Month: August 2018

Нийслэлийн Тээврийн газар, Замын цагдаагийн алба, нийслэлийн Боловсролын газар хамтран автобус, тээвэрлэгч нарт “Хүүхэд тээвэрлэх автобус ба үйлчилгээнд тавигдах шаардлага” MNS 6440:2014 стандартын шаардлага хангаж буй байдалд үзлэг, шалгалт хийж эхлээд байна. Уг хяналт шалгалт нь ЕБС-ийн хүүхдүүдийг нэгдсэн зохион байгуулалтаар, стандартын шаардлага хангасан автобусаар тав тухтай, аюулгүй тээвэрлэх нөхцөлийг бүрдүүлэх зорилгтой юм.

Шалгалтын эхний хоёр өдрийн байдлаар Баянзүрх, Сүхбаатар дүүргийн нийт 27 сургуулийн 70 тээврийн хэрэгсэл хамрагдахаас 16 сургуулийн 20 тээврийн хэрэгсэл хамрагдаж 4 сургуулийн 5 тээврийн хэрэгсэл үзлэгт тэнцээд байна гэж нийслэлийн Тээврийн газраас мэдээлэв.

Төмөр замын болон машинист чиглэлээр ажиллах сонирхолтой монгол залуусыг мэргэшүүлэн сургах зорилгоор Германы “Rail Berlin Representative office” компани төлөөлөгчид Монголд иржээ. Герман улсад ажиллах хүчний хомсдол үүссэнтэй холбогдуулан бусад орноос ажиллах хүч татаж байгаа аж. Ялангуяа төмөр зам, зам тээврийн салбарт мэргэшсэн ажилтан бэлтгэхээр болсон байна. Тус улсаас энэ чиглэлд ажиллах хүчний нөөц бэлтгэхээр Чех, Польш, Вьетнам улсаас хүмүүс татаж авч байжээ. Гэвч ажлын байрны шаардлага хангаагүй тус ажлыг дахин хэрэгжүүлэхээр болсон аж.

Энэ талаар Герман улсын галт тэрэгний механист Александр Постлер “Би гуч гаруй жил Германы төмөр замын салбарт ажиллаж байгаа. Сүүлийн жилүүдэд манай улсын аль ч салбарт ажиллах хүчний хомсдол үүсээд байна. Энэ нь төмөр замын салбартай ч гэсэн холбоотой. Тиймээс Монгол Улсаас галт тэрэгний машинистын чиглэлээр ажиллах хүсэлтэй залуусыг ажилд зуучлахаар хүрэлцэн ирсэн юм. Бид Монгол залууст герман хэлний В2 түвшний мэдлэгтэй, 21 наснаас дээш настай байх гэсэн шаардлага тавьж байгаа” хэмээсэн юм. Харин Монгол дахь хамтран ажиллаж байгаа түнш герман хэлний сургалтын төвийн багш А.Сарнай “Би монгол залуусыгаа ямагт дэмжиж ажиллахыг хүсдэг. Энэ ч утгаараа хямд зардлаар хэлний мэдлэгээ сайжруулах боломжийг олгодог. Манай монголд гэмт хэрэг яагаад ингэж их гараад байна вэ гэхээр энэ нь ажилгүйдэл, мэргэжилгүй залуус их байгаатай шууд холбоотой. Бид дэлхийн ямар ч оронд очсон дасан зохицоод амьдардаг. Хурдацтайгаар аливаа зүйлийг сурдаг. Гэвч хариуцлагагүй, үүргээ ухамсарладаггүй муу зантай. Германчууд өөрсдөө маш өндөр хариуцлагыг ажилчдаасаа шаарддаг. Манайхан мэргэжлийнхээ ур чадвараар гологдохгүй ч хариуцлага, үүрэг хүлээхдээ асуудал үүсгэж магадгүй. Эдний зүгээс хамгийн гол нь ачаалал даах чадвар, үүргээ ухамсарлах ёс зүйг гол болгож байгаа. Мөн мэргэжилтэй залуусыг бус тодорхой мэргэжил эзэмшээгүй, эрхэлсэн ажилгүй иргэдийг хүрэлцэн ирэхийг урьж байна” хэмээв.

