Month: December 2018

МҮЭ-ийн гишүүн, харъяа байгууллагуудын санхүү, нягтлан бодох бүртгэлийн ажилтнууд хоёр өдрийн сургалтад хамрагдаж байна.

Сургалтыг МҮЭ-ийн холбооны дэд ерөнхийлөгч С.Эрдэнэбат, ЕНБД Г.Адъяа нар нээж, Аудит, байгууллагын санхүүгийн дотоод хяналт, шалгалт сэдвээр Энич-Аудит ХХК-ийн захирал Г.Чинтуяа, НӨАТ-ын тухай шинэ хууль, ХАОАТ-ын суутгал, тайлангаар ТЕГ-ын улсын ахлах байцаагч Д.Мөнхтуул, НД-ын хууль тогтоомжоор НДЕГ-ын ахлах мэргэжилтэн С.Лхагвадорж, Нягтлан бодох бүртгэлийн өөрчлөлт, ирээдүйн чиг хандлагаар Сангийн яамны НБББГ-ын орлогч дарга Б.Болормаа нар мэдээлэл өгснөөр өнөөдрийн сургалт өндөрлөнө.
Маргаашийн семинараар МҮЭ-ийн холбооны хөгжлийн хөтөлбөрт тусгагдсан санхүүгийн чадавхи, тайлагнах механизмыг сайжруулах асуудлуудаар Дэд ерөнхийлөгч С.Эрдэнэбат, Гишүүн байгууллагуудын санхүүгийн тайлан, баланс, уялдаа холбоо, татвар төлөлт сэдвээр Ерөнхий нягтлан бодогч Н.Мөнхтуул, ҮЭ-ийн дотоод хяналт, ач холбогдол сэдвээр МҮЭХ-ны хяналтын хорооны дарга М.Ганхүрэл, өнөөгийн үйл ажиллагаа, цаг үеийн зорилтуудын мэдээллийг ЕНБД Г.Адъяа нар тус тус өгөх аж.
Сургалт, семинарын төгсгөлд “Санхүүчдийн баяр”-ыг тохиолдуулан үр бүтээлтэй ажилласан зарим ажилтныг шагнаж урамшуулах юм байна.

Нийслэлийн Засаг дарга бөгөөд Улаанбаатар хотын захирагчийн 2016-2020 оны үйл ажиллагааны хөтөлбөрийн 4.2.2 дахь заалтыг хэрэгжүүлэх үүднээс энэ онд нийслэлийн төрийн өмчит бүх ЕБС-ийн 1-5 дугаар ангийн багш нарыг “Амны хөндийн эрүүл мэнд” сургалтанд хамруулсан. Энэхүү сургалтаар дамжуулж нийт 3100 багшийг “Амны хөндийн эрүүл мэнд” гарын авлагаар хангаж, ЕБС-ийн 2018-2019 оны сургалтын хөтөлбөрт эрүүл мэндийн хичээлийн сэдэв болгон багтаасан юм.

Нийслэлийн Эрүүл мэндийн газраас уг ажлыг өргөжүүлэн цэцэрлэгийн багш нарыг хамруулахаар зорьж, Нийслэлийн Засаг даргын А/1043 дугаар захирамжийн дагуу тус сургалтыг үе шаттайгаар зохион байгуулж байна.

Тухайлбал, энэ сарын 07-нд 13:00 цагт нийслэлийн 23 дугаар дунд сургуулийн урлагийн зааланд болох эхний сургалтанд Чингэлтэй дүүргийн төрийн өмчит бүх цэцэрлэгийн эрхлэгч, арга зүйч, дүүргийн болон өрхийн эмнэлгийн эмч, нийгмийн ажилтан, дүүргийн Засаг даргын тамгын газрын эрүүл мэнд, боловсрол хариуцсан мэргэжилтэн, хүүхэд, гэр бүл хөгжлийн мэргэжилтэн нарыг хамруулж, сургагч багш бэлтгэнэ.

Эдгээр сургагч багшаар дамжуулан цэцэрлэгийн багш нарт “Амны хөндийн эрүүл мэнд” сэдвээр мэдлэг олгож, хүүхэд багачууд төдийгүй тэдний эцэг эх, асран хамгаалагч нарын эрүүл мэндийн боловсролыг дээшлүүлэх чухал ач холбогдолтой юм. Маргааш болох сургалтыг Нийгмийн асуудал хариуцсан төслүүдийн удирдагч-Нийслэлийн Засаг даргын орлогч Ш.Анхмаа, Нийслэлийн Эрүүл мэндийн газрын дарга Л.Төмөрбаатар нар нээх юм байна.

