Индонез улсын Жакарта хотод Азийн спортын XVIII наадмын сагсан бөмбөгийн 5×5 төрөл А хэсгийн эхний тоглолт Монгол-Тайландын багуудын хооронд болж өндөрлөлөө.
Үзүүлэлт:
Монгол: Т.Санчир 25 он+13 сам+5 б-тас, Б.Билгүүн 24 он+10 сам, Д.Мөнхтүвшин 13 он+5 сам
Тайланд: Клахан Патипан 18 он+10 сам, Ананти Читчай 13 он+7 он дам, Суктуб Таватчи 11 он+
Харамсалтай нь, Н.Батбаярын сүүлийн гурваас шидсэн шидэлт ороогүй бөгөөд 86:87 харьцаагаар манай баг хожигдлоо.
Нийслэлийн ЗДТГ-ын Хэвлэл мэдээлэл, олон нийттэй харилцах хэлтсийн дарга Э.Дагиймаа Хөх хотын Суртал ухуулгын газрын нэгдүгээр орлогч дарга тэргүүтэй Хөх хотын төлөөлөгчдийг өнөөдөр хүлээн авч уулзлаа. Ирэх есдүгээр сарын 4-8-ны өдрүүдэд Улаанбаатар хотод Өвөр Монголын соёлын өдрүүд болох юм. Энэ хүрээнд Хөх хот, Улаанбаатар хотууд хамтран “Найрамдалт хотуудын дуулал” хамтарсан тоглолтыг зохион байгуулна. Уг тоглолтыг есдүгээр сарын 6-ны өдөр зохион байгуулахаар урьдчилан товлоод байгаа бөгөөд 17 хүний бүрэлдэхүүнтэй урлагийн баг Улаанбаатар хот ирэх юм.
Дээрх тоглолтыг зохион байгуулах үйл ажиллагаанд дэмжлэг үзүүлэн, ард иргэдэд тоглолтын талаарх мэдээллийг хэвлэл мэдээллийн хэрэгслээр сурталчлан таниулах ажилд хамтран ажиллах талаар ярилцлаа. Хоёр хотын хамтын ажиллагааны хүрээнд соёлыг сурталчлан таниулах энэ ажиллагааг бүхий л талаар дэмжиж хамтран ажиллана гэдгээ Хэвлэл мэдээлэл, олон нийттэй харилцах хэлтсийн дарга Э.Дагиймаа илэрхийллээ.
Өвөрмонголын соёлын өдрүүдийн арга хэмжээ нь хоёр улсын Засгийн газар хоорондын гэрээний дагуу хийгдэж байгаа олон ажлуудын нэг юм. Энэхүү арга хэмжээний гол зорилго нь Хөх хот, Улаанбаатар хотуудын найрамдалт харилцааг нэмэгдүүлэх, ард иргэдийн соёлын хөтөлбөрийг харилцан солилцох ач холбогдолтой юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Дэлхий нийтэд тулгамдаж буй уг асуудлыг шийдвэрлэх, зорилготой “Орбис” нүдний эмнэлэг нь “MD-10” агаарын хөлөгт байрлан олон улсад нүдний эмчилгээний чиглэлээр сургалт, судалгаа, эмчилгээ үзүүлдэг АНУ-ын цорын ганц нисдэг эмнэлэг юм. Уг эмнэлэг Монголд найм дахь удаагаа ирлээ.
“Орбис” нүдний нисдэг эмнэлгийнхэн Монголд наймдугаар сарын 12-30-ны хооронд гурван долоо хоног ажиллахаар иржээ. Тэд эхний долоо хоногт Эх, хүүхдийн эрүүл мэндийн үндэсний төвд ажиллаж, хүүхдийн болор цайх өвчин, хялар, нүдний нөхөн сэргээх, дутуу нярайн торлогийн эмгэгийн сургалт явуулах аж. Хөтөлбөрийн хоёр дахь долоо хоногт нүдний нисдэг эмнэлэг дээрээ эмчилгээний дадлагын сургалт явуулах юм байна. Харин гурав дахь долоо хоногт Улсын нэгдүгээр төв эмнэлэг дээр насанд хүрэгчдийн болор цайх, нүдний даралт, торлогийн эмгэг зэрэг өвчний сургалт явуулна.
