Month: December 2018

2018 оны эхний 10 сард хөдөлмөрийн зах зээлд гарч буй үндсэн өөрчлөлтийг аймаг, дүүргийн Хөдөлмөр, халамжийн үйлчилгээний газар, хэлтсийн үйл ажиллагааны түвшинд гарган улсын дүнг нэгтгэсэн болно

1 Ажил хайгч иргэн

2018 оны 10 сарын байдлаар аймаг, дүүргүүдийн Хөдөлмөр, халамжийн үйлчилгээний газар, хэлтсүүдэд ажил идэвхтэй хайж буй ажил хайгч иргэдийн тоо 39182 болж өмнөх сараас 5159 хүнээр буюу 15.1 пунктээр өссөн ба өмнөх оны мөн үеэс 5833 хүнээр буюу 17,4 пунктээр өссөн байна.

Нийт ажил хайгч иргэдийн 6142 буюу 15,7 хувь нь Баруун бүсэд, 7876 буюу 20,1 хувь нь Хангайн бүсэд 5902 буюу 15,1 хувь нь Төвийн бүсэд, 3278 буюу 8,4 хувь нь Зүүн бүсэд, 15984 буюу 40,8 хувь нь Улаанбаатарт байна.

Ажил хайгч иргэд: насаар, хүйсээр

Ажил хайгч иргэдийг насны бүлгээр авч үзвэл 16,7 хувь буюу 6536 нь15-24 насны, 37,5 хувь буюу 14674 нь 25-34 насны, 25,9 хувь буюу 10149 нь 35-44 насны, 16 хувь буюу 6266 нь 45-54 насны, 3,1 хувь буюу 1231 нь 55-59 насны, 0,8 хувь буюу 326 нь 60-аас дээш насныхан эзэлж байна.

.Ажил хайгч иргэд: боловсролоор

Нийт ажил хайгч иргэдийн 465 буюу 1.2 хувь нь магистр, доктор, 10480 буюу 26,7 хувь нь дипломын болон баклаврын, 1876 буюу 4.8 хувь нь тусгай мэргэжлийн дунд, 2277 буюу 5,8 хувь нь техникийн болон мэргэжлийн,20506 буюу 52,3 хувь нь бүрэн дунд, 2242 буюу 5.7 хувь нь суурь, 817 буюу 2,1 хувь нь бага, 519 буюу 1,3 хувь нь боловсролгүй иргэд эзэлж байна.

2.Бүртгэлтэй ажилгүй иргэд

2018 оны 10 сарын байдлаар аймаг, дүүргүүдийн Хөдөлмөр, халамжийн үйлчилгээний газар, хэлтсүүдэд бүртгэлтэй ажилгүй иргэдийн тоо 27252 болж өмнөх сараас 3071 хүнээр буюу 12,7 пунктээр өссөн ба өмнөх оны мөн үетэй харьцуулан авч үзвэл: өмнөх оны мөн үеэс 3053 хүнээр буюу 12,6 пунктээр өссөн байна

Нийт бүртгэлтэй ажилгүй иргэдийн 4312 буюу 15,8 хувь нь Баруун бүсэд, 5681 буюу 20,8 хувь нь Хангайн бүсэд 4367 буюу 16 хувь нь Төвийн бүсэд, 2550 буюу 9,4 хувь нь Зүүн бүсэд, 10342 буюу 37,9 хувь нь Улаанбаатарт байна

Бүртгэлтэй ажилгүй иргэд: насаар, хүйсээр

Бүртгэлтэй ажилгүй иргэдийг насны бүлгээр авч үзвэл 19.3 хувь буюу 5257 нь15-24 насны, 38.2 хувь буюу 10422 нь 25-34 насны, 24,2 хувь буюу 6599 нь 35-44 насны, 14.5 хувь буюу 3958 нь 45-54 насны, 2,9 хувь буюу 795 нь 55-59 насны, 0.8 хувь буюу 221 нь 60-аас дээш насныхан эзэлж байна.

Бүртгэлтэй ажилгүй иргэд: боловсролоор

Нийт бүртгэлтэй ажилгүй иргэдийн 323 буюу 1,2 хувь нь магистр, доктор, 8006 буюу 29,4 хувь нь дипломын болон баклаврын, 1288 буюу 4.7 хувь нь тусгай мэргэжлийн дунд, 1699 буюу 6.2 хувь нь техникийн болон мэргэжлийн, 13543 буюу 49,7 хувь нь бүрэн дунд, 1521 буюу 5.6 хувь нь суурь, 531 буюу 1,9 хувь нь бага, 341 буюу 1,3 хувь нь боловсролгүй иргэд эзэлж байна.