Сүүлийн жилүүдэд сургуулийн өмнөх насныхан болон ЕБС-ийн сурагчдын дунд шүдний цоорол өвчин эрс нэмэгдэх болсон. Шүдний цоорол нь чих, хамар хоолойн үрэвсэлт өвчнөөс гадна 200 гаруй төрлийн өвчний шууд шалтгаан болоод зогсохгүй, хүүхдийн суурь өвчин, амьсгалын замын өвчлөлийн дам шалтгаан болж байна.

АШУҮИС-ийн Нүүр ам судлалын сургуулийн 2017 онд хийсэн судалгаагаар, бага насны хүүхдийн 86 хувь нь шүд цоорох өвчин /ШЦӨ/-тэй байсан бол, 14 хувь нь эрүүл гэж гарчээ. Шүд цоорох өвчний тархалт сургуулийн өмнөх насны хүүхдийн дунд 86.2 хувь, сургуулийн насныханы дунд 86.1 хувьтай байсан аж.

Бага насны хүүхдийн дунд шүд цоорох өвчний тархалт өндөр байгаа нь иргэдийн дунд амны хөндийн эрүүл ахуйн мэдлэг хангалтгүй, шүдээ зөв арчлах дадал заншил бүрэн төлөвшөөгүйн улмаас шүдний өвчин үүсч хүндрэх, шүдгүйдэлд хүрэх, үүний улмаас зажлах, хоол боловсруулах эрхтний үйл ажиллагаа хямрах төдийгүй нийгэмд харилцах өдөр тутмын идэвхи алдагдаж, амьдралын чанар буурахад хүргэж байна.

Хууль сахиулахын их сургууль,Шүүхийн шинжилгээний үндэсний хүрээлэн хамтран “Шинжлэн магадлахуйн орчин үеийн асуудлууд-2018”олон улсын эрдэм шинжилгээний хурлыг зохион байгууллаа. Энэхүү хурлаар гадаад орны эрх зүйн орчин, шинжлэн магадлахуйн шинжлэх ухааны ололт амжилтыг нэвтрүүлэх, ХСИС-ийн Шинжлэн магадлахуйн институтын судалгааны арга зүйг боловсронгуй болгох чиглэлээр эрдэмтэн судлаачид илтгэл хэлэлцүүллээ. Уг хуралдХууль зүй, дотоод хэргийн яам, түүний харъяа агентлаг, байгууллага, их, дээд сургууль, эрдэм шинжилгээ, судалгааны хүрээлэн, төрийн бус байгууллагын эрдэмтэн, профессор, багш, судлаачид болонБНСУ-ын Үндэсний цагдаагийн их сургуулийн Цагдаагийн эрх зүйн тэнхимийн багш ЖонКюуРэ, БНСУ-ын Үндэсний цагдаагийн их сургуулийн ЭрхзүйнонолынтэнхимийнбагшЮүСинЖин, Жон Хеэ Рин зэрэг олон улсын эрдэмтэн, судлаачид оролцов.Аливаа хэрэг хянан шийдвэрлэх ажиллагааны явцад шинжээчийн дүгнэлт найдвартай, үнэн зөв байхын тулд шинжлэх ухаан, онол, технологийн ололт амжилтыг ашигладаг байх шаардлагатай. Ингэснээр хүний эрх бүрэн хангагдах шинжлэх ухааны үндэс болно хэмээн тухайн салбарын эрдэмтэн судлаачид үздэг. Тэр ч үүднээс энэхүү олон улсын эрдэм шинжилгээний хурлаар Монгол Улсын шүүхийн шинжилгээний практикт тулгамдаж буй онол, арга зүйн асуудлыг хэлэлцэж, олон улсын шинжлэн магадлахуйн мэдлэгийг шинжилгээний практикт нэвтрүүлэх, бүтээгдэхүүн болгон хувиргах талаар эрдэмтэн судлаач, албан хаагчдын үзэл бодлыг сонсох, шинэ санаа, санаачлагыг шүүн хэлэлцэх, зөвлөмж, гарын авлага гаргахад чиглэсэн байна.