“Орбис” нүдний нисдэг эмнэлэг нь Монгол Улсын эмнэлэгүүдээс санал болгосон өвчтнүүдэд үзлэг, оношилгоо, эмчилгээ хийх юм байна.
Анх 2014 оноос эхлэн урт хугацааны хөтөлбөр хэрэгжүүлж эхэлсэн “Орбис” нүдний эмнэлгийнхэн ЭХЭМҮТ болон таван аймгийн Эрүүл мэндийн газартай хүүхдийн нүдний тусламж үйлчилгээг сайжруулах таван жилийн төсөл хэрэгжүүлж байгаа юм. Төслийн хүрээнд 23 мянга гаруй хүүхдэд нүдний урьдчилан сэргийлэх үзлэг хийж, 11 мянган хүүхдэд эмийн эмчилгээ, 854 хүүхдэд мэс засал хийжээ
Иргэний зориг ногоон нам (ИЗНН)-аас Сонгуулийн ерөнхий хорооны шийдвэрийг эсэргүүцэж мэдээлэл хийлээ. Тус намыг 2016 оны УИХ-ынхаа сонгуулийн тайланг ирүүлээгүй үндэслэлээр СЕХ-ноос УИХ-ын 42 дугаар тойргийн нөхөн сонгуульд оролцуулахгүй гэсэн шийдвэр гаргасан юм. Энэхүү шийдвэрийг ИЗНН-ынхан эсэргүүцэж, сонгох, сонгогдох эрхэд халдаж, Үндсэн хууль зөрчиж байгаа гэж эсэргүүцэж байгаа аж.
ИЗНН-ын Ерөнхий нарийн бичгийн дарга н.Батбаатар ‘СЕХ удаа дараа ИЗНН-ыг сонгуульд оролцуулахгүй гэсэн шийдвэр гаргаж байна. 2016 оны сонгуульд оролцуулахгүй байх шийдвэрийг гаргаж байсан. Сая нөхөн сонгуульд оролцуулахгүй гэсэн шийдвэр гаргалаа. Энэ бол цаанаа улс төрийн том зорилготой. Хоёр том нам өөрсөдтэйгээ өрсөлдөх улс төрийн хүчнийг байлгахгүй байх гэж ийм шийдвэрийг СЕХ-ноос гаргуулсан’ гэв.
Ерөнхий сайд У.Хүрэлсүх БНСУ-аас Монгол Улсад суугаа Онц бөгөөд Бүрэн эрхт Элчин сайд Жон Жэ Намыг хүлээн авч уулзлаа. Уулзалтын эхэнд Ерөнхий сайд “БНСУ-аас Монгол Улсад суух Онц бөгөөд Бүрэн эрхт Элчин сайдаар томилогдсонд баяр хүргэж, амжилт хүсье. Монгол Улсад ажиллах хугацаанд Элчин сайд таны ажилд Монгол Улсын Засгийн газар болон Ерөнхий сайд миний зүгээс бүх талын дэмжлэг туслалцааг үзүүлж ажиллах болно. Өмнөх Элчин сайдууд хоёр улсын харилцааг хөгжүүлэх, ард түмний найрамдал нөхөрлөлийг бэхжүүлэхэд тодорхой хувь нэмрээ оруулсан. Элчин сайд Жон Жэ Нам та ч мөн бидэнтэй нягт хамтран ажиллаж хоёр улсын харилцааг шинэ шатанд гаргаж хөгжүүлэхэд бүтээлч, шинэлэг ажлуудыг хамтран хэрэгжүүлж үр дүнд хүргэнэ гэж итгэж байна” гэв.
Хоёр улсын иргэд харилцан визгүй зорчих чиглэлийн ажлыг шат дараатайгаар авч хэрэгжүүлэх асуудлыг уулзалтаар хөндөв. Энэ нь аялал жуучлал, иргэдийн урсгалыг дэмжих, Монгол иргэд БНСУ-д хууль бусаар үлдэх явдлыг багасгах, мөн БНСУ-ын ЭСЯ-ны ачаалал буурахад ихээхэн үр дүнтэй арга хэмжээ болно гэж үзэж байгаа аж.