Нийт бүртгэлтэй ажилгүй иргэдийн 14381 буюу 52.7 хувийг эмэгтэйчүүд эзэлж байна.

3 Ажил мэргэжлийн чиг баримжаа олгох үйлчилгээ:

Ажил, мэргэжлийн чиг баримжаа олгох, зөвлөгөө өгөх, мэдээллээр хангах үйлчилгээ үзүүлсэн байдлыг 2018 оны 10 дугаар сарын байдлаар авч үзвэл:

Ганцаарчилсан зөвлөгөө авсан иргэд боловсролын түвшинг харуулбал:

Ажил, мэргэжлийн чиг баримжаа олгох, зөвлөгөө өгөх, мэдээллээр хангах үйлчилгээ авсан байдлыг байршилаар харуулвал:

Аймаг, дүүрэг, байгууллагаар

Ганцаарчилсан зөвлөгөө авсан хүний тоо

Бүлгийн сургалт, зөвлөгөө авсан хүний тоо

1 Баруун бүс-Дүн 3148 3309

2 Баян-Өлгий 749 1272

3 Говь-Алтай 593 37

4 Завхан 413 300

5 Увс 791 183

6 Ховд 602 1517

7 Хангайн бүс-Дүн 3591 4529

8 Архангай 551 315

9 Баянхонгор 519 96

10 Булган 544 38

11 Орхон 368 747

12 Хөвсгөл 869 2189

13 Өвөрхангай 740 1144

14 Төвийн бүс-Дүн 2963 5597

15 Говьсүмбэр 192 368

16 Дархан-Уул 873 1839

17 Дорноговь 239 371

18 Дундговь 336 638

19 Сэлэнгэ 624 1181

20 Төв 439 894

21 Өмнөговь 260 306

22 Зүүн бүс-Дүн 2152 1834

23 Дорнод 701 498

24 Сүхбаатар 389 524

25 Хэнтий 1062 812

26 Улаанбаатар 13988 14803

27 Багануур 260

28 Багахангай 117

29 Баянгол 1730

30 Баянзүрх 2749

31 Налайх 275

32 Сонгинохайрхан 3675

33 Сүхбаатар 1930

34 Хан-Уул 1543

35 Чингэлтэй 1709

36 УЛСЫН ДҮН 25842 30072

4.Ажил олгогчдоос ирүүлсэн ажлын байрны захиалга:

2018 оны 10 сард ажил олгогчдоос нийт 51643 ажлын байрны захиалга ирүүлсэн байна. Өнгөрсөн оны мөн үетэй харьцуулахад тайлант хугацаанд ажил олгогчдоос ирүүлсэн ажлын байрны захиалга 12504-өөр буюу 31,9 хувиар өссөн байна.

Ажлын байрны захиалгыг эдийн засгийн үйл ажиллагааны салбарын ангиллаар 2018 оны 10-р сарын байдлаар авч үзвэл дараах байдалтай байна.

