Аж ахуйн нэгж илгээгээгүй баримтыг устгаад сугалааны дугаар, үнийн дүн, эсвэл ДДТД, үнийн дүнгээр бүртгэхэд засагдаж, аж ахуйн нэгж илгээсэн бол идэвхжээд баталгааждаг.
Хэд хэдэн удаа устгаад, дахин шивж оруулсан ч аж ахуйн нэгж илгээгээгүй гэсэн төлөв үүсээд байгаа бол 1800-1288 утсаар санал гомдлоо гаргах боломжтой. Татварын газраас тухайн байгууллагатай холбогдон шаардлага тавих, зөрчлийн хуулийн дагуу процесс ажиллагаа хийдэг аж.
Баялаг бүтээгчдийг дэмжих холбооноос өнөөдөр АТГ-т ханджээ. Тус холбооноос ЖДҮХС-аас зээл авсан гишүүдэд эрүүгийн хэрэг үүсгэж шалгаж, хариуцлага тооцохыг шаардаж ийнхүү гомдол гаргаж байгаа аж.
Тодруулбал, АТГ-т гурван асуудлаар гомдол гаргасан бөгөөд энэ талаараа маргааш хэвлэлийн бага хурал хийх юм байна. Зээл авсан гишүүдийн зээлийг хүүтэй нь эргүүлэн төлүүлэхээс гадна эрүүгийн хариуцлага хүлээлгэхийг шаардаж байгаа талаараа дээрх холбооны тэргүүн Х.Батдэлгэр ярив. Тэрбээр “Хамгийн гол нь зээл авсан гишүүдийн зээлийг эргэн төлүүлэх, бас хариуцлага тооцож байна гээд албан тушаалаас нь чөлөөлөөд асуудлыг зүгээр орхихгүй, заавал хариуцлага хүлээлгэхийг шаардаж байна. Мөн ЖДҮХС-ийн төсөл сонгон шалгаруулах хорооны гишүүдийг АТГ-т шалгуулахаар гомдол гаргасан” гэв.
Ирэх 2019 оны төсвийг өнгөрсөн баасан гарагт УИХ-ын чуулганаар хэлэлцэж, баталсан билээ.
Ирэх оны төсөвт аймгуудын Засаг даргын төсвийг танаж, орон нутаг руу төсөв хувиарлахдаа нэмэх нь зүйтэй гэж үзсэн байна. Тодруулбал, Монгол Улсын 2019 оны төсвийн тухай хуулийн төсөлд орон нутгийн төсөвт хөрөнгө оруулалтын зориулалтаар улсын төсвөөс санхүүгийн дэмжлэг олгох нь зүйтэй гэж үзэж нийтдээ 180 тэрбум төгрөгийн эх үүсвэрийг хуваарилах, энэ эх үүсвэрийг аймаг, сумын төвийн шинэчлэл, зам талбайн тохижилт, гэрэлтүүлэг зэрэг дэд бүтцийн арга хэмжээнд зарцуулах, мөн орон нутгийн төсөвт байгууллагууд болон Засаг даргын Тамгын газрын барилгын их засвар, тоног төхөөрөмж, албан хэрэгцээний автомашин худалдан авахад зарцуулах зөвлөмжийг аймаг, нийслэлийн удирдлагуудад хүргүүлэхээр төсөлд тусгажээ.
Монгол Улсын 2019 оны төсвийн тухай хуулийн төслийн хоёр дахь хэлэлцүүлгээр дээрх мөнгийг гишүүдийн олонх нь дэмжсэн. Иймээс орон нутгийн төсөвт хөрөнгө оруулалтын зориулалтаар тусгасан эх үүсвэрээс 180 тэрбум төгрөгийг улсын төсөвт татан төвлөрүүлж, зарим орон нутагт хийх хөрөнгө оруулалтын төсөл, арга хэмжээг улсын төсвөөс санхүүжүүлэх нь зүйтэй гэж үзсэн байна.
