Малын угаалгын ажил орон нутагт амжилттай үргэлжилж байна. Зах зээлийн нийгэмд шилжихээс өмнө бог малыг банндаж буюу усанд умбуулан угаадаг байсан уламжлалт арга хэмжээг сэргээж, зориулалтын зөөврийн тоног төхөөрөмжийг ХХААХҮЯ-наас аймгуудад хүлээлгэн өгч байгаа юм. Энэ удаад салбарын төвийн бүсийн зөвлөгөөний үеэр Өвөрхангай аймагт уг төхөөрөмжийг үзүүлэх сургалт боллоо.
Малын эрүүл мэндийг хамгаалах чиглэлээр нийт 225 ширхэг мал угаалгын зөөврийн тоног төхөөрөмж хүлээлгэн өгснөөр нийт бог малын 30 хүртэл хувийг угаах буюу креолинжүүлэх боломжтой боллоо. Мал, амьтны эрүүл мэндийн тухай хууль хэрэгжиж байгаатай холбогдуулан салбар яам малаа аливаа өвчнөөс урьдчилан сэргийлэх шат дараатай, олон төрлийн арга хэмжээ авч байгаагийн нэг нь энэ юм.
Ийнхүү бог малыг бүтэн биеэр умбуулан угааснаар малын амьдын жин нэмэгдэж, арьс эрүүлжинэ. Паразит, шимэгч өвчнөөс урьдчилан сэргийлснээр түүхий эдийн чанар сайжирч, үнэ ханш нь өсөх түүнийгээ дагаад малчдын орлогыг нэмэгдэнэ гэдгийг холбогдох мэргэжлийн байгууллага онцолсон. Өөрөөр хэлбэл, нэгж малаас малчинд өгөх өгөөж 30 хувиар дээшилж, цаашлаад мах, махан бүтээгдэхүүний экспортыг нэмэгдүүлэх зорилготой манай улсын эдийн засгийн эргэлтийг эрчимжүүлэх ач холбогдолтой учраас малын угаалгын ажилд зөөврийн тоног төхөөрөмж ашиглаж байгаад орон нутгийн малчид талархаж байна.
Хан-Уул дүүргийн XI хороонд “Хурд” группийн захиалгаар баригдаж буй “Хүннү” хорооллын барилгын талбайд ажиллаж байсан 17 настай хүү амиа алдсан хэрэг энэ сарын 08-ны 19:22 цагт гарсан юм. Амиа алдсан “У” нь тус барилгын туслах ажилтан хийгээд дөнгөж сар гарны хугацаа өнгөрч байжээ. Түүний үхлийн шалтгаан нь чингэлэг зөөх явцад өргөгч краны тросс тасарч толгойн тус газраа цохиулансантай холбоотой аж. Дээрх хэрэгтэй холбогдуулан “Хурд” группийн барилгын ажлын туслан гүйцэтгэгч компаниудын захирлууд, ажилчид иргэдэд мэдээлэл хийлээ.
Нийслэлийн Засаг даргын хэрэгжүүлэгч агентлаг Залуучуудын хөгжлийн газар, Зэвсэгт Хүчний Жанжин Штабтай хамтран “Эерэг–Эх орон” сэдэвт аян хэрэгжүүлж байгаа бөгөөд тус аяны хүрээнд энэ сарын 10-ны өдөр Зэвсэгт хүчний 303 дугаар ангийн алба хаагчдад “Гэр бүлийн үнэ цэнэ” сэдвээр сургалт зохион байгууллаа.
Сүүлийн өдрүүдэд нийт нутгаар усархаг бороо их хэмжээгээр орж удаа дараа үер усны гамшиг тохиолдож байгаа тул иргэд, олон нийтэд дараах сэрэмжлүүлгийг хүргэж байна. Усанд живж амиа алдсан иргэдийн 90 хувь нь архидан согтуурсан үедээ голын усанд орсон болох нь судалгаагаар тогтоогджээ.
Солгой гартнуудын олон улсын өдрийг анх 1992 оны энэ өдрөөс тэмдэглэж иржээ. Америкийн Ар Канзас мужийн Топика хотын солгой гартнууд дэлхийн солгой гартнуудыг нэгтгэн, эрх ашгаа хамгаалах зорилгоор 1975 оны наймдугаар сарын 13-нд Олон улсын солгой гартны байгууллага байгуулж, улмаар хэд хэдэн оронд тэмдэглэж эхэлсэн байна.
Өнөөдөр Монгол Монголын Оюун Ухааны Академийн тамирчид болох Ой тогтоолтын дэлхийн аварга, Олон улсын их мастер Н.Мөнхшүр, Н.Энхшүр нар Бээжингээс Москваг зорьсон байна. ОХУ-ын “Россия 1” телевизээс тэднийг “Гайхамшигт хүмүүс” нэвтрүүлэгтээ урьжээ.
Улсын Их Хурлын 2018 оны хаврын ээлжит чуулганаар батлагдсан хууль тогтоомжийн талаарх танилцуулга, инфографикийг уншигч Та бүхэнд цувралаар хүргэж байгаа билээ. Энэ удаад “Монгол Улсын эдийн засаг, нийгмийг 2019 онд хөгжүүлэх үндсэн чиглэл батлах тухай” УИХ-ын тогтоолын танилцуулга болон инфографикийг толилуулж байна. 
Багшийн мэргэжил дээшлүүлэх институт дээр ЕБС-ийн Эрүүл мэндийн хичээл заах үндэсний сургагч багш нар бэлтгэх сургалтын нээлт боллоо. Уг сургалтын нээлтэд БСШУС-ын сайд Ц.Цогзолмаа, ЭМ-ийн дэд сайд Л.Бямбасүрэн, НҮБ-ын Хүн амын сан, Хүүхдийн сангийн шадар суурин төлөөлөгчид оролцов.
Өнөөдрийн байдлаар Улаанбаатар хотод зам засварын ажил нэмж эхэлсэн, болон нэмж зам хаасан засварын ажил хийгдээгүй байна.