Эдийн засгийн үйл ажиллагааны салбарын ангилал

Ажил олгогчдоос ирүүлсэн ажлын байрны захиалгын тоо

Эзлэх хувь /%/

1 Хөдөө аж ахуй, загас барилт, ан агнуур 3490 6.8

2 Уул уурхай олборлолт 3974 7.7

3 Боловсруулах үйлдвэр 4610 8.9

4 Цахилгаан, хий, уур агааржуулалт 535 1.0

5 Усны хангамж бохир ус зайлуулах систем хог хаягдал 432 0.8

6 Барилга 6130 11.9

7 Бөөний ба жижиглэнгийн худалдаа үйлчилгээ 1731 3.4

8 Тээвэр ба агуулахын үйл ажиллагаа 752 1.5

9 Зочид буудал, зоогийн газар 1722 3.3

10 Мэдээлэл холбоо 372 0.7

11 Санхүүгийн болон даатгалын үйл ажиллагаа 928 1.8

12 Үл хөдлөх хөрөнгийн үйл ажиллагаа 23 0.0

13 Мэргэжлийн шинжлэх ухаан болон техникийн үйл ажиллагаа 67 0.1

14 Удирдлагын болон дэмжлэг үзүүлэх үйл ажиллагаа 1393 2.7

15 Төрийн удирдлага болон батлан хамгаалах үйл ажиллагаа 1075 2.1

16 Боловсрол 2847 5.5

17 Эрүүл мэнд, нийгмийн халамж 3215 6.2

18 Урлаг үзвэр тоглоом наадам 346 0.7

19 Үйлчилгээний бусад үйл ажиллагаа 17606 34.1

20 Хүн хөлслөн ажиллуулдаг, өрхийн аж ахуй 341 0.7

21 Олон улсын байгууллага суурин төлөөлөгчийн үйл ажиллагаа 54 0.1

51643 100

Ажлын байрны захиалгыг ажил мэргэжлийн ангиллаар авч үзвэл дараах байдалтай байна.

Ажил мэргэжлийн ангилал

Ажил олгогч доос ирүүлсэн ажлын байрны захиалгын тоо

Эзлэх хувь /%/

1 Менежер 3164 6.1

2 Мэргэжилтэн 8205 15.9

3 Техникч болон туслах /дэд мэргэжилтэн/ 6012 11.6

4 Контор үйлчилгээний ажилтан 3405 6.6

5 Худалдаа үйлчилгээний ажилтан 7214 14.0

6 ХАА, загас ан агнуурын ажилтан 2147 4.2

7 Үйлдвэрлэл, барилга, гар урлал, холбогдох ажил, үйлчилгээний ажилтан 9076 17.6

8 Суурин төхөөрөг, машин механизмын операторч, угсрагч 2696 5.2

9 Энгийн ажил, мэргэжил 9390 18.2

10 Зэвсэгт хүчний ажил, мэргэжил 334 0.6

ДҮН 51643 100

5. Ажилд зуучлах үйлчилгээ:

2017 оны 10 сарын байдлаар Ажил олгогчдоос нийт 51643 ажлын байрны захиалга ирүүлсэнээс 31558 иргэнийг эдгээр ажлын байранд ажилд зуучлан оруулсан байна. Энэ нь ажлын байрны ашиглалт 61,1 хувьтай байгаа бөгөөд өнгөрсөн оны мөн үетэй харьцуулахад ажилд зуучлан оруулсан хүний тоо 5791 хүнээр буюу 22,4 пунктээр өссөн үзүүлэлттэй байна.

Ажилд зуучлагдсан иргэдийг байршил, хүйсээр харуулвал

Бүгд

Эмэгтэй

1 Баруун бүс 4184 1876

2 Баян-Өлгий 764 237

3 Говь-Алтай 584 273

4 Завхан 894 463

5 Увс 789 355

6 Ховд 1153 548

7 Хангайн бүс 6079 3080

8 Архангай 854 412

9 Баянхонгор 767 381

10 Булган 1228 512

11 Орхон 1231 734

12 Өвөрхангай 963 485

13 Хөвсгөл 1036 556

14 Төвийн бүс 4876 2320

15 Говьсүмбэр 368 177

16 Дархан-Уул 707 318

17 Дорноговь 539 227

18 Дундговь 589 248

19 Өмнөговь 726 381

20 Сэлэнгэ 964 490

21 Төв 983 479

22 Зүүн бүс 2816 1277

23 Дорнод 1081 422

24 Сүхбаатар 777 363

25 Хэнтий 958 492

26 Улаанбаатар 13603 7125

27 Хан-Уул 1673 908

28 Багануур 434 216

29 Баянзүрх 3138 1707

30 Налайх 463 206

31 Баянгол 1393 684

32 Сүхбаатар 1780 958

33 Чингэлтэй 1275 658

34 Багахангай 162 74

35 Сонгинохайрхан 3285 1714

36 УЛСЫН ДҮН 31558 15678

Нийт ажилд зуучлагдан орсон иргэдийг ажил мэргэжлийн ангиллаар авч үзвэл:

6,Шинээр бий болсон ажлын байр

Улсын хэмжээнд 2018 оны 10 сард нийт 19000 ажлын шинэ байр бий болж, түүнд ажилгүй иргэдийг бүрэн байршуулсан байна.

