Month: August 2018

Эрдэмтэд агаар мандлаас хүлэмжийн хий буюу CO2-ийг сорж, өөртөө шингээдэг магнезит (magnesite) хэмээх бодисыг лабораторид гарган авчээ.

Ингэснээр байгаль дээр олон мянган жилийн турш явагддаг үйл явцыг хэдхэн хоногийн дотор гүйцэтгэж чадахаар болсон байна.

Нээлтийн үр дүнд агаараас хүлэмжийн хийг шингээн авч, хадгалах CCS (Carbon Capture and Storage) технологийн салбарт томоохон алхам хийх байгаа юм.

Уг аргыг хөгжүүлэх нь дэлхийн дулаарлыг бууруулах нэг чухал стратеги гэж үздэг бөгөөд Парисын цаг уурын өөрчлөлтийн гэрээнд дурдсан байдаг.

Магнезит нь байгаль дээр байдаг чулуулаг бодис бөгөөд гоёл чимэглэл, янз бүрийн үйлдвэрлэлийн салбарт хэрэглэгддэг юм. Эрдэмтэд түүний нүүрстөрөгч шингээх чанарыг эртнээс мэддэг байсан.

Нэг тонн магнезит нь агаар мандал дахь хагас тонн CO2-ийг шингээх чадалтай гэгддэг.

Гэхдээ энэ үйл явц маш удаан хугацаанд явагддаг тул төдийлөн сонирхол татахгүй байсан юм. Харин энэ хугацааны асуудлыг шийдэхийн тулд Трент Их сургуулийн профессор Ян Пауэрын баг хүлэмжийн хий уг бодисонд шингэж, талстжих үзэгдлийг судалсны дараа хурдасгах аргыг нь нээжээ.

Үр дүнд нь олон мянган жил үргэлжилдэг явц 72 өдрийн дотор дуусдаг болсон байна.

Энэ бүх үйл явц тасалгааны температурт явагддаг тул зардал багатай, эрчим хүч бага шаардагдана гэж судлаачид тооцоолжээ.

“Одоогоор бид лабораторийн туршилтын шатанд явж байна. Хүрээг нь томруулж туршсаны дараа амьдралд хэрэгжүүлж үзэх болно” гэж профессор Пауэр ярьж байна.

Туршилтын үр дүнг саяхан Бостонд болсон Голдшмидтийн Геохимийн чуулган дээр танилцуулжээ.

Хэдийгээр зарим судлаачид энэ туршилтын үр дүнг хэтэрхий өөдрөг гэж шүүмжилж байгаа ч CCS салбарт гарцаагүй чухал нээлт гэж олон эрдэмтэд дүгнэж байна.

Уг судалгаанд оролцоогүй Колумбын Их сургуулийн нүүрсхүчил шингээх технологийн эксперт Питер Келемэн “Урьд нь мэдэгддэг байсан байгаль дээрх магнезитийн талстжих үйл явцын учир шалтгааныг тайлбарлаж чадсан нь тэдний том амжилт юм. Уг үйл явцыг хурдасгаж чадсан нь бас чухал үр дүн. Ингэснээр агаараас CO2-ийг шүүж, хадгалах хямд өртөгтэй арга бий болгох боломж харагдаж байна” хэмээн ярьжээ.

Өөр нэг судлаач Эдинбургийн Их сургуулийн доктор Гарет Жонсон “Бид олон арван жилийн турш нүүрстөрөгчийг талст болгон хадгалах аргыг судалж байсан ч эрчим хүчний өндөр зардал, санхүүгийн асуудалтай тулгараад мухарддаг байсан. Хэдийгээр эхний шатандаа яваа ч бага эрчим хүчээр, бага зардлаар хүлэмжийн хийг магнезит болгох аргыг санаачилсанд баяртай байна” гэж ярьсан байна.

Улсын хэмжээнд энэ оны эхний долоон сард 22597 гэмт хэрэг бүртгэгдсэн нь өмнөх жилийн мөн үеэс 42.2 хувиар өссөн байна. Ийнхүү өсөхөд хулгайн гэмт хэрэг, хүний эрүүл мэндэд халдах гэмт хэрэг болон хүчингийн хэргийн өсөлтүүд голлон нөлөөлсөн байна.