Тус байгууллагаас эхний ээлжинд шалгуурт тэнцсэн 6-7 хүнийг хоёр шатлалтайгаар авч явах аж. Эхний шалгуурт тэнцвэл 7-9 сарын хугацаанд мэргэшүүлэх сургалтад суулгана. Сургалтад суусан хүмүүсээ ажлын байраар бүрэн хангах юм байна. Хэрэв эхний шатны шалгуурт тэнцвэл амьдрах байр, визний тал дээр санаа зовох шаардлагагүй аж. Бүртгэлийг маргаашнаас эхлэн “Сэрүүлэг” дээд сургуулийн 202 тоотод авна. Харин Герман хэлний мэдлэггүй хүмүүст А.Сарнай туслах гэнэ.

З.МӨНХСУВД

“Хот хоорондын тээвэр эрхлэгчдийн холбоо ТББ”, тээвэр эрхлэгч аж ахуйн нэгжүүд хамтран тээвэрлэгчдэд тулгараад буй асуудлын талаар мэдэгдэл хийлээ.

Улсын хэмжээнд нийт 72 чиглэлд 59 аж ахуйн нэгж үйл ажиллагаа явуулдаг. Өдөрт дунджаар 6000-7000 зорчигч тээвэрлэдэг. “Эдгээр аж ахуйн нэгжийн нийгмийн болон нийтлэг эрх ашгийг хуульд нийцүүлэн хамгаалах зорилготой” хэмээн Хот хоорондын тээвэр эрхлэгчдийн тэргүүн Т.Хүрэлхүү мэдэгдлээ.

Тэрбээр энэ тухай “2008 онд Зам тээвэр хөгжлийн сайд хот хооронд явах жишиг тарифийг 50 төг (км) тогтоосон боловч мөрдөгдөөгүй. Ард иргэдийн амьжиргааны түвшинг харгалзан өдгөө хүртэл эдийн засгийн өсөлтийг үл харгалзан (31-44төг)-өөр явж ирсэн. Гэтэл бид ашгийнхаа 55-60 хувийг шатахуунд өгдөг. Иймээс бид алдагдалтай ажиллаж байна ” гэв.

Хот хоорондын тээвэр эрхлэгчдийн холбооны төлөөлөгч В.Ёндонжамц “Төрөөс ямар ч хуулийн зохицуулалт байхгүй тул амь нас хариуцдаггүй, татвар төлдөггүй хууль бус тээвэрлэгчид олширч байна. Иймд ард иргэдэд үйлчилж байгаа нийгмийн захиалгат үйлчилгээнд төр засаг дэмжлэг үзүүлж, сайдын тогтоосон тарифаар батлахыг хүсч байна. Бид ашгийн төлөө бус ч алдагдлаа нөхөх хэмжээнд ажилламаар байна” гэв.

Энэ сарын 17-нд зохицуулж өгөхийг Хот хоорондын тээвэр эрхлэгчдийн холбоо Авто Тээврийн Үндэсний Төвөөс шаардаж байна.

А.АНУЖИН

Гэрэл зургуудыг Р.БАЗАРРАГЧАА

Япон хэл дээрх Монголын бизнес эдийн засгийн нэгдсэн платформ monnichi.today нээгдэж байгаатай холбогдуулан Монгол Японы хувийн салбарын бизнес форум 2018 оны есдүгээр сарын 17-ны өдөр Шангри-Ла Улаанбаатар зочид буудлын хүлээн авах танхимд 14 цагаас зохион байгуулагдана.