Элчин сайд Жон Жэ Нам нь 2018.05.11-нд Монгол Улсад томилогдон ирж, 2018.05.17-нд Монгол Улсын Ерөнхийлөгч Х.Баттулгад итгэмжлэх жуух бичгээ барьсан юм гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
МАН-ын Удирдах зөвлөл өнөөдөр Төрийн ордонд хуралджээ. Удирдах зөвлөлийн энэ удаагийн хуралдаанаар Зам тээврийн хөгжлийн газрыг удирдах асуудлыг хөндсөн байна. Өөрөөр хэлбэл, Зам тээврийн хөгжлийн сайд, дэд сайдаар хэнийг томилох эсэхийг хэлэлцжээ. Хуралдаанаар УИХ-ын гишүүн Я.Содбаатарыг Зам тээврийн хөгжлийн сайдаар томилох шийдвэрт хүрчээ. Харин дэд сайдын суудалд хэд, хэдэн хүний нэр яригдаж буй юм. МАН-ын Удирдах зөвлөлөөс гарсан шийдвэрийн талаар тус намын Ерөнхий нарийн бичгийн дарга Д.Амарбаясгалан удахгүй мэдээлэл хийх аж.
Монгол Улсын Засгийн газраас гадаад улсад ажиллаж, амьдарч байгаа иргэдийнхээ нийгмийн баталгааг хангах зорилгоор “Нийгмийн хамгааллын салбарт хамтран ажиллах тухай хэлэлцээр”-ийг байгуулан, хэрэгжүүлж байгаа.
Үүнтэй холбоотойгоор Нийгмийн хамгааллын тухай Монгол Улс болон Бүгд Найрамдах Польш Улс хоорондын хэлэлцээрийг соёрхон батлах тухай хуулийн төслийг өнөөдөр (2018.08.14) Улсын Их Хурлын гишүүн, Засгийн газрын гишүүн, Хөдөлмөр, нийгмийн хамгааллын сайд С.Чинзориг Монгол Улсын Их Хурлын дарга М.Энхболдод өргөн мэдүүлэв.
Одоогоор Оросын Холбооны Улс, Бүгд Найрамдах Солонгос Улс, Бүгд Найрамдах Унгар Улстай нийгмийн хамгааллын салбарт хамтран ажиллах хэлэлцээр байгуулж ажилласны дүнд Оросын Холбооны Улсад ажилласан хугацаагаа нэгтгэн тооцуулсан 40, Бүгд Найрамдах Унгар Улсад ажилласан хугацаагаа нэгтгэн тооцуулсан 33 иргэн сар тутам өндөр насны тэтгэвэр тогтмол авч, Бүгд Найрамдах Солонгос Улсад тэтгэврийн даатгал давхар төлөхгүй ажиллаж байна.
Гадаад харилцааны яамны Консулын газрын /2016 оны 11-р сарын/ судалгаагаар Бүгд Найрамдах Польш Улсад байгаа нийт 939 монгол иргэнээс дийлэнх нь Варшав, Краков, Лода, Вроцлав, Гданьск, Познань зэрэг хотод амьдарч, ажиллаж байгаа бөгөөд үүнээс 200 иргэн албан ёсоор ажил хөдөлмөр эрхэлж, 149 иргэн суралцаж байгаа аж.
