Их эзэн Чингис хааны мэндэлсэн Монгол бахархлын өдөрт зориулан Монгол Улсын Ерөнхийлөгчийн санаачилгаар зохиож буй “Мөнх тэнгэрийн бичиг-2018” монгол уран бичлэгийн олон улсын үзэсгэлэн өчигдөр Хүүхдийн урлан бүтээх төвд нээлтээ хийсэн юм. Үзэсгэлэн энэ сарын 9-нийг дуустал тав хоногийн турш үнэ төлбөргүйгээр дэлгэгдэж байна. Үзэсгэлэн насанд хүрэгчдийн болон сурагчдын гэсэн ангилалд боллоо.
Сурагчдын бүтээлийн ангилалд Монгол Улсаас 104,ОХУ-ын Бүгд Найрамдах Халимаг Улсаас 3, БНХАУ-ын Өвөр Монголын Өөртөө Засах Орноос 16, нийт 123 сурагчийн бүтээл дэлгэгджээ.
Үзэсгэлэнг нээж Монгол Улсын Ерөнхийлөгч Х.Баттулга хэлсэн үгэндээ “Бидний хойч үе бичиг соёлынхоо уламжлалд гүн хүндэтгэлтэй хандаж, сэтгэл зүтгэл гарган монгол уран бичлэгийн бүтээл туурвих нь жил ирэх тусам өргөжин тэлж байгааг харах, сонсох сайхан байна. Энэ бол монголчууд бидний бахархах, өөгшүүлэн дэмжих, тэтгэх ёстой өв соёл мөн. Монголчууд “Өсөхөөс сурсан үндэсний хэл, мартаж болшгүй соёл” гэх их зохиолч Д.Нацагдоржийн алдарт шүлгийг уншаад өнгөрөх бус зүрх сэтгэлдээ тээж, үе дамжуулан өвлүүлж байгаагийн нэгэн гэрч нь өнөөдрийн энэ үзэсгэлэн юм. Эртний согд бичгээс санаа авч, бий болон хөгжсөн Монгол бичиг болбоос Монголчуудын хамгийн урт удаан хугацаагаар хэрэглэж, хөгжүүлж байгаа бичиг соёл билээ” хэмээн онцолж байв.
Монгол Улсын Ерөнхийлөгч Х.Баттулга үг хэлснийхээ дараа “Мөнх тэнгэрийн бичиг” олон улсын үзэсгэлэнд шалгарсан шилдэг бүтээлийн эзэн болсон багачуудад шагнал гардуулж, баяр хүргэсэн юм.
“Мөнх тэнгэрийн бичиг-2018” үзэсгэлэнд оролцогчдын ахлах ангийн ангилалд шилдгээр шалгарсан сурагчид:
1.Нийслэлийн Чингэлтэй дүүргийн 5 дугаар сургуулийн 11В ангийн сурагч Мөнхчулууны Цэнгүүн “Цаасан шувуу” бүтээлээрээ,
2.Нийслэлийн Чингэлтэй дүүргийн 50 дугаар сургуулийн 11В ангийн сурагч Батнасангийн Зэсмаа “Хөх судар” бүтээлээрээ,
3.Нийслэлийн Баянзүрх дүүргийн 53 дугаар сургуулийн 12Б ангийн сурагч Саранчимэгийн Энхмаа “Чингис хааны билиг сургаал” бүтээлээрээ,
4.Нийслэлийн Чингэлтэй дүүргийн 23 дугаар сургуулийн 11В ангийн сурагч Намхайнямуугийн Хулан “Морин хуур” бүтээлээрээ
5.Булган аймгийн Рашаант сумын ЕБС-ийн 10А ангийн сурагч Дорждагвын Алтанцэцэг “Урам хайрла” бүтээлээрээ тус, тус шилдгээр шалгарав.
“Мөнх тэнгэрийн бичиг-2018” үзэсгэлэнд оролцогчдын дунд ангийн ангилалд шилдгээр шалгарсан сурагчид:
1. ӨМӨЗО-ны Хөлөнбуйр хотын Шимбарга баруун хошууны Залуучуудын хөдөлгөөний төвийн 7-р ангийн сурагч Соргог “Чингисийн арван хоёр донж-1” бүтээлээрээ,
2. Нийслэлийн Сонгинохайрхан дүүргийн 65 дугаар сургуулийн 9Б ангийн сурагч Жамьяансүрэнгийн Номин-Эрдэнэ “Боржигоны бор тал” бүтээлээрээ,
3. ОХУ-ын Бүгд Найрамдах Халимаг улсын 7-р ангийн сурагч Имкинова Мария “Хүн ахтай, дээл захтай” бүтээлээрээ,
4.Нийслэлийн Чингэлтэй дүүргийн 23 дугаар сургуулийн 9Е ангийн сурагч Ёндонжамцын Золбоо “Мөнх тэнгэрийн бичиг” бүтээлээрээ,
5.ӨМӨЗО-ны Хөлөнбуйр хотын Шимбарга баруун хошууны Залуучуудын хөдөлгөөний төвийн 7-р ангийн сурагч Чандмань “Чингисийн арван хоёр донж-3” бүтээлээрээ тус, тус шалгарлаа.
Монгол Улсын Ерөнхийлөгч Х.Баттулга шилдэг бүтээл туурвисан сурагчдад баяр хүргэж, хүүхдүүдийн бүтээлийг үзэж, сонирхсон юм.