Дэлхий нийтээр 2003 оноос эхлэн 11 дүгээр сарыг No shave november буюу сарын турш сахал үсээ хусахгүй арьсаа амраадаг сар болгон өнгөрүүлдэг. Мөн тухайн сард сахал хусах бүтээгдэхүүнд зарцуулдаг мөнгөө ХОРТ ХАВДРЫН ЭСРЭГ санд хандивладаг уламжлалтай.
Монголын сахалтай залуус нэгдэн хүүхдийн хорт хавдрын эсрэг санд тусламж үзүүлэх зорилгоор хоёрдахь жилдээ “No shave november”-ийг тэмдэглэн өнгөрүүлэх гэж байна. Өдөрлөг энэ сарын 10-ны өдөр GandanView-д 19:00 цагаас эхлэх бөгөөд сахалтай сахалгүй хэнд ч нээлттэй. Сонирхуулахад өнгөрсөн жил манай эрчүүд “Монголын сахалтай залуус” ТББ байгуулж No shave November-ийг тохиолдуулан уулзалт зохион байгуулсан бөгөөд уг уулзалтанд 100 гаруй сахалтай залуус цугларсан билээ.
Нийслэлийн Засаг дарга бөгөөд Улаанбаатар хотын захирагч С.Батболдын зүгээс өнөөдөр мэдэгдэл гаргажээ.
Тэрээр мэдэгдэлдээ, “Сүүлийн үед Нийслэлийн Засаг дарга миний нэр хүндэд халдаж, олон нийтийн цахим сүлжээгээр дамжуулан гүтгэн доромжлох явдал хэрээс хэтэрлээ. Би 1990 оноос ажил, хөдөлмөрийн гараагаа жирийн инженерээс эхэлж, улс эх орон, ард түмний итгэлийг хүлээн, тэдний сонголт, томилолтоор төрийнхөө төлөө шат шатны албанд хоёргүй сэтгэлээр зүтгэж ирсэн билээ.
Улсын хүн амын тэн хагас нь амьдарч байгаа Нийслэлийн Засаг даргаар 2016 оноос томилогдон хотоо хөгжүүлж, оршин суугчдынхаа ая тухтай амьдрах нөхцөлийг бүрдүүлэхийн төлөө бүхий л хүч чадал, боломж бололцоогоо дайчлан ажиллаж байна. Ийнхүү 30 шахам жил төр, нийслэл, ард иргэдийнхээ төлөө ажиллаж ирэхдээ шударга ёс, хууль дээдлэх зарчмыг баримталж, ашиг сонирхлын зөрчил, ёс бус зүйлд автахгүйгээр зүтгэж ирсэн. Гэвч сүүлийн үед миний болон гэр бүлийн болон ажил мэргэжлийн минь нэр төрд илтээр халдсан тэвчиж болшгүй зохион байгуулалтай гүтгэлэг хэрээс хэтэрч байгаатай холбогдууланалбан ёсоор мэдэгдэл хийхэд хүрч байна. С.Батболд миний бие гурван сайхан хүүхдийнхээ эцэг, 30 жил ханилсан ханийнхаа халамжит хань, нэр төртэй эцэг, эхийнхээ хүү гэдгийг ах дүү, найз нөхөд, ажлын хамт олон төдийгүй сонгогч иргэд мэднэ. Хүн итгэхийн эцэсгүй, санаанд ч багтамгүй гүтгэлэг тарааж буй хүмүүсийг би үр хүүхэдтэй, хань ижилтэй, аав, ээжтэй нэгэн байх гэдэгт итгэж байна. Тэгээд ч тэдний удаа дараагийн гүтгэлэг, өдөөн хатгалагт ач холбогдол өгч байсангүй. Гэтэл миний эсрэг үйлдлүүд улам өргөжиж, ажил, албатай минь холбон, хотоос хийж буй ажлуудыг харлуулах, нийгэмд гарч байгаа зайлшгүй шалгаж, тодруулах шаардлагатай мэдээллүүдийн эрчийг сулруулж, уг мэдээлэлд хандсан иргэд, уншигчдын анхаарлыг хотын Захирагч над руу илтээр чиглүүлэх болсныг цааш тэвчих аргагүй боллоо. Энэ бүхний цаана улс төрийн зорилго агуулсан ганц нэг хүний зохион байгуулалттай ажиллагаа байна гэж үзэж байна.