Тайлант хугацаанд нийт 19000 ажлын шинэ байрыг бүртгэж тухайн ажлын байранд ажилд орсон иргэдийн мэдээллээр баталгаажуулсан байна. Ажлын шинэ байранд ажилд орсон иргэдийг өмнөх оны мөн үетэй харьцуулан авч үзвэл 455 хүнээр буурч 2,4 хувиар өссөн үзүүлэлттэй байна.

Нийт бий болсон шинэ ажлын байрыг ажил мэргэжлийн ангиллаар авч үзвэл:

Монгол Улсад архивын байгууллага үүсч хөгжсөний 91, нийслэлд архивын байгууллага үүсч хөгжсөний 60 жилийн ойн баяр өнөөдөр тохиож байна. Ойн өдрийг тэмдэглэн өнгөрүүлэх ажлын хүрээнд нийслэлийн Архивын газраас ахмад, дунд, залуу гурван үеийн архивчдын уулзалтыг зохион байгууллаа.

Архивын салбарын ололт амжилтыг түгээн дэлгэрүүлэх, харилцан туршлага солилцох, архивын салбараас төрсөн гавьяат үйлстний хөдөлмөр, бүтээлийг тодруулан алдаршуулах, ахмад, дунд, залуу үеийн залгамж холбоог сайжруулах, тэдний дурсамж, зөвлөгөөг сонсох зорилготой уулзалт болсон юм.

Нийслэлийн Архивын газрын дарга С.Гаваа “Ахмад үеийн архивчид маань залуу, дунд үеийнхэндээ зааж, зөвлөх, ажлын туршлагаасаа хуваалцах зүйлс маш олон байдаг. Архивын байгууллага цаг үетэйгээ уялдаж шинэ шатанд гарах шаардлагатай байна. Гэтэл өмнөх үеийн дадлага, туршлага уламжлалаа авч үлдэх хэрэгтэй. Тйим учраас энэ удаагийн уулзалтыг зохион байгуулж байна” хэмээлээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Шүүгчийн эрх зүйн байдлын тухай хуулийн 11 дүгээр зүйлийн 11.6 дахь хэсэгт “Нэр дэвшигчийн талаар олон нийтээс хуульд заасан шаардлага хангасан хэлбэрээр ирүүлсэн мэдээллийг нягтлан шалгаж, бодитой санал дүгнэлт гаргаж, Шүүхийн ерөнхий зөвлөлийн гишүүдэд Шүүхийн мэргэшлийн хорооны ажлын алба танилцуулна” гэж заасан.

Шүүхийн ерөнхий зөвлөлийн даргын 2018 оны 121 дүгээр тушаалаар “Анхан шатны шүүхийн шүүгчийн шалгалт” зарласан. Тус шалгалтад оролцож буй хуульчийн ёс зүй, зан төлөвийг шалгах шалгалтын хүрээнд Шүүхийн мэргэшлийн хороо тухайн нэр дэвшигчийн “намтар судлах” шалгалтын ажиллагааг явуулж байна.

Иймд Та дараах линкээр холбогдон Анхан шатны шүүхийн шүүгчийн шалгалтад оролцож буй хуульчдын мэдээлэлтэй танилцах боломжтой бөгөөд нэр бүхий хуульчид холбогдуулан хуульд заасан хэлбэрийн шаардлага хангасан мэдээллийг Шүүхийн мэргэшлийн хорооны дарга, гишүүдэд нэр заан хаяглаж, эсхүл Шүүхийн мэргэшлийн хорооны Ажлын албанд ирүүлэх боломжтой болохыг мэдэгдэе.

Хүүхэд залуучуудыг хүрээлэн буй орчин, нийгэмдээ хариуцлагатай, дэлхийн иргэн болгон төлөвшүүлэх, хамтран ажиллаж, аж төрж суралцахад сургах, уур амьсгалын өөрчлөлт зэрэг глобал асуудлыг хамтдаа шийдэхэд сургах зорилготой “Тогтвортой хөгжлийн боловсрол” хөтөлбөрийг БСШУСЯ, БОАЖЯ санаачлан Швейцарийн хөгжлийн агентлагийн санхүүжилтээр хэрэгжүүлээд байгаа юм. 2015 оноос эхлэн хэрэгжсэн төслийн хэрэгжүүлэгчээр Германы олон улсын Хамтын ажиллагааны нийгэмлэг (GIZ), Шведийн Усалагийн их сургууль, Швейцарийн IZB хамтарсан консорциум хамтран ажилласан байна.

