвлийн аялал жуулчлалыг хөгжүүлэх ач холбогдолтой юм.

Тус наадам нь уламжлалт болон орчин үеийн гэсэн хоёр хэсэгтэй. Уламжлалт хэсэгт нь Монголчуудын өвлийн улирлын тоглоом наадгайнууд болох мөсөн шагай, мөсөн сур, үндэсний урлагийн тоглолт, үндэсний хувцасны загварын үзүүлбэр, парад багтдаг. Орчин үеийн хэсэгт нь уран гулгалт, хоккей, тэшүүр, шүхрийн үзүүлэх тоглолт, цана, дөрвөн дугуйт, нохойтой чарга, мөсөн хананд авиралт, сноуборд, рагбигийн тэмцээнүүд зохион байгуулагддаг.

Өвлийн спортоор хичээллэх нь нэгэн төрлийн эмчилгээ болдог бөгөөд амьсгалын замын эрхтнүүдийг дэмжин, үе мөч бэхжүүлэх, зүрх судасны үйл ажиллагааг дэмжих, биеийн булчинг бэхжүүлэх, уян хатан болгох, сэтгэл санааг сэргээх, гүн унталтыг дэмжих зэрэг маш олон эрүүл мэндийн ач холбогдолтой юм. Нийслэлийн Аялал жуулчлалын газраас та бүхнийг амралт, чөлөөт цагаа эрүүл агаарт гэр бүлийн хамт хөгжилтэй дурсамжаар дүүрэн өнгөрүүлэхийг урьж байна гэж нийслэлийн Аялал жуулчлалын газраас мэдээллээ.