Гэмт хэргийн улмаас хохирсон иргэдийн тоо өнгөрсөн сарын байдлаар 19484 болсны 1028 нь 18 хүртэлх насны хүүхдүүд, 8530 буюу 43.8% нь эмэгтэйчүүд эзэлж байгаа бол 18, түүнээс дээш насны 10000 хүнд ногдох гэмт хэрэг өнгөрсөн сарын дунджаар 110 болжээ. Энэ нь өмнөх оны мөн үеэс 31-ээр буюу 39.2 хувиар өссөн байна.

Цэргийн албыг биеэр дүйцүүлэн хаах иргэдийн тооны дээд хязгаарыг тогтоожээ. Тодруулбал, өмнө нь цэргийн албыг биеэр дүйцүүлэх болон цэргийн дүйцүүлэх албыг мөнгөн төлбөрийн хэлбэрээр орлуулан хаах иргэний төлөх мөнгөн төлбөрийн хэмжээг Засгийн газраас хамтад нь баталдаг байсан бол энэ оноос тус тусад нь тогтоож байгаа аж.

Батлан хамгаалах бодлого, хууль тогтоомжийн хүрээнд иргэн бүрт эх орноо батлан хамгаалах бэлтгэлийг эзэмшүүлэх, тэдэнд цэрэг эх оронч хүмүүжил төлөвшүүлэх зорилгоор цэргийн насны иргэдээр цэргийн албыг биеэр дүйцүүлэн хаалгах шаардлага буурахгүй байгаа юм.

2019 оны цэргийн албыг биеэр дүйцүүлэн хаах иргэдийн тооны дээд хязгаарыг аймаг нийслэлийн ИТХ, Батлан хамгаалахын сайдын аймаг, нийслэлийн Засаг дарга нартай хамтран ажиллах гэрээний хүрээнд тусгагдсан ажил үйлчилгээ зэргийг үндэслэн тогтоолоо.

Нийслэлийн хэмжээнд энэ оныг ‘’Иргэдийн оролцоотой-Амьдрах орчныг сайжруулах жил’’ болгон зарласан билээ. Тэгвэл өнөөдөр дүүргийн Засаг даргын Тамгын газраас иргэдэд хууль зүйн үнэ төлбөргүй зөвлөгөө мэдээлэл өгөх өдөрлөгийг амжилттай зохион байгууллаа.

Тус өдөрлөгийг дүүргийн Хууль зүйн тасаг ‘’ЭНУГ Консалтинг’’ өмгөөллийн нөхөрлөлийн өмгөөлөгч н.Оюун-Эрдэнэтэй хамтран дүүргийн Тамгын газрын байранд зохион байгуулсан бөгөөд өдөрлөгт 50 гаруй иргэн хамрагджээ. Энэ үеэр иргэд ихэвчлэн хөдөлмөр эрхлэлт, ажилгүйдэл, хүүхдийн асран хамгаалагч тогтоолгох, гэмт хэргээс урьдчилан сэргийлэх талаар эрх зүйн зөвлөгөө, мэдээлэл авсан.

Монгол Улсад анх удаагаа Ултра Трайл төрлийн уул ус, тал нуруу, хот сууринг дамжин гүйх гүйлтийн тэмцээн энэ сарын 19-нд буюу энэ Ням гаригт Богдхан уулын Шавартын аманд зохион байгуулагдах гэж байна.

Нийслэлийн иргэдийн төлөөлөгчдийн хурал, Нийгмийн бодлогын хороо санаачлан, НБГ, Боловсрол судалгаа шинжилгээний төв ТТБ, МХЦХ хамтран Нийслэлийн 9 дүүргийн төрийн ба төрийн бус өмчийн Сургуулийн өмнөх боловсролын байгууллагын багш сурган хүмүүжүүлэгч нарт “БНСУ-ын СӨБ-ын дэвшилтэт арга зүй” сэдэвт сургалтыг БНСУ-ын Их дээд сургуулийн 12 эрдэмтэн багш нарын багтай хамтран 2018 оны 08 сарын 15,16-ны өдрүүдэд зохион байгуулж байна.