Арга хэмжээнд хоёр улсын албаны төлөөллүүд, хүндэт зочдоос гадна Хоккаидо болон бусад орон нутгийн хөрөнгө оруулагч, бизнес эрхлэгчид, Монгол Японы худалдаа аж үйлдвэрийн танхимын гишүүн компаниуд, Монголд суурин япон иргэд, бизнес эрхлэгчид, хамтарсан хөрөнгө оруулалттай компаниуд, хоёр орны дунд бизнес эрхэлдэг япон хэлтэй монгол бизнес эрхлэгчид, япон төгсөгчид оролцоно.

Мэдрэлийн Сэргээн Засахын Үндэсний Нийгэмлэг нь Эрүүл Мэндийн Яамтай хамтран“Монголын Мэдрэлийн Сэргээн Засахын олон улсын анхдугаар хурлыг” энэ сарын 17, 18-ны өдрүүдэд зохион байгуулахаар боллоо.

Манай оронд анхан шатны эрүүл мэндийн байгууллагуудын сэргээн засахын үйлчилгээ дутмаг байдаг. Түүнчлэн хөгжлийн бэрхшээлтэй болон мэдрэлийн тогтолцооны эмгэгтэй болсон иргэдэд эмнэлэгийн үйлчилгээ алслагдмал орон нутагт хүртээмж багатай тул цаашид мэдрэлийн сэргээн засахын үйлчилгээг бүсчлэн хөгжүүлж, энэ чиглэлийн хүний нөөцийг бэлдэх, чадавхжуулах шаардлагатай болсныг мэргэжилтнүүд хэлж байна.

Иймд, Монголын Мэдрэлийн Сэргээн Засахын Үндэсний Нийгэмлэг нь ЭМЯ-тай хамтран мэдрэлийн сэргээн засахын салбарыг хөгжүүлэх, эмч мэргэжилтэн, судлаачдын мэдлэг чадварыг дээшлүүлэх, тэдний ажлыг дэмжих, харилцан мэдээлэл солилцох, орчин үеийн технологийн чиг хандлагатай танилцах, эмнэлэгийн тусламж үйлчилгээ болон иргэдийн амьдралын чанарыг сайжруулах зорилгоор хурал зохион байгуулж байгаа юм.

Мэдрэлийн сэргээн засах нийгэмлэгийн удирдах зөвлөлийн гишүүн Д.Отгонтуяагаас дараах зүйлсийг тодрууллаа.

---

-Мэдрэлийн түгээмэл ямар өвчлөлүүд байдаг вэ?

-Мэдрэлийн сэргээн засах гэдэг нэр томъёо сүүлийн үед гарч ирсэн. Сэргээн засахаасаа арай өөр салбар юм. Сүүлийн жилүүдэд харвалт ихэссэнтэй холбоотойгоор харвалтын дараах сэргээн засах эмчилгээ дутагдалтай байгаа. Харвалтын дараах сэргээн засах эмчилгээг эрт үеийн сэргээн засах, урт удаан үеийнх гэж ангилдаг. Урт удаан үеийн сэргээн засах гэдэг бол тухайн хүн насан туршдаа сэргээн засах эмчилгээнд явна гэсэн үг. Боломжтой тохиолдолд нийгэм хүмүүстэй ажиллаж амьдрах нөхцлийг бүрдүүлж өгөх явдал. Энэ нь амьдралынх нь чанарыг сайжруулах зорилго юм. зорилгынхоо дагуу эмч мэргэжилтнүүд бэлтгэж байна. Мэдрэлийн сэргээн засах маань багаараа ажилладаг үйлчилгээ. Үүнд хөдөлгөөн засалч, хөдөлмөр засалч, хоол зүйч, хэлзүйч, мэдрэлийн сэтгэлзүйч, тухайн үйл ажиллагаанд туслах менежер, нийгмийн ажилтан, гэр бүл гээд маш олон хүмүүсийн хамтын цогц ажиллагаа багтдаг.