Өнөөдрийн байдлаар манай иргэд Бүгд Найрамдах Польш Улсад оршин суух хугацаандаа богино хугацааны даатгалд хамрагдан эрүүл мэнд, хөдөлмөр эрхлэлттэй холбоотой тэтгэмжүүдийг тус улсын хуулийн дагуу авч байна. Харин урт хугацааны даатгал буюу тэтгэврийн даатгалд хамрагдан төлсөн шимтгэлээ нутаг буцах үедээ буцаан авах эсхүл тэтгэврийн насанд хүрсэн хойноо төлсөн шимтгэлдээ ногдох тэтгэвэр тогтоолгох хууль эрх зүйн үндэс байхгүй байна
Хуулийн төсөлд нийгмийн хамгааллын харилцааг зохицуулахдаа талууд харилцан эрх тэгш байх, олон улсын эрх зүйн нийтлэг хэм хэмжээг мөрдөх, Монгол Улс болон Бүгд Найрамдах Польш Улсад нийгмийн даатгалын шимтгэл төлсөн, төлж байгаа бүх иргэд хамаарах, хоёр улсад тэтгэврийн даатгалын шимтгэл төлсөн хугацааг нэгтгэн тооцож, тэтгэвэр болон оршуулгын тэтгэмж тогтоох, олгох, тэтгэврийг харилцан шилжүүлэх, хөдөлмөрийн чадвараа түр алдсаны, жирэмсэн, амаржсаны, ажилгүйдлийн болон үйлдвэрлэлийн осол, мэргэжлээс шалтгаалсан өвчний тэтгэмжүүдийг олгох зэрэг үндсэн зарчмуудыг тусгажээ.
Уг хэлэлцээр батлагдсанаар Бүгд Найрамдах Польш Улсад ажиллаж нийгмийн даатгалын шимтгэл төлж байгаа Монгол Улсын иргэдийн тэтгэврийн даатгалын харилцаа нь олон жилээр тасарч ирээдүйд тэтгэвэр авах эрх үүсэхгүй байх эсвэл маш бага хэмжээний тэтгэвэр авахад хүрдэг асуудлыг шийдвэрлэх юм. Монгол Улсын иргэдийн Бүгд Найрамдах Польш Улсад ажилласан хугацааг шимтгэл төлсөн хугацаанд нэгтгэн тооцож, Монгол Улс болон Бүгд Найрамдах Польш Улсаас өндөр насны тэтгэврийг тогтоолгон авах боломж бүрдсэнээр тухайн хүний ирээдүйн нийгмийн баталгаа сайжирна гэж Улсын Их Хурлын гишүүн, Засгийн газрын гишүүн, Хөдөлмөр, нийгмийн хамгааллын сайд С.Чинзориг хэлсэн үгэндээ тэмдэглэлээ.
Өмнөд Солонгосын ерөнхийлөгч Мүн Жэ Ин болон Хойд Солонгосын удирдагч Ким Жон Ун нар ирэх есдүгээр сард Пёнгянг хотод уулзалдах болжээ. Энэ тухай Ерөнхийлөгчийн Тамгын газраас өчигдөр мэдээлэлсэн ба уулзалтыг есдүгээр сарын дунд үед болох байх гэсэн байна.
Хоёр Солонгосын төрийн тэргүүнүүд өнгөрсөн дөрөвдүгээр сард уулзах үеэр удирдагч Ким Жон Ун нь ерөнхийлөгч Мүн Че Ин-ийг эх орондоо урьсан билээ. Ингэснээр тэрээр Хойд Солонгост айлчилсан өмнөдийн гурав дахь ерөнхийлөгч болж түүхэнд бичигдэх ажээ.
Хоёр Солонгосын удирдагчид 2000 ба 2007 онуудад Пёнгянг хотод уулзалдаж байсан удаатай юм байна.
Санхүүгийн зохицуулах хорооноос үнэт цаасны, даатгалын, банк бус санхүүгийн болон хадгаламж, зээлийн хоршооны салбарын 2018 оны хоёрдугаар улирлын статистик үзүүлэлтүүд, үйл ажиллагааны тоймыг танилцуулж, хэвлэлийн бага хурал хийлээ.
.jpg)
Санхүүгийн салбаруудын тоймыг Хорооны Судалгаа, эрсдэлийн шинжилгээний хэлтсийн дарга Н.Хүдэрчулуун мэдээлж, Үнэт цаасны газрын дарга Б.Лхагвасүрэн, Даатгалын газрын дарга М.Өлзийбат, Хадгаламж зээлийн хоршооны газрын дарга Ц.Алтантуул, Банк бус санхүүгийн байгууллагын болон Хяналт шалгалт зохицуулалтын газрын даргын үүргийг түр орлон гүйцэтгэгч Б.Итгэлсүрэн, Б.Долгорсүрэн нар оролцон, сэтгүүлчдийн сонирхсон асуултад хариулт өглөө.