Эдгээр хүмүүс зөвхөн С.Батболд миний төдийгүй, 1.4 сая оршин суугчтай нийслэл хотын удирдлага, нийслэлд ажиллаж байгаа мянга мянган төрийн албан хаагчдын хийж, хэрэгжүүлж байгаа үйл ажиллагаанд сөргөөр нөлөөлж, нийгэмд буруу ташаа ойлголт төрүүлэх хор уршгийг дагуулж байна. Иймд миний бие энэхүү гүтгэлэг, доромжлол хэрээс хэтэрч байгаатай холбогдуулан, илт зохион байгуулалттайгаар нийгмийг төөрөгдүүлэх, хувь хүний нэр төрд халдсан, гэр бүлийн минь нандин холбоо руу илтэд бүдүүлэг давшилж байгаа гүтгэлгийн үйл ажиллагааг цахим орчинд зохион байгуулалтайгаар хийж буй гэм буруутай этгээдүүдийг олж тогтоолгон, нэр төрөө сэргээлгэхээр 2018 оны арваннэгдүгээр сарын 2-ны өдөр хууль, хяналтын байгууллагад хандсан юм. Миний энэхүү хүсэлтийг хууль, хяналтын байгууллага хуулийн хүрээнд шалгаж, үнэн мөнийг тогтоож, нийт ард иргэдэд бодит үнэнийг мэдээлнэ гэдэгт итгэж байна. Гүтгэлэгт хэмжээ, тэвчээрт хязгаар бий” гэсэн байна.
УИХ дахь МАН-ын бүлгийн өнөөдрийн хуралдаанаар ХХААХҮ-ийн сайдыг огцруулах асуудлыг хэлэлцсэн байна. Энэ талаар тус бүлгийн дарга Д.Хаянхярваа мэдээлэл хийв.
Тэрбээр, “Засгийн газраас өнөөдөр ХХААХҮ-ийн сайд Б.Батзоригийг огцруулах тухай тогтоолын төслийг УИХ-ын даргад өргөн барьсан. Уг асуудлыг өнөөдөр бүлгийн хуралдаанаар хэлэлцэж, дэмжсэн” хэмээв.
Мэдээллийн дараа тэрбээр сэтгүүлчдийн сонирхсон асуултад хариулав.
-Прокурорын байгууллаас Б.Батзоригийг УИХ-ын гишүүнээс түдгэлзүүлэх саналыг УИХ-ын даргад хүргүүлсэн тухай мэдээлэл гарсан. Энэ талаар?
-Манай бүлэгт албан бичиг нь хараахан ирээгүй байна. Тиймээс энэ асуудлыг маргааш хэлэлцэнэ.
-ХХААХҮ-ийн сайдаар ажиллах дараагийн хүний нэр тодорсон уу?
-Энэ асуудлыг хэлэлцээгүй.
-Жижиг, дунд үйлдвэрлэлийг хөгжүүлэх сан (ЖДҮХС)-гаас зээл авсан УИХ-ын гишүүд мөнгөө төлж эхэлсэн үү?
-Өнгөрсөн долоо хоногийн бүлгийн хуралдаанаас зээл авсан гишүүдэд нэн даруй эгүүлэн төлөх чиглэл өгсөн. Одоогоор Ж.Энхбаяр гишүүн зээлээ төлсөн тухай мэдээлэл олон нийтийн сүлжээнд тавигдсан байна.
Энэ сарын 23, 24-нд Хэнтий аймгийн төв Чингис хотод үндэсний бөх тайлбарлагчдын улсын зургадугаар тэмцээн болно. Энэ удаагийн тэмцээнийг Батноров сумын харьяат аймгийн ахлах тайлбарлагч, аймгийн начин Ёндонгийн Баярсайханы нэрэмжит болгон Хэнтий аймгийн засаг даргын тамгын газар, Ё.Баярсайхан агсны үр хүүхдүүд хамтран зохион байгуулах юм.