– Орчин үеийн шинжлэх ухаантай, уламжлалт аргыг хослуулан эмчилгээ сувилал үзүүлэх нь . Ингэж эмчилгээ үзүүлэх нь үр дүн сайтай байдаг уу?

-Уламжлалт эмчилгээ, мэдрэлийн сэргээн засах хоёрыг нийлүүлж ойлгоод байдаг. Энэ нь буруу ойлголт. Уламжлалт эмчилгээ гэдэг бол өөр төрлийн эмчилгээ. Мэдрэлийн сэргээн засах эмчилгээ, уламжлалтын сэргээн засах эмчилгээг яаж хавсарч хийж болох талаар судалж байна. Иргэд ч үүнд дуртай байгаа.

-Сүүлийн үеийн дэвшилтэд технолоийг мэдрэлийн сэргээн засах эмчилгээнд ашиглаж байгаа юу?

-Интернэт, техник технологи хөгжсөнтэй холбоотойгоор олон улсын стандартад Роботыг ашиглаж байна. Тухайн өвчтөнд Вертуал сэргээн засах буюу хийсвэр орчныг харуулж эмчилгээнд ашигладаг. Энэ эмчилгээ өндөр хөгжилтэй оронд ашиглагддаг. Манай жишигттеле сэргээн засах эмчилгээ гарч ирж байна. Үүнд wifi-ыг ашиглана.

–Сэргээн засах эмчилгээг хийхэд гардаг ямар хүндэрлүүд байдаг вэ?

-Хамгийн түрүүнд өвчтөний биеийн байдлыг тогтворжуулсах ёстой. Эмнэлэлгийн тусламжаас хол тохиолдолддахин харвалтаас урьдчилан сэргийлэх байнгын хяналттай байлгадаг.Сүүлийн үед яригдаж байгаа нь асуудал бол хүний танин мэдэхүйн чадвар буурч байгаа явдал. Тархны танин мэдэхүйн чадвар буурснаар тухайн хүний нийгэмд зохицох чадвар муудаж амьдралын өдөр тутмын үйл ажиллагаанд оролцох идэвх буурдаг. Үүнийг сэргээн засах нь бидний ажлын гол зорилго байдаг.

-Мэдрэлийн сэргээн засах эмчилгээнд 3D болон бусад эмчилгээг ашиглахад хүний тархинд сөргөөр нөлөөлөх үү?

– Үүнийг бид судалж байна. аливаа зүйл ямагт судалгаа шинжилгээ үр дүнд шийдэгддэг. Туршилт нотолгооны дагуу эдгээр аппаратуудыг ашиглана. Өвчтөний нэг талд нь харвалт өгсөн байвал аль нэг хэсэгт нь гэмтэл гарсан байдаг.

Сэргээн засах эмчилгээ нь яг тэр харвалт өгөөд гэмтсэн талын орчныг яаж нөхөх тал дээр анхаарч ажилладаг учраас дараа нь үр дүн нь харагддаг.

Мэдрэлийнсэргээн засахын хуралд дэлхийн хөгжилтэй орнуудын хэрэглэж байгаа техник технологиудыг шинээр танилцуулж эмч мэргэжилтнүүддээ ойлголт өгнө. Хамт олонд түшиглэсэн мэдрэлийн сэргээн засах үйлчилгээ дэлхийн хэмжээнд яригдаж байна. Үүний талаар ойлголт давхар өгөхөөр ажиллаж байгаа юм

-Энэ төрлийн эмч мэргэжилтнүүдийг хэзээнээс бэлтгэж эхэлсэн бэ?