СЭШХ-ийн дарга Н.Хүдэрчулууны мэдээлснээр, Монгол Улсын үнэт цаасны зах зээлийн нийт үнэлгээ энэ оны хоёрдугаар улиралд 65.9 хувиар өсөж 2.5 их наяд төгрөгт хүрсэн нь 2017 оны жилийн эцсийн ДНБ-ийн 9.1 хувьтай тэнцсэн байна. Өнөөдрийн байдлаар нийт 303 хувьцаат компани, 54 үнэт цаасны компани тус зах зээлд үйл ажиллагаа явуулж буй бөгөөд ТОП-20 индекс өмнөх оны мөн үеэс 58.6 хувиар өсчээ. “Монголын хөрөнгийн бирж” ТӨХК болон “Монголын үнэт цаасны бирж” ХХК-аар дамжуулан хоёрдугаар улиралд нийт 77.9 тэрбум төгрөгийн арилжаа хийгдсэнээс МХБ-ийн анхдагч зах зээлийн арилжаагаар нийт 13.9 тэрбум төгрөгийн, хоёрдогч зах зээлийн арилжаагаар 35.5 тэрбум төгрөгийн хувьцаа, 27.6 тэрбум төгрөгийн Засгийн газрын үнэт цаас, компанийн 631.6 сая төгрөгийн бонд, МҮЦБ-ийн анхдагч зах зээлийн арилжаагаар 248.1 сая төгрөгийн хувьцааг тус тус арилжаалсан байна.
.jpg)
Даатгалын салбарын нийт хөрөнгийн хэмжээ 13.1 хувиар өсөн, 282.2 тэрбум төгрөгт хүрснээс 80.4 хувийг ердийн даатгалын компаниудын хөрөнгө, 16.6 хувийг давхар даатгалын компани, 3.0 хувийг урт хугацааны даатгалын компаниуд бүрдүүлжээ.
Даатгалын компаниудын нийт нөхөн төлбөрийн зардал тайлант улиралд 29.2 тэрбум төгрөгт хүрч, нийт хураамжийн орлогын 34.7 хувийг эзэлж байгаагаас ердийн даатгалын компаниудын нөхөн төлбөр 98.8 хувийг бүрдүүлж байна. Энэ нь өнгөрсөн оны мөн үеэс 68.5 хувиар өссөн үзүүлэлт юм. Салбарын татварын цэвэр ашиг 8.7 хувиар буурч нийт цэвэр ашгийн хэмжээ 6.3 тэрбум төгрөг байна. Салбарын өөрийн хөрөнгийн өгөөж 5.2 хувь, нийт хөрөнгийн өгөөж 2.3 хувь байна.
.jpg)
Банк бус санхүүгийн салбарт энэ оны хоёрдугаар улирлын байдлаар нийт 539 ББСБ үйл ажиллагаа явуулж байгаагийн дийлэнх буюу 90.9 хувь нь зээлийн үйл ажиллагаа эрхэлж байна. Нийт хөрөнгийн хэмжээ 1.14 их наяд төгрөгт хүрсэн нь өмнөх оны мөн үеэс 33.6 хувиар өссөн бөгөөд хөрөнгийн өсөлтийн 74.1 хувийг зээлийн өсөлтөөс бүрдсэн байна. Харин ББСБ-уудын өөрийн хөрөнгийн хэмжээ өмнөх оны мөн үеэс 30.4 хувиар өсөж 888.5 тэрбум төгрөгт хүрсэн бол нийт хувь нийлүүлсэн хөрөнгийн хэмжээ 707.8 тэрбум төгрөгт хүрч жилийн өмнөхөөс 28.8 хувиар өссөн байна. Салбарын нийт зээлийн хэмжээ өмнөх онтой харьцуулахад 38.5 хувиар өсөж, 768.3 тэрбум төгрөгт хүрлээ.