Төслийн эхний үе шатны үр дүнг танилцуулах тус арга хэмжээнд БОАЖЯ-ны Төрийн нарийн бичгийн дарга, “Тогтвортой хөгжлийн боловсрол” төслийн удирдах хорооны дарга Ц.Цэнгэл, Швейцарийн хөгжлийн агентлагийн дэд захирал, төслийн удирдах хорооны гишүүн Илария Дали, Германы олон улсын Хамтын ажиллагааны нийгэмлэгийн Монгол дахь суурин төлөөлөгч Даниел Пасcон, “Тогтвортой хөгжлийн боловсрол” төслийн захирал А.Амгалан болон төсөл хэрэгжсэн аймаг орон нутгийн удирдлагууд, цэцэрлэг сургуулийн төлөөлөл сурагч, оюутнууд оролцсон юм. Энэ үеэр орон нутгуудад хийсэн төслийн ажлын үйл явцыг харуулсан бичлэг, төслийн бүрэлдэхүүн хэсгүүдийн онцлох үр дүн, “Ногоон хөгжил”, тогтвортой хөгжлийн чиглэлээр БОАЖЯ-тай хамтран хийсэн ажлууд, гарсан үр дүн, мөн БСШУСЯ-тай хамтран ерөнхий боловсролын сургуулиудад нэвтрүүлсэн үйл ажиллагааны явц үр дүнг танилцуулснаас хүргэж байна.

БОАЖЯ-ны Төрийн нарийн бичгийн дарга Ц.Цэнгэл хэлэхдээ, “Энэ төслийг БСШУЯ, БОАЖЯ тус бүр ээлж дараалан удирдлагаар хангаж ажиллаж ирсэн. Төсөл хэрэгжсэн 6 аймгийн бүх сумдад “Ногоон эко” хөгжлийн сургууль, суурь боловсролыг бий болгоход анхаарч, 3000 багш сурган хүмүүжүүлэгчийг бэлтгэснээр төслийн гол бааз суурь бий боллоо. Бэлтгэсэн багш нар цаашаа хичээлээ заагаад явна. “Ногоон сургууль”, “Ногоон эдийн засаг” зэрэг олон чиглэлээр багш сурагчдыг мэдлэг, мэдээллээр хангаж, эрчим хүчний алдагдал хаанаас гардаг, халаалтыг хаанаас хангах ёстой гэх мэт, хөрөнгө мөнгө гаргахгүйгээр хийх энгийн аргуудыг сургалаа. БОАЖЯ-ны стандартыг төслийн хүрээнд бий болгосон. Эрчим хүчийг яаж хэмнэх, хог хаягдал дээр хэрхэн ажиллах, усыг зөв ашиглах зэрэг зэргээр төслийн хүрээнд олон ажил хийсэн нь үр дүнг үзүүллээ. Монгол орныг хамарсан энэхүү төсөлд сургуулийн хүүхдүүд их оролцож, “Эко” сургууль, цэцэрлэг, албан байгууллагууд болоход нийслэл хотоос аваад орон нутгийхан өрсөлдлөө. Бүх сургууль цаашдаа ногоон стандарттай болмоор байна. Тухайлбал, өөрсдийн ногооны талбайтай болж, үдийн цайныхаа хэрэглээг хангаж, хүсний ногоогоо хэрэглэдэг болчихвол Монгол Улсын бүх сургууль ийм стандартыг хэрэгжүүлнэ. Хотын сургууль өөр газар ногоогоо тариалаад байж болно” гэсэн юм.

Швейцарийн хөгжлийн агентлагийн дэд захирал, “Тогтвортой хөгжлийн боловсрол” төслийн удирдах хорооны гишүүн Илария Дали хэлэхдээ, “Монгол Улс Тогтвортой хөгжлийн зорилтуудыг хэрэгжүүлэхдээ стратеги төлөвлөгөө, Үндэсний хөтөлбөр гаргалаа Тэр нь Тогтвортой хөгжлийн боловсрол гэдэг үйл ажиллагааг сургуулийн нөхцөл байдалд ялангуяа бага сургуулиас дээд сургууль гээд бүхий л түвшинд хэрхэн оновчтой төлөвлөж хэрэгжүүлэх гэдэгт анхаарсан.Боловсролын салбарт “Тогтвортой хөгжлийн боловсрол”-ын анги танхимуудыг бий болгож, боловсролын “Цөм” хөтөлбөрийн шинэчлэлийг бий болгосон. Энэ нь эргээд сурагчдад үр ашгаа өгч “Эко” сургуулиудыг дэмжиж өгсөн. Хүүхдүүд академик мэдлэгээс гадна практик талын мэдлэг олж авч байна. Зарим сургууль гаднаа ногоон орчинг бий болгож, хүлэмж барьж, хүүхдүүдийг сургаж байна. Мөн хог хаягдлыг ангилж ялгаж, эрчим хүчийг хэмнэх аргад сургаж байна. Хөтөлбөр цаашид илүү их үр дүнг авчирна гэдэгт итгэлтэй байна” гэсэн юм.