– Сэргээн засах эмчилгээ удаж байна. мэдрэлийн сэргээн засах эмчилгээ хийх эмч нарыг гадаадын улс орнуудад бэлтгэдэг. 2010-2013 онд дэлхийн эрүүл мэндийн байгууллагын тусламжтай “Тархины харвалт ба зүрхний шигдээс” нэртэй төсөл хэрэгжсэн. Энэ төслийн тусламжтайгаар гуравдугаар эмнэлэг сэргээн засахын гурван өрөөтэй болсон. Үүнд хөдөлгөөн заслын өрөө, хөдөлмөр заслын өрөө, хэл заслын өрөө гэсэн өрөөнүүдтэй. Төсөл хэрэгжиж эхэлсэн үеэс эхлэн мэдрэлийн сэргээн засах эмчилгээ хөгжиж эхэлсэн гэв.

Дэлхийн Эрүүл Мэндийн Байгууллагын тодорхойлолтоор сэргээн засах эмчилгээ гэдэг нь “ Чадвар татуу өвчтөний тоог бууруулах зорилгоор хийгдэж буй эмчилгээний арга бөгөөд нэгэнт чадвар алдагдалтай болсон өвчтөний тухайн байдалд нь дасан зохицох чадварыг дээшлүүлэн нийгмийн идэвхтэй харилцаанд оролцуулахад чиглэгддэг” хэмээжээ.

Сэргээн засах эмчилгээ нь өвчин эмгэгийн эмчлэх, гэмтэл чадвар алдалтыг бууруулах, хүндрэлүүдээс урьдчилан сэргийлэх, эмчлэх, үйл ажиллагааны чадварыг сайжруулах, тогтворжуулах, нийгмийг харилцааг бий болгох гэсэн чиглэлүүдээр хийгддэг эмчилгээ юм.

Манай улсын хүн амын өвчлөлийн тэргүүлэх шалтгааны тавдугаар байранд мэдрэлийн тогтолцооны өвчин орж байна.

Мэдрэлийн тогтолцооны эмгэгийн нийт өвчлөлд эзлэх хувь нь 2013 онд 6.8 хувь байсан бол 2017 онд 7.6 хувь болж өссөн. Дэлхийн Эрүүл мэндийн байгууллагын 2015 оны тайлангаар дунд орлоготой улс оронд мэдрэлийн тогтолцооны эмгэгийн эзлэх хувь нь 6.7-6.8 хувийн хооронд хэлбэлзэж байна. Дэлхийн өвчлөлтэй харьцуулахад манай орондундаж түвшинд байна. ЭМХ-ийн төвийн 2017 оны тайлангаар манай оронд 106 мянган хөгжлийн бэрхшээлтэй иргэн байгаа ба үүнээс 67.4 хувь нь орон нутагт байна. Эдгээрээс 75.1 хувь нь 15.216 иргэн бүртгэгдсэн, үүнээс 62.3 хувь ердийн өвчний шалтгаантай. 2015 онд Монгол Улсын хэмжээнд нийт хөдөлмөрийн чадвар алдсан хүний тоо 13 хувь байсан бол 2016 онд 16.1 хувь болж өсчээ. Ийнхүү, мэдрэлийн өвчний тархалт болон мэдрэлийн эмгэгийн улмаас хөдөлмөрийн чадварын алдалт жил бүр нэмэгдэж байгаа нь тархи судасны өвчин, вирусын халдвар, осол гэмтэл, нийгмийн, ажлын байрны болон ахуйн гаралтай стресстэй холбоотой байна. Мэдрэлийн эмгэгийн хурц болон эхний үед эмнэлэгт хэвтэн эмчлүүлсний дараа урт удаан хугацааны сэргээн засах эмчилгээ хийх шаардлагатай болдог.

Мэдрэлийн сэргээн засах анхдугаар хуралдДэлхийн Мэдрэлийн Сэргээн Засахын Холбооны Ерөнхийлөгч Leonard S.W.Li, Ази-Номхон далайн орнуудын Мэдрэлийн Сэргээн Засахын Нийгэмлэгийн Тэргүүн Paik Nam-Jong нар манай хуралд оролцох юм баййна.