Хадгаламж, зээлийн хоршооны салбарт нийт 289 хоршоо хоёрдугаар улиралд үйл ажиллагаа явуулжээ. Хоршоодын салбар нэгжийн тоо өнгөрсөн оноос 18-аар нэмэгдсэн бол гишүүдийн тоо 20.7 хувиар өсөж 61 177-д хүрсэн байна.
.jpg)
Салбарын нийт цэвэр ашиг 1.1 тэрбум төгрөгт хүрсэн нь өнгөрсөн оны мөн үеэс 30.6 хувиар буурсан байгаа бол нийт орлого 37.4 хувиар өсөж 19.3 тэрбум төгрөг буюу сүүлийн 10 жилийн хамгийн өндөр түвшинд хүрсэн байна. Мөн салбарын нийт зээл өнгөрсөн оноос 27.2 хувиар буюу 26.1 тэрбум төгрөгөөр өсөж 134.1 тэрбум төгрөгт хүрсэн байна. Нийт зээлд эзлэх чанаргүй зээлийн хувь өнгөрсөн оны мөн үеэс 1.6 пунктээр өсөж 6.2 хувьд хүрснээр нийт чанаргүй зээлийн хэмжээ 8.3 тэрбум төгрөг болов. Хоршоодын нийт хадгаламж өнгөрсөн оныхоос 51.6 хувийн өсөлттэй байгаагийн 97.0 хувийг хугацаатай, 3.0 хувийг хугацаагүй хадгаламж бүрдүүлж байна.
Хэвлэлийн бага хурлын үеэр сэтгүүлчид цахим мөнгө, “Эрдэнэс Тавантолгой” ХК-ийн 1072 хувьцаа, банк бус санхүүгийн байгууллагын зээлийн хүүгийн түвшин, даатгалын гэрээний стандарт, Дорноговь аймгийн Айраг суманд осолдсон суудлын галт тэрэгний зорчигчдын гэнэтийн ослын даатгал зэрэг олон сэдвээр асуулт тавьж, хариулт авлаа.
Зэвсэгт Хүчний Жанжин Штаб, Нийслэлийн Засаг даргын хэрэгжүүлэгч агентлаг Залуучуудын хөгжлийн газартай хамтран “Эерэг–Эх орон” сэдэвт аян хэрэгжүүлж байгаа бөгөөд Зэвсэгт хүчний 303 дугаар ангийн алба хаагчдад “Гэр бүлийн үнэ цэнэ” сэдвээр сургалт зохион байгууллаа.
Залуучуудад гэр бүлийн тогтвортой харилцааг хэрхэн бий болгох, гэр бүлд эхнэр, нөхрийн хүлээх үүрэг хариуцлага, хүүхдийн хөгжил, төлөвшилд гэр бүлийн харилцаа хэрхэн нөлөөлөх нь, бэрхшээлийг даван туулах чадвар, асуудлыг эерэгээр шийдэх гарц олох, эерэг хандлагыг төлөвшүүлэх сэдвээр нийслэлийн Залуучуудын хөгжлийн газрын Захиргааны хэлтсийн дарга Н.Мандуул мэдээлэл өгсөн юм. “Эерэг–Эх орон” аяны хүрээнд Зэвсэгт Хүчний Жанжин Штабын 1593 алба хаагчдад “Гэр бүлийн үнэ цэнэ”, “Эерэг сэтгэлгээг хөгжүүлцгээе” сэдэвт сургалт, нөлөөллийн ажлыг өнгөрсөн зургаадугаар сараас эхлэн зохион байгуулсан. Монгол Улсын хөгжлийн тулгуур болсон залуучуудад эерэг хандлага төлөвшүүлж, нийгмийн сэтгэл зүйд давамгайлсан сөрөг уур амьсгалыг өөрчлөх, ёс суртахуун, хариуцлага, харилцааны эерэг соёлыг нэмэгдүүлэх, гэр бүлийн боловсрол олгох зорилгоор энэхүү сургалтыг 2018 оны 10 дугаар сар хүртэл Зэвсэгт Хүчний Жанжин Штабтай хамтран Улаанбаатар хүрээний цэргийн ангиудад зохион байгуулахаар төлөвлөн ажиллаж байна.