Монгол Улсын нийслэл үүсгэн байгуулагдсаны түүхт 380 жилийн ой ирэх онд тохиох юм. Түүхт ойг угтан Монгол Улсын нийслэл Улаанбаатар хотын түүхэнд холбогдох баримтын гурван боть ном хэвлэгдлээ.
Нийслэлийн Засаг дарга бөгөөд Улаанбаатар хотын захирагч С.Батболд Төрийн архивт хадгалагдаж байгаа НЗДТГ-ын хөмрөг дэх баримтаас нийслэлийн түүхэнд холбогдох нэн чухал баримтуудыг судлан илрүүлж, судалгааны эргэлтэд оруулах, олны хүртээл болгох зорилгоор эмхэтгэл бэлтгэх, хэвлүүлэх ажлыг зохион байгуулах Ажлын хэсгийг байгуулах захирамж гаргаж, энэхүү гурван боть номыг гаргах ажил эхэлсэн юм. Нийслэлийн архивт хадгалагдаж байсан 1921-1950 оныг хүртэлх 20 мянга гаруй монгол бичгээр үйлдсэн баримтыг судлан хөрвүүлж, 586 баримтыг энэхүү гурван боть номд багтаажээ. Дараагийн боть номууд удахгүй гарах юм. Дээрх баримтуудын 80-аас доошгүй хувь нь анх удаа эрдэм шинжилгээ, судалгааны эргэлтэд орж буй баримтууд аж. Ажлын хэсгийн зүгээс Үндэсний төв архив болон бусад архив, музей зэргээс хотын түүхэнд холбогдох баримтуудыг судалж, багтаахыг оролдсон байна. Мөн өмнө нь нийтлэгдээгүй, судалгаанд зайлшгүй чухал буюу судлаачдын анхаарлыг татахуйц баримтуудыг энэхүү гурван боть эмхэтгэлд багтаахыг хичээн ажилласан гэдгийг Ажлын хэсгийнхэн хэлж байв. Түүнчлэн уг эмхэтгэлд манай нийслэлийн түүхэнд холбогдох баримтууд, Монгол Улсын хэмжээгүй эрхт эзэн хаан, хэмжээт эрхт эзэн хааны буулгасан зарлиг, Засгийн газар, Монгол Ардын Намаас гаргасан тогтоол, шийдвэрийн Нийслэл хүрээтэй холбогдох баримт сурвалжууд, БНМАУ-ын Их Хурал, Засгийн газар, МАХН-ын Төв Хороо, Улаанбаатар хотын захиргаа, Намын хорооноос гаргасан шийдвэрүүдийг багтаасан юм.
Нийслэлийн түүхийн нэн ховор баримтуудыг судалгааны эргэлтэд оруулах, хойч үедээ таниулах энэхүү ажилд нийслэлийн Засаг даргын Тамгын газар, Нийслэлийн Архивын газар, Ажлын хэсэг, болон бусад байгууллага, эрдэмтэд, судлаачид оролцжээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.
“Chanel” компани могой, матар, гүрвэл зэрэг амьтны арьсыг бараа бүтээгдэхүүн үйлдвэрлэхдээ ашиглахаа зогсоохоор шийдвэрлэсэн нь энэ төрлийн шийдвэр гаргасан анхны тансаг хэрэглээний бараа бүтээгдэхүүн үйлдвэрлэгч болжээ. Үүгээр зогсохгүй багахан хэмжээнд хэрэглэдэг байсан амьтны үсэн эдлэлийн хэрэглээгээ мөн зогсоохоор шийджээ. Компанийн энэхүү шийдвэрийг амьтны эрхийг хамгаалагчид сайшаан хүлээн авсан байна. “Мягмар гарагт могойн арьсан цүнхнүүдийг “Chanel” компанийн албан ёсны цахим хуудаснаас буулгасан хэдий ч дэлгүүрүүдийн лангуун дээрх бүтээгдэхүүнийг эргүүлэн татахад бага зэрэг хугацаа орно” гэж компанийн төлөөлөгч Бруно Павловски мэдээлжээ. “Chanel” компани цаашид хөдөө аж ахуйн гаралтай бүтээгдэхүүнээс арьс болон бусад материалыг гарган авахад гол анхаарлаа хандуулах юм. “Амьтны үсийг хэрэглэхээс татгалзсан тансаг хэрэглээний бараа бүтээгдэхүүн үйлдвэрлэгч бусад брэндүүд ч цаашид “Chanel” компанийн энэхүү шийдвэрийг дагана” хэмээн амьтны эрхийг хамгаалагчид найдаж байгаа ажээ. 
Монголын цаатан айлын Airbnb
Зүүн гар талаас: Цаатан С.Отгонбаяр, M.Уянга (what3words), Ч.Зоригт
ШУТИС-ийн санаачилгаар ШУТИС, МУИС, Японы Кюүшүгийн Технологийн институтийн хамтарсан баг “ШУТИС-60” ойн хүрээнд хиймэл дагуул хөөргөхөөр анхны онлайн хурал хийлээ. Хурлаар жил бүр зохион байгуулдаг “Birds” хөтөлбөрийн алинд нь хамрах боломжтой эсэх, ШУТИС, МУИС газрын станц хамтран ашиглах зэрэг асуудлыг хэлэлцэв. “Birds” хөтөлбөр нь Японы Кюүшүгийн Технологийн институт болон Олон үндэстнүүдийн хамтарсан баг хиймэл дагуул хийж хөөргөх хөтөлбөр юм. Тус хөтөлбөр нь жил бүрийн 10 дугаар сард эхэлдэг бөгөөд эхний “Birds-I” хөтөлбөрт Монгол Улс оролцож “МУИС” Мазаалай хиймэл дагуулыг 2015 онд эхлэн 2017 оны долдугаар сарын 07-нд хөөргөсөн. “Birds-I” хөтөлбөр 2016 онд эхэлсэн бөгөөд 2018 оны 8 сард хөөргөсөн бол 2017 онд эхэлсэн “Birds-III” хөтөлбөрийн хүрээнд хиймэл дагуулыг 2019 оны зун хөөргөхөөр төлөвлөжээ. Тус хуралд ШУТИС-иас Бизнесийн ахисан түвшний сургууль /БАТС/-ийн профессор Ч.Баасандаш, Механик тээврийн сургууль /МехТС/-ийн профессор Б.Эрдэнэбат, Т.Энхболд, Б.Баасандорж, Г.Амармэнд, Г.Мөнхжаргал, А.Жаргалсайхан, МУИС-иас Сансар судлал зайнаас тандан судлах олон улсын лабораторийн профессор Р.Цолмон, Т.Төртогтох, Н.Энхжаргал, Кюүшүгийн Технологийн институтын профессор Чо Менгү нар оролцов.
Дээрх зөвлөмжийг амьдралдаа хэрэгжүүлж, үр хүүхдээ эрсдэлээс хамгаалах, урьдчилан сэргийлэхийг Мэргэжлийн хяналтын байгууллагаас зөвлөж байна.