Б.ОЮУНЖАРГАЛ

Халдварт өвчнөөр өвчлөгчид 2018 оны долоодугаар сард 24928 болж, өмнөх оны мөн үеэс 3657 болж, 12.8 хувиар буурчээ. Харин цусан суулгаар өвлөгчид 1471 буюу 88.9 хувиар өссөн байна. Мөн гонококкт халдвараар өвлөгчид 366-гаар, трихомониазаар өвчлөгчид 128-аар, тэмбүүгээр өвчлөгчид 174-өөр, мөөгөнцөрөөр өвчлөгчид 22-оор өссөн байна.

Улаанбаатар хотод 2018 оны долоодугаар сард ХДХВ/ ДОХ-ын хоёр тохиолдол илэрч, улсын хэмжээнд бүртгэгдэсн ХДХВ/ ДОХ-ын нийт тохиолдол 264 болсон байна.

НИТХ, Нийслэлийн Захирагчийн ажлын албанаас “Нийслэлийн худалдаа үйлчилгээний нийтлэг журам”-ыг шинэчилсэн төслийн боловсруулахаар нийслэлийн есөн дүүрэгт хэлэлцүүлэг зохиосон юм. Захиргааны ерөнхий хууль батлагдсантай холбогдуулан шинэ төслийг боловсруулахад иргэд, аж ахуй нэгж, худалдаа эрхлэгчдийн санал чухал хэмээн үзэж тусгахаар болжээ. Энэ нь нийслэлд худалдаа үйлчилгээ явуулж байгаа иргэдийн эрх зүйн орчинг шинэчилж, сайжруулах зорилготой аж.

Хэлэлцүүлгийг нээж, Сүхбаатар дүүргийн ИТХ-ын дарга Э.Ганбат үг хэлсэн юм. Тэрбээр “Хэлэлцүүлэгт хүрэлцэн ирсэн хүмүүстээ маш их баярлалаа. Өөрсдийн санал сэтгэгдлээ чөлөөтэй солилцон оролцохыг хүсч байна. Та бүхний ажилд амжилт хүсье” хэмээв. Энэ үеэр хэд хэдэн чухал асуудлууд хэлэлцсэн юм. Үүнд, нийслэлд үйл ажиллагаа явуулж байгаа баар, ресторан, цайны газар, худалдааны төв, хүнсний дэлгүүр болон үсчин гоо сайхан, цаг засвар, гутал засвар зэрэг худалдааны байгууллагуудын орчин нөхцлийн асуудлууд хөндөгдөж байв.

Үүнээс гадна, сүүлийн үед түргэн үйлчилгээний цэгүүдийг зөвшөөрөлгүй ачсан гэх хэрэг нийслэлийн дүүргүүдэд гарах болсон. Энэ талаар тодруулахад “Нийслэлийн худалдаа үйлчилгээний нийтлэг журмад зааснаар ТҮЦ-ний байршлыг баталсны дагуу арга хэмжээг авч хэрэгжүүлж байгаа. Одоогийн нөхцлөөр автобусны буудал, явган хүний зам дагуу зөвшөөрөлгүй худалдаа эрхлэгчид замбараагүй байрласан. Үүнийг л цэгцэлж байна. Тэдгээр хүмүүс хот, дүүргийнхээ ажлын албанаас зөвшөөрөгдсөн газруудад худалдаа эрхлэх зөвшөөрлөө авсан байх ёстой. Тиймээс иргэдийн санал, сэтгэгдэл, хүсэлтийг журмандаа тусгахаар энэ хэлэлцүүлгийг зохиож байгаа. Одоогоор 400 гаруй иргэд хэлэлцүүлэгт оролцохоор ирсэн байна” хэмээн мэргэжилтэн Н.Бумцэнд хэлэв.