2011 оноос уламжлал болгон 7 дахь жилдээ зохион байгуулж буй “Мөнх тэнгэрийн бичиг-2018” монгол уран бичлэгийн олон улсын үзэсгэлэнгийн:
Насанд хүрэгчдийн ангиллын бүтээлүүд Монголын Уран зургийн галерейд дэлгэгдсэн байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.
Тархины харвалттай тэмцэх дэлхийн өдөр аравдугаар сарын 29-нд буюу өчигдөр тохиолоо. Монгол Улс арав дахь жилдээ энэ өдрийг НҮБ-аас гаргасан “Харвалт биднийг сөхрүүлсэн ч бид босч чадна” уриан дор тэмдэглэн өнгөрүүлж байна. Энэ талаар Монголын харвалт судлалын нийгэмлэгийн тэргүүн доктор, профессор, зөвлөх эмч Р.Амарбаясгалантай ярилцлаа.
09.00 цагт “Корпорэйт” зочид буудалд “Хүнс, хөдөө аж ахуй, хөнгөн үйлдвэрийн салбарын шинжлэх ухаан, технологийн инноваци 2018” үндэсний чуулган болно. Утас: 99287297
Аргын тооллын арваннэгдүгээр сарын 6, Ангараг гариг. Билгийн тооллын 29, Тэргүүн дагуул одтой, хар бар өдөр. Өдрийн наран 7:44 цагт мандан, 17:31 цагт жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой.
Өглөө бүр тантай хамт байдаг “Өдрийн сонин”-ы мягмар гаригийн дугаар 20 нүүрээр хэвлэгдэж, та бүхний гар дээр хүрч байна.
Малчид, иргэдэд зориулсан мэдээ: Өнөөдөр ихэнх нутгаар цас орохгүй, цаг агаар тогтуун байна.
Эрүүл мэндийн төв, Өрхийн эрүүл мэндийн төвөөр дамжуулан жирэмсэн эмэгтэйчүүд, өндөр настан, архаг суурь өвчтэй зэрэг эрсдэлт бүлгийн хүн амыг үнэ төлбөргүй улирлын томуугийн эсрэг вакцинаар дархлаажуулж байна.
Монголын говиос дэлхийд томд тооцогдох алт, зэсийн орд олж илрүүлсэн тухай мэдээлэл өнөөдөр дэлхий нийтэд цацагдлаа. “Занаду майнз” компани Өмнөговь аймаг дахь Хармагтайн ордын нөөцийг шинэчилж, төслийн талбайн хөрсөн дор дэлхийд томд тооцогдох алт, зэсийн ашиглаагүй орд байгааг тогтоожээ. Австралийн stockhead.com.au цахим хуудаст энэ тадлаар мэдээлжээ. Ордын нөөцийг 598 сая тонн зэсийн хүдэрт агуулагдах 1.9 сая тонн зэс, 4.3 сая унци алттай хэмээн тогтоожээ. Мөн 2.6 сая тонн зэсийн дагалдах металл байгаа гэнэ. “Занаду майнз” үүний өмнө 2015 оны гуравдугаар сард ордын нөөцийг гаргаж байсан бөгөөд шинэчилсэн үнэлгээгээр зэсийн нөөц 400 хувиар, алтны нөөц 249 хувиар нэмэгдэж гарч иржээ. “Бид хайгуулын үр дүнд маш баяртай байна. Ордын нийт нөөцөөс гадна ялангуяа ил ордын нөөц нэмэгдсэн нь уухайн ажлыг хурдан хугацаанд эхлүүлэх боломж олгож байна” гэж “Занаду майнз” компанийн гүйцэтгэх захирал Эндрью Стюарт өгүүлжээ. Өөрөөр хэлбэл, хармагтайн талбайн эрдэсжилт нь газрын гадаргатай маш ойр бөгөөд олборлолтыг ил уурхайн хэлбэрээр эхлүүлэх боломжтой юм байна. Одоо баттай нөөцтэй болсон учир төслийн ажлыг хурдавчлуулах, мөн профирын өөр нөөцийг илрүүлэн нийт нөөцийг нэмэгдүүлэх ажил эрчимтэй хийгдэж байгааг тэрээр цохон тэмдэглэжээ. хармагтайн ордыг зэсийн агуулгын хувьд ядуу гэсэн мэдээлэл өмнө нь гарч байсан. Тэгвэл шинээр тогтоогдсон нөөцийн 54 са тонн хүдэр нь 0.86 хувийн агууламжтай, нийт зэсийн хүдрийн 61 хувь нь “өндөр” агууламжтай гэж тооцогдох өндөр магадлалтай гэнэ. Дашрамд дурьдахад, дэлхийд эхний гуравт ордог гэгддэг Оюутолгойн ордын нөөцийг 2014 онд зэс 44 сая 595 мянган тн, алт 1.9 мянган тн, мөнгө 11.9 мянган тн, молибден 205 мянган тн хэмээн тогтоосон байдаг. Харин “Эрдэнэт” үйлдвэр өнгөрсөн хугацаанд нийт 800 сая тонн хүдэр олборлосон, дахиад 700 сая тонн хүдрийн нөөц үлдсэн гэсэн мэдээлэл өнгөрсөн жил гарч байсан билээ.