2018 оны 12 дугаар сарын 05-ны өдрийн 10 цагт Шударга өрсөлдөөн, хэрэглэгчийн төлөө газрын 2018 оны гуравдугаар Хуралдаан болж дараах гурван асуудлыг хэлэлцэн шийдвэрлэсэн байна. Үүнд:

1.“Таван богд кашмер” ХХК, “Ти Би Шэйр” ХХК болон “Эф Си Ай” ХХК-ийн нэгдэх, нийлэх замаар өөрчлөн байгуулагдахад дүгнэлт гаргах,

2.Газрын тосны бүтээгдэхүүний зах зээлд давамгай байдалтай аж ахуй эрхлэгчийг тогтоох судалгаа,

3. Хийжүүлсэн ундааны зах зээлд давамгай байдалтай аж ахуй эрхлэгчийг тогтоох судалгаа,

Хуралдааны явцад Захиргааны ерөнхий хуульд заасан журмын хүрээнд сонсох ажиллагаа явуулж, хэлэлцсэн асуудал тус бүрт эрх, ашиг сонирхол нь хөндөгдөж буй аж ахуйн нэгж, байгууллагын төлөөллийг оролцуулан тайлбар, саналыг нь сонссон байна. Тухайлбал “Таван богд кашмер” ХХК, “НИК” ХХК-ний удирдлага, холбогдох албаны төлөөлөл оролцлоо.

Хэлэлцэгдсэн асуудлыг Хуралдааны дарга, гишүүд дэмжиж нийт 3 тогтоол гаргахаар шийдвэрлэсэн юм.

Тухайлбал “Таван богд кашмер” ХХК, “Ти Би Шэйр” ХХК болон “Эф Си Ай” ХХК-ийн нэгдэхийг зөвшөөрсөн дүгнэлт гаргаж шийдвэрлэсэн бол газрын тосны бүтээгдэхүүний 90-ээс доош октантай автобензины зах зээлд “НИК” ХХК-ийг, хийжүүлсэн ундааны зах зээлд “M-Си-Эс Кока-Кола” ХХК-ийг тус тус давамгай байдалтай аж ахуй эрхлэгчээр тогтоож, давамгай байдалтай аж ахуй эрхлэгчийн бүртгэлд бүртгэх шийдвэрийг тус тус гаргасан байна.

ШУДАРГА ӨРСӨЛДӨӨН,ХЭРЭГЛЭГЧИЙН ТӨЛӨӨ ГАЗАР

2018 оны 11 дүгээр сарын 29-30-ны өдрүүдэд БНХАУ-ын Зах зээлийг хянан зохицуулах ерөнхий газрын дарга Жан Маогийн урилгаар Шударга өрсөлдөөн, хэрэглэгчийн төлөө газрын удирдлага тус байгууллагад албан айлчлал хийв.

Тус айлчлалын хүрээнд хоёр байгууллага хэрэглэгчийн эрхийг хамгаалах чиглэлээр харилцан ойлголцлын санамж бичгийг байгуулсан юм. Мөн албан уулзалтаар хоёр тал хэрэглэгчийн эрхийг хамгаалах чиглэлээрх сүүлийн үеийн хэрэгжүүлж буй ажил болон цаашид хамтран зохион байгуулах хурал, уулзалт, сургалтын талаар санал солилцов.

Түүнчлэн энэхүү албан айлчлалын хүрээнд Зах зээлийг хянан зохицуулах ерөнхий газрын харьяаны “Хэрэглэгчийн эрхийг хамгаалах холбоо”-ны дотоод үйл ажиллагаатай танилцаж, удирдлага хооронд байгууллагын үйл ажиллагааг танилцуулсан найрсаг албан уулзалтыг хийлээ. “Хэрэглэгчийн эрхийг хамгаалах холбоо” нь улсын хэмжээнд Хэрэглэгчийн эрхийг хамгаалах хуулийн дагуу хяналт шалгалт хийж, хохирол барагдуулан ажилдаг. Тус холбооноос аж ахуй нэгжийн төлөөлөл болгож 2017 оны “Бээжин хотын хэрэглэгчийн хүндэтгэлийг хүлээсэн байгууллага” өргөмжлөлтэй Цүй Хуа нэрийн их дэлгүүрийн Хэрэглэгчийн төвтэй танилцуулсан юм.

