Нийслэлийн Онцгой байдлын газраас нийслэлийн Засаг даргын Тамгын газар, “Дэлхийн зөн Монгол” олон улсын байгууллагатай хамтран хот суурин газрын гамшгийн эрсдэлийг бууруулах, гамшгийн менежментийг сайжруулах, даван туулах чадавхыг бэхжүүлэхэд чиглэсэн “Гамшигт тэсвэртэй Улаанбаатар” төслийг өнгөрсөн хоёр жилийн хугацаанд нийслэлийн 9 дүүргийн зорилтот 9 хороонд хэрэгжүүлсэн билээ Тэгвэл энэхүү төслийг дахин хоёр жилийн хугацаатайгаар АНУ-ын Олон улсын хамтын ажиллагааны гадаад улс орнуудын гамшигт тусламж үзүүлэх газрын санхүүжилтээр “Дэлхийн зөн Монгол” олон улсын байгууллагатай хамтран хэрэгжүүлэхээр боллоо. Төслийн нээлтийн ажиллагаанд нийслэлийн Засаг даргын дэд бүтцийн хөгжлийн асуудал хариуцсан орлогч дарга П.Баярхүү, нийслэлийн Онцгой байдлын газрын дарга, хурандаа Ж.Чүлтэмсүрэн, “Дэлхийн зөн Монгол” олон улсын байгууллагын үйл ажиллагааны захирал Г.Энхзул нар оролцсон юм Төсөлд нийслэлийн 9 дүүргийн 9 хороо, Орхон аймгийн 6 баг, 4 байгууллага хамрагдана гэж нийслэлийн Онцгой байдлын газраас мэдээллээ.
Засгийн газрын ээлжит бус өргөтгөсөн хуралдаан өнөөдөр болж агаарын бохирдлыг бууруулах чиглэлээр хийж байгаа ажлын талаар мэдээлэл сонсож, шийдвэр гаргалаа. 
Дэлхийн байгаль хамгаалах сангийн Монгол дахь хөтөлбөрөөс МУИС болон ШУА-ийн Биологийн хүрээлэнгийн мэргэжилтнүүдтэй хамтран манай улс дахь ирвэсийн тоо толгойг судлан тогтоохоор ажиллаж байна. Хамгийн сүүлд 2000-2002 онд хийсэн тооллогоор Монгол Улсад 500-1000 цоохор ирвэс байна хэмээн тогтоожээ. Одоо гарах дүн Монгол Улсыг төдийгүй дэлхийг гайхшируулах тоо гарна гэдэгт найдаж байгаагаа Дэлхийн байгаль хамгаалах сангийн Монгол Улс дахь хөтөлбөрийнхөн үзэж байна. Тооллогыг олон улсын шинэ аргачлалаар хийж байгаа бөгөөд тооллогын хүрээнд манай улсын хэмжээнд 13 баг ажиллаж байгаа аж. “Тооллогын явцад цоохор ирвэс нь Монголын хаана хаана байгааг тогтоохоор өндөр уулсын эко системийг сонгож аван эрдэмтэн судлаачдын баг ажиллаж байна. Тооллогын нэгдсэн дүнг ирэх оны 5-р сард гаргахаар төлөвлөж байна. Цоохор ирвэс дэлхийн хэмжээнд 12 улсад байдаг. Манай улс цоохор ирвэсийн тоо толгойгоор дэлхийд хоёрдугаарт ордог байна.
Улсын Их Хурлын дарга М.Энхболд Улсын Их Хурлын гишүүн, Улсын Их Хурал дахь МАН-ын бүлгийн дарга Д.Тогтохсүрэнг 50 нас хүрч буйг нь тохиолдуулан өнөөдөр (2018.12.21) авч уулзаж, хүндэтгэл үзүүлэв.
Эрүүл мэндийн яамнаас шинэ жилийн баярыг тохиолдуулан иргэдэд эрүүл мэндээ эрсдлээс хамгаалах чиглэлээр мэдээлэл хүргэх зорилгоор өнөөдөр хэвлэлийн бага хурал хийлээ. Уг хуралд ЭМЯ-ны ОНХТШУХ-ийн дарга Д.Нарангэрэл, ГССҮТ-ийн сургалт мэдээллийн төвийн дарга Б.Түмэн-өлзий, НЭМҮТ-ийн хоол судлаач Б.Туул, ХӨСҮТ-ийн яаралтай тусламжийн тасгийн их эмч Т.Мөнхзул, нар оролцож, Томуу, томуу төст өвчин,хоолны хордлого,осол гэмтлээс урьдчилан сэргийлэх, баярын үеэр бэлэг сонгохдоо юуг анхаарах талаарх мэдээллийг өглөө. 
НӨАТ-ын урамшууллын 2018 оны арваннэгдүгээр сарын сугалааны тохирол энэ сарын 23-ны өдөр буюу ням гаригт явагдана. Энэ удаагийн тохирлын супер шагнал 200 сая төгрөг юм. Иргэд 2018 оны арваннэгдүгээр сарын 1-нээс арваннэгдүгээр сарын 30-ны өдөр хүртэлх хугацаанд худалдан авалт хийсэн баримтаа 2018 оны маргааш өдрийн 23 цаг 59 минутаас өмнө Цахим төлбөрийн баримтын системд бүртгүүлээрэй. Сугалааны тохирлыг арын оронгоос эхлэн тодруулах бөгөөд таны баримтын арын найман орон тохирсон бол та 50 сая төгрөг, долоон орон тохирсон бол 10 сая, зургаан орон тохирсон тохиолдолд таван сая төгрөг, таван орон тохирсон бол нэг сая, дөрвөн орон тохирвол 200 мянга, гурван орон тохирсон бол та 50 мянган төгрөг хожих юм. Харин Супер азтан өмнөх тохиролд тодроогүй учир 25 сая төгрөг нэмэгдэж, нийтдээ 200 сая төгрөг хожих боломж бүрдсэн байна.