Анхны уралдаан 2008 онд болж Цэдэвийн Батнасан тэргүүлж байжээ. 2010 онд Гансүхийн Нэргүйбаатар тэргүүлж, С.Гантөр хоёрт орсон түүхтэй. 2012 онд гуравдахь уралдаан Өндөрхаан хотод зохион байгуулагдаж, Багануурын Шийтэрийн Мөнхбаяр түрүүлсэн. 2014 онд Сэлэнгэ аймгийн төвд болж, Б.Баярсайхан түрүүлж, Сэлэнгийн Д.Баярсүрэн удаалжээ.
Харин 2016 онд Дорноговь аймагт зохиогдсон тэмцээнд Баянхонгор аймгийн харьяат Гансүхийн Мөнхсүх тэргүүлсэн юм.
Нийслэл хотод үйл ажиллагаа явуулж байгаа улс хоорондын шуудан, илгээлтийн үйлчилгээ эрхлэгчид буюу карго үйлчилгээний компаниудад Мөнгө угаах терроризмыг санхүүжүүлэхтэй тэмцэх тухай болон Төлбөр тооцоог үндэсний мөнгөн тэмдэгтээр гүйцэтгэх тухай хуулийн хэрэгжилт ямар байгаа талаар хэсэгчилсэн хяналт шалгалт хийж эхэллээ. Энэ удаагийн шалгалтанд нийтдээ 45 компани хамрагдах бөгөөд цаашид хяналт шалгалтыг тогтмолжуулах талаар Санхүүгийн зохицуулах хороод харилцан санал солилцож байна.
Засгийн газрын тогтоолоор баталсан Ази номхон далайн бүсийн мөнгө угаахтай тэмцэх бүлгээс өгсөн зөвлөмжүүдийг хэрэгжүүлэх ажлын төлөвлөгөө болон Санхүүгийн зохицуулах хорооны Мөнгө угаах болон терроризмыг санхүүжүүлэхтэй тэмцэх чиглэлээр 2018 онд хийх ажлын төлөвлөгөөнд тусгагдсан. Энэ дагуу үнэт цаасны, даатгалын, банк бус санхүүгийн, хадгаламж, зээлийн хоршооны салбарт үйл ажиллагаа явуулж буй тусгай зөвшөөрөл эзэмшигчдэд газар дээрх хяналт шалгалт хийгдээд байгаа юм. Улс хоорондын шуудан, илгээлтийн үйлчилгээ эрхлэгчдэд дараа үл хөдлөх хөрөнгө зэрэг бусад салбарт хяналт шалгалт явуулахаар төлөвлөж байгаа аж.
УИХ дахь МАН-ын бүлэг яаралтай хуралдаан зарлажээ. Энэ дагуу МАН-ын гишүүд Төрийн ордны “Жанжин Д.Сүхбаатар” танхимд цугларч, хуралдаанаа эхлүүллээ. Бүлгийн өнөөдрийн хуралдаанаар Б.Батзориг сайдыг үүрэгт ажлаас нь чөлөөлөх болон бусад цаг үеийн асуудлыг хэлэлцэх аж.
Б.Батзориг сайд үүрэгт ажлаас чөлөөлөгдөх хүсэлтээ 2018 оны аравдугаар сарын 30-ны өдөр Монгол Улсын Ерөнхий сайд У.Хүрэлсүхэд хандан гаргаад байгаа билээ. Харин өнөөдөр Б.Батзориг сайдыг үүрэгт ажлаас нь чөлөөлөх төслийг УИХ-ын даргад өргөн бариад байгаа юм.
Монголбанкнаас гаргасан мэдээллээр энэ оны эхний есөн сарын гүйцэтгэлээр гадаад худалдааны нийт бараа эргэлтийн хэмжээ өмнөх оны мөн үеэс 25 хувиар өсчээ.
Тодруулбал, 2017 оны гуравдугаар улирлын байдлаар 1,920 сая ам.доллараар өсч 9,634 сая ам.долларт хүрсэн байна.
Энэ хугацаанд худалдааны тэнцэл өнгөрсөн оны мөн үеэс 520 сая ам.доллараар буурч 932 сая ам.долларын ашигтай байгаа аж. Валютын төлбөртэй худалдааны тэнцэл мөн 1,196 сая ам долларын ашигтай гарчээ.