Дээрх асуудалтай холбогдуулан худлаа эрхлэгчдийг төлөөлж ирсэн Ш.Бямбасүрэн “НИТХ-ын тэргүүлэгчид 2014 оны дөрөвдүгээр сарын 21-ны өдрийн 56-р тогтоолоор нийслэлийн нутаг дэвсгэрт түргэн үйлчилгээний цэг ажиллуулах журам батлагдсан. Энэ журмын хүрээнд 2014-2016 оны арванхоёрдугаар сарын 15-ыг хүртэл зөвшөөрөл олгогдоод асуудалгүй асуудалгүй худалдаагаа эрхэлж байсан. Гэвч 2016 оны арванхоёрдугаар сараас эхлээд батлагдсан журам Хууль зүйн яамны мэдээллийн санд бүртгэгдээгүй тул хүчин төгөлдөр бус гэж үзээд шинээр журам батлахаар нийслэлийн Засаг даргын мэдэгдэл гарсан. Ингээд одоогоор шинэ журам хүчин төгөлдөр бус хэрнээ хуучин журам хүчингүй болсон. Одоо нийслэлийн хэмжээнд түргэн үйлчилгээний цэг ажиллуулахад зориулсан ямар ч журам байхгүй. Олон жил үйл ажиллагаа явуулж байсан хүмүүс Худалдаа үйлчилгээ зохицуулах зөвлөлөөсөө зөвшөөрөл авч үйлчилгээ эрхэлдэг байсан. ТҮЦ-үүдийг албадан хураагаад байгаа нь мөрдөгдөхгүй байгаа тогтоолд үндэслэж байгаа юм. Тэр журманд нийтийн тээврийн зогсох хэсгээс 20 метрээс дотогш худалдаа эрхэлж болохгүй гэж заасан байдаг. Тиймээс хэлэлцүүлгийн үр дүнд тодорхой мөрдөгдөх журмыг гарган, түүнийхээ хүрээнд тавих шаардлагаа худалдаа эрхлэгчдэд мөрдүүлээсэй гэж хүсч байна” хэмээв.

Энэхүү хэлэлцүүлгийн үр дүнгээс гарсан санал хүсэлтийг энэ сарын 17-ны өдөртөө багтаан НИТХ-ын ажлын алба болон Захирагчийн ажлын албанд хүргүүлэх аж.

З.МӨНХСУВД

Энержи Ресурс ХХК-ийн толгой компани болох “Mongolian Mining Corporation” групп 2018 оны хагас жилийн санхүүгийн тайлангаа олон нийтэд албан ёсоор танилцууллаа.

2018 оны эхний хагаст тус групп Ухаа худаг болон Баруун наран уурхайгаас нийт 4.3 сая тонн түүхий нүүрс олборлосноос 4.0 сая тонныг нь дотооддоо баяжуулж, 2.9 сая тонн баяжуулсан нүүрсэн бүтээгдэхүүн үйлдвэрлэжээ. Үүнээс 2.4 сая тонныг Гашуунсухайтын боомтоор тээвэрлэн БНХАУ-д экспортолсон байна.

Тайлант хугацаанд баяжуулсан коксжих нүүрс 1.7 сая тонн, баяжуулсан хагас коксжих нүүрс 0.2 сая тонн, баяжуулсан эрчим хүчний нүүрс 0.1 сая тонныг тус тус борлуулснаас гадна борлуулалтын үнийг дунджаар 146.1 ам.долларт хүргэж, өнгөрсөн оныхоос 15 хувиар өсгөжээ. Ингэснээр компанийн оны эхний хагасын борлуулалтын орлого 270 гаруй сая ам.долларт хүрч, өмнөх оны мөн үетэй харьцуулахад 10 гаруй хувиар өссөн байна.

Тус компанийн хувьд Хятадын аж үйлдвэрийн гол зах зээлүүдэд хүрч, Бугатын гангийн үйлдвэр, Шэньхуа группийн Өвөр Монгол дахь коксын үйлдвэр гэх мэт эцсийн хэрэглэгчдэд бүтээгдэхүүн нийлүүлдэг юм.