Германы олон улсын Хамтын ажиллагааны нийгэмлэгийн Монгол дахь суурин төлөөлөгч Даниел Пасcон, “Бид өнөөдөр хамтдаа энэ арга хэмжээг зохион байгуулж төслийг хэрэгжүүлэхэд Монгол Улсад цаашдаа илүү олон хүнд хүргэх тал дээр хүчин чармайлтаа зогсоох ёсгүй юм байна гэсэн бодол төрсөн. 2015 онд НҮБ-аас 2030 он хүртэл дэлхий даяар хэрэгжүүлэхээр тохиролцоод үйл ажиллагаа явуулж буй “Тогтвортой хөгжлийн зорилтууд”-ыг хангахын тулд Тогтвортой хөгжлийн боловсролд анхаарлаа хандуулах шаардлага үүссэн. Ногоон хөгжлийн үзэл баримтлалыг олон нийтэд хүргэж, хэрэгжүүлэхэд шаардлагатай орчин нөхцлийг бий болгох гээд олон чиглэлээр анхаарч ажилласан байна. Өнгөрсөн дөрвөн жилийн хугацаанд бид боловсролын болон байгаль орчны салбарын хамтын ажиллагааг өргөжүүлж, Тогтвортой хөгжлийн үзэл санааг улс орны, салбарын, байгууллагын бодлогуудад хэрхэн оновчтой тусгах гэдэгт анхаарлаа хандууллаа. Ялангуяа боловсролын салбарт багш нарыг давтан сургаж бэлтгэх, сурах бичиг боловсруулах зэрэгт хэрхэн байгаль орчинд ээлтэй, “Ногоон хөгжил”болон үзэл санааг шингээх гэдэгт анхаарсан” гэдгийг онцолж байв.

Тодруулга: 2002 онд Өмнөд Африкийн Бүгд найрамдах улсын Иоханнесбург хотноо даян дэлхийн тогтвортой хөгжлийн дээд хэмжээний уулзалт зохион байгуулж, энэ үеэр эдийн засаг, нийгмийн хөгжил, хүрээлэн буй орчныг хамгаалах харилцан уялдаа бүхий, бие биеэ тэтгэх Тогтвортой хөгжлийн үндэс суурийг бэхжүүлэх хамтын үүрэг хариуцлагыг тунхаглаж, “Тогтвортой хөгжлийн боловсрол”-ын олон улсын 10 жилийг зарлахыг уриалан “Иоханнесбургийн тунхаглал” гэсэн баримт бичгийг баталсан билээ.

АНУ-ын 41 дэх Ерөнхийлөгч Жорж Герберт Буш өнгөрсөн сарын 30-ны өдөр 94 насандаа таалал төгссөн. Түүний шарилыг өчигдөр АНУ-ын Конгрессийн ордонд авчирсан бөгөөд гурав хоногийн турш цэрэг, улс төрийн элитүүд ирж, түүнд хүндэтгэл үзүүлэх гэнэ. Мөн улс орон даяар гашуудал зарлан, Цагаан ордны өмнөх төрийн далбааг бөхийлгөсөн байна. Гэр бүлийн гишүүд болон ойрын хүмүүс нь өчигдөр салах ёс гүйцэтгэсний дараа Ерөнхийлөгч Дональд Трамп, тэргүүн хатагтай Меланиа Трампын хамт ирэн, хоёр минут нам гүм болж, салах ёс гүйцэтгэжээ. Мөн лхагва гаригт Холбооны Засгийн газар болон Нью-Йоркийн хөрөнгийн биржийг амраах шийдвэр гаргасан байна.