Шударга өрсөлдөөн, хэрэглэгчийн төлөө газрын урилгаар энэ оны 12 дугаар сарын 12-нд БНХАУ-ын Зах зээлийг хянан зохицуулах ерөнхий газрын дарга Жан Мао тэргүүтэй төлөөлөгчид хүрэлцэн ирж, өрсөлдөөний чиглэлээр хамтран ажиллах санамж бичгийг байгуулан хамтын ажиллагааг өргөжүүлэх юм

ХАМТЫН АЖИЛЛАГААНЫ ГАЗАР

Өмнөговь аймгийн ИТХ-ын Тэргүүлэгчдийн 176 дугаар тогтоолоор 2018 оныг “Бүтээн байгуулалтын жил” болгон зарласан. Салбар бүрийг хамарсан бүтээн байгуулалт сум бүрт өрнөж байгаа бөгөөд нийт 103,8 тэрбум төгрөгийн ажил хийсэн байна. Түүний нэг болох 640 хүүхдийн сургууль, 200 хүүхдийн цэцэрлэгийн цогцолбор барилга Ханбогд суманд сүндэрлэж 12 дугаар сарын 05-ны билэгт сайн өдөр ийнхүү нээлтээ хийлээ.

ЖДҮХС-гаас зээл авсан УИХ-ын гишүүдэд хариуцлага тооцохгүй байгаа бөгөөд МАН-ын дарга тодорхой хүмүүсийг намаас хөөнө, хариуцлага тооцно гэсэн боловч иргэдийг хуурсан хэмээн үзэж байгаа тул “Нэхүүл” нам бус залуучуудын хөдөлгөөнөөс тэмцлийн хурц хэлбэрт шилжихээ өнөөдөр мэдэгдлээ.Тус холбооныхон арваннэгдүгээр сарын 14-16-нд өлсгөлөн зарлах гэсэн боловч Сүхбаатар дүүргийн Засаг дарга зөвшөөрөл өгөөгүй нь иргэд үзэл бодлоо хуулийн дагуу илэрхийлэх эрхийг хязгаарлаж байна гэсэн юм. Гэсэн ч тус холбооны гурван гишүүн өөрсдийн хүсэлтээр өлсгөлөн зарлах гэж байгаагаа дуулгалаа. Жирийн иргэн гар утас хулгайлсны төлөө жилийн ял эдэлж байхад ЖДҮХС-аас хууль бусаар зээл авсан гишүүдэд огт хариуцлага тооцохгүй байгааг шударга бус хэмээн шүүмжилж буй. Тиймээс ЖДҮХС-гаас зээл авсан УИХ-ын гишүүддээ хариуцлага тооцож, УИХ-ын гишүүний бүрэн эрхийг нь түдгэлзүүлэх ёстой гэсэн ганц л шаардлагыг тавьж байгаагаа илэрхийллээ. Энэ хариуцлагыг тооцтол “Нэхүүл” нам бус залуучуудын хөдөлгөөн тэмцсээр байхаа мэдэгдэв.

МЗХ, МОХ, МСХ зэрэг байгууллагууд энэ сарын 03-аас яамд, төрийн байгууллагуудаар аялж, авлига авдаггүй, үнэнч шударга, сайн төрийн албан хаагчид олон байдгийг алдаршуулах зорилгоор “Бичгийн хавчаар” аяныг эхлүүлээд байна.

“Бичгийн хавчаар”-ыг авлигын эсрэг хийж буй үйлдлийн бэлгэ тэмдэг болгон, үнэт зүйлдээ үнэнч, шударга ёсыг эрхэмлэгч залуусын гоёл байхаар тооцжээ. Түүнчлэн бичгийн хавчаар сонгосон шалтгаан нь төрийн байгууллагын албан хаагчид, залуус үнэт зүйлээрээ нэгдэж байгааг илэрхийлж байгаа хэрэг юм байна. Үүнээс гадна, бичгийн хавчаар зүүсэн хүнтэй авлига өгөх, авах талаар яриад ч хэрэггүй, тэр хүн үүний эсрэг байдаг, түүндээ үнэнч гэдгийг хараад л мэдэх боломжтой гэдгийг зохион байгуулагчид онцолж байна. “Бичгийн хавчаар” аяны хүрээнд ТЕГ-ын Төрийн захиргааны удирдлагын газрынхан Татварын ерөнхий газрын Авлигаас урьдчилан сэргийлэх Иргэний хяналтын зөвлөлийн гишүүн Ш.Эрдэнэцэцэгтэй хамтран авлигын эсрэг нэг үйлдэл хийж, авлигагүй иргэн, авлига өгөхгүй, авахгүй гэдгээ илэрхийлэх, мөн өөрийн үнэт зүйлсийн нэгийг шууд таниулах “Бичгийн хавчаар” аяныг байгууллага дээрээ зохион байгууллаа. Ийнхүү “Бичгийн хавчаар” аянд Татварын ерөнхий газрын албан хаагчид нэгдэж буйгаа илэрхийлэн бичгийн хавчаар зүүсэн байна.