Сургалтаар хүний хөгжлийн боловсрол ба багшийн үүрэг, СӨБ-ын харилцааны зарчим, эргэцүүлэн бодох болон бодит мэдлэг, харилцан ярианы арга барилыг математик, уран зохиол, хөгжим, харилцааны хичээлээр хэрхэн олгох талаар сайн туршлага, үр дүнд хүрч буй арга зүйн сургалтыг явуулж байгаа бөгөөд сургалтыг Канадын Алберт Их Сургуулийн багш хөгжлийн төвийн профессор, OECD СӨБ-ын зохицуулагч, Кон Гүг Их Сургуулийн СӨБ-ийн тэнхимийн профессор Ём Жи Сүг, Чэжү олон улсын их сургуулийн СӨБ-ийн тэнхимийн багш И Бу Ён, И Су Жон, Догсон Их Сургуулийн СӨБ-ын арга зүйч И Гым Гү, БНСУ-ын СӨБ-ын үнэлгээний төвийн гишүүн, Цэцэрлэгийн арга зүйч нарын сургалтын төвийн зөвлөгч Чүэ Ёнь, Тэ-Рим их сургуулийн профессор, СӨБ-ын үнэлгээний төвийн гишүүн Хуан Ын Сүнь нарын Солонгос улсын СӨБ-ийн туршлагатай мэргэжилтэн, багш удирдан явуулж байна.

Тус 2 өдрийн семинарын ач холбогдлын талаар НИТХ-ын тэргүүлэгч, НБХ-ны дарга Д.Мөнхжаргал хэлэхдээ “Солонгос улс сүүлийн жилүүдэд PISA 15 настнуудаас авдаг Олон улсын суралцагчдийн үнэлгээний судалгаанд дэлхийн 71 улс орноос эхний байруудад жагсаж байгааг та бүхэн мэдэж байгаа. Тийм ч учраас боловсролын суурь болсон Сургуулийн өмнөх боловсролд ихээхэн анхаарч 2013 оноос эхлэн Нүри хөтөлбөр хэрэгжүүлэн сар бүр 3-5 насны хүүхдийн хөгжилд 220 000 воныг зарцуулж, СӨБ-ын үйлчилгээний чанар, багш сурган хүмүүжүүлэгчдийнхээ өрсөлдөх чадвар бол гүйцэтгэл, хүүхдийн хөгжил буюу гарч буй үр дүнд ихээхэн анхаарах болсон. Хүүхдийн тархины хөгжлийн 80-85% нь 0-5 насанд явагдаж, насан туршийн суурь чадварууд, хүмүүжил төлөвшил тогтдог учраас дэлхийн улс орнууд энэ насны боловсролд хамгийн их хөрөнгө оруулалтыг хийж түүнийгээ Ухаалаг хөрөнгө оруулалт гэж нэрлэж байгаа. Солонгосын 300 гаруй эрдэмтэд СӨБ НҮРИ хөтөлбөрөө боловсруулж, 3 яам хамтран хэрэгжүүлж байгаа. Энэ хөтөлбөрийн онцлог нь хүнээр хүн хийх ухаан, хүний хөгжлийн бодит чадварыг бий болгох, оршин буй нийгэмдээ сайн иргэн, гишүүн байх, хүүхдийн хүмүүжил төлөвшил, насан туршийн зөв дадал хэвшил, амьдрах ухааныг сургадгаараа илүү онцлог давуу талтай учраас Солонгосын энэхүү хөтөлбөрийн сайн арга барил туршлагыг нийслэлийн багш нартай танилцуулахаар энэхүү сургалтыг олон сарын бэлтгэл ажлын хүрээнд ийнхүү зохион байгуулж байна.”

2022 онд БНХАУ-ын нийслэл Бээжин хотноо болох өвлийн олимпын наадамд эрэгтэй, эмэгтэй хоккейн төрлийг оруулахаар болсон гэж Олон улсын олимпын хороо мэдэгдлээ.

Хоккейн төрлийг өвлийн олимпоос хасна гэж Олон улсын хоккейн холбооны ерөнхийлөгч Рене Фасел мэдэгдсэнийг TSN, NBC телевизийн хоккейн тайлбарлагч Горд Милер твиттер хуудсаараа мэдээлсэн билээ. Үүнтэй холбоотойгоор хоккейн төрлийг олимпоос хасна гэсэн яриа олны анхаарлыг татаад байсан юм.

“Олон улсын олимпын хорооны Гүйцэтгэх зөвлөл долдугаар сарын 18-нд хуралдаж “Бээжин-2022” олимпын хөтөлбөрт хоккейн төрлийг оруулахаар болсон бөгөөд хүйсийн тэгш байдлыг хангах үүднээс эмэгтэй төрлийг нэмж оруулсан гэж мэдэгдэлд дурджээ.

Өмнөд Солонгосын Пёнчан хотод болсон өвлийн олимпын наадамд эрэгтэй хоккейн төрлөөр 12 баг өрсөлдөж, ОХУ түрүүлсэн билээ. Гэвч уг 12 багт Хойд Америкийн Үндэсний хоккейн лигийн тамирчныг оролцуулаагүй ю